Sedorf

Dështimi i radhës, shkarkohet Sedorf

Sport Ekspres — Tue, 16 Jul 2019 10:55:03 +0000

Aventura e Klarens Sedorf në kombëtaren e Kamerunit ka marrë fund pas vetëm një viti. Trajneri holandez nuk arriti t’i çonte kamerunasit më larg se faza 1/16-ve të Kupës së Kombeve të Afrikës, ku u eliminua 3 – 2 nga Nigeria.

Paraqitja në turne ka zhgënjyer drejtuesit e qeverisë kamerunase që prisnin një përfaqësim më dinjitoz, sidomos për faktin se Kameruni mbante statusin e kampionët në fuqi të turneut. Në një intervistë për mediet vendase, ministri i sportit të Kamerunit, Narsis Muele, deklaroi se Sedorf nuk shikohet më si njeriu i duhur për punën, duke vënë gishtin te performanca zhgënjyese e kombëtares gjatë muajve të fundit.

Një ndër arsyet që çuan në këtë fund të parakohshëm të bashkëpunimit ka qenë dhe kërkesat financiare të larta të holandezit, i cili ishte trajneri më i paguar në Afrikë me një pagë që i kalonte 700 mijë dollarë në vit.

Dy vite më parë Sedorf u përfol si një ndër kandidatët e mundshëm për stolin e kombëtares shqiptare, por kërkesat e larta financiare të holandezët u bënë pengesë për këtë lëvizje.

VIDEO: Tre minuta furi, Sedorf e nis shkëlqyeshëm Kupën e Afrikës

Sport Ekspres — Tue, 25 Jun 2019 18:35:28 +0000

Kameruni nisi sot rrugëtimin në Kupën e Afrikës në mënyrën më të mirë të mundshme, duke triumfuar 2-0 përballë Guinea Bisau. Të besuarit e Klarens Sedorf shënuan në minutën e 66’ dhe të 69’, me anë të Banana dhe Bahoken.

Kampionët në fuqi të Kupës së Afrikës e nisin kështu me sukses këtë edicion, duke marrë tri pikët e para në grupin F. Ky është dhe triumfi i parë i Klarens Sedord në krye të Kamerunit dhe duket se trajneri holandez do t’i udhëheqë sërish kamerunasit drejt trofeut të Kupës së Afrikës.

Kupa e Afrikës

Kamerun – Guinea Bisau 2-0
Banana 66’, Bahoken 69’

VIDEO | Sedorf dhuron spektakël, impresionon lojtarët e stolit

Sport Ekspres — Tue, 09 Oct 2018 17:37:22 +0000

Klarens Sedorf ka marrë prej pak muajsh drejtimin e Kombëtares së Kamerunit dhe po provon që të gjejë suksesin. Sot, skuadra kameruanase ka barazuar 1-1 me Komoroan, sfidë kjo e vlefshme për kualifikueset e Kupës së Afrikës. Megjithatë nuk kishte si të mungonte spektakli nga ish-trajneri i Milanit.

Një top po shkonte drejt tij dhe menjëherë holandezi ka lëvizur pak këmbën, për t’i bërë një stopim perfekt topit. Kaq ka mjaftuar që lojtarët e stolit ta përgëzojnë timonierin e tyre.

Të habitur nga kjo lëvizje lojtarët nisën që të komunikonin me njëri-tjetrin por dhe me mimika që admironin ish-mesfushorin, në këtë rast trajnerin tyre. Urojmë të paktën që lojtarët të kenë mësuar nga kjo lëvizje që vërtetë është impresionuese.

Clarence Seedorf impresses his own bench with this gorgeous first touch. ? https://t.co/ONFrqyaVHB

— Football Tweet ?? (@Football__Tweet) October 9, 2018

Sedorf vendos rregullin unik: O kombëtaren o paratë kineze!

Sport Ekspres — Tue, 21 Aug 2018 17:57:33 +0000

Klarens Sedorf u emërua pak muaj më parë trajneri i kombëtares së Kamerunit. Tekniku holandez do ta drejtojë përfaqësueses afrikane bashkë me kolegun e tij prej shumë vitesh Patrik Klajvert. 42-vjeçari ka çuditur që në listën e tij të parë, pasi ka lënë jashtë sulmuesit Benxhamin Mukandxho dhe Kristian Bazogog.

Arsyeja për lënien jashtë të dy lojtarëve është fakti që ata luajnë në kampionatin kinez. Gazetarët kamerunas kërkuan shpjegime për lënien jashtë të dy lojtarëve cilësorë dhe Sedorf u tregua i prerë duke thënë: Lojtarët e mirë nuk luajnë në Kinë ose vende të tjera aziatike.

Kjo filozofi e Sedorfit është vlerësuar nga shumë, por trajneri i Brazilit, Tite, nuk ndan këtë mendim me ish-futbollistin e kombëtares holandeze. Në fillesat e tij Tite nuk huazoi të merrte një sërë lojtarësh nga kampionati kinez, ku më të suksesshmit ishin dyshja e mesfushorëve Paulinjo dhe Renato Augusto, të cilët edhe sot e kësaj dite luajnë në kampionatin e shtetit aziatik.

Sedorf dhe Klajvert marrin në dorë “frerët” e Kamerunit

Sport Ekspres — Sat, 04 Aug 2018 14:40:25 +0000

Klarenc Sedorf dhe Patrik Klajvert kanë luajtur për shumë vjet së bashku në akademinë e Ajaksit të Amsterdamit dhe më pas në kombëtaren holandeze. Dyshja holandeze është bashkuar edhe një herë pas më shumë se dy dekadash, kësaj radhe krah për krah njëri tjetrit si trajnerë.

Sedorf dhe Klajvert janë konfirmuar si dyshja që do të marrë drejtimin e kombëtares së Kamerunit. Ish-mesfushori i Milanit, i cili sapo mbylli bashkëpunimin me spanjollët e Deportivo La Korunjës do të jetë në postin e trajnerit, ndërsa Klajvert do të punojë si asistent i mikut të tij të hershëm.

Sedorf dhe Klajvert kur luanin për kombëtaren e Holandës.

Në garën për të marrë stolin e Kamerunit ishte dhe ish-trajneri i Lacios dhe kombëtares së Anglisë, Sven Goran Erikson, por federata e shtetit afrikan vendosi që t’ia besonte këtë detyrë dyshes holandeze.