Serie A

Benaser: Milani nuk refuzohet kurrë, gati të jap 2000%

Sport Ekspres — Mon, 05 Aug 2019 21:03:17 +0000

Milani po ndërton një ekip me djem të rinj dhe me shumë perspektivë. “Gladiatori” i radhës që zbarkon në “San Siro” është Ismael Benaser. 21-vjeçari ka dhënë një intervistë për kanalin zyrtar të kuqezinjve, ku ka treguar arsyen pse zgjodhi Milanin dhe çështje të tjera rreth tij. Mesfushori shprehet se është e pamundur të refuzosh Milanin dhe është 2000% gati të nisë aventurën me kuqezinjtë.

“Jam shumë i lumtur që jam këtu dhe jam pjesë e këtij klubi të lavdishëm. Nuk di çfarë të them, përveçse jam entuziast dhe i nderuar që jam këtu. Milani është një nga klubet më të lavdishme në botë për historinë e tyre. Kur Milani telefonon, nuk mund të thuash ‘jo’. Thjesht duhet të shkosh atje!”

“Nuk e prisja gjithë këtë përparim timin sepse tre vite më parë nuk isha duke luajtur për ekipin tim kombëtar. U tregova i duruar, u stërvita shumë dhe tani gjithçka është e bukur. Jam shumë i lumtur. Do të jap gjithçka, mezi pres të filloj dhe ju siguroj se jam 2000% gati”, u shpreh algjeriani i talentuar.

“Avullon” mundësia Junajtid, Dibala drejt Francës

Sport Ekspres — Mon, 05 Aug 2019 15:09:22 +0000

Edhe pse Paulo Dybala kundërshtoi Mançester Junajtid, ai është ende në treg dhe Juventus mund të fillojë bisedimet me PSG ose Inter. Burime të shumta në Angli dhe Itali raportojnë se marrëveshja e këmbimit mes Romelu Lukaku dhe Dybala nuk është e mundur për shkak të refuzimit ta argjentinasit.
25-vjeçari e bëri të qartë se nuk ishte entuziast për transferimin në “Old Trafford” dhe Mançester Junajtid nga ana e tij vendosi se nuk ia vlen të përpiqesh të bindësh dikë që dyshon në idenë e bashkimit me “Djajtë”. Sidoqoftë, kjo nuk do të thotë se Dybala do të mbetet në Torino, pasi ai është lënduar thellë nga përpjekjet e Juves për ta shtyrë atë në këtë veprim.

Dibala ende mund të pranonte një transferim në një klub që luan në Champions ose një që ai e konsideron më të përshtatshëm për stilin e tij të futbollit. “Corriere dello Sport” e lidh atë ngushtë me një kalim te kampionët e Francës. PSG e pëlqen mjaft lojtarin dhe me ardhjen e Leonardos si drejtor sportiv, ai është shndërruar në objektiv.

Një tjetër alternative për Dybala do të ishte Interi në një këmbim për Mauro Icardi, një propozim që ka qarkulluar që nga fillimi i verës. Megjithatë, në shtëpinë zikaltër gjithçka ka ngrirë sepse Ikardi nuk pranon të largohet. Merkato në Serie A mbyllet më 2 shtator.

Konte: Mund të ketë surpriza në merkato, sot djemtë treguan karakter!

Sport Ekspres — Sun, 04 Aug 2019 18:11:28 +0000

Antonio Konte, trajneri i Interit, foli pas ndeshjes kundër Totenhemit, ku i thuri elozhe djemve të tij dhe preku disa tema të merkatos. Në fjalën e tij për mediat italiane, numri një i zikaltërve tha:

“Patëm përballë një kundërshtar shumë të vështirë, që me meritë shkoi në finalen e Champions League sezonin e shkuar. Por lojtarët e mi luajtën pa frikë dhe si të barabartë. Më pëlqen kjo gjë, treguan se kanë një karakter shumë të fortë.

Besoj se jemi gati për sezonin e ri, por mund të ketë surpriza në merkato. Gjithmonë ka vend për përmirësim. Por për këto gjëra flitet ditë tjera, sot dua vetëm të përgëzoj djemtë për fitoren që morën”, u shpreh Konte.

VIDEO | Interi fiton falë penalltive, mposht Totenhemin

Sport Ekspres — Sun, 04 Aug 2019 16:43:17 +0000

Interi ka arritur të triumfojë vetëm nga penalltitë kundër Totenhemit. Ndeshja e vlefshme për “International Champions Cup” ka përfunduar me rezultatin 1-1. Ka qenë një ndeshje gati e përgjumur, me ekipet që mundohen të eksperimentojnë sa më shumë me skema e lojtarë në mënyrë që të mos gabojnë gjatë sezonit.

Golat janë shënuar të dy në pjesën e parë. Lukas Moura ka hapur sfidën vetëm pas tre minutash, ndërsa Sensi ka barazuar në minutën e 36-të. Pjesa tjetër e ndeshjes është zhvilluar e qetë. Te penalltitë fati ka qenë me zikaltrit. Kristian Eriksen vazhdon të humbë nga pika e bardhë. I riu Xhorxh Pushkash gaboi për Interin, ndërsa gabimi i Oliver Skip për londinezët vulosi humbjen e tyre.

Miqësore

Totenhem-Inter 1-1 (4-5)

Lukas Moura ‘3, Stefano Sensi ‘36

Ekipet turke të “fiksuar” pas shqiptarëve, Beshiktash me ofertë konkrete

Sport Ekspres — Sun, 04 Aug 2019 09:11:47 +0000

Në kampionatin turk të futbollit, po shtohen ndjeshëm futbollistët shqiptarë. Futbollisti më i fundit me origjinë shqiptare që mund të transferohet në Turqi, është Riza Durmishi. Mbrojtësi i Lacios nuk ka arritur të bindë drejtuesit e kryeqytetasve italianë dhe me shumë gjasa do të largohet këtë verë.

Ekipi që kërkon me ngulm shërbimet e tij është Beshiktash. Gjiganti turk është gati të ofrojë 2.5 milionë euro për shërbimet e mbrojtësit të majtë, por Lacio kërkon 4 milionë. Pritet një ofertë e dytë nga gjiganti turk dhe bisedimet mes dy klubeve vazhdojnë.

