View this post on Instagram

 

Pershendetje te gjitheve. Dua t’ju njoftoj qe aventures time të mrekullueshme te ekipi i Lacit i erdhi fundi. Kam kaluar 4 sezone te mrekullueshme ne kete klub. I jam mirnjohes dhe e falenderoj presidentin Pashk Laska, i cili ishte i pari qe besoi te une ne moshen 17 vjecare duke me dhene mundesine te mbroja porten e ekipit. Falenderoj zv.presidentin @kleolaska , drejtorat Naim Halili dhe @dario.pali Falenderoj shume te gjithe trajnerat duke filluar nga i pari Armando Cungu,Stavri Nica,Marcelo Troisi, Ylber Zani, Bledar Sinella,Gentian Mezani, @saimirxhetani ,Besnik Prenga,Artan Mergjyshi,Migen Memelli @klevis_hima dhe se fundmi Prof. Sulejman Staroven. Falenderoj te gjithe trajnerat e portierave me te cilet kam punuar ne klub;Kastriot Ramen,Astrit Nallbanin, dhe profe @kujtim_shtama Nje falenderim per punetoret e klubit, nga shoferi dhe puntoret e fushes deri tek i fundit. Ju jam mirenjohes per gjithcka. FALEMINDERIT #paralaci

A post shared by Gentian Selmani (@gentian_selmani) on Jul 26, 2019 at 12:10pm PDT

 

View this post on Instagram

 

Gjithashtu nuk mund te le pa falenderu te gjithe bashklojtaret qe kam luajtur gjat ketyre 4 viteve. Ishte krenari te luftoja krah jush. Keni qen djem te mrekullueshem dhe sdo tju harroj kurre. Kemi derdh djers,gjak kemi dhen maksimumin per kete fanell, kemi pas momentet tona te veshtira por gjithmon kemi ditur tja dalim, duke pas suksese ne kampionat dhe europa league qe askusht nuk i kishte menduar. Keni qen familja ime e dyt dhe jam krenar qe isha pjes e juaja. Ju uroj gjithe te mirat dhe ishalla kampion, do vazhdoj ti ndjek ndeshjet dhe do jem tifozi juaj nr 1. Suksese #paralaci

A post shared by Gentian Selmani (@gentian_selmani) on Jul 26, 2019 at 12:24pm PDT

 

View this post on Instagram

 

Gjithashtu nje Falenderim i vecant shkon edhe per tifozet dhe qytetaret e Lacit. Keni qen nje mbeshtetje e madhe dhe nje motivim i madh sidomos @ultras_divas540 Kam dhen gjithmon maksimumin per sa koh kam qen pjes e ekipit shpresoj tju kem ber krenar me sukseset e arritura. Ju faleminderit #paraLaci

A post shared by Gentian Selmani (@gentian_selmani) on Jul 26, 2019 at 12:32pm PDT

Transferimi i “gardianit” 21-vjeçar është realizuar me kosto 0  pasi kontrata e Selmanit me kurbinasit përfundoi pas aktivizimit në kualifikueset e Europa League. 21-vjeçari ka firmosur një kontratë me kohëzgjatje për dy sezone me skuadrën nga provinca e Izmirit.

Edhe pse në një moshë shumë të re, Selmani largohet nga Kategoria Superiore me 108 ndeshje në Kategorinë Superiore dhe 19 ndeshje në Kupën e Shqipërisë, të gjitha këto me skuadrën kurbinase, ku luajti për katër sezone.

https://www.instagram.com/p/B0V2tjNBODo/?utm_source=ig_web_copy_link

“Mendoj se është një short i fortë, na ra një ekip që ishte më lart se rivalët e tjerë të mundshëm. Prurjet janë të rëndësishme, shpresoj të ambientohen shpejt. Ndeshjet zyrtare tregojnë forcën tonë reale. Nëse nuk kemi besim, s’kemi pse hyjmë në fushë. Hyjmë për të bërë më të mirën”, ka thënë mes të tjerash Selmani për RTSH Sport.

