Serbia\

Volejboll | Shqipëria e mbyll e treta, fiton ndaj Serbisë

Sport Ekspres — Fri, 28 Jun 2019 17:35:21 +0000

Kombëtarja U20 e Shqipërisë në Volejboll ka fituar ndeshjen përcaktuese për vendin e tretë në turneun “Kampionati Ballkanik”. Kuqezinjtë mundën Serbinë 3 – 2 (22 – 25, 25 – 20, 23 – 26, 25 – 14, 15 – 5) në ndeshjen e zhvilluar në sallën e lojërave “Feti Borova”.

Shqipëria e nisi mirë turneun duke fituar të tri ndeshjet e fazës së grupeve ndaj Kosovës, por në gjysmëfinale kuqezinjtë u ndalën nga Mali i Zi. Turneu “Kampionati Ballkanik” u zhvillua në Tiranë në datat 24 – 28 qershor dhe në të morën pjesë tetë skuadra nga Ballkani.

VIDEO | Gjermania mbetet “kantier”, barazim në shtëpi ndaj Serbisë

Sport Ekspres — Wed, 20 Mar 2019 21:38:35 +0000

Gjermania nuk ka shkuar më shumë se një barazim 1-1 në shtëpi përballë Serbisë, në një ndeshje miqësore. Golit të Joviç në pjesën e parë i është përgjigjur Leon Gorecka në të dytën, me ekipin e Joakim Lëv që dominoi gjithçka në pjesën e dytë.

Ndeshja nisi mirë për miqtë, të cilët befasuan gjermanët, duke gjetur avantazhin në minutën e 12-të. Ishte i zakoshmi Luka Joviç, i cili në zhvillimin e një goditje nga këndi u gjet i lirë duke shënuar me kokë.

Gjermania e Joakim Lëv provoi të reagonte, me rastet që nuk munguan, por Verner arriti të ndalej nga portieri mik. Gjithashtu edhe Serbia pati një mundësi mjaft të mirë në minutën e 41-të me Adem Ljajiç, i cili gaboi i vetëm përballë Nojer. Kështu, pjesa e parë u mbyll me shifrat 0-1 në favor të Serbisë.

Në fraksionin e dytë, “pancerat” erdhën me një fytyrë tjetër, teksa aktivizimet e Rojs dhe Goreckës i dhanë një marsh tjetër. Ishte pikërisht kjo dyshe, që gatoi golin e barazimit në minutën e 69-të, me Leon Goreckën, që shrytëzoi mjaft mirë një pasim të Rojs, duke goditur në mënyrë perfekte për të çuar shifrat në 1-1.

Gjermanët provuan deri në fund të përmbysnin, por nuk ia arritën, me serbët që rezistuan deri në fund për të marrë një barazim.

Volejboll për femra, Serbia mposht Italinë dhe shpallet Kampione Bote

Sport Ekspres — Sat, 20 Oct 2018 11:11:55 +0000

Finalja e Botërorit të volejbollit për femra e zhvilluar në Japoni ka dhuruar një sfidë spektakolare midis Italisë dhe Serbisë. Rivalitet i fortë, pesë sete të zhvilluara, por në fund triumfuan vajzat serbe, duke arritur të shpallen Kampione Bote. Boshkoviç dhe Mihailoviç shkëlqyen në ekipin serb, ndërsa Paola Egonu luftoi deri në fund për t’i dhënë fitoren Italisë, por 33 pikët e saj nuk mjaftuan.

Seti i parë u fitua nga Italia me rezultatin (25-21), ndërsa vajzat serbe nuk u përmbajtën në setin e dytë. Ato fituan me rezultatin (14-25), duke barazuar sfidën.

Në setin e tretë trajneri Mazanti bëri një ndryshim në formacionin e Italisë. Pietrini u fut në vendin e Sylës, ndërsa seti i tretë nisi mirë për Serbinë, që u shkëput me rezultatin 1-6. Italianet reaguan, duke arritur të fitojnë në fund me dy pikë diferencë. Paola Egonu ishte deçizive në këtë set, duke shënuar pikën e fundit.

Seti i katërt foli për Serbinë që udhëhoqi (2-8) dhe (5-9). Italia reagoi duke ngushtuar diferencën, por seti shkoi për Serbinë, që fitoi me rezultatin (19-25).

Gjithçka u përcaktua në setin e pestë dhe atë final. Fillim i mirë i italianeve, të cilat shkëputen me rezultatin (3-1) dhe më vonë (7-6). Loja ka ritëm dhe frikë për të mos gabuar. Serbia përmbysi rezultatin, duke kaluar në (8-10), ndërsa arriti të fitonte setin me rezultatin (12-15). Fitore e madhe për vajzat serbe, të cilat shpallen Kampione Bote, ndërsa zhgënjimi në kampin italian ishte shumë i madh.

ITALI – SERBI 2-3
(25-21, 14-25, 25-23, 19-25, 12-15)

AND IT IS SERBIA!! ???
WORLD CHAMPIONS! ???
3-2 against Italy at the #VolleyballWCHS final, congratulations!!https://t.co/k6uoJpysZr pic.twitter.com/ys59PMW4iW

— CEVolleyball (@CEVolleyball) October 20, 2018

Thirrja e kryeministres serbe: Sporti, rruga e parë që na bashkon

Sport Ekspres — Mon, 28 Aug 2017 14:55:54 +0000

Shorti i Europa League ka vendosur përballë sërish Shqipërinë dhe Serbinë, këtë herë jo me kombëtare, por të përfaqësuar nga dy klube, Skënderbeu dhe Partizan Beogradi. Dhe, pikërisht tensioni i madh që u krijua në tetor të vitit 2014 në Beograd mund të përsëritet. Por, kryeministrja serbe, Ana Brnabiç, në një intervistë për “Ora News”, ka komentuar jo vetëm situatën politike mes dy vendeve, por edhe përballjen mes Skënderbeut dhe Partizanit të Beogradit. Ashtu si 3 vite më parë, shqiptarët do të bëjnë vizitë sërish në stadiumin e Beogradit për ndeshjen e Partizanit dhe Skënderbeut dhe Brnabiç shpreson që kjo ndeshje të mos ketë të njëjtat probleme edhe pse nuk siguron asgjë. “Fillimisht, duhet të them që jemi shumë të lumtur për Partizanin. Ne akoma jemi duke festuar suksesin. Shpresoj që ndeshja të shkojë mirë dhe dua t’i bëj thirrje kujtdo që të festojmë. Sporti duhet të jetë rruga e parë që na bashkon”, ka deklaruar kryeministrja e Serbisë në lidhje me përballjen shqiptaro-serbe në fazën e grupeve të Europa Ligës.