Selta Vigo

Mesfushori rikthehet në vendlindje, Barcelona arkëton 16 milionë euro

Sport Ekspres — Sun, 30 Jun 2019 21:27:42 +0000

Barcelona ka njoftuar shitjen e mesfushorit Denis Suarez. Futbollisti spanjoll është transferuar te klubi i fëmijërisë së tij Selta Vigo për shumën e 16 milionë eurove së bashku me bonuset.

25-vjeçari nuk arriti të merrte minuta të mjaftueshme të kampionët e Spanjës, duke mos përballuar konkurrencën e madhe. Sezoni i fundit ishte ndoshta më i vështiri i karrierës së tij, teksa një huazim në Angli te Arsenal shkoi së mos më keq për shkak të një dëmtimi.

Agreement with @RCCelta for the transfer of @DenisSuarez6
More info: https://t.co/pxqpnXZafv pic.twitter.com/pAR7S4mRPB

— FC Barcelona (@FCBarcelona) June 30, 2019

Suarez rikthehet në vendlindje nëntë vite pasi u largua nga Selta kur ishte vetëm 16 vjeç

Goditja e bujshme e Uest Hem, 50 milionë euro për sulmuesin uruguaian

Sport Ekspres — Sun, 27 Jan 2019 08:26:04 +0000

Klubi i Uest Hemit është gati të thyejë rekordin e transferimeve. Objektivi i skuadrës londineze është sulmuesi i Selta Vigos Maksimiliano Rodrigez. Futbollisti uruguaian ka një klauzolë largimi prej 50 milionë eurosh, që pritet të aktivizohet në orët në vazhdim.

Gomez luan prej dy sezonesh në Spanjë, ku ka impresionuar me përshtatjen e tij të shpejtë me futbollin evropian. Në edicionin aktual, uruguaiani ka gjetur nëntë herë golin në La Liga.

Ardhja e Gomez do t’i hapë rrugë largimit të meksikanit Havier Hernandez, i njohur ndryshe si “Cciccarito”, ndërkohë që një sulmues tjetër që pritet të largohet nga Uest Hemi është dhe Endi Keroll, ky i fundit është prej gjashtë vites pjesë e klubit londinez.

Adrenalina e Aspas: I lind vajza, e gdhin në spital dhe shënon… tripletë!

Sport Ekspres — Sun, 28 Oct 2018 12:05:27 +0000

Thonë që duhet të jesh në maksimumin e formës fizike për të zhvilluar një ndeshje të madhe, por kjo nuk është e vërtetë. Të paktën për Iago Aspas, sulmuesin e Selta Vigos dhe kombëtares spanjolle.

31-vjeçari ka shijuar një nga fundjavat më të bukura të jetës së tij. Të premten në mbrëmje erdhi në jetë vajza e tij dhe sulmuesi ka qëndruar gjithë natën në spital me familjen e tij. Të nesërmen, ndeshja e kampionatit kundër Eibarit. Aspas është i “shkatërruar” fizikisht, por psikologjikisht është “sipër reve”.

Sulmuesi tregohet profesionist, zbret në fushën e blertë dhe nuk tregon mëshirë përballë mbrojtjes së Eibarit. Tre gola të shënuar, tre pikë për Seltën, që fiton me rezultatin 4-0, dhe të tre golat janë për vogëlushen e vogël. Dy golat e parë janë perla të vërteta, me Aspas që zhvillon një nga ndeshjet më të bukura të karrierës së tij.

Gjithçka për vajzën e vogël, ajo nuk kupton gjë tani, por më vonë, Iago do ulet dhe t’i tregojë se një ditë pasi erdhi në jetë, babai i bëri surprizën më të bukur, duke shënuar një tripletë, po aq të bukur sa dhe vetë vajza e tij.

Barcelona e pamëshirshme, me Seltën prodhon një “manita”

Sport Ekspres — Thu, 11 Jan 2018 22:55:28 +0000

Përbindësh në La Liga, përbindësh edhe në Kupën e Mbretit. Barcelona sot e pati krejtësisht të lehtë të fitonte ndaj Selta Vigos në shtëpi (5-0) dhe madje duke u dëfryer me gola spektakolarë.

Goleada e katalanasve nisi me dopietën e Mesit (13′ dhe 15′), i cili tregoi edhe një herë se veprimet magjike i ka si bukë e djathë, sidomos kur asistohet në secilin rast nga Alba.

“Pleshti” mendoi t’ia kthente nderin dhe këtë e bëri shpejt, në të 28′, duke shërbyer për mbrojtësin spanjoll në episodin e golit të tretë. Pas tre minutash shënoi edhe Luis Suarez dhe kështu u mbyll pjesa e parë.

E dyta ishte po aq e bukur sa e para, ndonëse me një ulje të ritmit nga vendësit, të cilët praktikisht nuk kishin asnjë arsye për të lodhur veten me atë rezultat. Rakitiç, gjithsesi, në të 87′ e shkeli gazin dhe plotësoi një “manita” për kartolinë, edhe pse pas festave.
?

Ishte pranë Interit, Emre Mor firmos në Spanjë

Sport Ekspres — Tue, 29 Aug 2017 20:32:02 +0000

Askush nuk e priste të ndodhte kështu, por ja që ndodhi. Mesfushori i Borusia Dortmundit, Emre Mor, sotka firmosur me Selta Vigon. 20-vjeçari i kombëtares turke këtë verë që po lëmë pas pati gjetur akordin financiar me Interin, por klubi italian u tërhoq në fund të marrëveshjes, ngaqë u kërkuan shumë para për komision nga agjentët e lojtarit.

Edhe Torinoja dhe Fiorentina patën shfaqur interes për talentin turk në ditët e fundit, por ai ka përfunduar në kampionatin spanjoll, aty ku shpreson të jetë në sytë e Real Madridit dhe Barcelonës. Mor është shitur për 13 mln euro dhe ka firmosur për pesë vite me skuadrën e tij të re.