I ka “ngelur” në derë, Juve gjen vend për 26-vjeçarin

Sport Ekspres — Sat, 03 Aug 2019 16:42:28 +0000

Juventus nuk ka në plan ta mbajë Perin këtë sezon në ekip, por edhe vetë portieri dëshiron të largohet diku ku të jetë titullar. 26-vjeçari ishte shumë pranë shitjes te Benfika, por dështoi në testet mjekësore, duke shfaqur probleme në krahun e majtë. Tranferimi u ndërpre.
Një pistë tjetër del në skenë për Perin. Monako dëshiron shërbimet e tij. Francezët janë në kërkim të një portieri të ri në moshë me cilësitë e yllit të Juves. Dy klubet janë pranë dakortësisë për transferimin e gardianit.

Nuk bëhet fjalë për një blerje të menjëhershme, por për një huazim me të drejtën e blerjes në fund të sezonit. Një opsion që Juventusin nuk e favorizon, pasi i duhen para në mënyrë direkte, por nuk ka zgjidhje tjetër. Më parë edhe Aaston Vila interesohej për Perin, por ata zgjodhën të blejnë Tom Heton nga Bërnlej.

E bujshme, mesfushori i Ajaksit transferohet në Serie A

Sport Ekspres — Sat, 03 Aug 2019 16:00:26 +0000

Serie A është kthyer në në një kampionat tërheqës, me shumë futbollistë të njohur që po zgjedhin Italinë për të vazhduar karrierën e tyre. Përveç ekipeve të mëdha italiane, edhe skuadrat e një niveli më të ulët, si Sampdoria, Udineze, Torino e Xhenoa po afrojnë futbollistë të rëndësishëm.

Kështu ka ndodhur dhe sot me Xhenoan, ekip që është përforcuar ndjeshëm me mesfushorin e Ajaksit, Lase Shëne. Danezi ishte pjesë e Ajaksit për 5 sezone, një lojtar shumë punëtor dhe besnik i klubit nga Amsterdami. Por tashmë 33-vjeç, palët janë ndarë dhe Shëne i është bashkuar Xhenoas.

Një goditje shumë e zgjuar kjo për skuadrën italiane, e cila është përforcuar në mesfushë me klas dhe eksperiencë. Shëne ishte futbollisti i cili i dha “shuplakën” e fundit Realit të Madridit në Champions sezonin e shkuar, duke shënuar një supergol për Ajaksin.

Ikardi “luftë” me Interin, kërcënon për gjyq

Sport Ekspres — Sat, 03 Aug 2019 08:33:05 +0000

Ikardi dhe Inter duket se do e zgjasin çështjen e tyre më gjatë se merkato e kësaj vere. Mediet italiane raportojnë se argjentinasi i është shprehur klubit se nuk dëshiron të largohet për shkaqe familjare. Ikardi dhe Vanda mësohet se po presin një fëmijë tjetër dhe një ndërrim ambienti do të ndikonte negativisht në jetën e familjes së tij.
Konte dhe Marota ja kanë bërë të qartë se duhet të largohet. Ata nuk e llogarisin në planet e së ardhmes së klubit. Ikardi është shumë i zhgënjyer nga kjo situatë dhe kërkon vazhdimisht një zgjidhje të situatës. Juventusi ka humbur si ide dhe nuk është më një zgjidhje për këtë situatë.

Konte paralajmëron Ikardin se nuk do e bëjë pjesë të listës së lojtarëve për Serinë A dhe Champions League. Një kërcënim i qartë për ta bërë të largohet. Sulmuesi nuk e mendon aspak largimin. Ai kërcënon klubin se do i hedhë në gjyq nëpërmjet avokatëve të tij, në rast se materializohet ky kërcëmin i klubit.

Napoli befason, ofertë konkrete për yllin e Premier Ligës

Sport Ekspres — Fri, 02 Aug 2019 17:58:40 +0000

Napoli nuk ia doli të nënshkruajë me Nikolas Pepe, edhe pse ishin shumë pranë firmës së tij, pasi sulmuesi nga Bregu i Fildishtë zgjodhi ekipin e Arsenalit për të vazhduar karrierën. Si pasojë, napolitanët kanë hedhur sytë nga Uilfrid Zaha.

Ylli i Kristal Palas ka shprehur zyrtarisht dëshirën për tu larguar nga ekipi londinez dhe Napoli ka përgatitur një ofertë prej 65 milionë eurosh për firmën e tij. 26-vjeçari luan në të dy krahët e sulmit dhe është një futbollist që u ndoq me shumë interes nga Arsenali, para se “Topçinjtë” të siguronin firmën e Pepe.

Ançeloti është një admirues i Uilfrid Zaha dhe madje e njeh mirë, në kohën kur ishte trajner i Çelsit. Zaha ka dalë nga akademia e Mançester Junajtid dhe aktivizohet te Palas prej 4 sezonesh.

Leao flet si “Djall”: Te Milani për sukses, me Piatek do të jem perfekt

Sport Ekspres — Fri, 02 Aug 2019 16:56:12 +0000

Milani ka sjellë në Milano një talent mjaft interesant, Rafael Leao. 20-vjeçari zbarkoi në Milano për shifrën e 30 milionë eurove, që shkojnë në xhepat e Liles. Sulmuesi do të veshë fanellën me numrin 17. Ai ka thënë fjalët e para si Milanist.

MILANI-“E kam zgjedhur gjithmonë në Play Station sepse ishte një klub shumë i fortë. Shumë legjenda të mëdha kanë luajtur këtu. Kam parë shumë video të Kaka, Rui Kosta, Sedorf e Maldinit. Ata lojtarë të mëdhenj kanë shkruar historinë e këtij klubi dhe të futbollit evropian.”
IDHULLI KUQEZI-“Kaka nuk ishte nga kjo botë. Lojtarët brazilianë janë shumë të talentuar dhe Kaka ka lënë gjurmë të pashlyeshme këtu. Nuk mund ta besoj se kam firmosur me klubin, ku një legjndë si Kaka ka fituar Topin e Artë.”

