Fillimisht, Seferi ndëshkohet me karton të verdhë në minutën e 56-të të takimit, ndërsa në minutën e 73-të, ndëshkohet sërish me të verdhë dhe i tregohet kartoni i kuq, duke e lënë skuadrën e tij me një lojtar më pak. Sulmuesi kuqezi godet topin, por mbrojtësi kundërshtar e bllokon dhe e largon sferën nga zona e rrezikshme.

Seferi, në tentativë për ta rifituar topin, ndërhyn në kohë vonesë dhe shkel këmbën e mbrojtësit që është i shtrirë në tokë. Gjyqtari ndalon menjëherë lojën dhe i tregon kartonin e kuq sulmuesit shqiptar. Takimi mes Tunit dhe Ksamaksit u mbyll i barabartë 2-2.

22-vjeçarit iu deshën vetëm 13 minuta për të gjetur rrjetën, ku pasi merr një pasim të bukur dhe i vjedh kohën mbrojtësit kundërshtar, arrin të mposhtë dhe portierin me një diagonale me të djathtën. Ky gol ishte i nënti në kampionat për sulmuesin kuqezi. Ndeshja pozitive nuk do të mbaronte këtu për Seferin, pasi në minutën e 25’, do të asistonte dhe golin e Dumbia, që vendosi dhe fatet e takimit.

Ditë pozitive dhe për ish-sulmuesin e Shpresave kuqezi, Taulant Seferi. Me skuadrën e Uinterthur në Zvicër, Seferi ka asistuar golin e dytë për ekipin e tij, që triumfoi 2-0 në shtëpi përballë Uil. Seferi luajti 87 minuta në këtë takim. Në Hungari, Hasani ka shënuar për ekipin e DVKT-së, që triumfoi në shtëpi me rezultatin 2-1. Sulmuesit shqiptar i mjaftuan vetëm 5 minuta që të gjente rrjetën.

Mbrojtësi i kombëtares, Ardian Ismajli, luajti 90 minuta për ekipin e Hajduk Splitin. Vetëm një karton i verdhë për mbrojtësin. Balaj dhe Roshi janë aktivizuar në Rusi me ekipin e Akhmat Groznit. Sulmuesi shkodran luajti vetëm 10 minutat e fundit të takimit, ndërsa Roshi që e nisi takimin si titullar, u zëvendësua në minutën e 62’.

Jo vetëm kaq, por mbrojtësi kuqezi luajti 90 minuta dhe bëri një ndeshje shumë pozitive, duke ndihmuar skuadrën e tij në triumfin 2-1 përballë Shotero. Në Danimarkë, Velje ka triumfuar 3-0 kundër Horsens. Në radhët e ekipit danez aktivizohen dy futbollistët shqiptarë, Ramadani dhe Muçolli. Për këtë të fundit, nuk kishte asnjë minutë, ndërsa Ramadanit iu besuan vetëm 10 minutat e fundit.

Kristal Abazaj qëndroi 90 minuta në stol dhe nuk u preferua nga trajneri i Osijekut në Kroaci, ndërsa në Kategorinë e Dytë zvicerane, sulmuesi Seferi luajti 90 minuta për skuadrën e Uinterthurit.

Ish-sulmuesi i Shpresave kuqezi shënoi golin e dytë dhe atë vendimtar për skuadrën e tij, në minutën e 89’ të sfidës. Ky ishte goli i shtatë në kampionat për Seferin, që është dhe golashënuesi më i mirë për skuadrën e Uinterthur.

Kjo fitore e afron edhe më shumë Uinterthurin me vendet e para në renditje, pasi ngjitet në kuotën e 37 pikëve, po aq sa ka dhe Lozana e vendit të dytë.

Uinterthur – Rapersvil  2-0
Shënues: Radice 13’, Seferi 89’

Kartoni i 22-vjeçarit i përket kampionëve të Zvicrës, Jang Bojs, skuadër e cila e ka huazuar në dy sezonet e fundit. Paraqitjet shumë të mira që Seferi ka bërë me ekipin e Uinterthurit, kanë bindur ekipin e Jang Bojs dhe drejtuesit e klubit, të cilët i kanë rinovuar kontratën sulmuesit kuqezi.

