Miqësoret nuk kanë vlerë, por një derbi nuk mund ta humbasësh kurrë me të tilla shifra. Sergio Ramos nuk e fsheh mërzinë, pranon fajin e ekipit dhe nuk rri dot pa “thumbuar” kundërshtarët e të njëjtin qytet.

“Humbje të tilla të dhembin, Ne e morëm ndeshjen si një miqësore dhe gabuam, ndërsa për ata dukej si një finale”, thekson kapiteni i Real Madrid.

Kontrata me Realin përfundon në verën e vitit 2021 dhe 33-vjeçari ëndërron ta mbyllë karrierën në “Santiago Bernabeu”. Realin e ka në zemër, do ishte gati të luante edhe pa para për gjigantin spanjoll, ndërsa Ramos zbulon edhe se çfarë ka diskutuar me presidentin e klubit

“Nuk kam kërkuar kurrë që të largohem në Kinë, nuk kam kërkuar kurrë që të lihem i lirë. Është folur shumë gjatë kësaj periudhe, e vërteta është që unë dua të qëndroj aty ku më dashurojnë. Dje sqarova gjithçka me presidentin. Duam të ndërtojmë një Real Madrid shumë të fortë së bashku.

Nuk kemi diskutuar kurrë për aspektin ekonomik: ishte thjeshtë një çështje besimi. Për këtë bluzë luaj edhe falas. Disa gjëra më shtuan dyshimet dhe ulja për të biseduar ishte gjëja më e mirë. Ëndërroj të përfundoj karrierën këtu”, përfundoi kapiteni i “Los Blancos”.

“Marca” ka raportuar se drejtuesit madrilenë kanë vendosur të veprojnë njësoj si me çështjen Ronaldo, ku në rast se vjen një ofertë e kënaqshme do ta lenë mbrojtësin të largohet. Ndërkohë, “Cardena Ser” shkon edhe më tej, teksa zbulon një pjesë të debatit të Ramos me presidentin Perez.

El Madrid hará con Ramos lo mismo que con Cristiano: si trae una oferta, le dejará salir https://t.co/5mKHKrWsBC Una información de @jfelixdiaz

— MARCA (@marca) May 28, 2019

Gjithashtu edhe “El Larguero” e ka konfirmuar diçka të tillë, ku thuhet se presidenti Florentino Perez i është drejtuar Ramos me fjalët: “Si e mendon se do të ikësh me parametra zero? Nëse ti largohesh më duhet të blej një mbrojtës të kalibrit të lartë, që do të më kushtojë jo pak…”

?? Informa @ellarguero

Extracto de la charla entre Florentino y Ramos

– “¿Cómo te vas a ir gratis? Si te vas tengo que salir a fichar un central, y no será barato….”

– “También dijiste que ibas a fichar un recambio de Cristiano, no lo has fichado y nos la hemos pegado” pic.twitter.com/5UKZEJS1BZ

— El Larguero (@ellarguero) May 28, 2019

Nga ana tjetër, kapiteni i madrilenëve nuk është kursyer aspak dhe i është drejtuar presidentit: “Të njëjtën gjë the dhe për Ronaldon, që do të merrje një zëvendësues. Nuk e bërë diçka të tillë dhe e paguam rëndë çmimin…”

Një ofertë e parefuzueshme i ka ardhur nga futbolli aziatik dhe qendërmbrojtësi nuk ka ndërmend ta humbasë këtë rast.

Sipas raportimeve të programit “Jugones”, Ramos është treguar i drejtpërdrejtë me presidentin e Realit. Ai ka marrë pjesë në një takim me Florentino Perez, aty ku nuk mungonin edhe vëllai i tij, i cili është edhe agjenti i Sergios, dhe avokati.

“Më jep letrat”, i është drejtuar lideri i ekipit kreut të klubit, ndërsa ky i fundit ka mbetur i befasuar nga kjo kërkesë. “Nuk mund të largohesh, Reali nuk mund të humbasë kapitenin”, është përgjigjur Perez.

Raporti mes të dyve është krisur në mars, pasi Reali u eliminua nga Ajaksi në Champions. Perez shpërtheu në dhomat e zhveshjes. Kritikat pafund për lojtarët u shoqëruan me ngritje zëri dhe ofendime, ndërsa lojtari andaluzian i doli në mbrojtje ekipit dhe shokëve të tij.

Sipas raportimeve të mediave iberike, Sergio Ramos është në dyshim për të ardhmen. Kapiteni i Realit mbylli sezonin e 14-të në Madrid. Ai kurrë nuk ka marrë parasysh ofertat që i kanë ardhur, ndërsa situata ka ndryshuar.

Ramos po tundohet nga ideja për të provuar emocione të tjera në karrierën e tij. Nëse ndahet me Realin, katër klube janë gati t’i plotësojnë çdo dëshirë: PSG, Mançester Junajtid, Juventusi dhe Liverpuli.