BASHKËPUNIMI ME PIATEK-“Të luajnë dy sulmues dhe jo një është favor sepse ka më shumë shnace për të shënuar. Njëri mund të qëndrojë në qendër dhe tjetri të lëvizë lirisht sipas rastit. Unë kam ardhur të ndihmoj pavarësisht se në ç’pozicion më vë trajneri. Sa më shumë gola të shënojë Piatek aq më mirë është për ne. Shpresoj të arrijmë sa më shumë suksese.”

FESTIMI ME TELEFON-“Kjo nisi kur luaja me Sportingun dhe babai im nuk mundi të ishte i disponueshëm të më shihte. Që atëherë e bëj këtë shenjë si për t’i thënë babait se shënova një gol për të.”

20 mln për dyshen e Lacios, Tare duhet të vendosë

Sport Ekspres — Fri, 02 Aug 2019 16:12:27 +0000

Igli Tare i jep shumë prioritet të rinjve te skuadra e Lacios dhe kur një ofertë vjen për ndonjë nga lojtarët e tij të preferuar, vështirë se pranon. Por ekipi anglez i Ulvs ka bërë një ofertë thuajse të parezistueshme për dy lojtarët e talentuar: Bruno Jardao dhe Pedro Neto.

Siç raporton ‘CalcioMercato’, Ulvs ka ofruar 20 milionë euro për mesfushorin Jardao dhe sulmuesin anësor Neto, që më parë kanë qenë të lidhur edhe me një kalim te Benfika në Portugali. Kjo ofertë, me shumë gjasa do të pranohet nga drejtuesit e Lacios dhe dy futbollistët e taletuar mund të transferohen në ishullin britanik.

Siti rikthehet për yllin bardhezi, Juventus gati të negociojë

Sport Ekspres — Thu, 01 Aug 2019 16:26:53 +0000

Pep Guardiola dëshiron më shumë klas në krahun e djathtë të mbrojtjes dhe këtë për momentin e ofron vetëm Zhoao Kanselo. Mançester Siti kërkon që nga fillimi i verës shërbimet e portugezit. Javët e fundit “Qqytetarët” ishin gati të dorëzuar, me Juventusin që nuk pranonte të negocionte për më pak se 60 milionë euro.

“Sky Sport” raporton se “Zonja” ka hequr dorë nga këmbëngulja dhe është gati të negociojë. Siti është aty për të bërë ofertën e tij. Anglezët nuk kanë fuqi për të dhënë 60 milionë në dorë, por reklamojnë një tjetër propozim. Danilo plus 40 milionë euro. Juventusi në fillim nuk pranoi këtë ofertë, por tani duket se po mendohet. Në ditët në vijim priten zhvillime konkrete.

Inter heq dorë nga Lukaku, Konte gjen një sulmues “low cost”

Sport Ekspres — Thu, 01 Aug 2019 07:52:11 +0000

Interi nuk është më në garë për sulmuesin e Mançester Junajtid, Romelu Lukaku. Në një moment u duk se transferimi i belgut në Milano ishte i pashmangshëm, por ndërhyrja e Juventusit gjatë ditëve të fundit ndryshoi krejtësisht qasjen e Junajtid në procesin e negociatave.

Klubi anglez e ka bërë të qartë që nuk e lëshon sulmuesin pa 83 milionë euro. “Calciomercato”, raporton se ky çmim është i papërballueshëm për financat e Interit që përveç shumës rekord do i duhet të plotësojë dhe kërkesat e futbollistit.

Pas këtij vendimi të drejtuesve zikaltër, fokusi i Interit shkon te boshnjaku i Romës, Edin Xheko. 33-vjeçari është një opsion shumë më i lirë, megjithëse mosha e madhe nuk jep garanci për të ardhmen, por për Konten, Xheko shikohet si një zgjidhje e përkohshme.

“Brezi i Artë” italian, ja 6 talentet për t’u ndjekur këtë sezon

Sport Ekspres — Wed, 31 Jul 2019 16:40:01 +0000

Futbolli italian ka qenë zhgënjyes vitet e fundit në nxjerrjen e talenteve, ku përveç Marko Verratit dhe Xhanluixhi Donarumës, të tjerët kanë qenë thuajse mesatarë. Gjithsesi, këto dy vitet e fundit, emrat e talenteve italianë janë shtuar ndjeshëm. Këtë sezon të ri në Serie A, janë plot 6 futbollistë për t’u ndjekur:

1-Sandro Tonali

Mesfushori i Breshias shihet si e ardhmja e futbollit italian, edhe pse ende nuk ka luajtur asnjë ndeshje në Serie A. I konsideruar si pasardhësi i Andrea Pirlos, 19-vjeçari është një prospekt për t’u ndjekur me shumë interes.

2-Andrea Pinamonti

Talenti më i madh që Interi ka nxjerrë vitet e fundit. Sulmuesi italian do të kalojë sezonin si i huazuar te Xhenoa, aty ku dhe pritet shpërthimi i tij.

3-Mirko Antonuçi

Sulmuesi anësor i Romës admirohet nga trajneri i ri Paolo Fonçeska dhe parashikohet një sezon i mbushur me minuta për të. Një lojtar që mund të zëvendësojë më së miri El Sharauin.

4-Alesandro Bastoni

Një tjetër talent zikaltër, që sezonin e shkuar shkëlqeu me Parmën në Serie B. Futbollisti i Itali U-21 është në planet e Kontes dhe mund ta shohim shpeshherë në fushën e lojës për Interin këtë sezon të ri.

5-Daniel Maldini

Babai i tij, një legjendë e Italisë. Talenti Daniel duhet të ndjekë gjurmët e të atit dhe me Milanin që ka refuzuar shumë oferta nga Serie B për të, sulmuesi mund të zbresë shumë herë në fushën e lojës.

6-Rikardo Osolini

Orsolini është 22 vjeç, jo tamam-tamam një talent i ri. Megjithatë, këtë sezon pritet shumë nga ylli i Bolonjas sezonin e shkuar, që tashmë është transferuar te Juventusi.

