Serxho Buskets

VIDEO | Simulimi sinkron që po bën xhiron e botës, Buskets e Cilesen e teprojnë

Sport Ekspres — Fri, 11 Jan 2019 11:07:07 +0000

Të simulosh nuk është e lehtë, por te Barcelona në këtë aspekt kanë treguar ndër vite se janë profesionistë. Por ndonjëherë edhe e teprojnë dhe gjithçka kuptohet lehtësisht. Shumëkush edhe i urren për diçka të tillë.

Shfaqja e radhës ka ardhur në takimin e ditës së djeshme, kur Barcelona u mund nga Levante në ndeshjen e Kupës. Protagonist kanë qenë Serxho Buskets dhe portieri Cilesen, të cilët kanë përfunduar të shtrirë përtokë në mënyrë sinkrone.

Në rrjetet sociale video është bërë virale dhe dy lojtarët e Barcelonës kanë përfunduar nën akuzë. Aq i fortë të ketë qenë Çema, mbrojtësi i Levantes? Shijojeni spektaklin e dy katalanasve.

https://twitter.com/Troll__Footbal/status/1083658826245652480

Mesfusha në “krizë”, PSG gjen zgjidhje te Barcelona

Sport Ekspres — Mon, 20 Aug 2018 14:17:11 +0000

PSG hedh sytë nga Barcelona. Francezët janë në kërkim të një mesfushori dhe objektivi i tyre gjendet tek ekipi kampion i Spanjës. Jo një, por dy të tillë për të arritur të paktën te njëri prej tyre.

Siç citon katalanasja “Sport”, drejtuesit e kampionëve të Francës kanë nisur sulmin për njërin midis Ivan Rakitiç dhe Serxho Buskets. Të dy mesfushorë, ndër më të mirët në rolin e tyre dhe të dy në moshën 30 vjeçare.

Spanjolli është i pashitshëm dhe Barcelona po punon për t’i rinovuar kontratën, ndërsa një ofertë e mirë financiare për kroatin mund të bëjë që ky i fundit të transferohet në kryeqytetin francez. Merkato mbyllet me 31 gusht dhe i takon PSG të bëjë ofertën e duhur, por në fund vendos Barcelona.