Kristiano Ronaldo i ka kërkuar drejtuesve të Juves që të veprojnë shpejt dhe të nisin negociatat me 33-vjeçarin. Problemi i vetëm mbetet klauzola e çmendur prej 800 milionë eurosh. Megjithatë, rëndësi ka mendimi i lojtarit.

Nëse Ramos vendos të largohet, atëherë Reali do të detyrohej që të ulte goxha shifrën e përcaktuar në klauzolë.

Ajo që tërhoqi më së shumti vëmendjen, ishte diskutimi mbi Topin e Artë, ku sipas Figos meriton ta fitojë Serxhio Ramos. Legjenda portugeze mendon se mbrojtësi dhe kapiteni i Reali e ka kualitetin për ta fituar një çmim të tillë, por fakti që është një mbrojtës ndoshta e penalizon paksa.

“Është e qartë që Serxhio Ramos e meriton ta fitojë Topin e Artë. Të jesh një mbrojtës, është e njëjta gjë sikur të jesh portier, pasi është shumë e vështirë për të fituar një çmim individual, megjithëse Kanavaro ia arriti. Varet nga momenti dhe viti, por për kualitetin që ka, është e qartë që Ramos duhet ta fitojë”, përfundoi Figo.

Së fundmi, mbrojtësi i Real Madrid ka dal menduar të qetësojë situatën mes të dyve duke komplimentuar “pleshtin”. I pyetur gjatë një intervistë mbi krahasimin Maradona-Mesi, Ramos ktheu përgjigjen  e mëposhtme:

https://www.youtube.com/watch?v=e_R3W_CgWM4

“E respektoj Maradonën, por në Argjentinë të gjithë e dinë që ai është vite dritë larg lojtarit më të mirë në historinë e Argjentinës, që për mendimin tim është Leo Mesi”, tha Ramos në një intervistë për “goal.com”.

Golin e vetëm për norvegjezët e shënoi Xhoshua King, i cili mposhti De Gean nga pika e bardhë e penalltisë. Sulmuesi foli pas ndeshjes për mediat, ku ajo që tërhoqi më së shumti vëmendjen ishte komenti që bëri për mbrojtësin Serxhio Ramos.

Sipas sulmuesit të Bornmuth, Ramos pavarësisht se ka një reputacion si lojtar i pisët, është një ndër mbrojtësit më miqësor që ai ka luajtur. “Serxhio Ramos ka një reputacion si lojtar i pistë dhe i ashpër, por nuk mbaj mend të kem luajtur më parë ndaj një mbrojtësi aq ‘miqësor’. Tregoi vlera të vërteta dhe të mira sportive”, përfundoi King.

LETRA E RAMOS

Si futbollistë duhet të flasim në fushë, por ky sezon nuk e tregon këtë. Ngjarjet e fundit kanë qenë katastrofike dhe unë nuk po fshihem. Ne nuk po fshihemi. Ne lojtarët jemi kryesisht përgjegjës për këtë gjë, dhe si kapiten, unë më shumë nga të gjithë të tjerët. Prandaj mendova se mënyra më e sinqertë për t’u përgjigjur pikëpyetjeve që po qarkullojnë për ne anembanë botës është që të flasim drejtpërdrejtë për çdo problem.

A ishte një gabim karton i marrë në Amsterdam? – “Absolutisht që ishte gabim dhe marrë përgjegjësi 200% për atë veprim”.

Përse po regjistroje dokumentarin personal gjatë ndeshjes me Ajaksin ? – “Ishte pjesë e marrëveshjes. Gjithashtu nuk më shkoi mendja që ndeshja do të përfundonte në atë lloj mënyra. Me kalimin e minutave periudha e regjistrimit u zvogëlua”.

A pati debat me presidentin në dhomat e zhveshjes ? – “Çdo problem në dhomat e zhveshjes, zgjidhet po në dhomat e zhveshjes. Nuk pati ndonjë problem të madh. Këtu çdokush ka një interes të përbashkët: Real Madridin”.

A kritikova lojtarët mbas ndeshjes ? – “Ne gjithmonë flasim e motivojmë njeri-tjetrin në dhomat  e zhveshjes. Bisedat kryhen gjithmonë në mënyrë konstruktive”.

E vërteta e sherrit në stërvitje me Marselon? – “Ne flasim në çdo seancë stërvitore. Kjo është pjesë e pandashme e nj punë me presion si e jona. Marselo është si një vëlla për mua. Ishte thjeshtë një shaka, nga ato që ndodhin nga dita në ditë”.

Ç’po ndodh me trajnerin ? – “Është një vendim që nuk na takon ne dhe nuk duam të ndërhyjmë. Kemi respekt të madh për pozicionin e tij dhe gjithmonë mbështesim trajnerin e klubit tonë”.

