sensi

VIDEO | Goli i parë i sezonit, Interi e nis me një perlë të Sensit

Sport Ekspres — Sun, 14 Jul 2019 16:08:14 +0000

Interi po zhvillon ndeshjen e parë nën drejtimin e Antonio Kontes. Zikaltrit po luajnë një takim miqësor kundër zviceranëve të Luganos, ku golin e parë e ka shënuar mesfushori i blerë së fundmi nga Sasuolo, Stefano Sensi.

Në minutën 25-të futbollisti shtatshkurtër kreu një goditje fantastike me të djathtën që nuk i la asnjë mundësi portierit kundërshtar.

First #Inter 2019/20 Line-Up

Handanovic (c)
D'Ambrosio
de Vrij
Skriniar
Candreva
Sensi
Brozovic
Gagliardini
Perisic
Esposito
Longo#LuganoInter

— Alessandro Rimi (@Ale_Rimi) July 14, 2019

Sensi i mallëngjyer: Flas në fushë, do ju bind

Sport Ekspres — Tue, 02 Jul 2019 19:45:09 +0000

Stefano Sensi u prezantua sot si lojtari më i ri Interit. Transferimi te zikaltërit është një ëndërr e bërë realitet për 23-vjeçarin, i cili hapat e parë të karrierës i ka hedhur në futbollin gjysmë-profesionist të Serie C.

Me anë të një postimi në “Instagram”, mesfushori italian ka ndarë emocionet që i ka sjellë ky moment kyç i karrierës së tij.

“Është një ëndërr që bëhet realitet. Kam bërë kilometra e sakrifica. Kam qeshur kam qarë. Kam fituar, por edhe kam humbur. Ka pasur nga ata që thanë se s’do ia dilja kurrë. Megjithatë, ka pasur dhe nga ata që kanë besuar gjithmonë tek unë. Familja ime, Xhulia ime, agjenti im, shokët e mi. Edhe sot ja ku jam. Jam tek Interi. Nuk mund të kishte gjë më të bukur për mua. E kam të pamundur të tregoj e përshkruaj se ç’po ndjej këto ditë. Nuk kam përse, nuk jam i mirë me fjalët, preferoj fushën. Ëndrra sapo ka filluar dhe shpresoj që së shpejti të kthehet realitet ose në histori. Sepse dua t’u bind se mund të fitoj. Mesi po pres të hyj në Pinetina (kompleksin stërvitor), të djersit bluzën zikaltër e të shkel në barin e San Siros. Jam i gëzuar. I gëzuar që nga sot jam njëri prej jush”.

https://www.instagram.com/p/BzbHxqNCqA4/?utm_source=ig_embed

Interi hap merkaton, përforcimi i parë vjen në mesfushë

Sport Ekspres — Fri, 28 Jun 2019 16:51:25 +0000

Interi hap merkaton e verës me blerjen e mesfushorit të Sasuolos, Stefano Sensi. Sipas “Sky Sports”, zikaltrit kanë arritur akordin me lojtarin dhe klubin emilian. Zyrtarizimi i transferimit do të ndodhë fill pas vizitave mjekësore që priten të ndodhin të martën ose të mërkurën e javës që vjen.

Sensi ka qenë një ndër lojtarët më të përfolur në Itali gjatë muajve të fundit. Mesfushori shtatshkurtër ishte një ndër objektivat kryesorë të Milanit që e kërkoi me ngulm edhe një vit më parë, por drejtuesit e “djallit” nuk arritën të gjenin akordin me Sasuolon.

Futbollisti 23-vjeçar do të jetë një përforcim madhor për mesfushën e Interit. Finalizimi i kësaj është një lajm i keq për ata tifozë zikaltër që donin të shihnin me fanellën zikaltër Nikolo Barelën e Kaljarit. Mesa duket 22-vjeçari nga Sardenja do të zgjedhë një destiancion tjetër.

Interi arrin akordin, i “vjedh” Milanit objektivin kryesor

Sport Ekspres — Sat, 22 Jun 2019 07:29:29 +0000

Stefano Sensi është vetëm një hap larg Interit, pak ditë pasi ishte i lidhur me një kalim te rivalët e përjetshëm të Milanit. Drejtuesit e zikaltërve u takuan me agjentin e mesfushorit të Sasuolos, Xhiusepe Riso, dhe kanë arritur një akord.

Dy palët gjetën një marrëveshje të ngjashme me atë të vitit të kaluar për Mateo Politanon. Sensi do të transferohet tek Interi në huazim (rreth 5 milionë euro) me të drejtën e blerjes në fund të sezonit, për një shumë rreth 25 milionë euro. Gjithashtu, Edoardo Vergani, sulmuesi 18-vjeçar i Interit, do kalojë te Sasuolo.

Inter ka siguruar marrëveshjen për Sensin në vetëm pak orë, siç raportojnë mediat italiane. Mesfushori 23-vjeçar do të nënshkruajë një kontratë 5-vjeçare në rreth 1.8 milionë në sezon. Sensi do të jetë përforcimi i parë për Antonio Konten dhe pritet të pasohet së shpejti nga Barela dhe Xheko.

Milani sakrifikon Kutronen, kërkon me çdo kusht mesfushorin!

Sport Ekspres — Sun, 16 Jun 2019 08:34:56 +0000

Mesfusha është reparti kryesor ku do të fokusohet merkato e Milanit gjatë kësaj merkatos së kësaj vere. Drejtuesit e “djallit” ëndërrojnë transferimin e uruguaianit të Arsenalit, Lukas Torreira, por gjasat që mesfushori shtatshkurtër të rikthehet në Serie A janë të pakta.

Plani B i Milanit është futbollisti i Sasuolos Stefano Sensi. Mesfushori italian ndiqet prej vitesh nga Milani. Kartoni i 23-vjeçarit është i përballueshëm për financat e lëkundura të Milanit, por te Sasuolo nuk kërkojnë vetëm para “cash”.

Sipas “Gazzeta Dello Sport”, drejtuesit e klubit emilian janë të interesuar për shërbimet e sulmuesit Patrik Kutrone. Për momentin kërkesat specifike të Sasuolos, por palët do të diskutojnë me përfaqësuesit e lojtarit pasi ky i fundit të rikthehet nga grumbullimi i përfaqësueses U21 të Italisë, që ditën e sotme fillon rrugëtimin në Europianin U21.

Maldini lëviz në merkato, Milani një hap larg nënshkrimit me mesfushorin

Sport Ekspres — Tue, 14 May 2019 09:19:38 +0000

Milani ka nisur të lëvizë për merkaton, me Paolo Maldinin që si objektiv kryesor duket se ka Stefano Sensin. Sipas asaj që raporton “Gazzeta dello Sport”, drejtori i kuqezinjve është në bisedime të avancuara me Sasuolon dhe sidomos me agjentin e lojtarit.

Kuqezinjtë i kanë ofruar Sensit një kontratë 4-vjeçare me një pagë prej 1.5 milionë eurosh në sezon. Ndërkohë, nga ana tjetër, klubi i Sasuolos kërkon 25 milionë euro për mesfushorin dhe këtu gjithçka mbetet për t’u riparë.
Drejtuesit e Milanit do të mundohen ta ulin çmimin e 23-vjeçarit, të paktën deri në 20 milionë euro. Gjithsesi, në rast se arrihet objektivi Champions, transferimi i Sensit në “San Siro” do të ishte thuajse i kryer, pasi edhe buxheti i kuqezinjve do të ishte më i lartë për merkato.