VERONIK ISTREFAJ

Juve “minierë” talentesh, njihuni me 5 yjet që e meritojnë formacionin

Sport Ekspres — Tue, 30 Jul 2019 21:05:47 +0000

Juventusi ka ndërtuar një skuadër konkurruese për të gjithë trofetë Evropianë. Ndërkohë, Championsi mbetet akoma një tabu për t’u thyer.

Skuadra italiane në sezonin e kaluar e fitoi titullin e tetë radhazi në Serie A, por kaq nuk mjafton. Zonja e Vjetër ka investuar ndër vite në lojtarë të talentuar, por prej tyre dallohen pesë emra që në sezonin e ri e meritojnë të kenë një shans në skuadrën e parë:

Manolo Portanova

19-vjeçari po i impresionon të gjithë në akademinë e Juventusit. Në mediat italiane raportohet se lojtari e meriton një shans në skuadrën e parë. Cilësitë e mesfushorit janë për t’u admiruar. Juventusit i mungojnë cilësitë organizative në mesfushë, veti që Portanova e ka.

Rodrigo Bentankur

Uruguaiani 22-vjeçar filloi mjaftë mirë aventurën te Juventusi, por lëndimet bënë që ai të humbiste vendin e titullarit sezonin e kaluar. Në sezonin e ri do e ketë shansin ta fitojë sërish pozicionin e tij. Konkurrentë ka Aron Ramsej dhe Adrien Rabio.

Pablo Moreno

Sulmuesi i talentuar spanjoll është prodhim i akademisë së Barcelonës. Erdhi te Juventusi verën e kaluar. Moreno mund të ndjekë hapat e Moise Ken, por dallimi mes tyre është se spanjolli ka një teknikë të jashtëzakonshme dhe është mjaft i shpejtë.

Stefi Mavididi

Një emër shumë i njohur për tifozët e Arsenalit. Stefi Mavididi kaloi verën e kaluar te “Zonja e Vjetër” nga “Topiçnjtë”, pas tetë vitesh në veri të Londrës. Sulmuesi i talentuar sezonin e kaluar shënoi gjashtë gola. Në Itali shihet si një ndër sulmuesit më të talentuar.

Mateus Pereira

Braziliani 21-vjeçar është lojtar shumë I vlefshëm. Mund të luajë mesfushori difensiv, por edhe pas sulmuesve. Pra mbulon të dyja fazat e lojës dhe është një driblues mjaft i mirë. Sarri pritet ta grumbullojë shpesh me ekipin e parë.

Zyrtare | Milani bën shitjen e parë, sulmuesi kthehet në “ujk”

Sport Ekspres — Tue, 30 Jul 2019 17:33:23 +0000

Milani më në fund ka arritur të bëjë shitjen e parë të kësaj merkatoje. Patrik Kutrone është lojtari më i ri i Ulvërhempton. “Ujqërit” ishin të interesuar prej kohësh për sulmuesin dhe sot kanë mbyllur çdo detaj të kontratës së re.
Blerjen e tij e ka zyrtarizuar vetë klubi anglez në rrjetet sociale. Nuk bëhen ende të ditura detajet e këtij operacioni, megjithatë disa informacione kanë rrjedhur. Milani do të arketoje 22 milionë euro nga shitja e tij, ndërkohë që lojtari pritet të firmosë kontratë 5-vjeçare.

Kutrone është një prej sulmuesve më të talentuar në Itali, megjithatë Milani kurrë nuk besoi kurrë në aftësitë e tij. Vitin e fundit vuajti praninë e Higuain dhe Piatek, që e lanë në stolin e rezervave në shumicën dërrmuese të kohës.

We’re delighted to announce that Patrick Cutrone has become our latest summer signing! #WelcomeCutrone

??? pic.twitter.com/jq1kTQf9v5

— Wolves (@Wolves) July 30, 2019

Lajme të mira nga Serie A, kuqezinjtë e Lacios janë gati!

Sport Ekspres — Tue, 30 Jul 2019 16:17:12 +0000

Thomas Strakosha, portieri i kombëtares kuqezi, është rikthyer nga dëmtimi. Gardiani kuqezi vuante nga një dëmtim në tendinën e Akilit, por tashmë duket i rikuperuar plotësisht. Siç raportojnë mediat italiane, Strakosha është rikthyer në stërvitje me Lacion dhe do të jetë pjesë e grupit për sfidat e ardhshme miqësore.

Gjithashtu, edhe mesfushori i Kosovës, Valon Berisha, ka lënë pas dëmtimin. “Dardani” vuante që nga muaji prill prej një dëmtimi në menisk, por tashmë është rikuperuar dhe do të jetë pjesë e Lacios. Edhe pse i rikthyer në fushat e blerta, dëmtimi për Berishën ka ende rrezik të rishfaqet, prandaj vështirë se do ta shohim edhe për disa muaj në fushën e lojës.

Marota flet me stil, i thur elozhe Kontes dhe i refuzon kërkesën

Sport Ekspres — Tue, 30 Jul 2019 15:31:38 +0000

Marota dhe Antonio Konte gëzojnë një marrëdhënie shumë korrëkte dhe miqësore. Ata kanë punuar për disa vite së bashku te Juventusi. Marota zgjodhi ta sjellë te Interi dhe t’i besojë italianit një rol të rëndësishëm në projektin e ri.
Në eventin që u organizua për shpalljen e kalendarit të Serie A, drejtori zikaltër u pyet edhe mbi punën e Kontes dhe pritshmëritë rreth tij. Duket shumë entuziast dhe nuk nguron ta ngrejë në piedestal trajnerin mbi aftësitë e tij. I jep të drejtë për kërkesat në merkato, por thekson se nuk do tentojnë aventura financiare.

“Konte ka sjellë entuziazëm, pasion dhe një kulturë pune. Këto janë elementët më të rëndësishëm. Ai tregon pasion të madh dhe është e drejtë që trajnerët të kërkojnë sa më shumë lojtarë cilësorë, në mënyrë që ata të mund të funksionojnë edhe më mirë. Ne kemi besim se do krijojmë një skuadër konkurruese.