Këto reflektime vijnë padyshim si pasojë e një sezoni shumë zhgënjyes, por nëse ne nuk na ndaloi dot suksesi, s’kemi ndërmend ta lëmë humbjen që të na ndalojë. E kemi obligim që të vazhdojmë të punojmë dhe të përmirësohemi. Na duhet të kujtojmë se disa prej nesh janë me fat që luajnë për Real Madridin, disa prej nesh janë me fat që janë bërë pjesë e historisë së këtij klubi. Real Madrid ishte dhe do jetë gjithmonë Real Madrid. Askush nuk e bën legjendë Realin, por të gjithë se bashku e kemi shkruar këtë legjendë. Së bashku na duhet të punojmë për të ardhmen dhe për të rikthyer shpresën, ‘Hala Madrid’!

Konflikti filloi për një arsye qesharake. Sipas dëshmitarëve në vendngjarje, skuadra po zhvillonte një ndeshje brenda grupit dhe në fund fitoi skuadra e Marselos. Braziliani filloi të festonte dhe kjo solli reagimin e Ramos.

Secili nga lojtarët nuk po hapte rrugë. Marselo insistonte se kishte festuar me vite në atë lloj mënyre dhe nuk e kuptone reagimin e Ramos. Në debat e sipër u desh ndërhyrja e lojtarëve të tjerë të skuadrës për të qetësuar situatën.

Të dy lojtarët nuk po kalojnë një moment të mirë. Ramos ishte protagonisti i një sherri në dhomat e zhveshjes me presidentin Perez, ndërsa Marselo dëshiron prej muajsh që të largohet në kërkim të një aventure të re.

Humbja e thellë përballë “Harkëtarëve” ka sjellë debate të forta në dhomat e zhveshjes. Siç raporton “AS”, Florentino Perez ka qenë tepër i acaruar në fund të ndeshjes. Presidenti ka zbritur në dhomat e zhveshjes dhe ka qortuar lojtarët për ndeshjen e zhvilluar. Toni i zërit ka ardhur në ngritje dhe Perez ka akuzuar për mungesë përkushtimi, tejkalim të ditëve pushim dhe e ka cilësuar situatën si të turpshme.

I pranishëm ka qenë dhe Sergio Ramos, i cili u vetëpezullua për këtë ndeshje. Kapiteni ka dalë në mbrojtje të ekipit dhe ka sulmuar ashpër presidentin. Mbrojtësi ka akuzuar Perezin dhe bashkëpunëtorët e tij si fajtorë të sezonit katastrofik.

“Më paguaj dhe largohem”, është shprehur Ramos kundrejt presidentit të tij. Ky i fundit është larguar drejt zyrës së tij, aty ku ka qëndruar deri në orët e vona. Perez ka diskutuar me stafin e tij mundësinë e rikthimit të Zhoze Murinjos në stol, por nuk është nxituar, sepse një pjesë e lojtarëve (me Ramosin në krye) janë kundër rikthimit të trajnerit portugez.

3 – Real Madrid have lost each of their last two home UCL games by a 3 goal margin (0-3 v CSKA Moscow & 1-4 v Ajax) -they'd never previously lost by that margin at home in the competition. Crisis. pic.twitter.com/XHoiWDO7of

— OptaJean (@OptaJean) March 5, 2019

Për të mos mjaftuar kjo, apo edhe fakti që për herë të parë Reali pëson dy gola në 18 minutat e para në Champions, është dashur edhe ajo që kapiteni Sergio Ramos ka bërë në tribunë. Gjatë zhvillimit të ndeshjes ka ndodhur diçka që tashmë do e vërë në shënjestër qendërmbrojtësin.

Teksa shikonte ndeshjen kundër Ajaksit, disa kamera po regjistronin dokumentarin e tij. Pikërisht në një nga ditët më të zeza të Realit ndodh diçka e tillë. Askush nuk e kish menduar eliminimin, sidomos me shifra të tilla. Vetë Ramos madje kishte preferuar të ndëshkohej me karton të verdhe dhe të priste çerekfinalet…

Frenki De Jong është një nga pikat më të forta të Ajaksit dhe ai beson fort tek ekipi i tij. Mesfushori, i cili do të transferohet në fund të sezonit te Barcelona, ka një mesazh për Sergio Ramosin. Kapiteni nuk do të jetë i gatshëm për sfidën e kthimit.

Mbrojtësi mori një karton të verdhë me qëllim në ndeshjen e parë, me qëllimin për t’u zëruar nga kartonët. Ai e pranoi një gjë të tillë dhe UEFA nuk fali, duke e dënuar Ramosin me dy ndeshje pezullim.

De Jong “thumbon” kundërshtarin në prononcimin e dhënë për “AD”. 21-vjeçari beson se “Harkëtarët” kanë shanset e tyre për t’u kualifikuar dhe ndoshta kapiteni do të pendohet për veprimin e bërë.

