Lushkja është pjesë e Laçit që prej 3.5 vitesh, kur la skuadrën e Besës dhe provoi të luante në Superiore. Në fillim nuk pati shumë hapësira, duke luajtur vetëm shtatë ndeshje, por në tre sezonet pasardhëse u aktivizua në më shumë se 30 takime për kampionat, duke shënuar edhe 8 gola.

https://www.instagram.com/p/BzibqABAwNI/?utm_source=ig_web_copy_link

TORO – Mbrojtësi i afruar në verë, Sebastian Toro, nuk u bashkua me Laçin gjatë përgatitjeve të verës. Ai pati një dëmtim dhe e mbylli sezonin para kohe, ndërkohë që kishte edhe një vit kontratë me bardhezinjtë.

Palët sa duket e kanë ndërprerë bashkëpunimin dhe Toro falënderon përmes llogarisë së tij në Instagram: “Faleminderit Laçi për sezonin e mirë, faleminderit shokëve të skuadrës, stafit teknik dhe drejtuesve të klubit. Ju uroj shumë suksese”.

LËVIZJET E LAÇIT NË MERKATON E VERËS
AFRIME: Kirian Nuabueze (Drita), Aleksandar Ignjatoviç (Sloboda Tuzla), Rudolf Turkaj (Iliria), Renato Spahiu (Kronos Argyradon), Aleksandros Zaimi (Apollon Larisa), Teldiano Zhunior – Teko (Treze), Julian Shehu (Kastrioti);

LARGIME: Malik Mane (Atyrai), Bojan Najdenov, Ivan Galiç, Jon Mersinaj dhe Enis Çokaj (përfundim huazimi-Lokomotiva Zagreb), Denis Pjeshka, Klaudio Çema, Antoni Okpotu (Difaa El Jadida), Sebastian Toro

Gjithsesi trajneri Sulejman Starova nga sot duhet të mendojë për kampionatin dhe ndeshja e së shtunës kundër Teutës në Laç është shumë e rëndësishme. Edhe këtë takim do të mungojë Abdurrahman Fangaj, ndërkohë që shtohet edhe mungesa e Taulant Sefgjinit.

Mbrojtësi i majtë u ndëshkua në sfidën e kampionatit me Tiranën dhe ka plotësuar numrin e kartonëve të verdhë. Gëzimi i vetëm është Sebastian Toro. Kiliani e ka shlyer pezullimin dhe pritet të pozicionohet në qendër të prapavijës. Dilema është se kush do të luajë në të majtë të prapavijës. Me Pjeshkën të dëmtuar, gjasat janë që të pozicionet Shtubina në atë pozicion. Gjithsesi gjithçka do të kuptohet gjatë seancave stërvitore.

Sebastian Toro është mungesë e sigurt për ndeshjen me bardheblutë, pasi kiliani u ndëshkua me karton të verdhë në sfidën e fundit me Flamurtarin. Për të ishte kartoni i katërt i verdhë dhe tanimë duhet të shlyejë pezullimin.

BERISHA DHE GALIÇ– Sulmuesi anësor u dëmtua në ndeshjen me Partizanin, 4 javë më parë. Pritet që tanimë ai të nisë përgatitjet dhe së shpejti të rikthehet i gatshëm për Laçin. Pas dëmtimit, Elvi Berisha në rrjetet sociale njoftoi se do të mungonte 4 deri në 6 javë.

Pushimi i kampionatit i vjen në ndihmë sulmuesi, që së shpejti do të jetë i gatshëm për trajnerin Sulejman Starova. Gradualisht po vjen koha edhe për Ivan Galiç, i cili që në muajin shtator u dëmtua dhe u operua në gju. Prej janarit ai po stërvitet me kurbinasit dhe të gjithë presin rikthimin e tij.

“Klubi nuk ka një situatë të mirë financiare, prandaj vendosëm të mbyllim kontratën. Më detyrohen më shumë se tre paga. Klubi dhe drejtuesit u sollën shumë mirë me mua, por nuk kanë asnjë mënyrë për të më paguar”, tregon Toro.

Në fakt duket e çuditshme, duke ditur që kurbinasit kanë përfituar jo pak gjatë verës, pasi nga kualifikimi në Europa League kaluan në arkat e klubit rreth 500 mijë euro. Gjithashtu u shit te Lokomotiva e Zagrebit Myrto Uzuni, për të cilin me këste përfitohen 350 mijë euro.

Gjithsesi Toro duhet të gjejë një tjetër ekip dhe ka shumë pikëpyetje rreth së ardhmes. “Tani çdo gjë është e komplikuar. Nuk kam para për t’u rikthyer në këto kushte, por fatkeqësisht kështu shkuan gjërat. Këtu ishte mirë, qyteti ishte i qetë dhe njerëzit janë shumë miqësor. Javën tjetër duhet të kthehem dhe nuk e di se çfarë do të bëhet me të ardhmen time”, përfundoi mbrojtësi 28-vjeçar.

Nëse vjet Lilaj ishte më i shtrenjti, referuar çmimit të transfermarkt, këtë sezon janë dy të huaj. Në fakt duhet përmendur që vlerësimi për ta është bërë prej kohësh dhe i referohet asaj që kanë bërë në Brazil dhe Kili. Uilliam Kordeiro dhe Sebastian Toro, në transfermarkt vlerëson me 600 mijë euro.

Jurgen Bardhi, i cili po bën një sezon të mirë, vlen 25 mijë euro më pak. Gentian Selmani, portieri i Laçit dhe i Shpresave, ka një çmim prej 550 mijë eurosh, ndërkohë që i njëjti vlerësim është edhe për ish-shokun e tij të skuadrës, sulmuesin aktual të Kukësit, Rexhinaldo.

