Sefa

Lushnja mposht bindshëm në miqësore skuadrën malazeze

Sport Ekspres — Thu, 17 Jan 2019 18:19:16 +0000

Skuadra e Lushnjës po kryen fazën përgatitore në Ulqin dhe skuadra verdhjeshile, ka zhvilluar dhe një miqësore sot. Të besuarit e Ilir Gjylës kanë luajtur përballë malazezëve të Mornar, ku kanë marrë një rezultat shumë pozitiv.

Lushnja fitoi bindshëm me rezultatin 3-1, duke bërë një lojë shumë të mirë dhe duke marrë një rezultat të kënaqshëm. Golat për lushnjarët u shënuan nga sulmuesi Fatjon Sefa, që realizoi dy herë, si dhe nga mesfushori Okeljan Baze, që po ashtu gjeti rrugën e rrjetës në këtë takim.

Lushnja deri më tani ka bërë një sezon jo shumë të mirë në Kategorinë e Parë dhe është plot 9 pikë nga Bylis kryesues. Gjithsesi, në kampin lushnjar mbeten optimistë për shanset e tyre për tu ngjitur në Superiore dhe ndeshja e sotme tregoi se kjo skuadër ka potencial.

Miqësore, 17 janar 2019, Ulqin

KK Mornar – Lushnja 1-3
Shënues: Sefa x2, Baze

Liria prezanton afrimet, nga Vrapi tek Magani

Sport Ekspres — Mon, 10 Jul 2017 16:20:57 +0000

Ashtu si ishte paralajmëruar prej ditësh, Liria e Prizrenit ka firmosur sot me 4 futbollistë të kampionatit shqiptar.

Endri Vrapi, Jetmir Sefa, Artur Magani e Kristi Kote janë tashmë pjesë e Lirisë, duke u bashkuar me Bledi Shkëmbin.

“Jam i kënaqur për marrëveshjen. Shpresoj të bëjmë më të mirën’, ka thënë Endri Vrapi, me të arritur në Prizren.

Sulmuesi i ri, Artur Magani po ashtu shpreh kënaqësinë që ndodhet në këtë mes, sikurse edhe Jetmir Sefa e Kristi Kote. Këta dy të fundit ka pesë ditë që janë të grumbulluar me Lirinë.

Zyrtare, Jetmir Sefa bashkohet me Shkëmbin

Sport Ekspres — Wed, 05 Jul 2017 15:20:21 +0000

Jetmir Sefa shkon te Liria. Mesfushori nga Tirana ka gjetur marrëveshjen me klubin nga Prizreni, duke mbyllur gjithçka me shpejtësi dhe duke firmosur sot.

Tashmë 30 vjeç, Sefa nis një aventurë të re, duke i shtuar edhe një klub CV-së së tij të pasur, ndërsa del për herë të parë nga Shqipëria.

Vendimtar në kalimin e tij në Kosovë ka qenë natyrisht ish-shoku i skuadrës Bledi Shkëmbi, tashmë trajner i Lirisë, i cili e ka deklaruar edhe më parë se do të kërkojë disa elemente nga futbolli ynë.

Mesfushori sezonin e fundit ndihmoi Kamzën të ngjitej në Superiore, por më parë ka luajtur gjithnjë në elitë, duke e nisur te Tirana, duke dalë kampion me Bledi Shkëmbin në Korçë në vitin 2010/2011 e duke vazhduar më pas te Kastrioti, Bylisi, Tirana e Vllaznia.

Ndërkaq, është pranë zyrtarizimit edhe transferimi i Endri Vrapit te Liria.