Sëlltik

Selltik zyrtarizon mbrojtësin e ri, tashmë Tierni-Arsenal është autostradë

Sport Ekspres — Wed, 24 Jul 2019 20:17:19 +0000

Hatem Abd Elhamed është mbrojtësi më i ri i Selltikut. 28-vjeçari vjen nga izraelitët e Hapoel Ber-Sheva. Ai do të firmosë kontratë 4-vjeçare me skocezët. Akoma nuk bëhetn të ditura shifrat e operacionit.
Me ardhjen e tij te kampionet, buzëqesh Arsenali. Londinezët duan me çdo kusht shërbimet e Kieran Tiernit. 22-vjeçari ka spikatur me shërbimet e tij dhe Emeri e dëshiron ta ketë nën urdhëra.

Mediet raportojnë se është arritur marrëveshja me 22-vjeçarin dhe mbetet vetëm bindja e Selltikut. Me ardhjen e Elhamed, këta të fundit me shumë mundësi do të hyjnë në negociata për talentin. Vlera e tij në merkato është 12.1 milionë.

Selltik nuk toleron, talenti i mbrojtjes s’lëshohet pa 25 milionë paundë

Sport Ekspres — Sun, 23 Jun 2019 15:36:15 +0000

Talenti skocez i Selltikut, Kieran Tierni, është kthyer në një lojtar të shumëkërkuar nga ekipet e Premier Ligës. Pak ditë më parë kampionët e Skocisë refuzuan një ofertë prej 15 milionë paundësh për mëngjarashin.

Sipas “The Times”, çmimi që Selltik kërkon për 22-vjeçarin është 25 milionë paundë, çka do të ishte një rekord i ri për kampionatin skocez. Rekordi i tanishëm mbahet nga francezi Musa Dembele, i cili u shit verën e kaluar nga Selltik për 20 paundë.

Ekipi që ka shfaqur më shumë interes për Tiernin është Arsenali. Topçinjtë janë vënë në ndjekje të një mbrojtësi të majtë, pasi Naço Monreal dhe Sead Kolashinac nuk kanë bindur trajnerin Unai Emeri.

https://www.youtube.com/watch?v=VuWvtgqi1uk

VIDEO | Spektakël nga talenti i Selltikut, një Dembele i ri shkëlqen në Skoci

Sport Ekspres — Wed, 03 Apr 2019 16:11:04 +0000

Tri vite më parë, Karamoko Dembele, mori vëmendjen e të gjithë medieve botërore. Asokohe ishte vetëm 13 vjeç, por stërvitej me ekipin rezervë të Selltikut , me djem të paktën 6 vite më të mëdhenj.

Vitet kanë kaluar, por Dembele, i cili tashmë është 16 vjeç e tregon ndeshje pas ndeshje se është një talent i rrallë dhe në muaj në vazhdim nuk do të jetë çudi kur ta shohim të debutojë me ekipin e parë të kampionëve të Skocisë.

Në ndeshjen e zhvilluar ditën e djeshme kundër rezerva të St. Mirren, Dembele shkëlqeu duke dhënë dy asiste për skuadrën e tij. Vetëm 160 centimetra i gjatë, por atë që i mungon në gjatësi e zëvendëson me shpejtësi dhe teknikën e lartë në driblim.

Varësia nga bixhozi, sulmuesi i Selltikut lë përkohësisht futbollin

Sport Ekspres — Thu, 13 Dec 2018 15:42:32 +0000

Brendan Roxhers, trajneri i klubit kampion të Skocisë, Selltik, njoftoi dje se nuk do të ketë në dispozicion sulmuesin Leih Grifiths për një kohë të pacaktuar. Trajneri irlandezo-verior tha se lojtari i tij ka disa probleme personale të cilët i duhet ndihmë për t’i zgjidhur.

Nuk u desh shumë që mediet skoceze të zbulonin si qëndronte e vërteta. Sipas burimeve të gazetave të ndryshme, sulmuesi 28-vjeçar ka krijuar një varësi të fortë ndaj bixhozit. Kjo së bashku me disa probleme dëmtimesh ka bërë që gjendja mendore e lojtarit të mos jetë e qendrueshme.

Klubi skocez po i qëndron pranë lojtarit në këtë moment të vështirë. Mungesa e Grifiths mund të ndikojë jo pak në ecurine e Selltik, që kryeson kampionatin skocez me dy pikë diferencë nga ndjekësit e Rejnxhërs dhe Kilrmarnok.

Karriera e 28-vjeçarit, bie në sy sezoni 2015/2016 me 31 gola