“Pronarët tanë janë shumë të fortë, por me të drejtë, ne duhet të respektojmë ndershmërinë financiare. Do të shfrytëzojmë mundësitë që do na jepen, por nuk do guxojmë aq shumë. Kemi bërë investime të shkëlqyeshme dhe po ecim përpara me punën tonë”, përfundoi Xhuzepe Marota.

“Princi” Boateng larg Sasuolos, gati firma me gjigantin italian

Sport Ekspres — Mon, 29 Jul 2019 21:02:44 +0000

Kevin Prins-Boateng do të largohet nga skuadra e Sasuolos këtë verë, por jo nga Serie A. Siç raportojnë mediat italiane, mesfushori ganez ka gjetur akordin me Fiorentinën.

Ekipi vjollcë është në kërkim të një mesfushori me eksperiencë dhe Boateng shihet si futbollisti i duhur. Sezonin e shkuar, Boa u rikthye në Serie A duke nënshkruar për Sasuolon, por në janar, u huzua te Barcelona, transferim që u konsiderua si më i çuditshmi i muajit janar.

Pas gjashtë muajsh si katalanas, Boateng u rikthye te Sasuolo këtë verë, por duket se nuk do të qëndrojë gjatë. Bisedimet mes Sasuolos dhe Fiorentinës janë drejt fundit.

Kalendari i Serie A, ja kur luhen sfidat derbi mes Milanit dhe Interit!

Sport Ekspres — Mon, 29 Jul 2019 17:44:14 +0000

Po hidhet kalendari i Serie A për sezonin e ri dhe deri më tani, janë mësuar përballjet deri në javën e katërt. E pikërisht në këtë javë, do të luhet edhe derbi mes dy ekipeve më të mëdha në Itali, Milanit dhe Interit.

Derbi i Milanos do të luhet në javën e katër, me datë 22 shtator, ndërsa ndeshja e fazës së dytë do të luhet 9 shkurt 2020.

Kalendari i plotë i javës së katërt:

Kalendari Serie A | Nis me spektakël, derbi i kryeqytetit dhe Juve-Napoli!

Sport Ekspres — Mon, 29 Jul 2019 17:29:25 +0000

Sot është publikuar kalendari i javës së parë në Serie A dhe sfidat interesante që në start nuk mungojnë. Milani do të luajë në transfertë përballë Udinezes, një transfertë shumë e vështirë për kuqezinjtë e Xhampaolos.

Debutuesit e Breshias do të udhëtojnë drejt Kaljarit, ndërsa Fiorentina-Napoli është një nga kryendeshjet e javës së parë. Juventusi po ashtu do të luajë në transfertë, përballë ekipit të Parmës, që u ngjit këtë sezon në Serie A.

Interi do ta nisë disi më lehtë, pasi pret në “San Siro” ekipin e Leçes. Roma pret Xhenoan në “Stadio Olimpico”, ndërsa Lacio e nis në transfertë përballë Sampdorias.

Kalendari i plotë i javës së parë në Serie A:

Ndërsa java e dytë, ka siguruar sfida luksi. Juventusi pret Napolin në “Allianz Stadium”, një sfidë që është shndërruar në “derbi” vitet e fundit. Lazio përplas “brirët” me Romën, në derbin e famshëm të kryeqytetit italian. Milani pret Breshian në “San Siro”, ndërsa Interit udhëton drejt Kaljarit.

Kalendari i plotë i javës së dytë:

Roma nis sulmin për Hysajn, gjithçka varet nga një… holandez

Sport Ekspres — Mon, 29 Jul 2019 10:52:01 +0000

Elseid Hysaj dhe agjenti i tij janë në kërkim të një ekipi të ri për të vazhduar karrierën. Mbrojtësi shkodran pritet të largohet nga Napoli pas katër sezoneve në San Paolo.

Roma është klubi më i interesuar për shërbimet e 25-vjeçarit për momentin. Gazzetta dello Sport raporton se verdhekuqtë kanë nisur negociatat me Napolin dhe agjentin e Hysajt.

Nënkampionët e Italisë kërkojnë 20 milionë euro për të lënë të lirë mbrojtësin e djathtë. Roma po pret të shesë Rik Karsdorp, holandezin që aktivizohet në të njëjtin rol me Hysajn.

Largimi i tij (mund të rikthehet te Fejnordi) pritet të lirojë vendin dhe të sigurojë një pjesë të mirë të parave për të nisur sulmin final drejt lojtarit të kombëtares shqiptare.

Mosha mesatare shumë e madhe, Sampdoria akord me dy talentët e Interit

Sport Ekspres — Sun, 28 Jul 2019 19:28:38 +0000

Dy talentet e akademisë së Interit, Marko Pompeti dhe Felice D’Amiço do t’i bashkohen skuadrës së Sampdorias, raporton Sky Sport. Pompeti do të kalojë në formë huazimi 1-vjeçar, ndërsa D’Amiço do të nënshkruajë një kontratë permanente në Xhenoa.

D’Amiço shënoi 7 gola në kampionatin italian i të rinjve, para se të transferohej te Kievo në janar në formë huazimi. Ndërsa Pompeti luajti 41 ndeshje sezonin e shkuar, duke dhuruar 12 asiste. Dy përforcime shumë të rëndësishme të Sampdoria, që mendon kështu edhe të ulë moshën mesatare në ekip.

Takimi Marota-Xheko, nesër zgjidhet gjithçka

Sport Ekspres — Sun, 28 Jul 2019 16:58:59 +0000

Interi me shumë gjasa i ka humbur përfundimisht shërbimet e Mauro Ikardit. Sulmuesi argjentinas i ka bërë gati valixhet. Lukaku, kushton 88 milionë sterlina dhe Junajtid nuk ka ndërmend të ulë kërkesat.

Si pasojë, zikaltërit janë futur në bisedime të avancuara me Edin Xhekon. Sulmuesi boshnjak dhe Bepe Marota do të takohen nesër në kryeqytet, për të diskutuar kushtet e fundit të kontratës. Konte nuk i beson ende Lautaro Martinezit dhe Xheko shihet si sulmuesi i duhur për të.