“Ndoshta, Sergio Ramos do të pendohet për veprim e bërë. Reali është padyshim favorit për t’u kualifikuar, por ne nuk dorëzohemi kurrë dhe kemi mundësitë tona për të kaluar turin”, thekson Frenki De Jong.

“Do të gënjeja nëse do të thoja që veprimi s’ishte me dashje”, tha kapiteni i Realit, që më pas e kundërshtoi këtë deklaratë me një postim në “twitter”, por kjo nuk i ka ardhur në ndihmë.

Sot, ka dalë dënimi për kapitenin e Realit, i cili është dënuar me dy ndeshje. Ramos do të mungojë në sfidën e kthimit përballë Ajaksit, si dhe në sfidën e parë të fazës tjetër, nëse Reali arrin të kualifikohet përballë gjigantëve holandezë.

Diçka e tillë ishte paralajmëruar pasi spanjolli e pranoi para gazetarëve se veprimi i tij ishte bërë me dashje, duke thënë: Do të gënjeja nëse do të thoja që veprimi s’ishte me dashje. Kapiteni i Realit e kundërshtoi më pas këtë deklaratë me një postim në “tëitter”, por tashmë, 32-vjeçari duket se rrezikon shumë.

Sipas gjasave, pritet që vendimi i UEFA-s të jetë një dënim me dy ndeshje, por duhet pritur që të përfundojë sfida e kthimit me Ajaksin që vendimi i marrë të publikohet. Do të ishte një minus i madh për “Los Blancos” në rast se humbet liderin e ekipit për dy ndeshjet çerekfinale, gjithmonë në rast kualifikimi.

Një video e postuar nga “90min” në faqen e tyre zyrtare në “Facebook”, ka plasur ironia pas çmimeve “Oscar”, duke thënë se aktorët e vërtetë janë disa futbollistë. Video e publikuar ka ironizuar jo pak me disa futbollistë: Për simulimet e tyre në fushën e lojës dhe për veshjet qesharake që zgjedhin në evenimente gala.

Ky vendim ka shkaktuar jo pak frikë në kampin e Real Madrid, pasi me shumë gjasa me të masë do të ndëshkohet dhe kapiteni i “Los Blancos”, Serxhio Ramos, i cili bëri të njëjtin gjë në përfundim të ndeshjes kundër Ajaksit të Amsterdamit.

Ajo që e bën më të rëndë situatën e Ramos është fakti që spanjolli e pranoi para gazetarëve se veprimi i tij ishte bërë me dashje, duke thënë: Do të gënjeja nëse do të thoja që veprimi s’ishte me dashje. Kapiteni i Realit e kundërshtoi më pas këtë deklaratë me një postim në “twitter”, por vështirë se 32-vjeçari do ia hedhë pa u lagur.

Në rast se UEFA përdor të njëjtin standard Ramos do të mungojë në përballjet e çerekfinales, kjo gjithmonë nëse Reali eliminon Ajaksin.

Santiago Solari është ndalur te Sergio Ramos në konferencën për shtyp përpara ndeshjes së kampionatit. Kapiteni u ndëshkua me të verdhë në minutat e fundit të ndeshjes së Champions-it përballë Ajaksit dhe do të mungojë në sfidën e kthimit.

Ramos bëri “autogol” me deklaratën e tij, duke pranuar se e mori qëllimisht atë karton. Diçka e tillë ka sjellë kritika të shumta dhe lojtari mund të dënohet nga UEFA, por trajnere i ka dalë në mbrojtje.

“Sergio Ramosit iu bë një pyetje provokative. Aksioni i ndëshkimit me të verdhe flet vetë dhe nuk ka nevojë për spekulime. Ramos iu referua faktit që u detyrua të bënte faull në atë lloj situate, ashtu siç e ka shpjeguar vetë. Ai dha një përgjigje të përshtatshme”, përfundon Solari.

DERBI – “Mendoj se ishte një fitore krejtësisht e merituar. Të gjitha repartet e skuadrës luajtën mirë, jo vetëm sulmi. Me atë që u pa në fushë mund të themi se rezultati është i drejtë. Tani kthehemi në vend të dytë, ku mungonim prej shumë kohësh”.

BARCELONA – “Ne e bëmë tonën, tani duhet të presim ndeshjen e Barcelonës ditën e nesërme. Mendoj se kampionati është i hapur. Në gjysmën e parë të kampionatit kemi parë që skuadra pa shumë emër kanë marrë pikë në fusha ku mendohej si e pamundur. Kanë mbetur edhe shumë ndeshje prandaj kemi ende shpresë. Natyrisht Barcelona ka një avantazh të madh, por kemi dhe një ndeshje direkte me ata”, tha Ramos.

