Drejtësia vihet në vend, tri vite për burg për tifozin e Romës

Sport Ekspres — Thu, 28 Feb 2019 16:05:20 +0000

Tifozi i skuadrës së Romës, Simone Mastreli, është dënuar me tri vite e gjysmë burg, pasi u shpall fajtor për plagosjen e tifozit të Liverpulit Shon Koks, në prill të vitit 2018.

Irlandezi Koks u sulmua pak orë para gjysmëfinales së Champions-it midis Liverpulit dhe Romës. Mastreli së bashku me një tifoz të paidentifikuar i shkaktuan plagë të rënda tifozit të skuadrës angleze, i cili më pas përfundoi në gjendje koma për më shumë se një muaj.

Koks edhe sot e kësaj dite ka nevojë për kujdes së specializuar nga ana e mjekëve për shkak të dëmtimet të rëndave në tru.

Mastreli u ekstradua nga Italia pak muaj më parë dhe tani do të kryejë në Angli periudhën e caktuar të burgimit.

Roma nuk e harron tifozin e plagosur, vjen donacioni i majmë

Sport Ekspres — Thu, 15 Nov 2018 17:47:40 +0000

Sezonin e kaluar të gjithë i kujtojnë trazirat mes tifozëve që ndodhën në Angli, përpara ndeshjes së parë gjysmëfinale midis Liverpulit dhe Romës. Nga përleshjet, mbeti i plagosur rëndë një mbështetës i të kuqve, Sean Cox, i cili qëndroi dhe në koma për disa muaj.

Lidhur me këtë ngjarje, ditën e sotme klubi i Romës ka njoftuar, se do të bëjë një donacion prej 150 mijë eurosh në drejtim të familjes Cox. Këto para do të jepen për rehabilitimin dhe kujdesin mjekësorë të 53-vjeçarit, baba i tre fëmijëve. Fondacioni “Roma Cares” do të japë 100 mijë euro, ndërsa 50 mijë të tjera do të vijnë nga presidenti i verdhekuqve Xhejms Palota.

Gjithashtu klubi nga kryeqyteti italian ka rënë dakord me familjen Cox që do të bëjë iniciativa të tjera për mbledhjen e fondeve, që do të ndihmojnë në mbulimin e shpenzimeve të vazhdueshme që do të ketë nevojë Sean gjatë periudhës së rehabilitimit.