Rinovimin e konfirmoi dhe ish-sulmuesi i Shpresave në rrjetet e tij sociale, duke shkruar: “Marrëveshje e re me klubin e Jang Bojs deri në qershor të 2020-ës, me mundësi rinovimi për tri vitet e ardhshme”. Duket qartë se skuadra kampione e Zvicrës ka besim te aftësitë e 22-vjeçarit, të cilin shumë shpejt mund ta shohim dhe me ekipin A.

Një ndeshje që u zgjidh nga Pajtim Kasami, i cili dhuroi spektakël në golin e parë dhe asistoi në golin e dytë. Në minutën e 79-të Bastien Toma, 19-vjeçari shqiptar asistoi për Kasamin, i cili shënoi një perlë të vërtetë, duke zhbllokuar shifrat.

Më pas, në minutën e 96-të lojtari nga Struga, asistoi për golin e dytë të ekipit të tij dhe të gjithë takimit. Ermir Lenjani nga ana tjetër, ende nuk e ka lënë pas dëmtimin, pasi nuk ishte i grumbulluar në këtë ndeshje. Ndërkohë, në kategorinë e dytë zvicerane, sulmuesi ynë Taulant Seferi ishte titullar për 90 minuta në fitoren, që Uinterthur arriti në transfertën e Kriensit.

Largohemi nga Zvicra për në Hungari, ku Liridon Latifi nuk luajti për asnjë minutë në humbjen në transfertë të Akademisë Puskas, të njëjtin fat pati dhe Egli Kaja në Skoci, i cili nuk u aktivizua në fitoren e sotme të Livingston.

Skuadra e Xhakës arritur që të kalonte në raundin tjetër pas suksesit 1-0, por nuk kishte si të mungonte një dedikim nga ana e mesfushorit të Shpresave, i cili tani pret një ftesë dhe nga Panuçi. Në një postim në Instagram, Seferi tregon se ishte një ndeshje mjaft e fortë, megjithatë i uron shumë suksese Xhakës dhe e përshëndet këtë të fundit.

“Paraqitje shumë e fortë e ekipit, kundër një kundërshtari shumë të fortë si Bazeli. Jam i lumtur për paraqitjen e skuadrës, por jo nga rezultati. Ishte kënaqësi që të takoj Taulant Xhakën në stadium dhe i uroj shumë suksese”, shkruhej në postimin e Seferit, që me skuadrën e tij këtë edicion po bën mjaft mirë.

Në janar 2015 Jang Bojs e bleu nga Rabotniçki, ku djaloshi i lindur në vitin 1996 kishte shpërthyer.

Që atëherë, tersi nuk i është ndarë mesfushorit shqiptar, i cili braktisi Maqedoninë U-21 për të luajtur për Shqipërinë, por në vitet e fundit ka munguar për periudha të gjata, pasi ka pasur dëmtime të rënda dhe dy operacione.

Këtë muaj Seferi është rikthyer në fushë, Jang Bojs nuk e ka braktisur dhe tashmë futbollisti kuqezi po kthehet të stërvitet e të luajë rregullisht. Titullar para pak ditësh në miqësoren e parë të vitit, titullar edhe sot, për 81 minuta, në miqësoren Jang Bojs-Kiaso 3-2 në Spanjë. Më në fund makthi është një kujtim i largët dhe Seferi, në moshën 21-vjeçare, e rinis nga e para, gjithnjë me klubin zviceran.

Talenti i Shpresave dhe Jang Bosjti: Vijmë për fitore, Skënderbeu duhet respektuar. Nuk mungon dhe një mesazh për mikun e tij në kampion kundërshtar

Intervistoi: Jurgen Zela

Vetëm pak muaj më parë bëri një zgjedhje të madhe, duke vendosur  të veshë ngjyrat e shtëpisë së tij, të përfaqësojë Shqipërinë edhe pse kishte interes nga Maqedonia. Taulant Seferi, në kthimin e radhës në Shqipëri, do ta shohë veten si një kundërshtar, pasi së bashku me skuadrën e tij, Jang Bojs, do të sfidojë Skënderbeun pas një javë. 20-vjeçari i lindur në Kumanovë, i kontaktuar nga “Sport Ekspres”, ka folur në lidhje me ndeshjen ndaj Skënderbeut, por nuk ka lënë jashtë vëmendjes as të ardhmen e tij. Një të ardhme si korçar? Asnjëherë nuk i dihet, por tashmë Seferi tregon se skuadra e tij ka mësuar mjaftueshëm nga ai për kundërshtarin e radhës dhe Shqipërinë.

