Segunda Division

“100 ditë vetmi”, rikthehen makthet për Manajn

Sport Ekspres — Tue, 02 Apr 2019 15:58:36 +0000

Rei Manaj nuk po kalon një moment të mirë te Albasete. Sulmuesi lushnjar e nisi mirë aventurën te klubi spanjoll, teksa bëri paraqitje mjaft të mira gjatë muajit gusht dhe shtator. I kushtëzuar nga disa dëmtime 22-vjeçari u ndal përreth dy muaj derisa gjeti dy herë rrugën e rrjetës në dhjetor, ku ishte vendimtar me golat e tij në dy takime të Segunda Divizion.

Megjithatë, Manaj po përjeton një krizë të dytë. Goli i tij i fundit me skuadrën spanjolle daton më 23 dhjetori të vitit të kaluar. Kanë kaluar plot 100 ditë që nga ai finalizim që i dha tri pikët Albasetes

Goli i fundit i Manajt, 23 dhjetor 2018

Sulmuesi është aktivizuar në nëntë takime që nga ai moment, por së fundmi trajneri Luis Ramis po i jep gjithmonë e më pak minuta, ndërsa aktivizimi si titullar i mungon prej thuajse një muaji.

VIDEO | Manaj i pafat, gabimi amatoresk i arbitrit i anulon festën e golit

Sport Ekspres — Sat, 02 Feb 2019 22:45:31 +0000

Albasete e Rei Manajt fitoi sot në transfertë ndaj Kordobës, por pavarësisht tri pikëve, sulmuesi lushnjar ka dalë nga fusha disi i mërzitur, dhe kjo pasi gjyqtari i takimit i anuloi një gol të rregullit me justifikimin se topi nuk e kishte kaluar vijën fatale.

Pamjet filmike e tregojnë qartazi se goli është i rregullt, çka me siguri e bën akoma më të dhimbshëm këtë episod për sulmuesin 21-vjeçar.

Manaj ka ironizuar këtë gjë me anë një postimi në “instagram”, ku në njërën prej tyre ka vënë në mbishkrim numrin 7, ndoshta për të treguar se ky do ishte goli i shtatë sezonal për të, pasi që nga fillimi i sezonit ka shënuar pesë gola në kampionat dhe një gol në Kupë.

Postimet në “Instagram” të Manajt

La Liga nuk toleron, përjashtohet ekipi që nuk jepte rrogat

Sport Ekspres — Fri, 18 Jan 2019 21:00:15 +0000

Komisioni i Disiplinës i La Ligas ka vendosur që të pezullojë të gjitha ndeshjet e mbetura të skuadrës së Reus Deportiu. Skuadra që aktivizohet në Segunda Divizion, nuk të lejohet të zbresë më në fushë, ndërsa ndeshjet e mëparshme nuk do të preken.

Arsyeja për këtë pezullim është situata e vështirë financiare e klubit, që nuk paguan prej muajsh lojtarët dhe ndër të tjera ka akome dhe shumë borxhe të prapambetura për të shlyer.

Interesant është fakti se Federata Spanjolle (RFEF) është kundër këtij vendimi pretendon që Liga (La Liga), ta kthejë mbrapsht këtë vendim. Drejtuesit e klubit të Reus Deportiu kanë 15 ditë kohë për të apeluar këtë vendim në gjykatën administrative sportive.

FOTO | Emocionohet Manaj, gjest fantastik i tifozëve

Sport Ekspres — Sat, 12 Jan 2019 18:39:31 +0000

Rei Manaj pësoi javën e kaluar një dëmtim horror në sfidën që Albasete luajti ndaj ish-ekipit të tij, Granadës. Kjo ishte arsyeja që sulmuesi ynë, nuk ishte i grumbulluar në ndeshjen e sotme ndaj Sporting Gijon. Ndeshja përfundoi në barazim 1-1, teksa pas ndeshjes Manaj ka bërë një postim.

Në llogarinë e tij në “Instagram”, 21-vjeçari ka postuar një foto, ku shfaqen tifozët e Albasetes, duke i dhënë kurajo, pas dëmtimit të pësuar. Tifozët, kanë bërë një banderolë të madhe, ku kanë shkruar “Fuerza R.Manaj” (Forca R.Manaj). Një gjest, që si duket e ka emocionuar sulmuesin tonë.

