Schalke 04

Ideja e fundit për mbrojtjen, Milani gjen shpëtim në Gjermani

Sport Ekspres — Sun, 14 Jul 2019 14:10:03 +0000

Marko Xhampaolo ka nevojë për një qendërmbrojtës dhe treshja Maldini-Boban-Masara janë gati për t’ia dhuruar një të tillë trajnerit. Ideja e fundit quhet Matija Nastasiç. 26-vjeçari është pjesë e Shalkes 04.

Ardhja e turkut Kabak (i cili ishte një objektiv i kuqezinjve) ka mbyllur hapësirat e serbit. Milani e kërkon Nastasiç në formë huazimi me të drejtë blerje, ndërsa për lojtarin do të bëhej fjalë për një rikthim në Serie A.

Ai u aktivizua gjatë sezonit 2011/2012 me Fiorentinën përpara se të transferohej te Mançester Siti në Premier Ligë. Tre sezone qëndroi lojtari te “qytetarët”, ndërsa është pjesë e Shalkes prej katër sezoneve.

VIDEO | E pabesueshme, si mund të humbet ky rast?!

Sport Ekspres — Mon, 08 Jul 2019 12:25:31 +0000

Ndodh shpesh që sulmuesit të gabojnë para portës. Ka raste nga më të ndryshmet dhe së fundmi një është regjistruar në një miqësore që Shalke 04 luajti kundër Oberhausen. Protagonist ka qenë një nga sulmuesit e blerë këtë verë.

Benido Raman, autor i 10 golave vjet në Bundesligë me Dyseldorfin, mori një pasim në zonën e Oberhausen dhe pak metra me portën e dërgoi topin jashtë kuadratit. Çuditërisht! Te Shalke i kanë dhënë edhe numrin nëntë.

U bë “mollë sherri” mes Milanit dhe Bajernit, prezantohet te Shalke

Sport Ekspres — Sun, 30 Jun 2019 12:39:19 +0000

Tani është gjithçka zyrtare. Ozan Kabak është prezantuar si përforcimi më i ri i Shalke 04. Mbrojtësi turk u bë “mollë sherri” mes Milanit dhe Bajern Mynih, ekipe që e kërkonin me insistim.

Megjithatë, në fund 19-vjeçari i befasoi të gjithë dhe la Shtutgartin për t’u transferuar te ekipi i Shalkes.

Lojtari, i cili bën edhe rolin e mesfushorit shkatërrues, ka nënshkruar një kontratë 5-vjeçare me “Blutë Mbretërorë”, të cilët paguan 15 milionë euro në arkat e Shtutgartit.

Një sasi do t’i shkojë Gallatasarajit, pasi kampionët e Turqisë kishin mbajtur disa përqind të kartonit të mbrojtësit turk, kur e shitën në janar të këtij viti në Bundesligë.

?? Schalke 04‘e ho?geldin @ozankabak4! Bize geldi?in için çok mutluyuz! ??

?? Welcome to #S04, Ozan #Kabak! It’s great to see you in Royal Blue! ??? pic.twitter.com/P3KfahvxzL

— FC Schalke 04 (@s04_en) June 30, 2019

Fikje, nervozizëm dhe humbja e titullit nga Dortmundi, zbulohet shkaku!

Sport Ekspres — Mon, 29 Apr 2019 09:04:08 +0000

Borusia e Dortmundit gaboi në momentin që nuk duhej. Verdhezinjtë dështuan në shtëpi përballë Shalkes, në një ndeshje që pati gjithçka brenda saj. Dhimbje e dyfishtë për Dortmundin, që humbi derbin dhe i dha një goditje ëndrrës për të fituar titullin kampion, pavarësisht se ndalesa e Bajernit mban akoma gjithçka të hapur.

Sfida nisi mirë për ekipin vendas. Gëce kaloi Borusian në avantazh pas një çerek ore. Gjermani shfrytëzoi një asist fantastik të Xhejdon Sanço dhe shënoi me kokë.

Asisti i 14-të për anglezin e talentuar, ndërsa askush nuk ka bërë më mirë se ai në këtë aspekt në kampionatet elitare. Gjatë festës së golit ndodhi edhe ndryshimi i krejt rrjedhës së ndeshjes.

Sanço u godit në fytyrë nga një çakmak nga tifozët miq të Shalkes. Kjo gjë solli irritimin e tifozërisë vendase dhe nervozizmin e lojtarëve të Dortmundit. Shalke përmbysi rezultatin në pjesën e parë, ndërsa vendasit e humbën qetësinë totalisht në të dytën.