– Taulant përshëndetje, si po shkon aventura juaj te Jang Bojs?

– Mund të them mirë. Sezonin e kaluar e fillova shumë mirë, duke luajtur 10 ndeshje me Jang Bojsin, po në sezonin e ri kam pasur disa probleme me dëmtimet dhe ende jam në rikuperim. Shpresoj që të shkojë mirë dhe sa më shpejt të rikthehem në fushat e blerta.

– Viti i tretë në Zvicër. A po e vuani konkurrencën te Jang Bojs dhe kur shpreson të fillosh te luash rregullisht?

– Vërtet është viti im i 3-të në Zvicër, po nuk më ka ecur shumë mirë vetëm për arsye se për një kohë të gjatë isha i lënduar.

Uroj ta kaloj këtë dëmtim sa më parë dhe shpresoj të ketë qenë dëmtimi i fundit. Besoj se me punë do të bëhet gjithçka, me shumë punë dhe vullnet.

– Cilat janë planet tuaja personale për të ardhmen?

– Pas rikuperimit pres të filloj të luaj dhe shpresoj të eci mirë, që të bëj një hap më lart.

– E shihni veten në një kampionat tjetër?

– Për momentin nuk e mendoj diçka të tillë. Vërtet jam pak i mërzitur nga dëmtimi dhe mendoj që të kthehem sa më parë në formën time më të mirë.

– Vetëm pas pak ditësh luani kundër Skënderbeut. Si e sheh këtë takim?

– Të gjithë e dinë se Skënderbeu kohët e fundin po bën paraqitje të mira në Europë. Besoj se nuk do të jetë ndeshje e lehtë për ne, edhe pse nuk e njohim shumë mirë Skënderbeun. Mbi të gjitha, duhet ta respektojmë si kundërshtar, pasi e meriton. Ne jemi maksimalisht të përgatitur dhe shpresojmë në një fitore.

– Kur u njohët me shortin, a ju pyeti klubi apo mediet zvicerane për të mësuar rreth Korçës dhe Shqipërisë?

– Pas shortit kishim një mbledhje në klub dhe trajneri më pyeti, nëse jam i gëzuar që do të shkojmë në Shqipëri, në vendin tim, për të luajtur. I buzëqesha dhe i thashë: “Po, ndihemi lumtur”. Më pas më pyeten si është Skënderbeu, për çfarë ekipi bëhet fjalë, si është stadiumi e kështu me radhë. Dhe unë ua shpjegova. Gjithashtu, u tregova se luajmë ne Elbasan dhe jo në Korçë.

– Skënderbeu po reklamon çdo vit lojtarë të rinj, i fundit Latifi i cili u transferua në Hungari…

– Skënderbeu, sa u përket promovimeve të lojtarëve, po bën shumë mirë. Po i ndihmon shumë të rinjtë dhe kjo është për t’u përshëndetur.

– E mendoni veten pjesë të Skënderbeut?

– Nuk e di çfarë të them, në futboll çdo gjë është e mundur.

– Sa i druhet skuadra juaj Skënderbeut, a llogaritet realisht rival për kualifikimin?

– Ne si skuadër asnjëherë nuk i nënvlerësojmë kundërshtarët, i respektojmë maksimalisht. Në fushë është gjithçka ndryshe, shpresoj se do të marrim 3 pikë në Shqipëri, që ta kemi më të lehtë kualifikimin. Jemi në vetëdije se nuk është lehtë për arsyen se e pamë paraqitjen kundër Dinamos së Zagrebit.

– Keni ndonjë mik te skuadra e Skënderbeut? Nëse po, keni ndonjë mesazh për të?

– Po, kam përforcimin e ri të Skënderbeut, Suad Sahitin, me të cilin kam luajtur te Rabotniçki. I uroj shumë fat dhe shumë suksese me ekipin e ri!

– Jeni grumbulluar me Shqipërinë U-21. Si kanë reaguar në Maqedoni, kur vendoset të ndryshonit kombëtare?

– Nuk është pritur mirë nga ana e federatës dhe medies, por gjithçka kaloi dhe jam i lumtur.

– Pak javë më parë u luajt ndeshja Maqedoni-Shqipëri, si u ndjetë dhe a është e lehtë për lojtarë si Alioski apo Bardhi të përballen me Shqipërinë?

