Scotland

Dominim i Selltikut, dopieta e Eduard i siguron tripletën këtë sezon

Sport Ekspres — Sat, 25 May 2019 16:53:09 +0000

Selltiku ka fituar sot Kupën e Skocisë, duke triumfuar me përmbysje 1-2 përballë Hearts. Edhe pse e panë veten në disavantazh në minutën e 53’ të takimit, kampionët e Skocisë nuk u dorëzuan dhe dopieta e francezit Eduard i dha trofeun e tretë këtë sezon.

Sulmuesi 21-vjeçar shënoi në minutat 62’ (me anë të një penalltie), dhe 82’, duke i dhënë fitoren bardhejeshilëve. Selltiku vazhdon kështu dominim në Skoci, duke treguar dhe njëherë tjetër se janë ata skuadra për t’u mundur.

Kupa e Skocisë, finale

Hearts – Selltik 1-2
Eduards 53’ / Edoard 62’ (p), 82’

VIDEO | Kualifikueset nisin me surpriza, Kazakistani “trondit” Skocinë

Sport Ekspres — Thu, 21 Mar 2019 16:49:57 +0000

Kazakistan-Skoci ishte ndeshja që hapi zyrtarisht fushatën e eleminatoreve të Euro 2020. Sfida u mbyll me një rezultat surpriz, teksa vendasit e Kazakistanit shkatërruan me shifrat 3-0 miqtë skocezë, duke i nisur kualifikueset në mënyrë perfekte.

Minutat e para u shndërruan në makth për Skocinë, e cila e pa veten në disavantazh të dy golave vetëm pas 10 minutash. Fillimisht ishte Pertsukh, i cili zhbllokoi shifrat në minutën e gjashtë, pasi u tregua i saktë përballë portierit.

Katër minuta më vonë, tifozët vendas shpërthyen përsëri në festë, pasi Vorogovski shënoi golin e dytë, duke shtangur kombëtaren britanike.

Në pjesën e dytë, pritej një reagim nga Skocia, por ata që gjetën golin ishin përsëri vendasit, të cilët në minutën e 51-të i vunë vulën takimit, duke çuar shifrat në 3-0, pas golit të Zainutdinov. Kështu, gjithçka u mbyll me fitoren e kazakëve, të cilët ngjiten në krye të grupit I, ku bëjnë pjesë Belgjika, Rusia, Qipro dhe San Marino.

I dashuruar pas Gllasgout, Grezda: Ka diçka që nuk më pëlqen…

Sport Ekspres — Wed, 26 Dec 2018 15:07:06 +0000

Eros Grezda është një nga lojtarët më të rëndësishëm të kombëtares kuqezi. Mesfushori i avancuar, verën e këtij viti kaloi në Skoci, në radhët e Rejnxhërsit. Aventura skoceze për 23-vjeçarin, deri në këto momente ka shkuar mjaft mirë, teksa ka shënuar dhe një dygolësh në ndeshjen ndaj Motheruellit.

Ditën e sotme, Grezda ka dhënë një intervistë në faqen zyrtare të klubit, ku ka folur rreth jetës së tij të re në Gllasgou dhe ambientimit të tij. Lojtari nga Gjakova, duket se i pëlqen çdo gjë rreth qytetit dhe klubit dhe se ndihet mjaft i lumtur që është pjesë e Rejnxhërsit.

“Më pëlqen gjithçka këtu, klubi, stafi, lojtarët, qyteti, kështu jam i lumtur që jam pjesë e Rejnxhërsit. Gjithashtu, ushqimi, restorantet dhe njerëzit këtu më pëlqejnë. E vetmja gjë që nuk më pëlqen, janë kushtet atmosferike. Megjithatë, kam filluar të mësohem edhe me këtë gjë”.

Ëndrra e realizuar për Krishtlindje, gjiganti skocez befason adoleshentin

Sport Ekspres — Mon, 24 Dec 2018 15:21:21 +0000

Shumica dërrmuese e 15-vjeçarëve në të gjithë botën, pa dashur për t’i ulur vlerat ndokujt, ditën e 24 dhjetorit, mund të jenë me telefonin në dorë ndoshta, duke parë story-t në Instagram, Facebook apo Snapchat. Jo të gjithë zgjedhin të njëjtën rrugë, pasi ka një pjesë të vogël, të cilët që në moshën 15-vjeçare luftojnë për t’u bërë të mëdhenj.

