Saul Canelo Alvarez

Canelo refuzon duelin me Golovkin, në ring e pret një ukrainas

Sport Ekspres — Thu, 01 Aug 2019 07:35:01 +0000

Boksieri më i njohur i momentit, Saul “Canelo” Alvarez, do rikthehet në ring në muajin tetor. Mediet amerikane kanë zbuluar se kundërshtari i ardhshëm i meksikanit, do të jetë ukrainasi Sergiy Derevyanchenko.

Dueli është bërë pas presionit të konfederatës IBF. Në rast se Canelo do refuzonte këtë duel, brezi kampion bote i kësaj konfederate do i hiqej kampionit të peshave të mesme.

Before approving Derevyanchenko as an opponent for Canelo's next fight October 26th, DAZN boss John Skipper also dropped his request that Canelo guarantee that he'd fight Golovkin in his following fight if Derevyanchenko were approved. Negotiations ongoing this afternoon.

— Keith Idec (@Idecboxing) July 31, 2019

Meksikani pritet të mos hasë shumë pengesa me kundërshtarin e radhës, i cili ka një rekord prej 13 fitoresh (10 me nokaut) dhe vetëm 1 humbje, kjo ndaj një emri të njohur si Daniel Jacobs.

Pas duelit me Derevyanchenko, meksikanit s’do të ketë më asnjë pengesë për përballjen e tretë e të shumëpritur midis Canelos dhe kazakut, Gennadyi Golovkin.

Befason Canelo, “triologjia” me Golovkin drejt kolapsit

Sport Ekspres — Sun, 07 Jul 2019 10:03:54 +0000

Saul “Canelo” Alvarez dhe Gennady Golovkin kanë dhuruar 2 ndër duelet më të famshme të viteve të fundit. Në të dyja rastet verdiktin e dhanë gjykatësit. Dueli i parë u mbyll barazim, ndërsa në përsëritjen para një viti fitorja i shkoi meksikanit Canelo, por ky vendim solli shumë pakënaqësi pasi për shumë gazetarë dhe njerëz të sportit fituesi duhej të ishte kazaku Golovkin.

Boksieri kazak kërkon një duel të tretë me kampionin e peshave të mesme për të sqaruar njëherë e mirë rivalitetin midis tyre. Megjithatë, Canelo nuk është i këtij mendimi. Sipas medies amerikane “BoxingScene”, boksieri meksikan nuk dëshiron të ndeshjet sërish me 37-vjeçarin Golovkin.

Kjo gjë përveç fansave të shumtë ka mërzitur dhe gjigantin mediat “DAZN”, të cilët kanë paguar plot 350 milionë dollarë për të pasur të drejtat e transmetimit të dueleve të meksikanit. Dueli ndaj Golovkin do të regjistronte shifra rekord shikueshmërie, ndërsa në rast të mosrealizimi, humbjet e “DANZ” do të ishin të dërrmuese.

Boksierët më të paguar në planet, Canelo lë në vend të dytë Joshua-n

Sport Ekspres — Wed, 12 Jun 2019 17:28:45 +0000

Largimi i Floyd Mayweather nga bota e boksit ka ulur shumë numrin e parave që investohen në këtë sport. Megjithatë, vendin e amerikanit po e marrin yje të tjerë që dita ditës po rrisin popullaritetin e tyre me anë të punës së palodhshme në ring.

Sipas studimit të bërë nga media amerikane “Forbes”, boksieri më i paguar në planet është ylli meksikan Saul “Canelo” Alvarez, i cili përfiton 94 milionë dollarë nga kontratat televizive dhe 2 milionë dollarë nga të drejtat e imazhit.

Në vend të dytë është ish-kampioni i peshave të rënda Anthony Joshua. Boksieri anglez përfiton 55 milionë dollarë në total, ku mban rekordin për të drejtat imazhit, prej të cilave fiton 10 milionë dollarë në vit.

Rivali i Joshuas Deontay Wilder renditet i treti me 30.5 milionë dollarë të ardhura. Amerikani fiton vetëm 500 mijë dollarë nga të drejtat e imazhit, shifër kjo që tregon se ende nuk është shumë popullor në SHBA.

Legjenda filipinase Manny Pacquiao mban vendin e katërt me 26 milionë dollarë të ardhura, ndërsa kazaku Gennady Golovkin mban vendin e pestë me 25 milionë dollarë.

Canelo Alvarez $94 M $92 M $2 M
Anthony Joshua $55 M $45 M $10M
Deontay Wilder $30.5 M $30 M $500k
Manny Pacquiao $26 M $24 M $2 M
Gennady Golovkin $25.5 M $23 M $2.5 M

Canelo siguron titullin e tretë kampion bote, meksikani s’ka konkurrencë

Sport Ekspres — Sun, 05 May 2019 11:10:40 +0000

Boksieri më i paguar në planet, Saul “Canelo” Alvarez ka regjistruar fitoren e 52-të në karrierë përballë amerikanit Daniel Jacobs.