Dy kartonë të kuq lanë Dortmundin me 9 lojtarë dhe ndeshja mori fund. U mbyll 2-4 për Shalken, që siguroi një trepikësh të artë për mbijetesën, fitoi derbin dhe ndihet krenare për faktin që fundosi armiqtë e Dortmundit në garën për titull kampion.

Nuk shkoi në kursin e gjermanishtes, Shalke pezullon mesfushorin

Sport Ekspres — Wed, 24 Apr 2019 19:06:02 +0000

Shalke po përjeton një sezon të tmerrshëm. Ekipi nga Gelsenkirshen rrezikon rënien nga Bundesliga dhe për këtë arsye tensioni në skuadër është shumë i lartë.

Në këto momente gjëja më e rëndësishme është që në klub të mbizotërojë disiplina dhe për këtë po merren masa ekstreme. Mesfushori algjerian Nabil Bentaleb ka qenë ndër lojtarët më problematik këtë sezon.

Së fundmi e përditshmja gjermane “Bild” raporton se drejtuesit e Shalkes e kanë pezulluar sërish lojtarin nga ekipi i parë për një arsye shumë të çuditshme.

Bentaleb nuk mori pjesë në mënyrë të përsëritur në seancën e kursit të gjermanishtes. Rregullat në kontratën e lojtarit janë të qarta, kush nuk shkon në kurs stërvitet me ekipin rezervë.

VIDEO | Siti konfirmohet ekip anormal, përmbys Shalken me 10 lojtarë

Sport Ekspres — Wed, 20 Feb 2019 21:55:21 +0000

Në Gjermani është mbyllur ndeshja e çmendur mes Shalke 04 dhe Mançester Sitit, ku u shënuan plot pesë gola. Sfida ka nisur e vrullshme, me “Citizens”, të cilët krijojnë raste dhe me vendasit nga Gelsenkirshen, të cilët mundohen të rezistojnë.

Pikërisht në minutën e 18-të, përpjekjet e Sitit u shpërblyen, teksa një gafë në mbrojtje e Shalkes, solli golin e parë të ndeshjes, me autor Serxho Agueron. Argjentinasi mori një pasim nga David Silva dhe me portën e boshatisur zhbllokoi rezultatin.

Gjithsesi, pavarësisht golit të pësuar, ekipi nga Gelsenkirshen ka reaguar menjëherë, ku në minutën e 38-të ka baraspeshuar shifrat me anë të Nabil Bentaleb. Ky i fundit shënoi nga pika e bardhë, teksa 11-metërshi u akordua pas konsultimit me sistemin VAR.

Sidoqoftë, asgjë nuk përfundoi këtu. Shtatë minuta më vonë, ishte përsëri gjyqtari, i cili akordoi tjetër 11-metërsh në favor të Shalkes. Përsëri, te pika e bardhë u paraqit Nabil Bentaleb, i cili u tregua i saktë, duke kaluar në avantazh të tijtë.

Pjesa e dytë, ishte akoma më e çmendur se ajo e para, teksa Siti mbeti me 10 lojtarë pas daljes me karton të kuq të Otamendit. Gjithsesi, ekipi i Guardiolës arriti të reagonte në mënyrë të pabesueshme edhe pse me një lojtar më pak, duke përmbysur gjithçka.

Fillimisht, ishte një perlë e Leroi Sane, i cili i shënoi ish-ekipit të tij, ndërsa në fund ishte radha e Rahim Stërling, i cili çmendi në festë ekipin e tij. Kështu, Siti hedh një hap të sigurt drejt kualifikimit më tej.

UEFA Champions League
Faza e 1/8-ave
Shalke 04 – Mançester Siti 2-3
Shënues: Bentaleb 38′ (pen.), 45′ / Aguero 18′, Sane 85′, Sterling 90′

I pakënaqur te Juve, derbi gjerman për mbojtësin bardhezi

Sport Ekspres — Mon, 24 Dec 2018 19:47:39 +0000

Juventusi është një ndër ekipet me alternativa të shumta thuajse për çdo pozicion. Ky fakt, ka bërë që disa prej lojtarëve t’i shtohen pakënaqësitë, si pasojë e hapësirave të pakëta, për sa i përket minutave të aktivizimit . Një nga këta lojtarë është Medi Benatia.

