Sebastien Haller

VIDEO | Blerja e re e Uest Hemit habit, shikoni veprimin unikal

Sport Ekspres — Fri, 19 Jul 2019 17:07:59 +0000

Sebastian Haller është ylli i fundit i mbërritur në kryeqytetin anglez. Francezi ka firmosur për plot 50 milionë euro për Uest Hem, duke qenë blerja më e shtrenjtë në historinë e klubit. Biznez i jashtazakonshëm nga Ajntrahti i Frankfurtit, që e mori për 7 milionë nga Utreht.
Së fundmi, 25-vjeçari ka zgjedhur numrin që do të mbajë në fanellë. Edhe pse në fushë luan si qendërsulmues tipik dhe eventualisht duhet të mbajë numrin 9, nuk do të ndodhë kështu. Haller do të ketë mbi shpinë 22-shin. Këtë e ka bërë të ditur vetë klubi i Uest Hem nëpërmjet një video, ku tregohet një pikturë murale, që janë tepër të përhapura në rrugët e Londrës.

2??2?? days until our @premierleague season kicks off…

This is fitting, right @HallerSeb? ? pic.twitter.com/2VddkAh0JP

— West Ham United (@WestHamUtd) July 19, 2019

Superofertë, Uest Hemi pranë “bishës” së Frankfurtit!

Sport Ekspres — Sat, 13 Jul 2019 10:52:23 +0000

Uest Hemi është shumë pranë një goditjeje të madhe për sulmin, sepse po mbyll bisedimet me Aintrahtin e Frankfurtit për sulmuesin Sebastien Haller. Francezi, 25 vjeç, është një ndër yjet e Frankfurtit dhe kampionatit gjerman, ku ka mahnitur sezonet e fundit.

Uest Hemi ka ofruar 40 milionë euro, shifër kolosale, por Çekanët duan patjetër sulmues, pas largimit të Marko Arnautoviçit në Kinë, ndërkohë që janë larguar edhe Endi Kerol e Lukas Perez, që do të thotë se në sulm kanë mbetur vetëm Havier Hernandez dhe Xhordan Hagill.

Haller e ka pranuar ofertën e Uest Hemit: kontratë deri në 2024, me 3 milionë euro në vit, plus bonuse. Problemi është se në garë mund të futet fuqishëm edhe Mançester Junajtid, që së shpejti do të shesë Romelu Lukakun dhe Haller do ishte zëvendësuesi perfekt.

Haller është 1.90 i gjatë, por është një sulmues shumë teknik dhe i shpejtë, i cili sezonin e fundit shënoi 15 gola dhe dha 9 asiste në kampionat. Frankfurti e bleu për 7 milionë euro nga Utrehti para 2 vitesh dhe tashmë bëhet gati të arkëtojë një shifër të paktën 6 herë më të lartë, duke treguar se është një klub i organizuar në mënyrë të shkëlqyer, sepse edhe Joviç te Reali ishte një operacion fenomenal.

Befasohen tifozët, Ajntrahti mbetet pa sulm?

Sport Ekspres — Thu, 23 May 2019 11:08:24 +0000

Ajntrahti i Frankfurtit zhvilloi një sezon shumë të mirë. Gjermanët ishin shumë afër arritjes në finalen e Ligës së Europës, ndërsa kualifikimi në Champions për sezonin e ardhshëm ju shpëtoi nga duart në javët e fundit.

Ekipi ka në sulm lojtarë si Luka Joviç, Ante Rebiç dhe Sebastien Haler. Të tre bashkë kanë shënuar 41 gola në Bundesligë, ndërsa Ajntrahti mund të humbasë shërbimet e të treve.

Fredi Bobiç

Diçka e tillë është pohuar nga Fredi Bobiç, drejtori sportiv i klubit. “Po, mund t’i humbasim të tre lojtarët. Ju garantoj se të tre kanë kaluar për mrekulli këtu. Dashuria e tifozëve nuk ju ka munguar, por forca të tjera futën në lojë në një moment të caktuar”, thekson kroati me origjinë sllovene.

Ofertat e majme financiare janë të parefuzueshme për një klub si Ajntrahti, që mund të mbushë arkat me shitjen e yjeve të sulmit. Luka Joviç ka arritur akordin me Realin e Madridit, që ka gati një kontratë 5-vjeçare për 21-vjeçarin dhe rreth 60 milionë euro për klubin nga Frankfurti.