Edon Hasani gjithashtu është i dëmtuar, si dhe i pezulluar me kartonë të verdhë për këtë javë. Shqetësimi i radhë për Memën është Marvin Turtulli. Shpresohej që shtatlarti të ishte gati, por burime të Sportekspres.com pranë klubit bardheblu bëjnë me dije se qendërmbrojtësi nuk mund të jetë i gatshëm.

Me shumë mundësi do të debutojë në Superiore Jurgen Goxha, afrimi i vetëm i Tiranës në merkaton e janarit. Ndërkohë ka lajme edhe nga Sentamu.

Sulmuesi ka pasur probleme me dokumentacionin dhe nuk ishte bashkuar ende me skuadrën. Ai ndodhet në Ugandë, ndërkohë që gjatë javë së ardhshme pritet të bashkohet me skuadrën. Një lajm i mirë për Memën, i cili momentalisht po mendon të kalojë me sukses Teutën.

Megjithatë, jemi në Shqipëri dhe probleme të tilla nuk janë të veçuara. Në mënyrë ironike një rast të ngjashme po vuan edhe Tirana. Duket se pas mbylljes së çështjes Ngo, te 24 herë kampionët Shqipërisë ka dalë problematika e radhës. Sulmuesi nga Uganda Junus Sentamu nuk i është bashkuar ende klubit dhe në këtë moment ndodhet në vendlindje, prej thuajse një muaji. Ndërkohë, bashkëkombësi dhe kolegu i tij Antoni Mauexhe, ka mbërritur në kryeqytet prej më shumë se një jave.

Futbollisti 24-vjeçar është sulmuesi me më shumë gola i Tiranës me katër finalizime në 13 ndeshje. Kryeqytetasit po mundohen ta kalojnë në heshtje mungesën e lojtarit, por Sentamu nuk është në koordinim me klubin, pasi mjafton të hedhësh një sy në rrjetet sociale, ku lojtari i bardhebluve është ndër më aktivit.

Situata është krejtësisht e papranueshme për një klub që ndodhet shumë pranë zonës së “ftohtë” dhe që pas vetëm dy ditësh ka një ndeshje vendimtare në kompeticionin e vetëm ku Tirana mund të pretendojë ende për një trofe.

Ndaj Laçit dhe Kamzës ai u pa në stadiumin “Flamurtari” dhe tanimë duhet t’i japë skuadrës së tij direktivat e duhura për të marrë pikët maksimale. Për ndeshjen e së premtes trajneri Mema do të ketë të gatshëm edhe sulmuesin Junus Sentamu.

Futbollisti nga Uganda mungoi në Laç për shkak se ishte i pezulluar me kartonë të verdhë. Këtë javë asnjë lojtar nuk mungon për shkak të kartonëve, ndërkohë që stafi teknik i bardhebluve i gëzohet formës së mirë të Majkëll Ngo.

Gjiganti anglez bëri një paraqitje të mirë javën e shkuar ndaj bardhezinjve dhe me shumë mundësi do të jetë titullar. Një lajm i mirë për Tiranën është edhe rikthimi i tifozëve. Dënimi i dhënë nga Disiplina pas trazirave në ndeshjen me Kukësin është shlyer dhe tanimë fansat bardheblu mund të jenë në mbështetje të skuadrës.

E padëgjuar, Disiplina hedh poshtë vendimin e arbitrit që ishte vetëm pak metra larg aksionit nën akuzë.

Qartësisht, Disiplina e FSHF-së nuk e ka idenë nga shumë gjëra dhe ndoshta e bën këtë punë për qejf, pa pagesë, se nuk shpjegohet ndryshe që të jepen kaq shumë vendime komike gjatë një sezoni dhe askush mos t’u thotë gjë.

Që të mos ofendohen Disiplinuesit e FSHF-së e të mos na hedhin në gjyq, duke ndjekur modelin e shtetit tonë që nuk të lejon më të kritikosh dhe ta mbyll gojën me gjobat e gjykatës, po japim vetëm një shembull injorance dhe paaftësie totale nga ky Komisioni ynë.

Të shtunën, pak orë para Flamurtari-Teuta, u luajt Kamza-Tirana. Sulmuesi i Tiranës, Sentamu, goditi me bërryl një mbrojtës se Kamzës. Ndoshta arbitri nuk e pa mirë dhe u mjaftua me karton të verdhë, por Supersport ishte aty për atë punë dhe e transmetoi nja 23 herë videon e bërrylin të qëllimshëm të Sentamut.