Laçi ndeshjen e parë me Hapoel Ber Sheva e zhvillon të enjten e 11 korrikut, prej orës 17:30. Së shpejti pritet të dalin edhe biletat në shitje, ndërkohë që ende nuk janë publikuar çmimet. Si zakonisht, kurbinasit do të luajnë në stadiumi e tyre, pasi i plotëson kushtet.

“Sot pësuam tre gola se kërkonim ta fitonim me çdo kusht ndeshjen. Selmani, që është portieri më i mirë në Shqipëri, na dha mundësinë që të kalonim anën psikologjike nga ne falë pritjeve të penalltive, por në momente të caktuara bënë disa gabime. Ndikoi dhe presioni. Përballë kishim një skuadër që luftoi fort. Presioni që kishim na bëri që të bëjmë gabime. Kemi bërë gabime që s’i kam parë ndonjëherë. Tirana e menaxhoi mirë lojën dhe e meritoi fitoren”.

“Ne kemi qenë kandidat deri në fund për Europën. Konkurrenca ka qenë shumë e fortë, qoftë Teuta, Skënderbeu ose Flamurtari. Klubi s’ka pasur fat në afrimet e kryera në janar”.

PARTIZANI – “Do të kem kohë t’i uroj ata. Sot jam shumë i mërzitur për këtë ndeshje”.

“Ndeshjet e fundit, kanë qenë të gjitha shumë të luftuara, pasi ndahen dhe objektivat e skuadrave, Europa, mbijetesa. Tirana do të jetë shumëe motivuar, por dhe ne do të japim maksimumin për të fituar ndeshjen”.

“Do të mundohemi të përmirësojmë gabimet që kemi pasur ndeshjet e fundit dhe të japim maksimumin përballë Tiranës. Ata janë një ekip me traditë në kampionatin shqiptar, kanë shumë trofe. Por futbolli ka treguar që ekipi që jep me shumë në fushë, ecën përpara”.

“Ne kemi objektivat tona. Do të më vinte keq për Tiranën, por ne nuk tolerojmë. Kemi një ndeshje në Durrës pastaj, sfidë që përcakton shumë për fatet e sezonit. Por të jemi me këmbë në tokë, të kalojmë Tiranën dhe pastaj do të shohim”, u shpreh Selmani.

“Falënderoj Zotin që jam mirë fizikisht. Grumbullimi me kombëtaren më ka dhënë një moral tjetër, një moral që të punoj më fort dhe të stërvitem më mirë, të jap maksimumin për ekipin tim. Shpresoj të vazhdojë kjo periudhë negative.

Nuk e kisha studiuar Bregun, u mundova ta çorientoj me fjalë. Pastaj, është punë fati, unë u hodha nga krahu i majtë dhe e prita”.

Ne për Europën luftojmë. Sot ishte një ndeshje shumë e fortë, dhamë maksimumin dhe morëm tri pikët përballë një rivali direkt. Do të vazhdojmë të japim maksimumin kundrejt çdo kundërshtari dhe të marrim pikët e nevojshme”.

Në këto 90 minuta, treguam se jemi një ekip me karakter, jo se bëmë një lojë të bukur. Në pjesën e parë dominuam, në pjesën e dytë Skënderbeu luajti më mirë. Në 10 ndeshjet e para të kampionatit, ku nuk pësuam asnjë humbje, ishte periudha më e mirë për ne”.

Partizani? Shpresoj që të kem punë dhe kundër atyre dhe të bëj një paraqitje të tillë”, përfundoi Selmani.

“Falënderoj çdo tifoz që ishte duke na mbështetur në stadium ditën e djeshme. Kemi dhënë maksimumin për t’ju bërë krenarë, por pa fat dhe me gabimet e pafalshme të atyre që drejtuan dje ndeshjen, duke mos akorduar dy penallti ‘sade’ në favorin tonë. Këto gabime vendimtare nuk na lejuan të bënim përmbysjen e madhe. Gjithsesi, loja e djeshme na jep shpresë që të vazhdojmë me rezultate pozitive që ditën e shtunë me ndeshjen kundër Teutës.

