Sipas “Sport Bild”, Dortmundi ka arritur akordin me mbrojtësin e Hofenhajmit, Niko Shulc. Bisedimet me klubin po vazhdojnë, pasi drejtuesit e Borusias nuk duan që të paguajnë klauzolën e lirimit prej 30 milionë eurosh.

Shulc është 26 vjeç dhe në muajt e fundit ka qenë zgjedhje e parë e Joakim Lëv në formacionin e kombëtaren gjermane. Forma në rënie e kapitenit Marsel Shmelzer ka bërë që Dortmundi të vihet në lëvizje për të rinovuar këtë repart.

Tashmë, Shulc është në qendër të vëmendjes dhe mediat kanë nisur të gërmojnë për të. Në Itali, kanë publikuar së fundmi një intervistë të bërë pak kohë më parë për “t-online.de”, ku Shulc ishte shprehur se ëndrra e tij ishte që një ditë të luante për Interin.

“Dëshira ime është të luaj për një klub të madh evropian. Janë disa klube të jashtëzakonshme që luajnë në Champions çdo vit. Do të ishte një ëndërr për mua të luaja për Interin, pasi gjithmonë ka qenë ekipi që kam ëndërruar. Jam shumë i qetë, veçanërisht sepse luaj me një klub si Hofenhajmi, ku ndihem shumë mirë. Edhe në rast se nuk do të lëviz nga këtu, do të isha shumë i lumtur”, përfundoi Shulc.

Ndoshta, këto fjalë të thëna nga mbrojtësi, mund të bëjnë drejtuesit zikaltër, që ta përfshijnë në listën e objektivave të merkatos 25-vjeçarin gjerman.

Fitorja erdhi, por me fat në fundin e takimit, sepse Shulc në minutën e 85-të gjuajti keq, por portieri peruan e bëri lëmsh, duke mos e ndalur topin dhe duke e devijuar në portën e vet.

Peruja shkëlqeu për periudha të ndryshme, duke shënuar me Advinkula në minutën e 22-të, por Brandt barazoi 3 minuta më vonë, kur mbrojtja e Perusë gaboi në largimin e topit.

Ishte mbrëmja e Shulc, i cili debutoi, ashtu si Kerer dhe Haverc, por trajneri Joakim Lëv nuk ka marrë ndonjë sinjal shpresëdhënës se Gjermania është kthyer në rrugën e duhur.