Marokeni, nuk ka arritur të ketë hapësira, pasi në qendrën e mbrojtjes bardhezi aktivizohen Bonuçi dhe Kielini. Nisur nga kjo gjë, mediat italiane raportojnë se 31-vjeçari do të largohet muajin e ardhshëm nga “Allianz Stadium’’.

Për mbrojtësin thuhet të ketë interes të madh nga Bundesliga. Konkretisht, do të kemi një derbi të Ruhrit në merkato. Bëhet fjalë për ekipet e Shalke 04 dhe Borusia Dortmund, të cilat janë në garë për Benatian. Kujtojmë, marokeni ka luajtur më parë në Gjermani me fanellën e Bajernit, ku verën e vitit të kaluar u ble nga “zonja e vjetër” për shumën e 17 milionë eurove.

Leverkuzen e Shalke tregojnë “dhëmbët”, Lajpcig fitore me vuajtje

Sport Ekspres — Sat, 22 Dec 2018 16:25:32 +0000

Janë mbyllur shumica e ndeshjeve të vlefshme për javën e 17-të dhe të fundit të fazës së parë në Bundesligë. Bajer Leverkuzen arriti një sukses mjaft të rëndësishëm 3-1, në një sfidë delikate ndaj Hertës së Berlinit, ku Kai Havertz ishte njeriu i ndeshjes me një dygolësh.

Lajpcigu po ashtu arriti një fitore, e cila ishte mjaft e vuajtur, për mënyrën se si shkoi takimi. Pjesa e parë u mbyll në avantazh të dyfishtë për vendasit, por në fraksionin e dytë miqtë e Verder Bremenit, shënuan dy herë brenda dhjetë minutave dhe barazuan gjithçka. Diego Deme më pas, ishte heroi takimit, pasi shënoi vetëm dy minuta përpara fundit të kohës së rregullt, duke i dhënë fitoren ekipit të tij.

Nga ana tjetër, Shalke 04, duket se po rikthehet nga ndeshja në ndeshje, pasi triumfoi në transfertë ndaj Shtutgartit me shifrat 1-3. Frajburg dhe Dyseldorf fituan në transfertë 0-1, respektivisht ndaj Nurenbergut dhe Hanoverit, duke i zhytur këto të fundit akoma më shumë në fundin e tabelës.

Bajer Leverkuzen 3-1 Herta Berlin
Shënues: Foland 6’, Havertz 23’, 49’ / Torunariga 26’

Hanover 96 0-1 Dyseldorf
Shënues: Fink 90+2’

Nurenberg 0-1 Frajburg
Shënues: Gulde 19’

Lajpcig 3-2 Verder Bremen
Shënues: Klosterman 22’, Verner 44’, Deme 88’ / Kruze 67’ Sargent 77’

Shtutgart 1-3 Shalke 04
Shënues: Gonzalez 76’ / Skrybski 10’, Sane 70’, Katuçu 78’

Dominon Bundesliga, por sa frikë për Dortmundin!

Sport Ekspres — Wed, 31 Oct 2018 20:15:43 +0000

Janë mbyllur gjysma e sfidave që janë luajtur pasditen e sotme, të vlefshme për raundin e 1/16-ave të Kupës së Gjermanisë. E veçanta e këtyre ndeshjeve ka qenë fakti, se 3 nga 4 ndeshjet kanë përfunduar në barazim, duke shkuar në kohën shtesë. Borusia Dortmund, Verder Bremen, Shalke 04 dhe Nurenberg morën nga një biletë për në 1/8-at.

E vetmja sfidë që u mbyll që në kohën e rregullt, ishte ajo midis Verder Bremenit dhe Weiche-08, që përfundoi me fitoren e thellë të Bremenit, 1-5. Në këtë sfidë luajti dhe Milot Rashica, i cili u aktivizua nga stoli në minutën e 77-të.

MENTAL! ?#DFBPokal pic.twitter.com/QK1RgFxad2

— DW Sports (@dw_sports) October 31, 2018

Dortmundi mori një kualifikim me vuajtje ndaj Unionit të Berlinit, teksa arriti të siguronte kalimin më tej, vetëm më anë të një penalltie në minutën e 120-të. Ndeshja nisi e mirë për vendasit, të cilët e mbyllën pjesën e parë në avantazh 1-0, me golin e Pulisiç. Sebastian Polter u mundua të bëntë heroin për miqtë, ku shënoi në minutën e 63-të, golin e barazimit të përkohshëm. Filip shënoi përsëri për Dortmundin, përpara se Polter të shënontë golin e dytë personal vetëm 3 minuta përpara fundit.