– E ndoqa më shumë vëmendje ndeshjen. Normalisht, nuk është e lehtë të përballesh me kombin tënd, por ata janë profesionistë dhe kur dalin në fushë, duhet të japin maksimumin.

Po të jetë e vërtetë, për Tiranën është një fillim i ri. Nga ekstrakti i QKB-së, shumë borxhe të klubit bardheblu, nuk janë më aktive, ndryshe nga muaj më parë. Duke filluar nga borxhi i Metush Seferit, Tatimeve, e me radhë, të gjitha detyrimet e klubit nuk figurojnë në ekstraktin e klubit Tirana. Vetëm 100 milionë lekë të vjetër borxhe mbajnë të bllokuar klubin, por që mesa kuptohet do të paguhen shumë shpejt. Premtimi i Bashkisë Tiranë dhe klubit bardheblu është bërë realitet. Më në fund skuadra bardheblu, por çlirohet nga “gangrena” që ka prej kohësh, ajo e borxheve. Edhe pse nuk është zyrtare, duket se me të gjithë borxhlinjtë, Tirana dhe Bashkia kanë nënshkruar nga një marrëveshje që të paguajnë me këste detyrimet që kanë ndaj tyre. Shkurt, Bashkia ka vendosur të paguajë gjithçka menjëherë prej 2013-ës dhe për vitet e fundit disa muaj më parë kërkoi rakordimin e borxheve. Gjithçka mesa kuptohet është mbyllur dhe Tirana ka arritur të paguajë disa nga borxhlinjtë me ndihmën e Bashkisë. Për borxhin me Tatimet, gjithçka u mor vesh para ndeshjeve të Europës, por mesa duket bashkia po zeron gjithçka. Aktualisht Tirana në statusin e saj, nuk ka aktivë dy borxhe të mëdhenj. I pari është ai i Metush Seferit dhe më pas Tatimet e kështu me radhë. Borxhet e mbetura nuk janë të vogla, por të papërfillshme, duke kujtuar një gjendje që vetëm në janar ishte alarmante.

Po çfarë është historia e borxheve te Tirana? Vetëm gjyqe civile dhe jo sportive, pa llogaritur interesat aktualisht Tirana ka 67 milionë lekë të rinj për t’u paguar. Mes tyre detyrimet janë për Metush Seferin, tatimet e mospaguara, kompani udhëtimi, dhe punonjës që duan pagën dhe sigurimet shoqërore. Të gjithë këta individë lojtarë, trajnerë dhe kompani i kanë bllokuar Tiranës llogaritë bankare dhe kanë vënë në sekuestro konservative asetet e saj. Shuma më e madhe për t’u paguar është(ishte) ajo e Metush Seferit. Ky i fundit ka fituar gjyqin me bardheblutë, në të gjitha shkallët dhe pretendon rreth 385 milionë lekë (të vjetër). Por kjo shumë pritet të rritet mbi 550 milionë lekë, pasi sipas vendimit të Gjykatës debitori (KF Tirana) do t’i paguajë paditësit (Metush Seferit) edhe kamatëvonesat. Nuk mbaron këtu: KF Tirana, përveç debisë ndaj kompanisë së Metush Seferit, do duhet të paguajë edhe shpenzimet gjyqësore, të cilat janë plot 7 milionë lekë. Gjyqi mes Metush Seferit dhe klubit të Tiranës e ka zanafillën shumë vite më parë, në kohën kur ky i fundit ishte president i skuadrës bardheblu (më saktësisht nga viti 1993 e deri më 1998), ndërsa shef klubi ishte Skënder Hyka. Të dy ish-zyrtarët e Tiranës kanë firmosur një kontratë, në mënyrë që të ardhurat në atë kohë të ndaheshin në mënyrë të barabartë, pra 50% klubi, po aq edhe presidenti, post që mbahej nga Seferi. Pas afrimit në krye të klubit si president në 1998-1999 të Lutfi Nurit dhe më pas të El Sajed (1999-2003), Seferi kërkoi kthimin e shumës së parave që kishte investuar përtej kontratës së dakorduar me Bashkinë e Tiranës për skuadrën bardheblu. Kësisoj, në emër të kompanisë, Seferi e çoi çështjen në gjyq, duke kërkuar kthim të parave. Pas disa seancave gjyqësore, Gjykata e Rrethit Gjyqësor Tiranë vendosi pranimin e pjesshëm të kërkesë-padisë së ngritur nga Metush Seferi, duke u vendosur edhe detyrimet përkatëse. Vendimi i Gjykatës asokohe u ankimua nga palët dhe në Gjykatën e Apelit Tiranë, u vendos lënia në fuqi e vendimit të Gjykatës së Rrethit Gjyqësor. Ndryshimi i vetëm ishte caktimi i saktë i shumës që i padituri, në rastin konkret KF Tirana, duhej t’i paguante paditësit, shoqërisë tregtare “International Trade” sh.p.k, shumën prej 38,464,753 lekë (të rinj), si dhe interesat bankare nga janari i vitit 2000 deri në maj 2007 (ditën e daljes së ekzekutimit të vendimit), por edhe më shumë sepse kanë kaluar tanimë 10 vite të tjera. Palët nuk u mjaftuan me kaq, pasi KF Tirana e çoi çështjen në Gjykatën e Lartë. Kjo e fundit në një vendim lë në fuqi vendimin e Gjykatës së Apelit për shlyerjen e detyrimit nga KF Tirana karshi shoqërisë së Metush Seferit. Gjithsesi, situata duket se po rregullohet dita-ditës, për të mos thënë se bardheblutë janë, duke dalë mbi sipërfaqe dhe kanë paguar një pjesë të borxheve që i kanë pasur ish-presidentit bardheblu.

