NJOFTIMI ZYRTAR – “Llapi ka arritur të siguroj shërbimet e njërit ndër sulmuesit më të mirë dhe më me përvojë në Shqipëri, i cili ka edhe karrierë ndërkombëtare. Sebino Plaku do jetë risia e radhës në klubin tonë për edicionin e ri 2019/20. Sebino ka firmosur kontratë 1 vjeçare me Llapin.

Sebino Plaku, 34 vjeç, i lindur më 20.05.1985 në Tiranë. Pozita e tij që luan është qendërsulmues. Pozitat tjera ku mund të luaj Sebino janë edhe sulmues i dytë apo edhe sulmues i krahut të majtë. Ka një karrierë shumë të ndritshme.

Ai ka luajtur për shumë skuadra në Shqipëri dhe disa të tjera edhe jashtë vendit. Së pari Sebino ka luajtur për Partizanin e Shqipërisë. Ai ka pasur paraqitje shumë të mira tek Apolonia e Fierit ku ka realizuar 21 gola, tek Dinamo Tiranë(27 gola), Skënderbeu (13 gola), Kamza(13 gola) etj.”, përfundoi njoftimi i Llapit.

Thuhet se marrëveshja mund të konkretizohet javën e ardhshme dhe Plaku të vazhdojë karrierën te klubi nga Podujeva. Sulmuesi, i cili në Superiore ka një karrierë të pasur, po mendohet mirë dhe do të duhet të ndajë mendjen për të ardhmen e  tij.

Plaku, tashmë 34 vjeç, dy sezonet e fundit është aktivizuar te Kamza, ku ka mbajtur edhe shiritin e kapitenit. Në Kosovë, nëse do të pranojë ofertën, do të gjejë shumë lojtarë e trajnerë që kanë lënë gjurmë në Superiore.

Klubi kryeqytetas dëshiron rikthimin në elitë sezonin e ardhshëm dhe për këtë i duhet të bëjë merkato cilësorë. Mbetet për t’u parë se çfarë përgjigje do të kthejë Plaku, i cili me Dinamon është aktivizuar në të shkuarën dhe numëron 17 gola (maksimumi për sulmuesin në një kampionat) në sezonin 2008-2009.

Plaku, tashmë 33 vjeç, ka treguar se mund të japë ende në Superiore. Gjithsesi një rikthim te Dinamo, që prej disa vitesh garon në Kategorinë e Parë, nuk përjashtohet. Momentalisht sulmuesi vijon të përgatitet privatisht, në pritje të hapjes së merkatos së verës.

“Kampionati është bërë i fortë. Ekipet janë duke vuajtur dhe ekipi është ngushtuar. Normalisht askush nuk e ka mendjen te ne, për më tepër kur nuk e ka mendjen federata, jo më ekipet që kanë hallet e veta. Gjithsesi, ne shpresojmë që të marrim një përgjigje”.

“Po flas në emër të grupit. Ne kemi bërë një kërkesë unanime, pasi jemi ne lojtarët që nuk kemi mundësi të ushtrojmë profesionin tonë. Duke bërë këtë kërkesë prisnim që të merrnim një përgjigje. Çdo ditë që kalon bëhet akoma më e vështirë. Përveç dëmit financiar është dhe ai profesional. Po bëhet periudhë e gjatë që nuk aktivizohemi. Këto të gjitha janë kosto që po na bien ne. Rasti jonë është ekstrem, mosaktivizimi i lojtarëve është fatkeqësi shumë e madhe. Ne ishim jashtë asaj ngjarjeje dhe jemi ne që po e vuajmë më shumë nga të gjithë”.

“Falënderoj mediat që kanë qenë i vetmi zë që kanë folur haptas për çështjen tonë. Pjesa tjetër është diskutuar në një mënyrë përciptas. Ne nuk kemi institucion që të në mbrojë. Po të ishim diku tjetër do të kishim një shoqatë futbollistësh, do kishte një sindikatë që do të përgjigjej për ne, këtu nuk i kemi. Dalja ime këtu nuk është për të kërkuar lëmoshë ose për çuar një mesazh. Jam munduar që të marr thjesht një përgjigje. Po të ishte mundësia do të dëshiroja që të na jepej mundësia të luajmë në tetë ndeshjet e mbetura. Ndoshta nuk do prishnim ekuilibrat e kampionatit. Mendoj se do ishte një zbutja e situatës dhe një dashamirësi e Federatës për të treguar që në këtë situatë ka dhe një dritë të vogël për futbollistët”, përfundoi Plaku.