Fitorja e meksikanit erdhi me vendim unanim të gjyqtarëve 115 – 113, 115 – 113 116 – 112. Triumfi ndaj Jacobs i mundëson meksikanit brezin kampion bote të konfederatës “IBF” në divizionin e peshave të mesme (deri në 73 kg).

?WBC ?WBA ?RING ?IBF #TeamCanelo #DoItYourWay pic.twitter.com/qhTclIuq62

— Canelo Alvarez (@Canelo) May 5, 2019

Canelo, i cili është gjithashtu kampion i bote i konfederatave “WBA” dhe “WBC” ka mundësinë për t’u shpallur kampion i padiskutueshëm i peshave të mesme nëse arrin të bëjë të tijin brezin “WBO”, që për momentin mbahet nga amerikani Demetrius Andrade.

Gjithsesi ajo që fansat e boksit duan është një duel i tretë midis tij dhe boksier kazak Gennadiy Golovkin, përballje kjo që përflitet të ndodhë në muajin shtator, i njëjti muaj ku janë zhvilluar duelet e mëparshme midis dy boksierëve në vitin 2018 dhe 2017.

Kartat e gjyqtarëve

https://www.youtube.com/watch?v=S86Qf7e8NNs

Zyrtare | Golovkin – Canelo vetëm çështje kohe, 60 milionë $ bindin kazakun

Sport Ekspres — Fri, 08 Mar 2019 22:57:51 +0000

Boksieri i famshëm kazak, Gennady Golovkin, i ka dhënë fund pikëpyetjeve për të ardhmen e tij, duke firmosur një kontratë 3-vjeçare me “gjigantin” mediatik “DAZN”.

Falë kësaj marrëveshjeje, Golovkin, përfiton të paktën 60 milionë dollarë në këmbim të drejtave televizive për 6 duelet e tij të ardhshme, që me shumë gjasa do të jenë dhe të fundit të karrierës së tij, pasi boksieri së shpejti do të mbushë 37 vjeç.

Firma me “DAZN” e bën thuajse të sigurt përballjen e tretë me meksikanin Saul “Canelo” Alvarez, duel ky që është ndër më të kërkuarit në planet. Në dy duelet e mëparshme, Golovkin nuk arriti të fitonte ndaj Canelo-s, duke barazuar në përballjen e parë dhe humbur të dytën me vendim maxhoritar.

GGG in 2019. ?@GGGBoxing joins #DAZN for the remainder of his career.https://t.co/dnfVhMDaDj pic.twitter.com/NWG0qXp5Qi

— DAZN (@dazngroup) March 8, 2019

Zyrtare | Canelo në ring për titullin botëror, njihuni me kundërshtarin

Sport Ekspres — Fri, 18 Jan 2019 15:50:54 +0000

Boksieri i famshëm meksikan Saul “Canelo” Alvares ka zbuluar kundërshtarin e tij i radhës do të Daniel Jacobs. Boksieri amerikan ka një rekord prej 35 fitoresh (29 me nokaut) dhe dy humbjes, ndërkohë që aktualisht është mbajtësi i titullit kampion bote i federatës “IBF”.

Story coming to @latimes now… https://t.co/ASq2vgWDx1

— Lance Pugmire (@pugboxing) January 17, 2019

Canelo, i cili aktualisht mban titujt dy kampion bote (WBA, WBC) ka thënë se synimi i tij është që të mbledhë të gjithë brezat kampion të divizionit të peshave të mesme. Dueli do të zhvillohet në Las Vegas më datë 5 maj.

Canelo (m), Jacobs

De La Hoya u jep fund dilemave: Canelo do të ndeshet me Golovkin në maj

Sport Ekspres — Sun, 13 Jan 2019 18:04:29 +0000

Oscar De la Hoya, administratori i kompanisë së njohur të promocionit “Golden Boy Promotion”, ka konfirmuar se boksieri i njohur Saul “Canelo” Alvarez kërkon të ndeshet përsëri me kazakun Genadi Golovkin.

Të dy boksierët janë ndeshur më parë, në dy rast. Dy vite më parë dueli i parë midis boksierëve nuk solli asnjë kampion, ndërsa përballja e tyre e dytë në shtator të 2018-ës përfundoi me një fitore të Canelos-s, që u shoqërua me shumë kontestime.

De La Hoya (d)

Dueli do të kryhet në kuadrin e divizionit në peshave të mesme (deri në 73 kg), ku Canelo është zotëruesi i dy titujve kampion (WBA dhe WBC).

Canelo dhe Golovkin drejt përballjes së tretë, flet meksikani

Sport Ekspres — Tue, 18 Dec 2018 19:01:54 +0000

Saul Canelo Alvares e tregoi se është i aftë të jetë kampion edhe në peshat super të mesme. Meksikani mundi anglezin Rocky Fielding dhe mori për herë të parë një titull kampion në eksperiencën e tij të parë në këtë divizion peshe.