Në përballjen e djeshme me Barcelonën, mbrojtësi Nelson Semedo e bëri Ramosin të dukej keq. Në fund të takimit, pas një sulmi të katalanasve, mbrojtësi madrilen tentoi të ndalonte një kros të portugezit dhe nuk ia doli dot.

Jo vetëm kaq, por spërkata e tij e nxori jashtë fushe. Ramos përfundoi te reklamat, ndërkohë që në twitter është bërë objekt talljeje nga tifozët e shumtë.

https://twitter.com/Damola52210772/status/1093403263611883520

Kapiteni e ka në stilin e tij lojën e fortë dhe të ashpër dhe kjo është diçka normale, pasi është një mbrojtës në fund të fundit. Viti 2018 i dhuroi Champions Ligën e katërt me “Los Blancos” dhe të tretën rresht.

Para pak ditësh erdhi dhe Botërori i Klubeve i fituar në finalen përballë Al Ain, por jo vetëm kaq. Siç raporton “AS”, Ramos ka thyer një rekord të tijin personal, duke e mbyllur këtë vit pa asnjë ndëshkim me karton të kuq. Diçka e tillë ndodh për herë të parë në karrierën 16-vjeçare të mbrojtësit spanjoll.

? Por primera vez en 16 años de carrera profesional, Sergio Ramos acaba un año sin ninguna tarjeta roja pic.twitter.com/OFYaUjLZ5M

— AS (@diarioas) December 30, 2018

Të shumtë ishin ata, të cilët e cilësuan si të qëllimshme ndërhyrjen e mbrojtësit spanjoll dhe që nga ai moment Ramos është njeriu më i urryer në Liverpul.

“The Reds” vazhdojnë të zhvillojnë një kampionat shumë të mirë, ndërsa fituan përballë Uotfordit në transfertë me rezultatin 0-3. Salah shënoi golin e parë për miqtë, të cilët ndjekin Mançester Sitin kryesues me dy pikë më pak.

Pasi hapi serinë e golave të Liverpulit, Salah zgjodhi të festonte ndryshe. Ose më saktë, njësoj siç feston… Sergio Ramos. Egjiptiani ka dashur të ironizojë me “armikun” e tij, ndërsa kanë shpërthyer polemikat.

Jurgen Klop ka dashur të qetësojë situatën, duke u shprehur pas ndeshjes se: “Nuk e kam problem pyetjen, por nuk e pashë festimin e tij, sepse po festoja vetë golin e shënuar.”

Bëhet fjalë për finalen e Champions Ligës kundër Juventusit në vitin 2017 dhe ndeshjen e 15 prillit të këtij viti, Malaga-Real Madrid. Gazeta gjermane ka publikuar raporte nga zyrtari i kontrollit të dopingut, i cili thekson se kapiteni i Realit ka thyer protokollin anti doping. Emri i tij nuk bëhet i ditur, por lojtari i ka shpërfillur paralajmërimet e tij.

“Sportisti Sergio Ramos më pyeti nëse mund të bënte një dush përpara kontrollit të urinës, sepse ekipi po e priste për të fluturuar drejt Madridit. I thashë atij se rregullat e AEPSAD (Agjencia Sportive Spanjolle e Mbrojtjes së Shëndetit) nuk e lejonin diçka të tillë dhe nuk mund ta bënte. Ai pati një mosmarrëveshje me mjekun e Realit dhe më thanë se në ndeshjet e UEFA-s dhe kampionatit lejohej një gjë e tillë. U përgjigja se nuk e dija një gjë të tillë, por edhe nëse ishte e vërtetë, gjë që nuk e besoja, nuk do e lejoja të bënte dush përpara kontrollit. Ai nuk i mori parasysh paralajmërimet e mia dhe shkoi të lahej në dush. E informova se kjo gjë do të pasqyrohej në raportin përkatës, por Ramos nuk i dha fare rëndësi kësaj gjëje”, sqaron personi në fjalë.

Ramos ishte shprehur një ditë më parë për episodin e ndodhur në ndeshjen me Malagën se: “Kur mbaroi ndeshja, më kërkuan që ti nënshtrohesha kontrolleve anti doping. Prej kohës së pakët për udhëtimin e kthimit, zyrtari më la kohën që të bëja dush, duke qëndruar gjatë gjithë kohës në prezencën e tij, përpara se të kryeja kontrollet, të cilat, si në çdo rast, i kalova.”

Por, neni i rregullores e ka të qartë. “Në rastet e grumbullimit të mostrave të urinës, personi i ekipit të kontrollit anti doping shoqëron atletin dhe nuk duhet ta lejojë atë të lahet, bëjë dush, apo të urinojë.”

Raporti përfundimtar i përgatitur nga kreu i Departamentit të Kontrollit të Dopingut të AEPSAD i datës 21 shkurt të këtij viti specifikon se qëndrimi i lojtarit konsiderohet si një shkelje shumë serioze.