“Të them të drejtën, Partizani-Teuta ishte një nga pikat kulminante në kampionatit, mes dy ekipeve pretendente, pasi edhe Teuta ka bërë kampionat shumë të mirë. Në momentin që u bë favorite, ndryshoi pak situata. Sa duket ekipi pati më shumë presion dhe ishte më tepër në qendër të vëmendjes”, deklaroi mes të tjerash sulmuesi.

Më pas ai analizoi të kuqtë: “Partizani ka qenë me konstant, përjashto ndeshjet ndaj Skënderbeut. Partizani shoh që i ka marrë seriozisht të gjithë rivalët, nga ekipi më i dobët në letër e deri tek rivalët më të fortë të tij. Pastaj mesa kuptoj unë nga jashtë, shoh që ka edhe një lloj harmonie mes lojtarëve. Kjo është shumë e rëndësishme për të arritur objektivat sezonal”.

Sipas Plakut, Skënderbeu ka vuajtur finalizimin sivjet. Gjithashtu edhe golat e pësuar në ndonjë takim kanë bërë të veten. Kukësi? Presioni është ai që e penalizoi, sipas sulmuesi. “Skënderbeu është e kundërta e Partizanit dhe Teutës. Kanë bërë performance shumë të mirë, me lojëra cilësore, por nuk kanë arritur dot të marrin rezultate. Ishte një periudhë kur bënte 90 minuta shumë të mira, por nuk finalizonte dot. Jo vetëm kaq, por merrte gol në episode të shkëputura. Kukësi është tjetër situatë. Vuan statusin e skuadrës që duhet të fitojë kampionatin dhe po e shfaq këtë problem në fushë akoma”.

BOJKOTI DHE PAGESAT – “Normalisht nuk është e thjeshtë që të flitet për këtë situatë. Ishte një mendim i miksuar. Një pjesë e ekipit nuk po ndihej gati emocionalisht, ndërsa një pjesë tjetër ishte të dëmtuar si rasti im”. Të them të drejtën klubi reagoi dhe kjo na motivoi. Jemi futbollistë profesionistë dhe çdo lojtar meriton atë që ka firmosur. Për fat e kaluam dhe kjo ishte një shtysë. Mbas kthimit ishim më të motivuar”

“Unë jam kundër bojkotit, por jam kapiteni i skuadrës dhe si i tillë duhet të jem dhe zëri i grupit. Tani ne kemi vendosur që këtë punë që kemi nisur dhe s’do ta lëmë në gjysmë, do ta çojmë deri fund”.

RIVALËT PËR MBIJETESË – “Nuk kemi bërë llogaritë se çfarë kemi më mirë dhe më dobët se kundërshtarët. Kemi një vit eksperiencë në Superiore e dimë se si funksionin dhe kjo është pjesa që na jep besim. Kemi kontigjent cilësor dhe lojtarë me eksperiencë”.

 ÇFARË SHKOI KEQ TE KAMZA – “Mendoj se situata agravoi në këtë mënyrë. Ishte nisur një plan sëbashku me bashkinë. Kur kam kolegët e pamotivuar edhe unë e kam të vështirë që të motivohem. Ndërsa pjesa tjetër ishte dhe vendimi për të shkarkuar Devollin. Mendoj se ishte një vendim i nxituar, pasi ishte vetëm fillimi i kampionatit”, përfundoi Plaku.

Kapiteni Sebino Plaku pranon problemet, teksa për “Supersport” shprehet: “Vetë situata është e ngarkuar. Është në vazhdën e ngjarjeve. Kemi pretenduar që kemi bashkëpunim me bashkinë dhe presidentin Qarri. Kemi dëgjuar që kryetari i Bashkisë nuk dëshiron të bashkëpunojë. Kjo situatë u reflektua edhe në ndeshjen me Partizanin”.

“Unë jam kapiten dhe në shumë raste më duhet të bëj edhe ndërmjetësin. Kemi marrë një premtim nga presidenti Qarri. Do të vazhdojmë dhe do të harrojmë gjithçka,  të japim maksimumin. Një gol në fushën kundërshtare mund të na ndihmojë që të kualifikohemi.

Për atë që po ndodh te Kamza ka folur edhe portieri Ilir Avdyli: “Situata jonë është e vështirë, jemi të rënduar psikologjikisht. Kemi marrë garanci nga presidenti që financat do të shlyhen në ditët në vazhdim. Do të jap maksimumin siç kam bërë deri tani. Shpresoj që ta kalojmë këtë tur, na mjafton një gol. Mund të rezultojë kthesa e sezonit”.

