Largimi i Ferguson dhe rënia e Junajtid, më pak gola të shënuar se… Evertoni!

Sport Ekspres — Sat, 27 Oct 2018 20:23:45 +0000

Mançester Junajtid pret Evertonin nesër në “Old Trafford” dhe synimi i vetëm i djemve të Murinjos është fitorja. Ndeshje e vështirë për “Djajtë e Kuq”, duke llogaritur faktin që Evertoni vjen nga tre fitore rresht në kampionat.

Kjo do të jetë ndeshja e 200 e Junajtid, që nga koha kur Sër Aleks Ferguson nuk është më trajneri i ekipit. Skocezi i famshëm drejtoi me sukses klubin e Junajtid për 27 vite, ndërkohë që u tërhoq në vitin 2013.

Gjatë kësaj periudhe, post-Ferguson, Mançester Junajtid ka shënuar 167 gola në “Old Trafford”, 13 gola më pak se sa ka shënuar Evertoni në stadiumin e tij. Listën e kryeson Mançester Siti me 270 gola të shënuar, ndjekur nga Liverpuli (214 gola) dhe pastaj me radhë: Arsenali (211 gola), Çelsi (208 gola), Totenhemi (188 gola) dhe Evertoni (179 gola).

Ekipi ka hasur vështirësi pas tërheqjes së Fergusonit dhe nuk po arrin të ngjitet në nivelin e kërkuar. Ekipi i famshëm anglez ka shënuar më pak se kundërshtarët e nesërm në fushën e tij, pavarësisht se në 20 ndeshjet e fundit të zhvilluara në “Old Trafford”, Evertoni ka fituar vetëm një prej tyre, atë të 4 dhjetorit të vitit 2013, ku Brajan Oviedo i dhuronte fitoren ekipit nga Liverpuli, katër minuta përpara fundit të ndeshjes.

The game against Everton is #MUFC’s 200th PL game since SAF left. In that time United have scored 167 goals at OT. In the same period these clubs have scored at home…

City – 270
LFC – 214
AFC – 211
CFC – 208
THFC – 188
Everton – 179

Less than Everton! Let that sink in. ???

— Rob Blanchette (@_Rob_B) October 26, 2018

VIDEO | Çfarë emocionesh për Ferguson, “Old Trafford” nderon legjendën

Sport Ekspres — Sat, 22 Sep 2018 16:22:35 +0000

Sër Aleks Ferguson është rikthyer në “Old Trafford” për të ndjekur nga afër Mançester Junajtidin e tij. “Djajtë e Kuq” nuk ia dolën të fitonin përballë Uolvesit dhe sfida u mbyll në barazim 1-1, por çfarë pritje për trajnerin legjendar, i cili drejtoi Junajtid për 27 sezone rresht, duke fituar gjithçka me këtë ekip.

Trajneri skocez nuk merrte pjesë në stadium prej muajit prill në ndeshjen Mançester Junajtid-Arsenal. 76-vjeçari pësoi një hemorragji cerebrale dhe kreu një operacion delikat në tru. Tashmë ai është më mirë dhe gëzon një shëndet të plote.

Gjatë ndeshjes së sotme, tifozët i kanë rezervuar një pritje emocionuese siç shihet dhe në video. Ferguson është një legjendë për tifozët e Junajtid dhe ata kanë treguar gjithë dashurinë e tyre për trajnerin e famshëm.