Sipas dokumentit sekret të zbuluar nga gazetarët gjermanë, UEFA pranoi të bënte një përjashtim special për spanjollin, duke u mjaftuar me një komunikatë faljeje nga ana e drejtuesve të klubit dhe gjithçka u la në harresë.

Substanca për të cilën Ramos rezultoi pozitiv  quhet “Desametazon”, një substancë kjo që mund të përdoret vetëm me leje paraprake nga UEFA. Real Madrid u justifikua me faktin se doktori i klubit kishte bërë një “ngatërresë”, dhe se faji i takonte “bluzave të bardha”, e jo lojtarit.

Ramos i ka dhënë një “like” një fotoje ku shfaqet duke ngritur kupën e Champions Ligës dhe para tij ndodhet kroati në lot. Përplasja nisi në finalen e Champions-it të kaluar mes Liverpulit dhe Realit. Spanjollët triumfuan, duke dërguar Champions-in për herë të 13 në Madrid, ndërsa Ramos u kritikua pafund për dëmtimet ndaj Salah dhe portierit Karius.

“Sergio Ramos është me fat që luan me Realin. Ai bën shumë gabime, por askush nuk ia vë re. Varan është më i mirë se ai”, komentonte mbrojtësi i Liverpulit, ndërsa spanjolli reagoi para ndeshjes Kroaci-Spanjë. “Ka shumë njerëz rreth e rrotull, të cilët më kritikojnë nga inati dhe zilia”. Kroacia fitoi përballje Spanjës me rezultatin 3-2 dhe Lovren nuk u përmbajt.

“Spanjollët janë një tufë femrash të llastuara. Ramos? I dhashë një goditje të madhe, le të flasë akoma…”, ishte komenti i Lovren, ndërsa tashmë ka ardhur reagimi ndryshe i spanjollit. Ai në festë dhe “armiku” kroat në lot. Ka më bukur? Një “më pëlqen” mjafton për t’i kujtuar Lovrenit një natë të trishtë të karrierës së tij.

“Murinjo është një trajneri, i cili duhet të fitojë për të patur të drejtë. E njëjta gjë vlen dhe për Pepin, por ndryshon puna për të. Për Guardiolën, fitorja nuk vlen. Duhet të fitosh dhe të luash një futboll të bukur. Është një çështje qëllimesh dhe pritshmërish.”

“Sergio Ramos? Një lider, por nga ata në zhdukje. Ai futet në fushë më kurajë dhe grintë, sikur Reali të jetë i tij. Sikur të jetë ai, i cili e ka shpikur futbollin. Kur të gjithë fshihen, ai përballet me gjithçka me anë të një “Panenke”. Klubi e akuzon shpeshherë se është i zjarrtë dhe agresiv, por kjo është mënyra e Sergios për të treguar se është kapo“, përfundon Horge Valdano.

Goli i fitores u shënua në minutat shtesë nga Tin Jedvaj, i cili shënoi një dopietë. Fitorja e mbrëmshme i gëzoi të gjithë në kampin kroat, sidomos Dejan Lovren. Mbrojtësi i Liverpulit ishte pjesë e thumbimeve në distancë me Sergio Ramosin, duke e akuzuar për dëmtimet e qëllimshme ndaj Salah dhe Karius në finalen e Champions-it. Spanjolli reagoi duke thënë që “disa më kritikojnë nga inati”, diçka që nuk është harruar nga kroati.

Lovren mezi ka pritur fundin e ndeshjes për t’u futur dhe komentuar në rrjetet sociale, duke “thumbuar” Sergio Ramosin. “I dhashë një goditje të bukur, hahaha 3-2! Fol tani mik, Jeni një tufë femrash të llastuara”. Video e postuar është përhapur shpejt në internet, duke ndarë tifozët në dy kahe.

Ata të Liverpulit dhe kundër Ramosit i kanë dalë në krah kroatit, ndërsa të tjerë kanë kritikuar mbrojtësin për fjalët e rënda, duke pretenduar që do të ishte më mirë që lojtari të festonte fitoren e Kroacisë, pa vazhduar me polemika. Një gjë është e sigurt, polemika Lovren-Ramos do të vazhdojë akoma. Thjeshtë sapo ka rinisur dhe sapo është “egërsuar”…

Dejan Lovren sending Sergio Ramos a special message after Croatia’s 3-2 win over Spain. We won’t translate ? pic.twitter.com/LTEu72J6wq

— ONSIDEVIEW.COM (@theonsideview) November 16, 2018

Kroati i Liverpulit e cilësoi Ramosin si një mbrojtës, i cili gabon pafund, por askush nuk ia vë re, ndërsa ai zgjodhi francezin Varan si më të mirë se Ramos. Ky i fundit ka reaguar dhe e ka bërë para sfidës së sotme për Ligën e Kombeve, Kroaci-Spanjë.