Ekipet e mbyllën sfidën në barazim dhe u desh ndihma e kohës shtesë. Dortmundi e shtoi akoma më shumë presionin dhe arriti të merrte kualifikimin në minutën e 120-të me anë të Marko Rojs. Gjermani shënoi nga pika e bardhë e penalltisë dhe dërgoi të tijtë në 1/8-at.

?? #Reus! Wie wichtig! #BVBFCU 3??-2?? pic.twitter.com/Bevmw7qQiC

— Borussia Dortmund (@BVB) October 31, 2018

Ndërkohë dy sfidat e tjera të pasdites, pikërisht Këln-Shalke dhe Hansa Rostok-Nurenberg u mbyllën në barazim të plotë dhe vetëm goditjet e 11-metërshave mundën të përcaktonin ekipin që do të kalonte më tej. Këlnit i kushtoi shtrenjtë gabimi i bërë në serinë e shtatë të gjuajtjeve, ku ishte Dreksler ai që gaboi dhe Shalke arriti të kalonte më tej. Ndërkohë në Rostok, Nurenbergu arriti të kualifikohej, pasi u treguan më të saktë nga pika e bardhë, ndërkohë që Hansa gaboi dy herë.

Champions League | Përballje “zjarri” në Gjermani e Spanjë

Sport Ekspres — Wed, 24 Oct 2018 07:46:29 +0000

Sot do të luhen dhe tetë ndeshje të tjera të Champions League. Është radha e skuadrave të grupeve A, B, C dhe D që të luajnë takimet e tyre të treta. Ndeshje tejet interesante do të zhvillohen sot në mbrëmje, ku pa diskutim vëmendja më e madhe do të jetë në Gjermani e Spanjë.

Në Grupin A, Dortmundi dhe Atletiko Madrid do të diskutojnë mes tyre vendin e parë sot . Gjermanët janë mjaft në formë, teksa në 4 ndeshjet e fundit kanë shënuar e pakta nga 4 gola për ndeshje, por në anën tjetër është ekipi i Simenoes, që nuk njeh humbje në 8 sfida radhazi në të gjitha garat. Një përballje e vërtetë “titanësh”. Klub Bryzh pret Monakon në sfidën tjetër të këtij grupi. Francezët i kanë besuar stolin një legjende si Tieri Henri, por mbete për t’u parë nëse do ta bëjë kthesën në Belgjikë.

Një ndeshje spektakolare pritet që të jetë dhe ajo mes Barcelonës dhe Interit, që do të diskutojnë për vendin e parë në grupin B. Katalanasit luajnë pa Leo Mesin e dëmtuar, ndërsa Ikardi duket në formë, aq më tepër pasi i dha pikët e plota ekipit të tij në derbin me Milani pak ditë më parë. Totenhemi në anën tjetër do kthesën në Holandë ndaj PSV-së, që në kampionat është një makineri golash, megjithatë në arenën ndërkombëtare vuan jo pak.

Në grupin C, PSG pret Napolin e Elseid Hysajt. Francezët e duan me çdo kusht Champions-in, por eksperienca është armiku i tyre më i madh. Napoli nuk duhet nënvlerësuar, pasi mundi Liverpulin në Itali pak javë më parë. Skuadra e Klop nuk pritet ta ketë të vështirë me serbët e Cervena Zvezdës në shtëpi, por gjithsesi, “The Reds” nuk kanë shkëlqyer në ndeshjet e fundit.

Edhe në grupin D, ndonëse mundojnë skuadrat “big” rivaliteti është shumë i madh, pasi skuadrat kanë shumë pak diferenca mes tyre. Gallatasarai i pamposhtur në shtëpi prek Shalken sot, ndërsa Porto udhëton në Moskë, për t’u ndeshur me Lokomotivën.

Grupi A
18:55 | Klub Bryzh– Monako
21:00 | Dortmund – Atletiko Madrid

Grupi B
18:55 | PSV – Totenhem
21:00 | Barcelona – Inter

Grupi C
21:00 | Liverpul – Crvena Zvezda
21:00 | PSG – Napoli

Grupi D
21:00 | Gallatasarai – Shalke 04
21:00 | Lokomotiva Moskës – Porto