Senegal

VIDEO | Një algjerian kopjon Nejmar, simulimi i tij “pushton” rrjetet sociale

Sport Ekspres — Sat, 20 Jul 2019 11:30:32 +0000

Algjerisë i mjaftoi një gol i shpejtë i Bunexhah (2’) për të mposhtur Senegalin në finalen e madhe të Kupës së Afrikës, duke e fituar këtë trofe për herë të dytë në histori.

Mahrez me shokë e mbrojtjen me fanatizëm avantazhin e artë, duke përdorur çdo mënyrë për të arritur te kupa. Ndërkohë që Algjeria udhëhiqte 1-0 dhe Senegali po përgatitej për një goditje këndi në favor, Sofian Feguli i befasoi të gjithë.

29-vjeçari i Gallatasarajit mori një goditje të lehtë me bërryl nga Sadio Mane, qëndroi pak në këmbë dhe më pas u shtri në fushën e blertë sikur të ishte goditur me plumb. Një episod i turpshëm që të kujton brazilianin Nejmar.

Ironitë e tifozëve në rrjetet sociale nuk munguan, por Feguli dhe Algjeria e tij arritën të siguronin një fitore të madhe dhe festuan gjatë me tifozët e tyre kurorëzimin si “mbretërit e rinj të Afrikës”.

???#AFCON2019 pic.twitter.com/rlwymU4SyB

— Eurosport UK (@Eurosport_UK) July 19, 2019

#ALGSEN #CAN2019 #Feghouli c'est le cousin de Neymar ou bien?? pic.twitter.com/FLV50yxaMq

— Tête d'ampoule (@NoahBnt) July 19, 2019

Mane kundër Mahrez, sot zgjidhet mbreti i Afrikës

Sport Ekspres — Fri, 19 Jul 2019 18:19:05 +0000

Sot do të luhet finalja e madhe e Kupës së Afrikës, me Algjerinë dhe Senegalin që do të përplasin “brirët”. Mane luan kundër Mahrez, një duel titanësh, që duket se nuk mbaroi me përfundimin e Premier League.

Mane triumfoi përballë Mahrez në Champions League, ndërsa ylli algjerian i “vodhi” titullin kampion në Angli dhe sot, do të luhet raundi i fundit për këtë sezon. Janë publikuar dhe formacionet e kësaj sfide dhe yjet në fushën e lojës nuk mungojnë.

Mane, Gueje, Saivet, Sarr dhe Niang janë armët më të forta të Senegalit, ndërsa Algjeria ka një “tridhëmbësh” të frikshëm me Mahrez-Benaser-Fehguli. Një finale e gjitha për t’u ndjekur…

Kupa e Afrikës, finale

Senegal – Algjeri (21:00)

FORMACIONET

Senegal: Gomish, Gasama, Sabali, Sane, Kojate, Gueje, Ndiaje, Saivet, Sarr, Mane, Niang

Algjeri: M’bohli, Zefane, Basenbaini, Benlamri, Mandi, Guedioura, Fehguli, Benaser, Mahrez, Belaili, Bunedjah

Pasaportë në vend të biletës, Algjeria do me çdo kusht trofeun

Sport Ekspres — Thu, 18 Jul 2019 10:52:30 +0000

Algjeria ka shansin t’i japë fund pritjes 29-vjeçare për trofeun e Kupës së Kombeve të Afrikës. Ditën e nesërme kombëtarja magrebase do të ndeshet në finale me Senegalin, një kundështar me futbollistë elitare si Sadio Mane dhe Idrisa Gueje.

Shteti dhe Federata algjeriane po bëjnë të tyren për t’i ardhur në ndihmë tifozëve të skuadrës që duan të mbështesin kombëtaren në finalen e zhvilluar në stadiumin ndërkombëtar të Kairos në Egjipt.

Së fundmi është bërë i ditur lajmi që çdo fans algjerian që kërkon të shohë finalen nuk përse të blejë biletë. Hyrja do të jetë falas për të gjithë personat që tregojnë autoriteteve egjiptiane pasaportën algjeriane.