“Ka njerëz që nga dëshpërimi të kritikojnë dhe ofendojnë, por unë nuk e bëj diçka të tillë. Koha vendos gjithçka në vendin e vet në fund. Do të ishte e përshtatshme, që këto njerëz të ndërtonin reputacionin dhe emrin e tyre pa patur nevojë të flasin për mua. Çdokush ka mendimin e tij, kam patur trajnerë të ndryshëm nga njëri-tjetri, por të gjithë kanë thënë fjalë të mira për mua. Gjithmonë kam sakrifikuar, jam gjithmonë i pari, i cili hidhet në baltë dhe që jap gjithçka. Pastaj, çdokush mund të thotë atë që dëshiron”, përfundon mbrojtësi i Realit të Madridit.

“Respekti fitohet dhe nuk imponohet. Kemi fituar trofe me trajnerë të ndryshëm, por menaxhimi i dhomave të zhveshjes është më i rëndësishëm se aftësitë e trajnerit”, shprehej Ramos, ndërsa Konte i është përgjigjur në këtë mënyrë.

“Ne duhet të sjellim edukim dhe respekt kur shkojmë te një skuadër dhe të njëjtën gjë duhet të marrim nga lojtarët. Kur kjo gjë ndodh më pak, fillojnë problemet. Ne kemi një kulturë të madhe pune dhe kur futësh në një ambient të ri pune, nuk mund të përmbysësh gjithçka, por duhet të integrohesh pak nga pak. E ardhmja? Jam i qetë, tani dua të bisedoj dhe komunikoj me trajnerë të tjerë. Pres vitin tjetër për t’u rikthyer në stolin e ndonjë ekipi”, sqaron ish-trajneri i Juventusit dhe Çelsit.

Konte e mbyll prononcimin e tij, duke komentuar ndeshjen Milan-Juventus si dhe duke dhënë mendimin e tij për teknologjinë VAR.

“Juventusi është shumë i fortë dhe po dominon. Bardhezinjtë e shprehen një gjë të tillë mbrëmë dhe komplimente për to, të cilët, për momentin, duken si një armatë e pathyeshme. VAR-i? Më duket një zgjidhje e mirë, sepse kur merret vendimi dihet që është parë dhe riparo disa herë. Ka akoma një marsh minimal gabimi, por jam pro teknologjisë”, përfundon Antonio Konte.

Lojtari i Realit të Madridit përsëriti edhe njëherë veten, duke u bërë protagonist në fitoren e thellë të ekipit “merengues” në Champions kundër Viktoria Pilzen në Çeki. I shumë kritikuari për gjestin e kryer ndaj Salah në finalen e Champions-it, që solli dhe largimin nga fusha të sulmuesit të Liverpulit, ka gjetur “viktimën” e radhës.

Në minutën e 13 të sfidës, Ramos ka qenë në një garë për topin me Milan Havel të Plzen dhe 32-vjeçari e ka goditur me bërrylin e djathtë. Pasojat? 24-vjeçari çek në tokë i gjakosur dhe disa minuta për të marrë vetën dhe për t’i dhënë fund ndeshjes në minutën e 38.

As karton i verdhë për Ramos, i cili preferon të bëhet herë pas here protagonist i këtyre episodeve aspak pozitive, përkundrazi.

“AIN O SÉRGIO RAMOS MEIO QUE TROMBOU COM O JOGADOR E ELE SANGROU SOZINHO”

KKKKKKKKKKKKKKKKKKKKKKKKKK pic.twitter.com/BPIL0rTgHs

— SPFC DA DECEPÇÃO (@SPFCDaDecepcao) November 7, 2018

29-vjeçari i “The Reds” u shpreh dy ditë para finales së 12 korrikut kundër Francës se ishte “një nga qendërmbrojtësit më të mirë në botë”, diçka që solli debate në rrjetet sociale. Lovren ka folur për “YouTube Copa 90”, duke sulmuar Sergio Ramos.

Spanjolli i Real Madrid u shpall “mbrojtësi më i mirë” nga FIFA, ndërsa kroati nuk përton të “sulmojë” kapitenin e ekipit “merengues”, i cili është një figurë e urryer në Liverpul, për shkak të faulleve kundër Salah dhe Karius në finalen e Kievit në Champions.

“Unë kam thënë se jam ndër më të mirët dhe jo më i miri. Vij nga një sezon ku kam luajtur finalen e Champions Ligës dhe atë të Kupës së Botës. Henri më cilësoi si mbrojtësin më të mirë të Botërorit. Sergio Ramos? Ai bën më shumë gabime se unë, por luan me Realin e Madridit. Kur luan me Kristiano Ronaldon, edhe nëse bën gabime me rezultatin 5-1, 5-2, askush nuk t’i vë re gabimet. Unë jam i pafat, kur skuadra ime gabon, pësojmë gol. Nuk ka gjyqtar më të mirë se vetja: kur bëj ndonjë gabim në ndeshje, nuk i flas gruas time për 1 javë. Nuk ia lë fajin askujt, përpiqem të qëndroj i qetë dhe të jem profesionist.”