“Mendoj se duke qenë se Kupa është një mundësi që mund të shkosh shpejt në finale, atëherë them se do mundohemi të provojmë t’i shkojmë deri në fund” – tha fillimisht Plaku.

Gjithashtu, sulmuesi me shumë eksperiencë foli edhe për “rivalët” e tij në repartin e sulmit, që janë Martinena dhe afrimi i kësaj merkatoje, meksikani Izazola. Sa i takon konkurrencës në skuadër, Plaku tha: “Konkurrenca na bën shumë mirë dhe është diçka e shëndetshme për çdo skuadër, përfshirë këtu dhe Kamzën.”

Ndërsa sa i takon raporteve me teknikun Ernest Gjoka dhe objektivave të klubit për pjesën e mbetur të sezonit, Sebino Plaku u shpreh: “Me trajnerin kam raporte profesionale dhe unë personalisht mendoj se erdhi në momentin e duhur në krye të pankinës. Objektivi ynë primar është të mbetemi në Superiore”.

Sezonin e shkuar, bomberi kryeqytetas ishte një prej lojtarëve më të mirë në Superiore, duke shënuar plot 13 gola në kampionat. Megjithatë, në gjysmën e parë të sezonit, Plaku ka gjetur rrjetën vetëm dy herë  dhe për këtë statistikë, 33-vjeçari u shpreh se do të punojë shumë dhe do të jetë në kërkim të golit në të gjitha ndeshjet që do të luajë: “Dua të ndihmoj sa më shumë skuadrën dhe të jem i rëndësishëm. Di të them se do të jem në kërkim të golave çdo javë”,- përfundoi kapiteni i Kamzës.

Intervistoi: VERONIK ISTREFAJ

Keni shënuar vetëm dy herë këtë sezon, a ju mungon goli dhe çfarë po ndodh?
-Kjo është tema e sulmuesit, shënimi. Çdo intervistë është kjo pyetje, kur shënon apo jo. Është pjesë normale e jetës sonë, të shënuarit ose jo. Nuk do doja të kisha ndjesinë e mungesës së golit.  Më tepër ndjejmë situatën që po kalon ekipi. Po shënuam gola, do vijnë edhe pikët. Kemi pësuar shpesh dhe nuk kemi pasur mundësi të rikuperojmë. urojmë të kemi stabilitet, më tepër përqendrim në të gjithë repartet. Kjo do na jepte mundësinë ne sulmuesve për të qenë më të fokusuar në finalizim.

Ku qëndron ngërçi?
-Siç e preka edhe më parë, kemi pësuar shpesh dhe kjo ka bërë që ekipi të futet në trysni dhe ta shënojë golin me patjetër. Çdo gjë vjen në bazë të një logjike. nëse e humb del jashtë detyrave dhe mund të pësosh. Kjo është pjesa që e kemi vuajtur më tepër dhe na ka kufizuar edhe në shënimin e golave.

Në ndeshjen me Luftëtarin, çfarë parashikoni?
-Nuk jam parashikues i mirë, jam munduar t’i shoh ndeshjet drejt, pa bërë diferencime nga pozicioni apo organika. vazhdoj në të njëjtën linjë. Nuk ka diferenca në kampionatin tonë dhe është rritur niveli. Këtë e thonë statistikat, ecuria e klubeve tona në Europë. Luftëtari është ekip që ka tre vite në Superiore dhe ka pasur ecuri të mirë. Luajmë në shtëpi, duhet të jemi të kujdesshëm. Shtëpia jonë duhet të jetë e zjarrtë për çdo ekip.

A do ndihmonte një lëvizje në merkato sulmin?
-Nuk e kam menduar diçka të tillë, jemi të përqendruar te ndeshjet. Ky grup e ka potencialin, qoftë edhe sulmi, për të qenë akoma më rezultativ. Sa i takon partnerit, kemi pasur sisteme të ndryshme dhe lojtarët janë munduar të përshtaten qoftë edhe me lëvizjet. Pa dashur të justifikohem, mendoj se çdokush e ka bërë punën mirë, përveç finalizimit. Në momentin që sulmuesi nuk shënon, dalin pyetjet se çfarë nuk po bëhet si duhet. Nëse do shënohej, sulmuesit do shiheshin me një sy tjetër edhe në treg.

