Fatmirësisht gjendja e personave të shtruar në spital është stabilizuar dhe polica ka filluar hetimet për zbardhjen e autorëve të kësaj ngjarjeje.

Mediet skoceze raportuan për një tifoz të vdekur, por policia skoceze u përgënjeshtroi menjëherë lajmin për të mos përkeqësuar situatën midis dy tifozerive.

Krimet me armë të ftohtë kanë qenë dikur tepër shqetësuese për qytetin e Gllazgout, por me kalimin e viteve incidentet ranë ndjeshëm.

I biri i legjendës, Timoti është vetëm 18 vjeç dhe i ka ngjarë jo pak babait të tij. Adoleshenti u huazua pak javë më parë nga PSG-ja te Selltik, ku do të ketë më shumë minuta dhe në ndeshjen e katërt ka dhuruar një paraqitje të shkëlqyer.

Në transfertën e sotme ndaj Seint Xhonston, Ueah ndryshoi rrjedhën e takimit vetëm katër minuta pasi u fut në lojë nga stoli.

Në minutën e 78-të, adoleshenti shërbeu me një asist fantastik kolegun Forest, goli i të cilët zhbllokoi takimin. Për ta mbyllur siç duhet ndeshjen Ueah gjeti dhe golin e dytë me fanellën e Selltik në minutën  e 89-të dhe vulosi rezultatin e takimit në 2 – 0.

Falë fitores së sotme, Selltik çon në gjashtë pikë diferencën me rivalët historikë të Gllazgou Rejnxhërs. Titulli i tetë radhazi duket i destinuar për skuadrën e Brendan Roxhers.