Prandaj prania juaj në stadium është një bonus i madh për ekipin tonë. Ju jeni lojtari i 12. Duhet të jemi të bashkuar dhe të luftojmë së bashku ndaj gjithë atyre që po na sulmojnë meditiakisht dhe sportivisht. Ne kurrë nuk dorëzohemi, por do të mbajmë kokën lart për të marrë maksimumin në ndeshjet e ardhshme. Duartrokitjet e djeshme në fundin e ndeshjes iu takojnë juve. Sa bashku ja dalim. Falëminderit! Krenar me ju”, shkroi Selmani.

“Penalltia? Është edhe fat, E kisha studiuar Hasanin dhe Ngonë. E kam parë që gjuan andej dhe shkova në kohën e duhur dhe e kapa”.

PARTIZANI – “Me barazimin Partizani ka një plus më shumë, por ka ende kampionat. Barazimi ishte rezultati më i drejtë me atë që dhanë ekipet në fushë. Le të fitojë më i miri”.

“Laçi-Teuta? Do jetë ndeshje e fortë, i ka të tria rezultatet. Ia lëmë fushës, ne do japim maksimumin si gjithmonë”.

TIRANA – “Nuk është se bëmë ndeshjen më të mirë. Zbatuam detyrat në mbrojtje dhe u treguam cinik . frutëzuam rastin dhe i ndëshkuam”.

“Dalja e Ngo? Është lojtar i mirë, po nuk është se e kam frikë. Nuk e kam menduar. Kushdo që ishte do rrezikonte. Fangaj është lojtar i rëndësishëm, pasi del shumë përpara. Ndryshuam skemë, doli edhe Lushkja. U godit me taka në fytyrë dhe doli”.

“Starova? Profesori kërkon disiplinë. Jemi munduar ta ndjekim në disiplinë taktike. Nëse zbatojmë detyrat, besoj do dalë me sukses”.

“Ndryshimet e trajnerëve nuk janë të mira ndonjëherë. Ne jemi munduar të ruajmë klimën brenda grupit”.

GJYKIMI – “Arbitri më shumë e ndihmoi Tiranën. Barazimi ishte rezultati më i drejtë. U godit arbitri anësor dhe u vonua loja”.

“Sherri? Ishte diçka e panevojshme. Ata patën ankesa për arbitrin. Presidenti na priste për të na përgëzuar. Ngo është problematik dhe provokues. Tentoi të godiste presidentin. Nuk mund ta bëjë një futbollist diçka të tillë.”

Numri 1 i portës laçiane ka pasur oferta edhe nga kampionate jashtë Shqipërisë dhe e ardhmja e tij mbetet një mister. Gjithsesi, momentalisht është lojtari i Laçit dhe për “Sport News”, iu është përgjigjur shumë zërave që qarkullojnë rreth tij.

Selmani u shpreh: “Po, kemi bërë një fazë të mirë. Po bëjmë një stërvitje cilësore, me dy seanca në ditë dhe besoj jemi gati për gjysmën e dytë. E gjithë skuadra duhet të stërvitet akoma më shumë, pasi të gjithë duhet të ndihmojnë ekipin, jo vetëm një ose dy individë.

Unë nuk po mendoj për oferta, për momentin jam pjesë e Laçit. Konkurrenca? Është e mirë për çdo futbollist. Unë nuk e kam frikën e konkurrencës, por e respektoj dhe do të jap më të mirën time.

Objektivat? Ne si synim kemi vendosur se ndeshja e radhës është më e rëndësishme. Jemi ende në garë për Kupën dhe “Europa League”, ndaj them se jemi në rrugën e duhur”,- përfundoi gardiani 20-vjeçar.

Kapiteni i Laçit, në bashkëpunim ne FSHF-në kishin përgatitur dhurata për të gjithë fëmijët e kësaj qendre, duke i bërë të gëzojnë sadopak për Krishtlindjet dhe Vitin e Ri. Gjatë aktivitetit nuk mungoi dhe një prononcim i Selmanit, i cili për të dytin vit radhazi kontribuon për këta fëmijë.