Fitimi i trofeut është kthyer në një detyre kombëtare për shtetin algjerian. Në gjysmëfinalen ndaj Nigerisë, vetë qeveria transportoi pa kërkuar asnjë qindarkë me qindra tifozë drejt Egjiptit duke përdorur pesë avionë të ushtrisë.

Kulibali humbet finalen: E dhimbshme, vëllezërit shkruajnë historinë

Sport Ekspres — Mon, 15 Jul 2019 11:45:04 +0000

Tifozët e Senegalit dhe Tunizisë përjetuan emocione të forta në gjysmëfinalen e Kupës së Afrikës. Të dy ekipet humbën nga një penallti në minutat e fundit të ndeshjes, ndërsa Senegali avancoi në finalen e madhe falë një autogoli të mbrojtësit Bron në shtesa.

Luanët afrikanë do të ndeshen përballë Algjerisë në finalen e 19 korrikut, ndërsa do të vuajnë mungesën e madhe të Kalidu Kulibali. Kartoni i verdhë që mori në rastin e penalltisë së shkaktuar i kushtoi finalen e madhe mbrojtësit të Napolit.

28-vjeçari ka shprehur në rrjetet sociale kënaqësinë e kualifikimit, por edhe mërzitjen për humbjen e mundësisë për të luajtur në finale.

“Një finale që i jep gëzim gjithë popullit dhe ndihemi krenarë për këtë arritje. Do të jetë e dhimbshme të mos luaj, por do të jem përkrah vëllezërve të mi për të shkruar historinë”, shkruan Kulibali në faqen e tij në Twitter.

È una finale che dà gioia a un intero popolo e noi ne siamo orgogliosi. Sarà doloroso non giocarla. Ma sarò ugualmente al fianco dei miei fratelli per scrivere la storia: allez lions ????

?? #SENTUN 1-0 ??#AFCON2019 #KK ??

? @caf_online pic.twitter.com/WIYFwTScNH

— Koulibaly Kalidou (@kkoulibaly26) July 14, 2019

VIDEO | Senegali në finale, Tunizia “vetëvritet”

Sport Ekspres — Sun, 14 Jul 2019 18:40:25 +0000

Gjysmëfinalja e Kupës së Kombeve të Afrikës midis Senegalit dhe Tunizisë nuk ishte aspak një ndeshje normale. Të dyja skuadrat shpërdoruan nga një 11-metërsh në pjesën e dytë, ndërsa në fund goli i vetëm i takimit ishte një autogol qesharak i tunizianëve që çon senegalezët në finale.

https://twitter.com/the_etheropian/status/1150470063713136640

Të dyja skuadrat zhvilluan një ndeshje me nivel të dobët, ku secili nga portierët u vu pak herë në provë. Në finale Senegali do të ndeshet me skuadrën fituese të takimit Algjeri – Nigeri.

Senegal 1 – 0 Tunizi
Shënues: 100 Bron’ (aug)

VIDEO | Gol “anglez”, Senegali arrin në gjysmëfinale

Sport Ekspres — Wed, 10 Jul 2019 18:52:40 +0000

Senegali ka mposhtur 1-0 kombëtaren e Beninit në çerekfinalen e Kupës së Afrikës, duke prerë e para një biletë për në gjysmëfinalet e këtij turneu. Goli është shënuar nga lojtari i Evertonit, Idrisa Gana Gueje, i cili është asistuar nga ylli i Liverpulit, Sadio Mane.

Senegalezët bënë një ndeshje shumë të mirë, dominuan takimin dhe gjetën golin në minutat e para të pjesës së dytë. Mane bën gjithçka mirë, driblon thuajse të gjithë mbrojtjen kundërshtare dhe topi mbërrin te këmbët e Gueje, i cili vrapon fuqishëm në hyrje të zonës.