Lovren ndalet dhe te mbrojtësi më i mirë në botë, sipas mendimit të tij, duke thumbuar përsëri Sergio Ramos. “Varan është një mbrojtës, i cili më pëlqen shumë. Besoj se është më i fortë se Ramos dhe e ka treguar një gjë të tillë në vitet e fundit dhe në sezonin e kaluar. Fitoi Kupën e Botës dhe Champions-in, por nuk gëzon të njëjtën konsideratë me Sergio Ramos”, përfundon mbrojtësi kroat i Liverpulit.

Në pjesën e dytë, iberikët reaguan deri diku, por nuk mjaftoi pasi ndeshja përfundoi me triumfin e kombëtares së “3 luanëve”. Pako Alkaser shënoi golin e parë dhe në minutën e 97-të ishte Serxho Ramos, ai që mbylli shifrat në 2-3. Pikërisht mbrojtësi dhe kapiteni i kombëtares spanjolle foli për mediat për sa i përket sfidës dhe e vlerësoi kombëtaren angleze si një ekip mjaft i fortë dhe me lojtarë të rrezikshëm.

“Anglia është një kundërshtar mjaft i fortë dhe shumë i vështirë për t’u mundur. Ata kanë lojtarë mjaft të shpejtë dhe të rrezikshëm. Ne duhet ta harronim performancën e pjesës së parë dhe në fraksionin e dytë të mundoheshim të rregullonim gjërat. Ndonjëherë gjërat nuk shkojnë sipas planit. Trajneri na kërkoi të ishim vetvetja në pjesën e dytë, por nuk mundëm”, përfundoi spanjolli.

Sigurisht Ramos nuk është ndjerë mirë, por e thekson se e ka ndërgjegjen e pastër për atë që ka ndodhur në finale. “I dëgjova vërshëllimat, por nuk ndikojnë tek unë. Do më pëlqente të kisha marrë një tjetër mikpritje. Ndoshta ata nuk i kujtojnë kërcënimet me vdekje që mora unë dhe familja ime”, është shprehur spanjolli fillimisht.

Më tej qendërmbrojtësi ka shtuar: “Nuk kam pasur kurrë qëllim të dëmtoj një lojtar tjetër në fushë. Për atë që ndodhi atë natë në fushë e kam ndërgjegjen të pastër”. Spanja fitoi me Anglinë dhe për Ramos nuk mund të kishte nisje më të mirë. Gjithashtu ai flet edhe për trajnerin Luis Enrike.

“Kemi nisur një epokë të re me një trajner të ri, i cili ka eksperiencë dhe ka fituar gjithçka. Kundër Anglisë ishte një ndeshje e komplikuar, pasi u përballëm me një skuadër të shkëlqyer dhe që shkoi në gjysmëfinale të Kupës së Botës. Nuk mund të kishte një nisje më të mirë se sa të fitoje në Uembli”, shprehet qendërmbrojtës.

Zherard Pike është larguar nga Spanja. Ramos e vlerëson ish-shokun e skuadrës, por kërkon që të shohin përpara. Gjithsesi vlerësimi për atë që ka bërë me kombëtaren nuk mungon as nga lojtari i Realit të Madridit.

“Pike është një nga ata lojtarë që bën diferencën, por duhet të shohim përpara dhe të mendojmë për të ardhmen. Kemi edhe lojtarë të tjerë shumë të fortë. Naço ka bërë shumë mirë, por është gjithashtu e vërtetë që Zherard Pike ka bërë një punë të madhe për skuadrën tonë”, përfundoi Serxhio Ramos pas ndeshjes me Anglinë.

Edhe pse nuk flet askush, as Ronaldo, as menaxheri i tij dhe asnjeri nga Reali, mediat nxjerrin çdo ditë lajme të reja dhe të gjithë konfirmojnë se portugezi kërkon të kthehet në Mançester.

Në Spanjë sot është publikuar lajmi se Ronaldo ka pasur një bashkëbisedim telefonik me kapitenin Sergio Ramos, i cili i ka kërkuar sqarime.

Ronaldo i ka rrëfyer se kërkon të largohet si pasojë e gjyqit për evazion fiskal dhe për faktin se Reali nuk e ka mbrojtur si duhej në këtë histori.

Nga e kanë mësuar mediat këtë bisedë, është mister, por mbetet fakt që Ronaldo nuk po përgënjeshtron asnjë lajm që e largon nga kampionët e Europës.