“Është diçka që më bën të ndihem mirë. U uroj gjithë fëmijëve këtu gëzuar festat, sikurse edhe gjithë komunitetit të futbollit. Jam i lumtur që jam mes këtyre fëmijëve. Gëzuar. Jam mundur sadopak me kursimet e mia që të jap kontributin tim dhe e ndjeva nga zemra që të sjell gëzim këtu në këto ditë festash.

“Zgjodha këtë qendër, pasi ishim dhe një vit më parë, çka ishte diçka e bukur dhe është një ndjenjë emocionale e mirë. Kjo më motivon, pasi nuk është vetëm futbolli, pasi duhet të jemi njerëz e human me njëri-tjetrin e më pas është futbolli”.

Besoj se do jetë një nismë që do e organizojmë çdo vit në prag të festave. Ju bëj thirrje si skuadrave asht udhe shokëve se bamirësia nuk të varfëron. Duhet të ndihmojmë të gjithë ata që janë në nevojë sepse të bën të ndihesh mirë, por bëhesh dhe njeri më i mirë”.

Të dy lojtarët e Superiores janë besimplotë se do të bëjnë mirë ndaj Spanjës këtë të enjte në kryeqytet dhe Estonisë pak ditë më vonë në transfertë. Fillimisht ishte Doka, i cili tregoi se të gjithë e dinë forcën e spanjollëve, por ai dhe skuadra do të bëjnë më të mirën e tyre: “Përballë në këto dy ndeshje të fundit kemi Spanjën dhe Estoninë. Nisim me një kundërshtar shumë të fortë, por futemi në fushë pa frikë. Tashmë potencialet e një skuadre si Spanja njihen, por ne do të bëjmë më të mirën tone, duke dhënë më shumë se maksimumin në fushë. Kërkojmë që të bëjmë një mbyllje sa më pozitive të kompeticionin në këto eliminatore. Mendoj se kemi bërë ndeshje të mira dhe mbase me pak kujdes mund të kishim më shumë pikë tani, por jemi ndëshkuar nga gabimet tona. Sidoqoftë kemi bërë lojën tonë dhe kemi pasur shanset tona. Edhe me Spanjën e Estoninë do të japim më të mirën tonë”

Më pas ishte radha e kapitenit Selmani që beson se nëse ai dhe shokët e skuadrës do të japin më të mirën nga vetja mund të marrin dhe një rezultat pozitiv: “Edhe pse jemi jashtë objektivit për kualifikim tashmë, vlerësojmë maksimalisht këto dy ndeshje. Jemi një skuadër që gjatë ndeshjeve në grup kemi dhuruar emocione, por në momente të ndryshme na ka munguar edhe përqendrimi deri në fund të ndeshjes për të arritur në rezultatin pozitiv. Spanja është shumë e fortë, por ne do të futemi në fushë pa këtë ndrojë, por duke dhënë 200 për qind të mundësive tona, pse jo për të arritur edhe një rezultat pozitiv”.

Pak minuta më parë ekipi ka zbritur në fushë dhe presidenti Pashk Laska ka prezantuar trajnerin e ri. Po ashtu me grupin mund të shihet dhe në video që është edhe portieri, njëkohësisht kapiteni i skuadrës Gentian Selmani, si dhe sulmuesi Myrto Uzuni.

Që të dy këto lojtarëjanë përfolur se mund të largohen nga Laçi, por sot kanë qenë nën urdhrat e trajnerit të ri dhe me shumë mundësi do të jenë së paku dhe për ndeshjen finale të Superkupës së Shqipërisë.

Në finalen e kupës e mposhti vetëm një penallti inekzistente, ndërsa sot Selmani do të jetë në fushë me Shqipërinë U-21, në miqësoren e Elbasanit kundër Bosnje-Hercegovinës.