Dje u luajt Kukësi-Skënderbeu në fushën tuaj, ndërkohë që edhe kushtet atmosferike janë përkeqësuar. Ju shqetëson gjendja e fushës?
-E ndoqëm ndeshjen, na tha edhe trajneri. E pamë që është rënduar shumë. Çdo ekip që kërkon fitoren e vuan terrenin e rënduar. Do mundohemi t’i harrojmë të gjitha dhe urojmë të mos jetë fusha pengesa jonë.

“Nuk vijmë nga një situatë e mirë, por kjo na bën që të kemi akoma më tepër dëshirë për të marrë pikë, ose për të arritur ndonjë fitore, qoftë ajo edhe në Korçë apo kudo që të luajmë. Do mundohemi që të bëjmë më mirën, sepse është situata e tillë që na bën të kërkojmë maksimumin”, është shprehur Plaku fillimisht në “RTSH Sport”.

PUSHIMI I KAMPIONATIT – Superiorja ndali për shkak të ndeshjeve të kombëtares dhe për Plakun kjo periudhë u ka shërbyer kamzalinjve: “Kjo periudhë pushimi na bën që të stërvitemi akoma më tepër. Normalisht është periudhë më e ngarkuar. Kjo mendoj se i ka dhënë edhe pak frymëmarrje trajnerit që të shohë skuadrën, të jetë më i qetë për gjërat që do ai, të ndërtojë një ekip me idetë e veta. Pushimi çdokujt i bën mirë, pasi edhe akumulon nga ai intensiteti i lartë, po bënim nga dy ndeshje në javë dhe çdo ekip nuk e ka organikën e tillë që të ketë dy formacione. Mendoj se na ka shërbyer, tani të shohim vazhdimin”.

SKËNDERBEU – Fjalë të mira nga Plaku për ambientin që krijohet në Korçë kur luhet një ndeshje futbolli. Por kur pyetet për dobësitë e Skënderbeut, mundohet të tregohet diplomat. “Si ‘ish’ mund të them se në Korçë është një ambient shumë i mirë dhe çdo ekip që shkon atje e ka mundësinë që të marrë më të mirën e vet. Është një fushë ku të lejohet të luash futboll të pastër dhe të marrësh atë që meriton”.

“Pikat e dobëta? Nuk më takon mua të flas për dobësitë e tyre. Mendoj se është ekip i plotë, ka bërë shumë mirë trajneri i ri. Po ashtu ka ruajtur edhe entuziazmin, sepse Shehi është edhe pjesë e asaj familje. Kështu që mendoj se Skënderbeu është në rrugën e vet”, përfundon Plaku.

Rivali është i vështirë, sepse nuk ka pësuar asnjë humbje, por Laçi për Plaku është thjesht kundërshtari i radhës. Stadiumi do të jetë bosh, por Kamza e tregoi dhe me Kastriotin, që ja del pa praninë e tyre.

MUNGESA E GOLIT – “Çështja e golit do të diskutohet sërish në të ardhmen, ndoshta do të flasim ndryshe, ndoshta do të jetë e njëjta situatë. Për një sulmues goli është shumë i rëndësishëm, por nuk më shqetëson fakti që nuk shënoj prej disa ndeshjesh, për sa kohë jam në shërbim të ekipit dhe jam i dobishëm. Që kur pranuam të vijonim bashkëpunimin, ishte një lëvizje që tregonte se ekipi vinte para aspektit personal. Të dy palët kemi interes për një ecuri sa më të mirë të ekipit, nëse fitojmë jam shumë i lumtur”.

KUNDËRSHTARI – “Nuk mbivlerësojmë apo nënvlerësojmë askënd. Respekt maksimal për çdo rival, por në radhë të parë respekt për veten”.

OBJEKTIVI I KAMZËS – “Nuk bëj dot parashikime. Di të them që është rrugë e gjatë dhe jemi përgatitur për gjithçka. Uroj që të kemi stabilitet dhe të jemi të qetë , që të japim më të mirën. Nëse kemi qetësi, rezultatet vijnë”.

MUNGESA E TIFOZËVE – “Do ishte mirë të luanim me tifozë, aq më shumë në shtëpi, por rregullat janë rregulla. Nuk përbën problem për ne, sepse edhe ndaj Kastriotit treguam se dimë të luajmë si ekip i bashkuar dhe të fitojmë. Për këtë arsye, jam i qetë edhe për nesër”.

“Strategjia? Duhet të bëjmë si te filmi e bukura dhe bisha. Duhet të punojmë me goditjet standarde”, tha me stë tjerash në konferencën e sotshme për shtyp trajneri Devolli, i cili në të shkuarën është aktivizuar me Partizanin.