Ndoshta Disiplina e ka pasur mendjen në Vlorë, por ja ku e kanë videon, t’ia hedhin një sy, mos ndoshta ndoshta edhe ky është paksa gjest antisportiv?

Mos ndoshta atë provën televizive duhet ta përdorin edhe në ndeshje të tjera, apo vetëm në Vlorë i kanë sytë, se atje ka tension? Po atë tensionin, mos e prodhojmë arbitrat e paaftë, që anulojnë gola pa i parë fare apo nuk i japin karton Bathës kur duhet dhe e dënojnë para ndeshjes kundër Kukësit? Gojët e liga thonë që dënimi i Bathës është bërë me qëllim, por larg qoftë të dyshojmë te ndershmëria e ligjvënësve të futbollit tonë. Tani presim edhe në pezullim me provë televizive e mbyllje stadiumi, por do bëjmë si të bëjmë, do i shohim ndeshjet në televizor..

Sa i takon raportit me lojtarët, fjalët kanë qenë të shumta për raport të ftohtë. Gjithsesi ka edhe nga ata që e falënderojnë, sikurse edhe ndodh me Junus Sentamu. Sulmuesi anësor, përmes faqes së tij në “Facebook” shkruan fjalë të mira për brazilianin.

“Pasion, respekt, sukses… Kjo është e gjitha rreth Ze Marias. Faleminderit për çfarë keni bërë për ne te Tirana dhe për çfarë keni bërë në botën e futbollit. Ju jam mirënjohës për gjithçka më keni mësuar dhe për gjithë besimin e dhënë, pa marrë parasysh se sa e vështirë ishte situata. Faleminderit Ze Maria”, janë fjalët e Junus, i cili ka postuar edhe disa foto.

“Ndihemi sikur kemi humbur më shumë se një ndeshje. Ndoshta duhet të kishim qenë të fokusuar më shumë. Ndonjëherë i humbet ndeshjet që duhet t’i fitosh, por ne të gjithë do të kthehemi më të fortë”, shkruan Sentamu në faqen e tij në “Facebook”.

Sulmuesi iu bashkua Tiranës që sezonin e shkuar dhe në Kategorinë e Parë ishte një nga lojtarët kryesorë që kontribuoi për rikthimin në elitë. Në Superiore ende nuk ka arritur të gjejë rrugën e rrjetës.

Deri më tani skuadra kryeqytetase ka shënuar vetëm një gol kundër Kukësit me anë të Ernest Muccit, ndërkohë që është pritur shumë nga Junus Sentamu. Lojtari nga Uganga nuk ka arritur të shënojë dot, edhe pse ndaj verilindorëve pati një mundësi të mirë në fundin e pjesës së parë.

Duke parë edhe paraqitjen e bërë nga Gideon Ofori Ofei, me shumë mundësi sulmuesi mund të përfundojë në stol. 19-vjeçari ganez bëri një paraqitje të mirë në 45 minutat e dytë, por jo vetëm kaq, pasi edhe gjatë seancave stërvitore të javës së shkuar Ze Maria kishte lënë të kuptohej se po bënte plane ta aktivizonte.

Tanimë për Ofei mund të ketë më shumë minuta, ndërkohë që nesër pritet të vijë edhe nigeriani Oduamadi, prej të cilit në kampin bardheblu presin shumë. Ish-lojtari i Milanit dhe Nigerisë është zyrtarizuar, pasi në Milano kishte nënshkruar për dy vite.

“Gëzuar ditëlindjen Tirona. Klubi më i mirë në Shqipëri. Jam shumë i gëzuar të jem pjesë e këtij klubi. Tirona ka një fanellë të rëndë dhe të jap gjithmonë maksimumin për fanellën dhe fansat, që janë më të mirët në Shqipëri”, thotë sulmuesi nga Uganda në videon e urimit.