Gatishmëria e tij është një lajm i mirë, duke parë edhe situatën me dëmtimet në kampin kurbinas. Që në ndeshjen me Kastriotin mungon Jon Mersinaj. I riu ende nuk është gati, ndërkohë që edhe Denis Pjeshka vijon me fazën riaftësuese.

Mungesa e Toros do ta bënte me dhimbje koke Mërgjyshin, por fatmirësisht mbrojtësi kilian do të jetë gati. Redon Xhixha nuk mund të luajë kundër Kukësit, pasi në ndeshjen e shkuar me Teutën u ndëshkua me karton të kuq dhe duhet të shlyejë pezullimin.

Gjatë këtyre ditëve trajneri Artan Mërgjyshi ka pasur një shqetësim, pasi në stërvitje ka munguar kiliani Sebastian Toro. Mbrojtësi qendror ka kaluar një helmim dhe tashmë gjendja e tij është përmirësuar.

Prej ditës së djeshme ai ka dalë në stërvitje. Fillimisht ka punuar i veçuar nga grupi, kurse sot e ka zhvilluar të plotë seancën. Toro, pasi është përmirësuar fizikisht, ka luajtur titullar me kurbinasit.

gatishmëria e tij për ndeshjen me Teutën është e rëndësishme, pasi për momentin i dëmtuar është edhe Jon Mersinaj. I riu që prej ndeshjes me Kastriotin ka mbetur jashtë. Gjithashtu ende nuk është gati për lojë edhe Denis Pjeshka, i cili vijon fazën riaftësuese pas operimit të kryer në verë.

Mund të jetë i vetmi nga Kili që vjen e luan në Superiore dhe deri më tani ndihet shumë mirë me zgjedhjen e bërë. Në një intervistë për “Sport Ekspres”, Toro tregon për aventurën e tij me Laçin, flet për kampionatin, jetën këtu, si erdhi dhe për shumë gjëra të tjera.

INTERVISTOI: ERDI KËRÇIKU

Si po shkon aventura juaj e parë në Shqipëri te Laçi?
–Mirë falë Zotit. Po luftojmë për vendet e para dhe kjo gjë na mban të përqendruar në objektivat tona.

Si e sheh kampionatin shqiptar, krahasuar me atë kilen?
-Kampionati shqiptar me atë kilen janë të ngjashëm. Në Shqipëri ekipet janë shumë fizike dhe vrapojnë shumë. Te Laçi ne gjithashtu bëjmë futboll të tillë, por edhe luajmë shumë me topin duke kërkuar momentin e duhur për të sulmuar.

Po Shqipëria si vend si ju duket? Është siç e kishit imagjinuar?
-Para se të vija kisha investiguar disi, por nuk doja të imagjinoja shumë. Në Shqipëri gjeta qytete shumë të bukur, persona shumë të sjellshëm dhe është me të vërtetë bukur të qëndrosh këtu. Njerëzit gjithashtu të respektojnë, si dhe njerëzit e feve të ndryshme e respektojnë njëri-tjetrin në mënyrë të mrekullueshme dhe kjo gjë është fantastike.

Më përpara të krahasonin me Arturo Vidal. Çfarë ndodhi me karrierën tuaj?
-Po, është e vërtetë që më krahasonin për mënyrën se si luaja dhe se në atë kohë kisha shumë oferta nga shumë klube, por është një temë e shkuar dhe nuk kam dëshirë të flas në lidhje me të. Tani jam totalisht i fokusuar te Laçi dhe falenderoj Zotin që jam në këtë klub me njerëz kaq të sjellshëm dhe me lojtarë të mirë, ku të gjithë jemi të fokusuar për të pëmbushur objektivat tanë.

Si u bindët të vinit në Shqipëri?
-Është diçka e komplikuar, është një vend larg vendit tim, gjuha gjithashtu është mjaft e komplikuar. Janë disa mundësi që të jepen si dhuratë nga Zoti dhe bashkë më gruan vendosëm të vinim këtu. Deri në këtë moment nuk jemi gabuar dhe jam shumë i lumtur.

Si ju duket niveli i futbollit në Shqipëri? Është siç Toro e priste?
-Dihet që kur vjen të luash në Evropë, futbolli është më kërkues dhe më i fortë dhe jam ambjentuar me këtë. Këtu ka futbollistë mjaft të mirë teknikisht dhe fizikisht, si dhe potenciali është goxha i madh.

Laçi është i vetmi ekip i pamposhtur këtë sezon. Deri ku mund të shkojë kjo skuadër?
–Shpresojmë të vazhdojmë kështu dhe me ndihmën e Zotit. Ky ekip mund të japë shumë, personalisht dua të dal kampion me Laçin.

Faza e parë e kampionatit thuajse ka përfunduar. Kujt ekipi i druheni më shumë?
-Kemi respekt për të gjithë ekipet, por nuk i druhemi asnjërit. Kemi një skuadër që mund të fitojmë çdo ndeshje.

Lojtari që ju ka impresionuar më shumë?
-Flas për shokët e mi të skuadrës. Secili nga ata ka virtytet e tij, duke filluar nga më i riu e duke përfunduar tek ai më me shumë eksperiencë. Çdo cilësi e çdo lojtari e bën ekipin të jetë akoma dhe më i mirë.

Por një arsye tjetër për t’u lumturuar ishin edhe tifozët specialë që ishin në stadium. Bashkëshortja e tij dhe dy djemtë e tij ndoqën ndeshjen me Flamurtarin dhe pas takimit pati edhe një takim të përzemërt mes tyre.