Para mediave ishte edhe kapiteni Sebino Plaku, i cili shënoi golin e fitores me Tiranën. “Nëse më parë Partizani ka ardhur me bujë, këtë vit janë me këmbë në tokë. I pamë në ndeshjen e parë. E kemi krijuar një ide për, por ndeshja nuk i ngjan ndeshjen. Ndoshta tani ata ndryshojnë. Ne po mundohemi të përgatitemi për gjithçka”, tha sulmuesi, që më pas foli edhe për rikthimin te Kamza.

“E dija se do e gjeja ambientin e gatshëm, pasi kam qenë në dijeni për gjithçka ndodh. Nuk ishte e lehtë të vendosja, por gjithmonë kam qenë me mendjen”.

Plaku pritet të rikthehet te Kamza, ku vjet spikati dhe ishte kapiteni i skuadrës. Shiriti e pret sërish sulmuesin, i cili nuk do të je të i vetmi që do të ndjekë rrugën nga Kukësi te skuadra periferike e kryeqytetit.

Por ka edhe një surprizë: Stivi Frashëri. Kamza kërkon edhe një portier tjetër dhe sipas “Supersport” po punohet për t’ia marrë Kukësit. Portieri korçar nuk po kalon një moment të mirë te Kukësi, teksa është gjobitur pas penalltisë së shkaktuar ndaj Karabakut.

Në ndeshjen e fundit kundër Torpedos ai nuk u aktivizua dhe në klub thonë se Frashëri ka pasur një dëmtim në gju. Gjithsesi vetë lojtari mund të sqarojë gjithçka vetë në të ardhmen. Mundësitë për t’u larguar nga Kukësi janë të mëdha.

Sezoni i ri është në prag dhe Plaku duhet të vendosë përfundimisht se ku do të luajë. Gjasat janë të mëdha që me verilindorët ta mbyllë aventurën e tij, madje që para ndeshjeve me gjeorgjianët e Torpedo Kuitasi.

Rikthimi te Kamza është opsioni më i mundshëm për momentin. Plaku dëshironte shumë që të transferohej në Norvegji dhe u përfol për një interesim të Ham Kam. Gjithsesi edhe këtë sezon pritet të luajë në Shqipëri dhe me shumë mundësi pritet të nënshkruajë kontratën e re me kamzalinjtë

Ai përmendi edhe një emër konkret si sulmuesi Sebino Plaku, emri i të cilit është lidhur me Kukësin, por edhe me Tiranën.

“Kamza, nëse bie nga Superiorja, ka lojtarë të mirë. Thuhet për Plakun se është objektiv i Kukësit, por nuk është një opsion që nuk bëhet për ne”, u shpreh mes të tjerash Vogli. Në Krujë po mendojnë të bëjnë investime edhe në stadium, teksa është projektuar ndërtimi i tribunës së re, ndërrimi i tapetit, si dhe vendosja e 2500 stolave.

NDESHJA – “Ka qenë një ndeshje e thjeshtë për vetë faktin se ekipi kundërshtar është mbledhur kohët e fundit dhe kjo e bënte takimin më të thjeshtë për ne. Gjithsesi pashë lojtarët në taktikën individuale dhe kjo më interesonte më shumë. Nuk është se nxirren konkluzione me një ndeshje të tillë. Lojtarët kanë të gjithë kondicionin e mirë. Kemi një kontigjent që kemi dublime në të gjitha rolet, që do të forcojë rivalitetin dhe do të risë cilësinë e lojës”.

FLAMURTARI – “Ndaj vlonjatëve do të jetë një ndeshje tjetër. Nuk e njohim ekipin e Flamurtarit. Besojmë dhe kërkojmë të imponojmë lojën tonë, duke marrë edhe informacionin e duhur për kundërshtarin gjatë lojës. Edhe ndaj vlonjatëve do të futemi në fushë për fitore”.

NDRYSHIMET – “Për ndryshimet mendoj se do të jenë në pjesën më të madhe lojtarët që kanë pasur më shumë minuta deri tani, për vetë faktin se do të duhet që lojtarët e rinj të përshtaten me lojën e grupit. Nuk duam t’i lemë asgjë spontanitetit. Ekipi ka një ekuilibër të mirë tashmë dhe do të mundohemi ta ruajmë atë ekuilibër”.

LARGIMI I PLAKUT – “Me sa di unë, Plaku ka mbaruar kontratën me Skënderbeun dhe nuk i është rinovuar për faktin se Soue dhe Nespor luajnë në një njëjtin pozicion. Kjo ka qenë një zgjedhje e klubit”.