“Ndihet dora e Kontes në ekip, ja ç’po ndodh me stadiumin”

Sport Ekspres — Sun, 28 Jul 2019 13:11:58 +0000

Interi është kthyer në Itali pas turneut në Kinë. Në kthim ka folur drejtori menaxherial i zikaltërve, Alesandro Antoneli. Italiani duhet shumë entuziast për punën e Kontes. Gjithashtu tregon diçka mbi stadiumin e ri. Interi duket se ka nisur me ngjitjen e tij pas disa vitesh agonie.

“Duket qartë se Konte ka lënë gjurmë në ekip vetëm pas kaq pak kohësh. Megjithatë ka akoma shumë hapësirë për përmirësim. Ishte një turne që e ndihmoi ekipin të gjente frymën e grupit. Për stadiumin gjithçka do vendoset tre muajt e ardhshëm. Presim vendimin final të bashkisë”, përfundoi Antoneli.

during the Serie A 2018/19 Fixture unveiling on July 26, 2018 in Milan, Italy.

Bindja e Piatek: Kam lindur për të shënuar, ju tregoj dy idhujt e mi

Sport Ekspres — Sun, 28 Jul 2019 12:55:50 +0000

Kristof Piatek është një nga sulmuesit më të mirë të Serie A. Ashtu si në të kaluarin, edhe këtë sezon do të ketë një kundërshtar si Kristiano Ronaldo. Polaku në një intervistë shprehet se ylli i Juventusit është i preferuari i tij, së bashku me Henri. Bomberi i “djallit” deklaron se ka ardhur në këtë jetë për të dërguar topin në rrjetë.

“Jam shumë i lumtur që kam shënuar shumë gola në Serie A. Gjithmonë kam besuar te vetja. Kam lindur për të shënuar gola dhe e di se Serie A është shumë e vështirë për ta bërë këtë, por kur erdha në Xhenoa desha të tregoja diçka të madhe. Kur erdha në Itali, të gjithë thërritën ‘bombarduesi’. ‘Bum bum’ është si bombardues, kështu që bëra festimin dhe të gjithë u çmendën. Shpresoj se do të luajmë me dy sulmues. Do të luajmë futboll të mirë këtë sezon.”

“Jam i përqendruar në sfidën time, gjithmonë dua të shënoj dhe shpresoj se këtë sezon do të jetë situatë e njëjtë. Për mua, tifozët e Milanit janë të shkëlqyer dhe tani ndihem më mirë. Kam më shumë besim në stadium dhe dua të kem një vit të madh për ta. Kur isha i ri, i pashë shumë sulmues. Një nga më të mirët është Kristiano Ronaldo, i dyti ishte Tieri Henri”, përfundoi bomberi.

Interi i tregoi derën, Zhoao Mario vendos për të ardhmen

Sport Ekspres — Sun, 28 Jul 2019 07:20:27 +0000

Mesfushori i Interit, Zhoao Mario, ka vendosur se kush do të jetë klubi i tij i ardhshëm dhe do të jetë shumë larg Interit. Gjërat për mesfushorin portugez nuk kanë shkuar shumë mirë te Interi, që nga koha kur është transferuar te zikaltërit.

Ai nuk shihet si pjesë e planeve nga trajneri Konte dhe kërkon një skuadër ku do të luajë rregullisht. Siç raporton “Corriere Dello Sport”, portugezi do të transferohet te skuadra Jiangsu Sunning, në kampionatin kinez.

Pas Zhoao Mirandës, edhe Zhoao Mario do të luajë për skuadrën tjetër të presidentit të Interit, pasi atje do të jetë titullar i padiskutueshëm. Një tjetër lojtar europian zgjedh paratë e Kinës…

Largimi i Milinkoviç-Saviç, edhe Inzagi i dorëzuar

Sport Ekspres — Sat, 27 Jul 2019 21:41:39 +0000

Simone Inzagi, trajneri i Lacios, duket i dorëzuar sa i takon largimit të Milinkoviç-Saviç. Trajneri italian ka folur sot për mediat italiane, ku ka lënë të kuptohet se nuk ka asgjë në dorë sa i takon të ardhmes së mesfushorit serb, që me shumë gjasa do të prezantohet këto ditë si lojtari më i ri i Mançester Junajtid.

Inzagi tha: “Ju e dini që unë dua qëndrimin e Saviç te Lacio, por duket shumë e vështirë. Sezonin e shkuar, ia dolëm që ta mbanim, por këtë vit kemi marrë shumë oferta të mira. Jemi në treg për të gjetur zëvendësuesin e tij, por nesë ndonjë kthesë e papritur ndodh, ai është i mirëpritur këtu.

Saviç është një luftëtar, do jetë e vështirë për të gjetur një lojtar si ai në mesin e fushës. Nuk e di çfarë rezervon e ardhmja për të dhe për ne si klub, por jam i bindur se do të jetë diçka e mirë për të dyja palët”, përfundoi trajneri lacial.

“Ky është vetëm fillimi”, Shkriniar flet me optimizëm pas PSG-së

Sport Ekspres — Sat, 27 Jul 2019 19:07:06 +0000

Milan Shkriniar ka folur pas ndeshjes miqësore kundër PSG-së për faqen zyrtare të Interit, ku i ka thurur elozhe trajnerit Konte dhe shokëve të skuadrës, për ndeshjen shumë të mirë që bënë. Në fjalën e tij, mbrojtësi tha:

“Ishte një ndeshje shumë e vështirë, por ne bëmë një përformancë të shkëlqyer. Kishim më shumë shanse se PSG për të shënuar, por fatkeqsisht nuk ia dolëm të bënim gjërat e duhura në momentin final.

Gjithsesi, po përmirësohemi nga ndeshja në ndeshje, por zbatojmë edhe më mirë detyrat e trajnerit. Këshillat e tij janë të vyera për ccdo lojtar dhe besoj se ky është vetëm fillimi i një sezoni shumë të mirë”, u shpreh sllovaku i Interit.

Fiorentina e Milani e duan, agjenti i Demiral flet hapur

Sport Ekspres — Sat, 27 Jul 2019 17:50:10 +0000

Agjenti i Merih Demiral ka folur sot për mediat italiane, ku foli me bindje të plotë se klienti i tij do të qëndrojë te Juventusi. Flitej se Demiral do të huazohej këtë sezon, por agjenti i ka thënë fund të gjitha thashethemeve.