Mesfushori i Evertonit arrin të mposhtë portierin kundërshtar dhe i jep fitoren Senegalit, që pret tashmë të mësojë kundërshtarin në gjysmëfinale.

Kupa e Afrikës, çerekfinale

Senegal – Benin 1-0
Gueje 69’

VIDEO | Mane i papërmbajtshëm, Senegali prek çerekfinalen

Sport Ekspres — Fri, 05 Jul 2019 20:55:56 +0000

Senegali vazhdon marshimin drejt trofeut të Kupës së Kombeve të Afrikës. Kombëtarja senegaleze siguroi biletën në finale duke mundur Ugandën me rezultatin 1 – 0. Golin e vetëm të takimit e shënoi sulmuesi i njohur Sadio Mane.

Në ccerekfinale Senegali do të ndeshet me Benin, skuadër kjo që befasoi të gjithë duke eliminuar Marokun që ishte një ndër skuadrat favorite për të fituar turneun.

Krahas Mane kombëtarja e Senegalit është e përbërë nga futbollistë të njohur si qendërmbrojtësi i Napolit, Kalidu Kulibali, sulmuesi Mbaje Niang dhe mesfushori i Everton, Idriza Gueje.

Senegal 1 – 0 Uganda
Shënues: Mane 15’

Napoli, ofertat dhe Senegali: Rrëfehet Kalidu Kulibali

Sport Ekspres — Mon, 24 Jun 2019 12:53:21 +0000

E ardhmja e Kalidu Kulibali te Napoli nuk është e sigurt. Aurelio De Laurentis po reziston, por ofertat për “murin” e mbrojtjes janë të shumta. Flasim për shifra mbi 100 milionë euro, ndërsa presidenti kërkon të paktën 130 milionë.

Lojtari po luan Kupën e Afrikës me kombëtaren e tij, aty ku Senegali e nisi me një fitore kundër Tanzanisë kompeticionin. Kulibali ka folur pas fitores së parë, duke u përgjigjur edhe në lidhje me të ardhmen e tij.

“Të gjithë flasin për të ardhmen time, por unë e kam mendjen vetëm te Senegali. Objektivi im është që të arrij diçka të madhe me kombëtaren time. A do të qëndroj te Napoli? Nuk e di, por besoj se do të qëndroj. Nuk dua të flas për të ardhmen time, dua të flas për Senegalin tim. Jam 200% i përqendruar te Kupa e Afrikës, bashkë me 15 milionë senegalezët“, përfundon mbrojtësi afrikan.

Interi bllokon Keita Balde, gafa e pabesueshme e Senegalit!

Sport Ekspres — Tue, 13 Nov 2018 15:22:11 +0000

Shqipëria kërkoi nga Metz 13 ditë përpara që Ivan balliu t’i bashkohej kombëtares për ndeshjet me Skocinë dhe Uellsin, por klubi francez refuzoi. Rregullorja thotë që duhet njoftuar klubi dy javë përpara. Një ditë vonesë dhe Panuçi duhet të gjente një tjetër zgjidhje. Livingstoni, edhe pse ia thirrën Egli Kajën në momentet e fundit, nuk tha “jo”.

Por ka edhe raste të tilla, kur ftesa për futbollistin dërgohet në e-mailin e gabuar. Ka ndodhur me Senegalin, që ftesën për Keita Balde e ka dërguar në e-mailin e gabuar. Tanimë Interi nuk e lejon sulmuesin anësor t’i bashkohet kombëtares së tij.

“Ne e kemi dërguar ftesën në adresën e vjetër, që Interi nuk e përdor më. Ata e ndryshuan adresën e tyre dhe na dërguan një letër për të na vënë në dijeni për këtë. Në kushtet aktuale, lojtari nuk mund të lëvizje, pasi klubi i tij nuk është dakord”, ka shpjeguar Abdulaje Sou. Kështu, Keita Balde nuk do të jetë i gatshëm për Senegalin në ndeshjen kundër Guinesë Ekuatoriale.