1 miliardë lekë të vjetër mendohet se ka qenë borxhi i Tiranës ndër vite

Tirana kërkon zëvendësuesit e merkatos

Planet për të shitur sërish futbollistë në janar ose në verë bëjnë që bardheblutë të mendojnë për ata që do të jenë në ekip në sezonin e ardhshëm

Olsi Avdiaj

Është e sigurt! Shumë nga lojtarët aktualë të Tiranës, duke filluar nga Albi Doka e të tjerë, pritet të jenë pjesë e merkatos. Në këto kushte Tirana është duke menduar për zëvendësuesit nga kampionati shqiptar. Prej javësh klubi është duke piketuar shumë lojtarë, që mund të jenë zëvendësuesit e mundshëm të atyre lojtarëve që Tirana mendon t’i shesë në merkato. Duke filluar që nga talentet e Gjirokastrës e me radhë, Tirana shpreson që të afrojë sa më shumë futbollistë të rinj dhe me të ardhme për të qenë sa më kompetitiv në sezonin që të ngjit në Superligë.

Të huajt me opsion rinovimi

Të gjithë lojtarët e huaj, që kanë mbërritur deri tani te Tirana kanë firmosur kontrata dy-vjeçare dhe më shumë. Vetëm Majkëll Ngo ka firmosur një kontratë, vetëm për një sezon, por me idenë që nëse ia del të bëjë mirë, atëherë futbollisti mund të qëndrojë bardheblu. Përsa i përket Mauexhes, Kalusë, Uellisonit, Binguilës e lojtarëve të tjerë të huaj të gjithë do të jenë edhe në Superiore për sezonin e ardhshëm.

Nis java e sezonit

Nga e hëna e në vazhdim, bardheblutë do të nisin javën e madhe, atë që të Kategorisë së Parë. Kështu skuadra e drejtuar nga trajneri Ze Maria do të nisë përgatitjet për kampionatin, por edhe Kupën e Shqipërisë. Duke mos lënë mënjanë Besën, skuadrën historike me të cilën luan në Kupë, Tirana është e fokusuar te ndeshja e kampionatit. Bardheblutë presin Ilirinë e Fushë-Krujës në ndeshjen hapëse të Kategorisë së Parë.

FIFA, nëpërmjet Departamentit të Statusit të Lojtarit, ka dhënë miratimin që Taulant Seferi të luajë për përfaqësuesen kuqezi, njofton Federata Shqiptare e Futbollit.

Më parë Seferi, i lindur në Kumanovë, është aktivizuar me gjithë ekipet e moshave të Maqedonisë, por ka bërë kërkesë për të luajtur për Shqipërisë dhe tashmë kërkesa e tij është aprovuar, ashtu si ndodhi dje me Elvir Malokun, i cili në fakt priste prej dy vitesh.

Mesfushori 20-vjeçar është vënë menjëherë në dispozicion të ekipit kombëtar U-21, që drejtohet nga trajneri Alban Bushi dhe do të luajë të hënën ndeshjen e parë zyrtare për eliminatoret e Europianit, ndaj Estonisë në stadiumin “Elbasan Arena”, ora 20:00.