Sentamu ka qenë një ndër lojtarët më të spikatur gjatë sezonit që klubi 24-herë kampion i vendit zhvilloi në kategorinë e parë. 24-vjeçari ishte dyti për nga numri i golave pas Bedri Grecës me 12 finalizime. Sezoni i mirë ne Tiranën i mundësoi Sentamus rikthimin në kombëtaren e Ugandës.

https://www.instagram.com/p/Bmf-4jClVzp/?hl=en&taken-by=yums12_official

Nuk do të jetë për sulmin i gatshëm Majkëll Ngo, pasi gjiganti anglez ende nuk është rikuperuar pas ndërhyrjes në gju. Veç tij edhe Junus Sentamu mbetet jashtë. Futbollisti nga Uganga është vonuar për efekt dokumentacioni, por Ze Maria mund të qetësohet.

Sonte në mbrëmje, rreth orës 20:00, sulmuesi do të mbërrijë në aeroportin e Rinasit. Me shumë mundësi që nesër ai do të vihet nën urdhrat e stafit teknik për të vijuar përgatitjet. Fillimisht me një program të veçantë dhe më pas së bashku me pjesën tjetër të ekipit.

Sentamu është një nga lojtarët kryesorë të Tiranës, që sivjet rikthehet në Superiore dhe do të kërkojë të tregojë se shumë gjëra kanë ndryshuar dhe do të jenë një nga ekipet pretendente për vendet e sipërme të tabelës së klasifikimit.

Ndeshja – Trajneri Ze Maria kishte vendosur që të mbante një ekip të pandryshuar në kampionat me ata lojtarë që luajtën në Pogradec. Dhe menjëherë ritmi i lojës rritet. Që në minutën e katërt, Sentamu nis një duel të gjatë me portierin e Naftëtarit Koçi, nga ku del fitues vetëm dy herë, ndërsa gardiani në shumë momente i mohon golin ugandezit. Tirana pasi e nis mirë, përgjumet për 10 minuta, por një sulm i nisur nga Ngo në minutën e 14-të, bën që Karabeci të çojë në avantazh bardheblutë. Pa gëzuar mirë, Tirana dyfishon rezultatin 60 sekonda më vonë me Sentamun. Kërçiku merr krahun nga e djathta, kroson te Sentamu që godet menjëherë, grushton në fillim Koçi, por topi mbetet në vijën fatale dhe sërish ugandezi i pashqetësuar shtyn sferën në rrjetë. 2-0 dhe takimi mbyllet që në minutën e 15-të. Është Ngo që provon nga larg, ndërsa Naftëtari rastin e vetëm në pjesën e parë e ka me Koroveshin që ekzekuton një goditje dënimi, por pa rrezik për portën e Ilion Likës.

Pjesa e dytë nis me ndërrime si nga Tirana që fut Shehrin për Likën dhe miqtë nga Kuçova. Është në fillim Ngo që humbet disa raste për gol. Allkanjari në dy raste është afër golit, ndërsa Sentamu e Ngo humbasin raste pa fund, pasi portieri Koçi u bëhet “ferrë”. Gjithsesi, rezultati do të vuloset në fund të takimit pikërisht në minutën e 90-të me anë të Sentamus që shënon dygolëshin e tij. Është Doka nga e djathta jep një top për në qendër për Sentamun, që godet në ajër dhe më në fund mposht Koçin në minutën e fundit të lojës së rregullt. 3-0 dhe gjyqtari vendos të fusë skuadrat në dhomat e zhveshjes. Tirana fiton dhe me meritë fiton tre ditë pushim. Është e para e grupit të saj dhe ka nisur udhëtimin me maksimumin e forcave drejt Superiores.

Tirana – Naftëtari      3-0

Shënues: Karabeci 14′, Sentamu 15′, 90′

Tirana: Lika (Shehri 46′), Kërçiku, Uellison, Turtulli, Hoxhallari, Doka, Daja, Mauexhe, Karabeci (Halili 82′), Sentamu, Ngo (Levendi 89′). Në dispozicion Bishaj, Qilimi, Nuriu, Çelhaka. Trajner: Ze Maria  

Naftëtari: Koçi, K.Pepa (Jaupi 67′), Marra, Xh.Kajo, Behari (Hadaj 46′), Koroveshi (A.Pepa 72′), Cake, Hyseni, Nallbati, Allkanjari, Llojku. Në dispozicion Spahiu, Marini, Gjyla, E.Kajo. Trajner: Barjam Fraholli.

