segunda divizon

Manaj thumbon Baren: Na shih në TV!

Sport Ekspres — Tue, 28 May 2019 21:04:07 +0000

Rei Manaj dhe Keidi Bare do vihen përballë njeri-tjetrit për herë të parë në jetën e tyre këtë fundjavë, teksa Albasete pret Malagën në kuadër të javës së parafundit të “Segunda Division”. Malagës i duhet medoemos fitorja për të siguruar prezencën në fazën “play-off”, ndërsa pritësit e Albasetes ende nuk e kanë të siguruar vendin e tretë.

Dy futbollistët janë shokë të ngushtë prej vitesh dhe në prag të kësaj përballjeje kanë hedhur disa ngacmime me anë të komenteve në “Instagram”. Gjithçka ka filluar me një foto të postuar nga Manaj, që shoqërohej me mbishkrimin në gjuhën spanjolle: “Rikthehem me gëzim (alegria)”.

Bare “thumbon” i pari duke shkruar: “Mbaje alegrin deri të dielën vllai”, nuk vonon përgjigja e Manajt, i cili i bindur se skuadra e tij do triumfojë, shkruan: “Vlla ‘Play off’ do e shihni në televizor ju”.

Nuk ka mrekulli për Reus, La Liga fundos katalanasit!

Sport Ekspres — Mon, 28 Jan 2019 13:22:37 +0000

Komisioni i disiplinës pranë La Ligës nuk ka treguar mëshirë ndaj klubit Reus Deportu, duke e dënuar me tre vite pezullim nga futbolli profesionist dhe 250 mijë euro gjobë. Me marrjen e këtij vendimi, lojtarëve u jepet e drejta të shkëpusin marrëdhënien me klubin nëse ata e dëshirojnë një gjë të tillë.

Gjatë tri viteve të ardhshme, klubi katalanas nuk do të ketë të drejtë të luajë në dy divizione e para të futbollit spanjoll. Ky vendim mund të apelohet brenda 15 ditëve. Ndeshjet e mbetura të klubit në Segunda Divizion do të konsiderohen si fitore me rezultat 1 – 0 për kundërshtarët.

Megjithatë, ekziston një opsion, ku dënimi 3-vjeçar mund të reduktohet në rast se pronarët e rinj amerikan prezantojnë plane konkrete për të ardhmen afatgjatë të klubit katalanas, por për këtë do të duhet një apelim i dytë në një gjykatë rajonale.

Bare nuk e lëshon formacionin, 90 minuta në përmbysjen e Malagës

Sport Ekspres — Sat, 19 Jan 2019 21:58:14 +0000

Keidi Bare konfirmon sërish momentin e mirë që po kalon. Pas aktivizimit të parë si titullar në fitoren 2 – 0 në transfertë ndaj Real Zaragozës, fierakut i është dhënë një tjetër mundësi që e shfrytëzuar në mënyrë perfekte.

Bare luajti për 90 minuta në fitoren 2 – 1 ndaj Lugos. Skuadra e mesfushorit të kombëtares shqiptare u gjend në disavantazh, por në fund arriti të merrte tre pikët që e çojnë në krye të tabelës së Segunda Divizion, dy pikë larg ndjekësve të Granadës.

Ndërkohë, duket se 21-vjeçari po fiton dhe simpatinë e tifozëve që shkruan elozhe të shumta për paraqitjen e shqiptarit në rrjetet sociale. Gjithsesi, një kritikë për lojtarin mund të jetë raporti shumë i afërt me kartonët e verdhë, që nuk e shmangu dot as në takimin e sotëm.