Seleçao

President dhe logo e re, Brazili ndryshon fytyrë

Sport Ekspres — Wed, 10 Apr 2019 13:16:47 +0000

Federata e futbollit të Brazilit ka ndërruar “timonier”. Presidenti i ri i institucionit qeverisës së futbollit brazilian do të jetë Rozherio Kaboklo.

Në fjalimin e tij të parë si president, 46-vjeçari, Kaboklo premtoi një revolucion të futbollit brazilian. Në ceremoninë e emërimit ishte i pranishëm numri një i FIFA-s, Xhani Infantino dhe kreu i CONMEBOL, Alehanro Domungez.

Logo e re

Në ceremoninë e zhvilluar dje në Rio De Zhaneiro u prezantua dizajni i logos së re të Federatës dhe uniformat e përgatitura nga kompania “Nike” për skuadrën e futbollit që do përfaqësojë Brazilin në lojërat olimpike “Tokio 2020”.

Një tjetër risi e presidencës së Kaboklos është krijimi i “Këshillit të Legjendave”. Ky do të jetë një grup prej 11 futbollistësh që kanë shkruar histori me skuadrën e Brazilit. Emra si Kafu, Gilberto Silva dhe Kareka janë pjesë e këtij komisioni që do të takohet njëherë në vit me presidentin e Kaboklo në një tryezë të përbashkët, ku do të diskutohet mbi gjendjen e futbollit brazilian

Këshilli i Legjendave

Alan mesazh për Titen: Mos shiko vetëm në Kinë dhe Brazil

Sport Ekspres — Wed, 29 Aug 2018 19:28:26 +0000

Mesfushori brazilian ,Alan, është një ndër lojtarët më të dalluar te skuadra e Napolit. Futbollisti 27-vjeçar prej disa sezonesh mban statusin e një titullari të padiskutueshëm, por paraqitjet e shkëlqyera në Serie A, nuk i kanë vlejtur aspak për sa i përket kombëtares braziliane.

“Seleçao” vazhdon të mbetet një ëndërr për të. Në një intervistë të gjatë për “Radio Kiss Kiss”, braziliani foli për herë të parë mbi këtë çështje. “Tite është një trajner që i jep mundësi çdo lojtari pavarësisht se ku luan. Ai ka përzgjedhur futbollistë nga kampionati kinez dhe nga ai brazilian, kështu që i them të hedhë sytë edhe këtej nga Itali”, tha 27-vjeçari.

Një opsion për Alan është ajo çka bëri bashkëkombësi i tij Zhorzhinjo, i cili tani është pjesë e përfaqësueses “axurre”. Mesfushori punon prej gjashtë vitesh në Itali dhe ka përmbushur kushtet për natyralizim, pajisja me pasaportën italiane për të është vetëm çështje ditës, por siç duket Alan beson se atij do t’i vijë shansi për të përfaqësuar Brazilin.

Tite i hap krahun brezit të ri, ftesa për adoleshentët e Realit

Sport Ekspres — Tue, 31 Jul 2018 17:57:26 +0000

Te Brazili po mendojnë që tani për t’i dhënë kombëtares “Seleçao” një frymë të re me inkuadrimin në kombëtare të brezit të ri. Sipas lajmeve që raportojnë mediet braziliane, në listën e kombëtares për miqësoret e shtatorit do të jenë dhe dy talentet e Real Madridit, Vinisius Zhunior (18 vjeç) dhe Rodrigo (17 vjeç).

Të dy sulmuesit anësor do ta grumbullohen për herë të parë në kombëtare, një ftesë kjo që pritet të sjellë shumë emocione tek ata dhe familjet e tyre, pasi ftesa e “Seleçaos” është një ëndërr për çdo brazilian dhe ta realizosh këtë ëndërr që në adoleshencë është diçka e tmerrësisht e rrallë.

Lista e Tites kishte dhe një sërë surprizash të tjera si lënia jashtë e veteranëve Filipe Luis dhe Paulinjo që me shumë mundësi e kanë mbyllur njëherë e mirë ciklin e tyre për përfaqësuesen pesë herë kampione të botës.