Video | Bajerni nderon “Shvajnin”, ish-mesfushori përjetësohet te bavarezët

Sport Ekspres — Mon, 27 Aug 2018 15:26:06 +0000

Bastian Shvajnshtajger do të luajë nesër ndeshjen e fundit në “Allianz Arena”. Por, në ndryshim nga radhët e tjera, “tigri” do të mbajë veshur fanellën e “Chicago Fire” dhe jo atë të Bajernit. Me rastin e miqësores përkujtimore për karrierën e tij, drejtuesit e skuadrës bavarez menduan t’i bënin 34-vjeçarit një tjetër surprizë.

Shvajnshtajger u nderua sot me një vend në “sallonin e famës” të Bajern Mynihut. Mesfushori bëhet lojtari i 18 që nderohet me këtë status, që e ndanë me legjenda të klubit bavarez si Uli Hënes, Gerd Myler, Oliver Kahn dhe miku i tij i ngushtë Filip Lahm.

One word: Legend ?@BSchweinsteiger becomes the 18th member of the #FCBayern Hall of Fame ?#Fußballgott #MiaSanMia #ServusBasti pic.twitter.com/ujVgCQijwN

— FC Bayern Munich (@FCBayernEN) August 27, 2018

Bajerni nuk e harron Shvajnshtajgerin, Basti luan ndeshjen e fundit në “Allianz Arena”

Sport Ekspres — Tue, 21 Aug 2018 13:59:33 +0000

Bastien Shvajnshtajger do të rikthehet të luajë në “Allianz Arena”, natyrisht jo si lojtar i Bajernit, por i “Chicago Fire”, ku luan që prej vitit të kaluar. Skuadra amerikane do të luajë përballë Bajernit në “Allianz Arena” në një ndeshje lamtumire për ish-mesfushorin, që me siguri nuk do ti bie më rasti të luajë në stadiumin ku shkroi histori për vite me radhë.

Ndeshja do të zhvillohet më 28 gusht, ndërsa dy ditë para takimi miqësor, ekipi i “Chicago Fire”, do të stërvitet në kompleksin stërvitor të Bajernit, “Säbener Straße”, diçka kjo që me siguri do jetë diçka e veçantë për mesfushorin 34-vjeçar.

Kontrata e Shvajnshtajgerit me ekipin amerikan mbaron më 31 dhjetor dhe me shumë gjasa gjermani do të varë këpucët në gozhdë, pasi ai po e ndjen që trupi i tij nuk po përballon më intensitetin e ndeshjeve në “MLS”.