Gjyqtarë: Indrit Myrtja, Melis Dervishi, Fisnik Thorja, Arlind Pirani (Shkodër)

Kartonë të verdhë: Lika 28′, Sentamu 68′ / Marra 60′,  Xh.Kajo 79′

Edhe pse nuk është zyrtare, lojtari afrikan do të ketë një gjobë të majme nga klubi për gjestin anti-sportiv. Presidenti Refik Halili ishte shumë i mërzitur për gjestin e Sentamus dhe besohet se ai do të ndëshkohet. Në fakt, Sentamu u ndëshkua me karton të kuq në sfidën me Makabi Tel-Avivin. Shumë në stadium nuk e kuptuan përse u përjashtua Junus Sentamu me karton të kuq. Por në fund gjithçka u qartësua. Lojtari i Tiranës goditi me shkelm nga mbrapa Tal Ben Haimin. Në fakt anësori ka dashur ta falë, por izraeliti qëndroi i shtrirë në fushë dhe në fund anësori u detyrua që të sinjalizonte goditjen e Sentamus.

Kartoni i kuq për afrikanin ishte mëse i merituar. Parashikohej një pezullim më i gjatë për të, por sulmuesi nga Uganda do të mungojë vetëm në një ndeshje. Shansi i vetëm nëse Sentamu qëndron te Tirana për një kohë të gjatë për ta shlyer dënimin sezonin e ardhshëm është që bardheblutë të fitojnë sërish Kupën e Shqipërisë dhe të kualifikohen në kompeticionet europiane, pasi në sezonin e ri Tirana do të luajë për herë të parë në histori në Kategorinë e Parë.

Në janar Sentamu ishte pjesë e kombëtares së Ugandës në Kupën e Kombeve të Afrikës, kompeticion shumë i rëndësishëm në Afrikë. Aty Sentamu nuk luajti asnjë minutë, por emri i tij përfundoi në qendër të vëmendjes për një histori që është munduar të mbahet e fshehtë nga drejtuesit e federatës së Ugandës.

Mediat nga Uganda raportonin në shkurt se kombëtarja e Ugandës u përfshi nga një skandal gjatë Kupës së Kombeve që u zhvillua në Gabon, pasi trajneri serb Milutin Sredojeviç zbuloi se disa futbollistë merrnin prostituta në dhomat e hotelit ku qëndronin.

Jo vetëm kaq, por u zbulua se disa lojtarë paguanin prostituta dhe organizonin orgji, aq sa Konfederata Afrikane nisi një hetim ndaj 6 futbollistëve, mes të cilëve ishte edhe Sentamu, pasi u gjetën në një dhomë me një prostitutë, duke bërë seks dhe duke filmuar gjithçka.

Sipas uebsiteve ugandeze, ishte pikërisht sulmuesi Junus Sentamu ai që shërbente si ndërlidhës mes futbollistëve e prostitutave, duke grumbulluar paratë e futbollistëve për të gjetur më pas prostitutat. Në një kontroll rutinë nga stafi i kombëtares, në dhomën e sulmuesit të ri të Tiranës u gjetën dy prostituta.

Skandali i përfolur vetëm në media nuk është komentuar zyrtarisht nga federata e Ugandës, por sipas gazetarëve ugandezë Junus u pezullua nga skuadra, por qëndroi deri në fund të kompeticionit për të evituar skandalin në Ugandë pa përfunduar turneu.

Skandali nuk përfundonte te prostitutat, sepse raportohet se Sentamu ishte një ndër futbollistët që i bënë shantazh Federatës së Ugandës para fillimit të turneut, ku Uganda nuk merrte pjesë prej 39 vitesh. Para turneut, Sentamu me shokë kërcënuan se nuk do të merrnin pjesë në Kupën e Kombeve, nëse nuk paguheshin 1000 dollarë secili për çdo ditë në stërvitje, 10.000 dollarë për çdo fitore dhe 5.000 dollarë për çdo ndeshje të luajtur në turne. Gjithashtu, lojtarët kërkonin 15.000 dollarë si bonus për kualifikimin në Kupën e Kombeve.

Pas Kupës së Kombeve Junus Sentamu nuk është grumbulluar më në kombëtaren e Ugandës dhe këtë muaj Uganda ka luajtur një miqësore e një ndeshje të rëndësishëm për kualifikueset e Kupës së Kombeve.

Nëse Sentamu do të shënojë shumë gola për Tiranën, mbetet për t’u parë, por e sigurt është që jashtë fushe shënon, rregullisht…