“Demiral në Fierence? Jo, në asnjë mënyrë. Merih është i lumtur te Juventusi dhe asnjë nga drejtuesit e klubit nuk dëshiron ta largojë. Ka pasur disa kërkesa për të nga Milani dhe Fiorentina, por besimi që i kanë dhënë drejtuesit e Juventusit ka bërë që ne të vendosim për të qëndruar”.

Demiral u transferua nga Sporting Lisbona te Sasuolo si i huazuar me të drejtë blerje sezonin e shkuar dhe bëri një vit të shkëlqyer në Serie A. Sasuolo bleu kartonin e plotë të tij para një muaji, para se ta shiste te Juventusi disa javë më parë.

Demiral me fanellen e Sasuolos sezonin e shkuar

Befason Roma, gjen akordin me talentin e PSG-së

Sport Ekspres — Sat, 27 Jul 2019 16:10:04 +0000

Deri më tani këtë merkato, Roma ka bërë disa afrime shumë të mira që do të përforcojnë ekipin e parë, por verdhekuqtë po studiojnë disa alternativa edhe për të ardhmen. Drejtuesit kryeqytetas kanë nisur bisedimet prej me shumë se dy javësh me kolegët e PSG-së, për firmën e Ruben Providence.

Talenti 18-vjeçar i PSG-së shihet si e ardhmja e klubit nga drejtuesit e Romës, që flitet se kanë gjetur akord për firmën e tij. I vetmi ngërç deri më tani është klauzola që PSG dëshiron, një klauzolë riblerjeje për një shumë të caktuar.

Roma nuk preferon që ta rrisë lojtarin dhe PSG ta rimarrë sërish për ndonjë shifër qesharake, prandaj po vazhdohen ende negociatat. Gjithashtu, Roma është në bisedime edhe me Hajduk Split, për firmën e Mario Vuskoviç, edhe ky 18-vjeç.

E kryer | Kutrone niset drejt Anglisë, arrihet marrëveshja me “Ujqërit”

Sport Ekspres — Sat, 27 Jul 2019 07:32:57 +0000

Pas dështimit të operacionit të Andre Silva duket se Milani do arrijë të bëjë shitjen e parë. “Sky Sport” raporton se drejtuesit kuqezinj janë dakortësuar me Ulvs për transferimin e Patrik Kutrones.
Sulmuesi ka lënë Bostonin, ku Milani ndodhet për të kryer fazën pregatitore dhe është nisur drejt Anglisë për të mbyllur detajet e fundit kontraktuale. Klubi italian pritet të arketojë rreth 20 milionë euro nga shitja e 21-vjeçarit.

Italiani e pati të pamundur të bindte Milanin. Ai gjithmonë mbajti “nofkën” e sulmuesit rezervë, pas ardhjeve të Higuain e Piatek. Sezonin e fundit minutat ishin të rralla dhe një destinacion i ri ishte i domosdoshëm.

E kryer | Milani siguron transferimin e yllit brazilian

Sport Ekspres — Fri, 26 Jul 2019 19:30:38 +0000

Pas suksesit me ardhjen e Lukas Paketas, Milani ka arritur marrëveshjen për transferimin e një tjetër talenti seleçao. Kuqezinjtë janë pranë mbylljes së transferimit të Leo Duarte. Talenti aktivizohet me Flamengon. Italianët do të paguajnë rreth 11 milionë euro për 23-vjeçarin.

“Globoesporte” raporton se marrëveshja verbale është arritur dhe dy klubet kanë nisur shkëmbimin e dokumenteve për mbylljen e operacionit. Duarte aktivizohet si qendërmbrojtës dhe është titullar i padiskutueshëm për gjigantët brazilian.

Surprizon Milani, ndjek nga afër sulmuesin e Rejnxhërsit

Sport Ekspres — Fri, 26 Jul 2019 17:42:42 +0000

Andre Silva, Kristof Piatek, Patrik Kutrone dhe Fabio Borini janë vetëm disa nga lojtarët që trajneri Xhampaolo mund të përdorë në majë të sulmit te Milani. Megjithatë, kjo merkato do të ndryshojë shumë gjëra. Andre Silva është me valixhe në dorë, mungon vetëm akordi personal me klubin e Monakos.

Gjithashtu, edhe Kutrone ka bërë gati pasaportën, për një kalim në Premier League te Ulvërhampton.
Borini shihet më shumë si një lojtar krahu, ndërsa Piatek mbetet i vetëm në majë të sulmit. Xhampaolo kërkon të afrojë dhe një tjetër sulmues që të jetë partner me bomberin polak, ose të qëndrojë në pritje të mundësisë së tij në rast të një dëmtimi të 23-vjeçarit. Një lojtar me karateristika të tilla, mendohet të jetë Alfredo Morelos.

Ylli i Rejnxhërsit është një lojtar shumë cilësor dhe konsiderohet si futbollisti më i mirë që luan në elitën skoceze. Në ditën e tij, Morelos është i pandalshëm, një gjahtar goli dhe një luftarak i lindur. Cilësitë e tij brenda fushës së lojës janë shumë të mira dhe do të ishte një opsion i lirë për Milanin, megjithatë, kolumbiani është disi problematik jashtë fushave të lojës.

Konte nuk e do, Naingolan çudit me dëshirën e tij

Sport Ekspres — Fri, 26 Jul 2019 15:40:10 +0000

Naingolan me sjelljen e tij jashtë fushe i “ka mërzitur” shumë klubet ku ka shkuar. Belgu nuk ka në plan t’i kushtojë gjithë kohën futbollit dhe kjo gjë sigurisht nuk ka sesi të pëlqehet nga trajnerët. E hoqën nga Roma për ta sjellë te Inter dhe tani vjen koha ta largojnë edhe nga “San Siro”.

Konte e ka larguar nga grumbullimi dhe Naingolan po kërkon për një klub të ri, që me sa duket e ka gjetur. Mesfushori kërkon të rikthehet te Kaljari, ku ka luajtur më parë në periudhën 2010-2014, përpara se të shkonte te Roma. Sipas “Sky Sport”, ai po i kërkon me ngulm Marotës të transferohet në ish-klubin e tij. Atje Raxha do të formonte nje dyshe të fortë “gladiatorësh” bashkë me uruguajanin Nahitan Nandez që vjen së shpejti.

