Hemilton dhe Mercedes bëjnë ligjin në Formula 1

Sport Ekspres — Sun, 14 Apr 2019 07:47:20 +0000

Ljuis Hemilton është fituesi i Çmimit të Madh të Kinës në Formula 1. Anglezi i Mercedes, pasi ka parakaluar shokun e skuadrës, ka bërë një garë lineare, duke mos e vënë asnjëherë në dyshim vendin e parë. Dominim total i skuderisë gjermane, me Botas në vendin e dytë. Të dy pilotët e “shigjetave të argjendta” krijuan një distancë të sigurt me rivalët e Ferrarit.

FINAL CLASSIFICATION

A 1-2 for the Silver Arrows, with Verstappen splitting the Ferraris

First points of the season for @danielricciardo in P7 ?

Hard-earned points for Raikkonen Albon ?#ChineseGP ?? #Race1000 pic.twitter.com/fJVpU14xGq

— Formula 1 (@F1) April 14, 2019

Zhgënjyese ka qenë edhe kjo garë për dy pilotët e “kokëkuqes”, ku Vetel u rendit i treti dhe monegasku Leklerk nuk shkoi më shumë se vendi i pestë. I katërti u rendit holandezi i Red Bullit, Maks Verstapen. Edhe këtë vit duket se Ferrari nuk do arrijë të jetë konkuruese ndaj skuderisë gjermane.

Kjo është gara e tretë në po aq të tilla që dy pilotët e Mercedes zënë dy vendet e para, duke dominuar gjithçka. Pa asnjë rival Hemilton dhe Botas, që këtë vit duket se do të duelojnë së bashku për fitimin e titullit kampion. Anglezi renditet i pari dhe Botas pas tij. Kjo ishte një gara e 1000-të e Formula 1. Garat rikthehen pas dy javësh në Azerbajxhan.

BREAKING: @LewisHamilton wins the 1000th F1 race, triumphing in China for the sixth time and taking the lead in the world championship standings ?#ChineseGP ?? #Race1000 pic.twitter.com/5CpCtHSGO7

— Formula 1 (@F1) April 14, 2019

Garë perfekte e Vetel: Ferrari triumfon në Belgjikë, rihapet kampionati

Sport Ekspres — Sun, 26 Aug 2018 15:16:31 +0000

Përfundon Gara e Belgjikës në Formula 1. Sebastian Vetel ka arritur të triumfojë duke arritur i pari në finish. Mbas tij renditet Luis Hamilton, ndërsa francezi Verstapen kompleton podin, ndërsa Raikonen dhe Riçardo u tërhoqën nga gara

Gara nisi me një aksident që në kthesën e parë dhe tre pilotët: Alonso, Hulkenberg dhe Leklerk përfunduan jashtë. Momente paniku për Fernando Alonson, i cili pësoi një aksident të frikshëm, por fatmirësisht, ai ia hodhi pa asnjë dëmtim. Vetel bëri një nisje perfekte, kryesoi garën nga fillimi dhe e ruajti vendin e parë deri në fund.

Gjermani ngjitet në kuotën e 214 pikëve dhe ndodhet 17 pikë më pak se Hamilton (231), i cili vazhdon të kryesojë renditjen e përgjithshme. Tetë gara kanë mbetur deri në përfundim të sezonit dhe konkurrenca midis pilotit të Ferrarit dhe britanikut të Mercedezit do të jetë e zjarrtë deri në fund.

Fitorja e pestë në këtë sezon për pilotin gjerman, i cili bëhet piloti i tretë i skuderisë italiane, që kalon shifrën e 1 mijë pikëve. Formula 1 rikthehet me datë 2 shtator në Monza të Italisë. Një garë shtëpie dhe shans i mirë për Vetel dhe Ferrarin për të tentuar t’i afrohen dhe më shumë Hamiltonit.