I tillë është Karamoko Kader Dembele, 15-vjeçari, i cili ditën e sotme të 24 dhjetorit, bëri ëndrrën e tij realitet. Lindi në 22 shkurtin e vitit 2003 në jug të Londrës, por brenda një viti familja e tij lëvizi drejt Skocisë, konkretisht në Gllasgou. Ëndrra e djaloshit me prindër nga Bregu i Fildishtë, nisi në moshën 5-vjeçare, kur hodhi hapat e parë me topin në këmbë.

5 vite më vonë, djaloshi do të transferohej në akademinë e Sëlltikut të Gllasgout, një ndër ekipet më historikë të vendit. Brenda 3 vitesh, Karamoko mahnit me aftësitë e tij dhe në vitin 2016 vjen kapërcimi i madh, ku djaloshi bën xhiron e botës. Vetëm 13 vjeç, “Kaddy”, siç quhet ndryshe, përfshihet në një turne me skuadrën u-20 të Sëlltikut, ku si kundërshtarë, ka lojtarë deri në 7 vite më të mëdhenj se ai.

Një nga trajnerët e moshave të Sëlltikut në 2016 foli për “vogëlushin”, duke mos i kursyer elozhet për të. “Shumë i ngjashëm me Lionel Mesin”, ishin fjalët e teknikut skocez. Kështu, për t’u kthyer në ditën që jemi sot, të 24 dhjetorit, Karamoko Kader Dembele firmosi kontratën e parë si profesionist dhe mosha e tij është vetëm 15 vjeç. Tek e fundit, jo më kot kanë thënë, mosha është vetëm një numër…

#CelticFC's number 7?7?…

Merry #Christmas, Celts! ??? pic.twitter.com/92q1XjmHQd

— Celtic Football Club (@CelticFC) December 24, 2018

Turpërohen nga kundërshtari, ekipi skocez merr vendimin drastik

Sport Ekspres — Mon, 17 Dec 2018 20:02:16 +0000

Mbrëmjen e së premtes, Hartsi pësoi një humbje shokuese ndaj Livingstonit në transfertë, me shifrat 5-0. Pas humbjes, lojtarët e klubit skocez kanë dhënë një shembull, që zor se mund të përsëritet në futbollin e ditëve të sotme.

Përpara se ekipi të udhëtonte për ndeshjen ndaj Livingstonit, ishte vendosur që stafi dhe lojtarët do të kalonin një fundjavë në Pragë, kryeqytetin e Çekisë, për të festuar vigjiljen e festave të fundvitit. Gjithsesi, plani duket se është prishur, pasi humbja me shifrat 5-0, duket se i ka bërë lojtarët të ndihen fajtorë dhe kanë vendosur anulimin e pushimeve.

Vendimi është marrë nga vetë lojtarët, të cilët nuk e kanë pranuar dhuratën e klubit për pushime dhe tashmë do të përgatisin ndeshjen e radhës ndaj Aberdinit. Humbja ndaj Livingstonit ishte me të vërtetë shokuese për Hartsin, pasi të pestë golat u pësuan brenda 14 minutave.

Shqipëri-Skoci, kundërshtari zbulon listën e “sfidantëve”

Sport Ekspres — Tue, 06 Nov 2018 15:51:38 +0000

Kombëtarja jonë do të zhvillojë ndeshjen e saj të fundit në Ligën e Kombeve mbrëmjen e 17 nëntorit, ku do të presë Skocinë. Kuqezinjtë tanë momentalisht rrezikojnë shumë, pasi ndodhen në vendin e fundit me 3 pikë, po aq sa Skocia, e cila ka një ndeshje më pak se kombëtarja jonë.

Skocia do të udhëtojë fillimisht drejt Shqipërisë dhe më pas do të presë Izraelin në fushën e saj, pas tre ditësh. Në kuadër të këtyre sfidave, trajneri i skocezëve, Aleks MekLish, ka bërë të ditur të grumbulluarit e tij.

Lojtari më i spikatur te kundërshtarët e ardhshëm të kuqezinjve është padyshim mbrojtësi i Liverpulit, Andi Robertson, i cili është njëkohësisht dhe kapiten i kombëtares së tij.