Nuk mbaron këtu sezoni i tij, sepse nesër do të niset për në Zvicër, për t’u bashkuar me kombëtaren e Kristian Panuçit, sepse dëmtimi i Thomas Strakoshës ka bërë të nevojshme grumbullimin e një portieri dhe ka ardhur shansi i madh i Selmanit.

Në Elbasan, në finalen e kupës, shumë menaxherë të huaj ndoqën ndeshjen dhe në listën e të vëzhguarve ishte edhe portieri i Laçit. Ftesa në kombëtare do të shtojë vëmendjen ndaj tij dhe nuk është çudi që këtë verë të vijë hapi i madh i karrierës. Kështu shpreson edhe Laçi, që pak nga pak po kthehet në një fabrikë talentesh.

Për pasojë, Alban Bushi ka vendosur të grumbullojë Edmir Salin, portierin 20-vjeçar të Flamurtarit, i cili ka luajtur titullar në 3 ndeshjet e fundit të kampionatit, për shkak se është dëmtuar titullari Nurkoviç.

Paraqitje të mira nga Sali, që ka bindur Bushin ta grumbullojë për ndeshjet kundër Sllovakisë U-21, më 23 dhe 27 mars. Titullari tashmë pritet të jetë Alen Sherri, i cili ka shkëlqyer këtë sezon me Vllazninë.

Futbolli është i bukur, pasi të përplas para fytyrës histori të vërteta frymëzimi. Për fatin tonë të mirë, Shqipëria ka historitë e saj, pavarësisht se ambienti këtu është dyfish më i vështirë.

Në ndeshjen e djeshme, lojtari i takimit doli portieri Gentian Selmani. 19-vjeçari zhvilloi një paraqitje fantastike, pasi realizoi disa pritje shumë të mira. Perla? Rasti i Bardhit. Qetësi olimpike, pozicionim i mirë, bllokim rrezeje dhe refleks i pastër, sfera përfundoi në duart e tij.

Selmani u aktivizua në portën e Laçit që në moshën 17-vjeçare, shumë pak besonin te trupi i tij i njomë dhe shtati jo shumë i gjatë. Në paraqitjet e tij të para nuk la shije të mirë, shpeshherë largohej nga stadiumi duke dëgjuar pas vetes se nuk bënte, apo frazën më mediokre: “Djalë i mirë, por si portier nuk bën”.

Selmani nuk u dorëzua, por punoi shumë. Pashk Laska i besoi atij vetëm se e shihte duke u stërvitur pa fund. Në fund ia doli, mbylli shumë gojë dhe tashmë është ndër portierët më të mirë në Shqipëri, pasi në formë, po e po. Idhulli i tij është Bufon, natyrisht që nuk mund ta krahasojmë me legjendën e Italisë, por meriton fjalët më mira.

– I vetmi rast i ndeshjes ishte pritja jote kundër Bardhit…
– Ishte një ndeshje e luftuar, edhe fusha nuk na lejonte shumë të luanim. Nuk pati shumë raste, por ne patëm ardhur për 3 pikë, por edhe me këtë barazim jemi të kënaqur.

– A mund të arrijë Laçi Europën?
– Ne do stërvitemi që në çdo ndeshje të japim maksimumin. Kemi lënë pikë me ekipet poshtë nesh, ndërsa me ato sipër kemi marrë disa pikë.

-Partizani nuk ju ka mposhtur asnjëherëë këtë sezon, ju sjell fat ky ekip?
– Është diçka e bukur. Mos pësimi i golit më këna, por është detyra ime. Më takon të stërvitem akoma më shumë, për ta mbajtur të paprekur rrjetën.

– Kush është çelësi i formës tënde të mirë?
– Jam stërvitur shumë. Me raste edhe nga 2 seanca në ditë, duke qenë i përqendruar gjithmonë, vijnë edhe këto fryte.

– Keni një dorë një shirit, nga idhulli juaj Bufon, me shprehjen “Fino alla Fine”?
– Po, është e vërtetë. E kam blerë në Torino, në dyqanin e Juventusit.