Manaj ka shkruar karshi fotos: “Faleminderit për dashurinë dhe për të gjitha. Na u shtua një pikë më shumë. Ekip i madh.” Albasete, momentalisht është në vendin e dytë, ku në atë pozicion mund të sigurojë ngjitjen direkte për sezonin e ardhshëm në La Liga.
https://www.instagram.com/p/BsiuVdinudU/?utm_source=ig_web_copy_link

Manaj lë spitalin dhe ka një kërkesë për Albaseten

Sport Ekspres — Sat, 05 Jan 2019 11:38:39 +0000

Rei Manaj pësoi një dëmtim të frikshëm mbrëmë gjatë ndeshjes Granada-Albasete. Takimi u mbyll në barazim 1-1, por sulmuesi shqiptar i Albasetes mori një goditje të fortë me shkelm në fytyrë nga German Sançez.

Lushnjari e kaloi mbrëmjen në një nga spitalet e Granadës, ndërsa kishte pësuar dëmtime në kafkë dhe në hundë. Ai kreu kontrollet e nevojshme dhe fatmirësisht problemet në kokë nuk ishin serioze. Manaj la spitalin gjatë ditës së sotme dhe është nisur drejt Albasetes, ndërsau shoqërua nga zëvendëspresidenti dhe mjeku i ekipit.

Manaj duke u larguar nga spitali

21-vjeçari e ka lënë pas momentin e keq dhe ka kërkuar menjëherë një maskë mbrojtëse për të nisur stërvitjen me ekipin sa më shpejt të jetë e mundur. Gjatë qëndrimit në spital, sulmuesi u vizitua dhe nga Sançez i Granadës, i cili ishte personi që dëmtoi atë.

Parte médico | Rei Manaj ha sido trasladado al Hospital PTS para someterse a diversas pruebas que diagnostiquen el alcance del traumatismo craneoencefálico sufrido tras el golpe recibido durante el partido. pic.twitter.com/rR3iG89jwS

— COPE Albacete (@COPE_Albacete) January 4, 2019

VIDEO | Shpëtimtari Manaj, Albasete marshon drejt kreut

Sport Ekspres — Sun, 23 Dec 2018 16:57:07 +0000

Rey Manaj e nisi nga stoli ndeshjen e sotme me skuadrën Rajo Mahadahonda, megjithatë i kanë mjaftuar vetëm pak minuta në fushë për të nderuar skuadrën e tij. Lushnjari u fut në minutën e 73-të dhe 11 minuta më vonë arriti që të shënonte golin i cili vendoi fatin e takimit.

Ishte goli i pestë për këtë edicion në ligën spanjolle për 21-vjeçarin, i cili i dha një mesazh të qartë trajnerit se duhet të besojë më shumë te aftësitë e tij. Lojtari kuqezi u ka dhuruar një fitore për festat e fundvitit tifozëve të Albasetes.

Skuadra e Manajt tani e sheh veten në vendin e dytë, me vetëm një pikë më pak se ekipi i vendit të parë. Sulmuesi ka pasur besimin e trajnerit Kristian Panuçi, i cili e ka grumbulluar në ndeshjet e Kombëtares në takimet e fundit.

Gjithçka e planifikuar, menaxheri i CR7 pranë blerjes së klubit spanjoll!

Sport Ekspres — Mon, 17 Dec 2018 14:12:05 +0000

Blerja e një klubi futbolli është kthyer në një hobi, pasion, ose fiksim. Ka nga ata që nuk dinë si t’i shpenzojnë paratë, por ka dhe të tjerë që mendojnë se një veprim i tillë do t’i shumëfishonte fitimet.

Horge Mendez është një nga menaxherët më të fortë në botë. Portugezi, i cili është menaxheri i Kristiano Ronaldos dhe Zhoze Murinjos, ka shprehur interes për klubin e divizionit të dytë spanjoll.

Siç raporton “El Mundo”, njerëz pranë Mendez kanë shprehur interesin për blerjen e klubit të CF Reus, klubi katalanas që garon në ‘Segunda Division”. Johan Oliver, presidenti i Reus, ka vendosur të shesë 90% të aksioneve, që mund të përfundojnë në duart e Mendez.

Më saktë në ato të Piter Lim, pronarit të Valencias, pasi përflitet se ai mund të jetë presidenti i ri i Reus. Po Mendez? Ai do të vazhdojë të bëjë rolin e menaxherit, ndërsa Reus mund të shërbejë si një klub mik. Njësoj si Uotfordi në Premier Ligë, aty ku menaxheri ka dërguar disa nga klientët e tij.