Të pafat te Milani, blerja e bujshme mbyll fazën përgatitore

Sport Ekspres — Thu, 25 Jul 2019 17:15:54 +0000

Milani po kryen fazën pregatitore, por vjen një lajm tepër negativ në kampin kuqezi. Teo Hernandez ka dalë nga fusha e lojës pas një problemi në kyçin e këmbës. Akoma nuk ka një lajm zyrtar rreth mungesës së tij, por sipas raportimeve të fundit ai nuk do të jetë i gatshëm deri në fillimin e sezonit në fund të gushtit.

Fillojnë shumë shpejt problemet e dëmtimeve në Milano, ku vitet e fundit kanë qenë armiku kryesor. Teo është një nga blerjet më të mëdha të kuqezinjve këtë verë. Francezi erdhi në “San Siro” nga Reali i Madridit për 20 milionë euro. Përtej gjithë entuziazmit që 21-vjeçari ka treguar, aventura e tij te Milani nis në mënyrën më të keqe të mundshme.

Ofertë për Sasuolon, “Princi” pranë rikthimit në Bundesligë

Sport Ekspres — Thu, 25 Jul 2019 09:18:10 +0000

Mesfushori ganez, Kevin Prins Boateng, është shumë pranë rikthimit në Bundeligë, aty ku shkëlqeu me skuadrën e Shalkes dhe ishte një nga mesfushorët më të mirë në botë. Kartoni i 31-vjeçarit është në pronësi të Sasuolos, por klubi italian kërkon ta shesë “Princin”, pasi rroga e këtij të fundit është shumë e majme krahasuar me minutat që ai është në fushën e lojës.

Ganezi është në përfundim të karrierës, por kjo gjë nuk e ka penguar aspak klubin e Ajntraht Frankfurtit që të hapë bisedimet dhe t’i bëjë një ofertë konkrete ekipit të Sasuolos. Tashmë topi ka kaluar në fushën e ekipit italian, që duhet të marrë një vendim.

Vetë Boateng është “pro” një kalimi në Bundesligë, pasi aventura e tij në Itali, por dhe në Spanjë me Barcelonën (huazim 6 muaj), ishte për t’u harruar. Vitet e tij më të mira si futbollist, Boateng i ka kaluar me Milanin në Serie A disa sezone më parë, duke qenë një nga futbollistët më të dashur për tifozët kuqezi të “Djallit”.

“Derbin e Italisë është bukur ta fitosh edhe në Kinë”

Sport Ekspres — Thu, 25 Jul 2019 07:47:38 +0000

Juventusi arriti edhe një herë t’i dëshmonte Interit se i duhet ende kohë për të arritur në nivelin e “Zonjës”. Dikush mund të mendoje se s’mund të themi kështu sepse fituan me penallti, por një shprehje që qëndron gjithmonë është: Fati ndihmon gjithmonë më të mirët.

Pas ndeshjes, edhe pse një miqësore, rrjetet sociale kanë qenë të mbushur me deklarata urrejtje, por edhe krenarie. Impaktit të medies sociale nuk ka arritur t’i shpëtojë as Miralem Pjaniç. Boshnjaku shihet entuziast përmes shkronjave në një status në “Instagram”.

“Nëse je në Nanjing të Kinës, në Torino apo Milano, por edhe nëse e bën këtë në muajin korrik, fitorja në derbin e Italisë është gjithmonë e bukur. Do të jetë një sfidë e madhe në kampionat”, shkruan regjisori juventin.

View this post on Instagram

Che sia a Nanchino, Torino o Milano? #JuveInter è il Derby d’Italia e anche se a luglio, vincerlo è sempre bello ?? Sarà una bella sfida in campionato ? #ICC2019 #MeetTheWonder #ForzaJuve

A post shared by Miralem Pjani? (@miralem_pjanic) on Jul 24, 2019 at 8:43am PDT

VIDEO | Gola dhe rezultat surprizë, Hysaj dhe Napoli ndalen nga ekipi i Serie B

Sport Ekspres — Wed, 24 Jul 2019 19:15:10 +0000

Napoli duket se nuk po merr vrullin e duhur për të nisur sezonine ri të Serie A. Ekipi i Hysaj ka zvilluar tre ndeshje dhe ka arritur të fitojë vetëm një. Të gjitha sfidat janë zhvilluar ndaj ekipeve tepër modeste në krahasim me nënkampionët e Italisë.

Kremoneze ka qenë “dallga” e fundit, që e ka ndalur ekipit e Ançelotit. Ekipi i Serie B është treguar ”kockë e fortë”, duke kaluar dy herë në avantazh. Napoli përmbysi rezultatin nga 1-2 në 2-3, por miqtë nuk dorëzohen dhe shënojnë përsëri për të vulosur ndeshjen në 3-3.

Miqësore

Napoli-Kremoneze 3-3

Vasile Mogosh ’11, Mariano Arini ’42, Danilo Sodimo ‘76\ L. Insinje ’37 (p), Simone Verdi ’54, Amin Junes ‘70

Andre Silva problematik, komplikohet transferimi te Monako

Sport Ekspres — Tue, 23 Jul 2019 18:29:37 +0000

Ishte gjithçka gati dhe Milani do të përfitonte 30 milionë euro. Andre Silva ishte i destinuar për të veshur fanellën e Monakos, por sulmuesi portugez ka komplikuar gjithçka orët e fundit.

Siç raporton “Milanneës.it”, Andre Silva dhe klubi i Principatës nuk kanë gjetur akord sa i takon kontratës së ofruar, pasi kushtet ekonomike të portugezit nuk janë plotësuar. Për momentin, dy palët duken shumë larg, por një rihapje e negociatave në ditët e ardhshme është ende një opsion.

Milani do të përfitonte një shumë të konsiderueshme nga ky transferim, si dhe do të largonte një sulmues që nuk ka arritur të bindë për asnjë moment në “San Siro”.