Por, të gjithë fansat po presin që Canelo të ndeshet përsëri me boksierin kazak Genadi Golovkin, me të cilin u ndesh dy herë dhe pas barazimit në duelin e parë, arriti të dilte fitimtar në përballjen e dytë, duke i marrë të tre brezat e kazakut. Golovkin kërkon një shans për t’u hakmarrë dhe tani vendimi i takon palës së meksikanit.

Canelo është shprehur i gatshëm për t’u ndeshur sërish me boksierin kazak, në një intervistë për “DAZN”, ai tha: Mendoj se rivaliteti unë mbaroj në duelin e 15 shtatorit, ku unë tregova se përse jam më i miri. Por, ishin dy duele shumë të bukura, kjo nuk mund të vihet në diskutim dhe nëse fansat duan të na shikojnë përsëri, ne mund të përballemi sërish.

Promotori i Canelos dhe ish-boksieri legjendar, Ocar De La Hoya, dha mendimin tij për këtë përballje të mundshme.

“Mendoj se nëse ata ndeshen për të tretën herë do të shohim një nokaut. Ata e dinë stilin e njëri-tjetrit. Në duelin e parë Golovkin u tregua më agresiv dhe shumë njerëz mendojnë se ai duhet ta kishte fituar atë përballje. Por, mendoj se në ndryshim nga dy duelet e mëparshme, nuk do të jetë nevoja që gjyqtarët të vendosin, pasi njëri prej tyre do të nxjerrë me nokaut kundërshtarin”, tha De La Hoya në intervistën në emisionin “First Take”.

Kanelo superstar, fitore ndaj Filding dhe mesazh për Golovkin

Sport Ekspres — Sun, 16 Dec 2018 11:03:58 +0000

Saúl “Kanelo” Álvarez, 53 ndeshje dhe vetëm me humbje në boksin profesionist, ishte favorit i madh në duelin kundër një rivali dukshëm inferior dhe bëri detyrën, duke mbyllur gjithçka me shpejtësi.

28-vjeçari nga Guadalahara e rrëzoi në tapet anglezin Roki Filding 4 herë në 8 minuta të shtunën në mbrëmje, përpara 20 mije tifozëve në Madison Square Garden, duke fituar kampionatin WBA për super peshat e mesme. Kjo do të thotë që Kanelo bashkohet me një grup elitar boksierësh meksikanë që kanë fituar titullin botëror në tre pesha të ndryshme.

Light-Middleweight ?
Middleweight ?
Super-Middleweight ?

.@Canelo is a three-weight world champion. ?? pic.twitter.com/BPX5kqbPKd

— SPORTbible (@sportbible) December 16, 2018

Për Alvarez, titulli i peshave të mesme vetëm 3 muaj pas triumfit ndaj Golovkin, ishte starti perfekt i serisë së 11 ndeshjeve që do të luajë për platformën DAZN, që ka paguar 365 milionë dollarë për të drejtat e transmetimit online.

Ndeshja me Filding ishte një spektakël pa shumë vlerë edhe pse u shit si ndeshje e madhe, historike. Titulli në lojë ishte dytësor, Filding është rival modest, Alvarez duhej të bënte një figurë të mirë dhe të dhuronte spektakël. Mision i suksesshëm.

Pas triumfit të djeshëm, Kanelo lëshoi edhe sfidën për rivalin e tij të madh Golovkin: “Mendoj se e munda në shtator dhe aty u pa qartë kush është më i forti, por njerëzit duan përballje tjetër dhe jam gati, nëse Golovkin dëshiron të ndeshemi”.

The Winning Moment For Canelo ?#CaneloRocky https://t.co/pMojUB9o20

— BOXING CORNER 2??4??/7?? (@boxingcorner247) December 16, 2018

Kanelo arrin marrëveshjen rekord, tani zyrtarisht atleti më i paguar në planet

Sport Ekspres — Wed, 17 Oct 2018 17:20:57 +0000

Boksieri meksikan Kanelo Alvarez, ka nënshkruar një marrëveshje me kompaninë mediatike gjermane “DAZN”, ku për të drejtat televizive të 10 dueleve të tij të ardhshme do të përfitojë një shumë të jashtëzakonshme prej 365 milionë dollarësh.

Meritën më të madhe për këtë marrëveshje e ka promotori i Kanelos dhe njëkohësisht ish-boksieri amerikan Oskar De La Hoja. Kampioni i peshave të mesme ka rënë dakord që të në pesë vitet e ardhshme të luftojë të paktën dy herë në vit, në këmbim të shumës së lartpërmendur.

Kanelo Alvarez duke nënshkruar kontratën e re me kompaninë “DAZN”

Paratë e marrëveshjes me kompaninë televizive do t’i sigurojnë Kanelos të ardhura prej 73 milionë dollarësh, po të shtojmë dhe të ardhurat nga marrëveshjet e marketingut, meksikani është lehtësisht atleti më i paguar në planet me mbi 100 milionë dollarë para të xhiruara në vit, duke lënë në vend të dytë Lionel Mesin.