“Nuk jam unë drejtori sportiv, ndaj mos më pyesni nëse Pogba do të vijë apo jo. Ne e pëlqejmë shumë si lojtar, por nuk e di si është situata aktuale. Pol Pogba është një lojtar i Mançester Junajtid, prandaj nuk dua të flas më për këtë temë”, përfundoi trajneri i ri i Juventusit.

“Ishte një ndeshje e vështirë, kundër një skuadre që luan bashkë prej vitesh, me të njëjtin trajner. Edhe fizikisht përgatitja nuk ishte e njëjtë, ata ishin më brilantë, më shpërthyes”.

Ish-trajneri i Çelsit evidenton mangësinë që i ra në sy: “Nëse duam ta tregojmë futbollin tonë, duhet të përmirësohemi në të mbrojturin duke sulmuar. Sidomos në pjesën e parë u mbrojtëm duke qëndruar pas, ndaj ishte tepër e vështirë të riniseshim me shpejtësi. Në pjesën e dytë shkoi më mirë, e lëvizëm topin më shpejt dhe me cilësi. U treguam naivë në topat e humbur që çuan te golat e Totenhemit”.

Nëse bëjmë një analizë të shkurtër mbi ato skuadra që janë përmendur në medie si të interesuara për lojtarin do vëmë re se pjesa më e madhe e tyre kanë transferuar një mbrojtës të djathtë. Ndoshta 25-vjeçarit do i duhet të bëjë një hap mbrapa që më pas të bëjë dy hapa para.

MANÇESTER JUNAJTID – “Gjigandët” gjermanë janë përmendur jo pak herë nga mediet italiane dhe angleze. Megjithatë, kjo pistë është mbyllur njëherë e përgjithmonë, pasi “djajtë e kuq”  ia besuan rolin e mbrojtësit të djathtë të riut anglez Eron Uan-Bisaka, i cili u transferua në Mançester për 50 milionë euro.

INTER – Skuadra nga Milano filloi të përmendej si një palë e interesuar për mbrojtësin shqiptar, por në fund drejtori Marota dhe trajneri Konte vendosën të investonin 20 milionë euro për të riun austriak Valentin Lazaro.

ATLETIKO MADRID – Gjatë ditëve të fundit dukej se interesi i spanjollëve ishte më konkreti. Situata ndryshoi krejtësisht ditën e djeshme, ku mediet angleze njoftuan se madrilenët kanë gjetur akordin për kartoni e mbrojtësit të Totenhem Kieran Tripër.

ÇELSI –  Largimi i Mauricio Sarrit drejt Londrës një vit më parë bëri që të përflitej për një kalim të Hysajt në Angli. Një vitë më vonë situata ka ndryshuar, Sarri ndodhet në Torini te Juventusi, ndërsa sikur të mos mjaftonte kjo merkato e Çelsit është pezulluar nga FIFA

Duket se me rikthimin e “Xhixhit” është dakord edhe trajneri Mauricio Sarri. Numri një i pankinës bardhezi ka dhënë dritën jeshile për Bufon, pasi ky i fundit do të ishte një ndihmesë e madhe sidomos në dhomat e zhveshjeve.

Sipas mediave italiane, Sarri ka planifikuar që Bufon do të jetë portier i dytë këtë sezon dhe në vitin 2020 do të kalojë pjesë e stafit menjëherë, pasi ai është lider në dhomat e zhveshjeve.

TAKIMI RAMADANI-PARATICI – Ndërkohë, Fali Ramadani, agjenti i Sarrit, është në Milano me drejtorin e Juventusit, Fabio Paratiçi. Sipas “SkySport Italia”, detajet e fundit po trajtohen në lidhje me kontratën e Sarrit, e cila do të zgjasë dy vite, deri në vitin 2021.

Çelsi raportohet se ka kontaktuar me Derbi Kauntin për Frenk Lampard, për të zëvendësuar Maurisio Sarrin në Stamford Bridge. E ardhmja e Xhianfranko Zolës, numri dy i Sarrit, mbetet e paqartë.

Juventusi e dëshiron me doemos Sarrin në krye të pankinës, madje dhe vetë ish-trajneri i Napolit do që të rikthehet në Serie A, por kërkesat e Çelsit janë larta. Sipas mediave britanike, vetëm në rast se paguhen 10 milionë eurot, atëherë Çelsi do e lejojë Sarrin të largohet.

Alegri u largua nga “Zonja e Vjetër” ne fund të sezonit që lam pas, pasi suksesi në Champions League mungoi. Pas pesë sezonesh, te Juventusi kanë nisur një cikël të ri dhe Sarri shihej si trajneri i duhur, por kjo marrëveshje është komplikuar tepër. Nesë çdo gjë konkretizohet me sukses dhe Sarri merr drejtimin e Juventusit, atëherë Blutë e Londrës mund të marrin Frenk Lampard si trajner, duke e rikthyer ish-mesfushorin në “Stamford Bridge”.

Po përveç sulmuesit argjentinas, Sarri kërkon t’iu rrëmbejë Bluve të Londrës dhe italianin Emerson Palmieri. Ky i fundit ka bërë mirë nën urdhrat e Sarrit në krahun e majtë të mbrojtjes dhe shihet si zëvendësuesi ideal i Aleks Sandros, i cili me shumë gjasa do të largohet.

Emerson ka vuajtur rivalitetin e fortë të Markos Alonsos te Çelsi dhe mund të zgjedhë Juventusin për të vazhduar karrierën, nëse i ofrohet një vend titullari. Lojtari i cili do të vuante më së shumti një largim të Sarrit nga Çelsi është Zhorzhinjo, i cili vetëm verën e shkuar iu bashkua Bluve të Londrës nga Napoli si dëshira më e madhe e Sarrit. Pritet të ketë shumë lëvizje mes Çelsit dhe Juventusit këtë verë.

Në lidhje me këtë çështje, duket se dhe një vendim e ka marrë edhe klubi londinez. Siç raporton gjiganti “Sky Sport“, blutë e Londrës kanë rënë dakord me trajnerin Sarri që ai të largohet.

Trajneri italian ka dhe një vit kontratë me Çelsin, por me sa duket të dy palët do të bien dakord për prishjen e marrëveshjes. Kështu, sipas gjasave në stolin e bluve të Londrës do të vijë Frenk Lampard, ndërsa Sarri do të ulet në stolin e Juventusit.

Për mediat italiane, shtatshkurtri i sulmit napolitan, tha: “Nëse Sarri zgjedh Juventusin, atëherë kjo është tradhëti. Po të zgjedhë Juventusin, do të ishte një dhimbje e madhe për të gjithë napolitanët.

Megjithatë, ai është një trajner profesionist dhe te Napoli dha gjithçka. Është vendimi i tij, por në fund shpresoj që të mos shkojë te Juventusi”, përfundoi Insinje.

Në Napoli lajmet rreth Sarrit po shqetësojnë gjithnjë e më shumë tifozët. Rivaliteti i garës për titull ka sjellë që raporti mes tifozerive të dy klube të përkeqësohet. Vetë sulmuesi Lorenco Insinje, e pranon se zyrtarizimi i Sarrit në stolin e Juventusit do të përjetohet si një tradhti nga tifozët e Napolit.

SARRI – “Për momentin këto jam spekulime që nuk i pëlqej. Sarri bëri shumë për ne lojtarët, por edhe për të gjithë napolitanët. Është një profesionist dhe ka të drejtë të bëjë zgjedhjen e tij, megjithatë kalimi te Juventusi do të dhembë. Do të jetë si një tradhti për ne napolitanët kur të behet zyrtare”.

KOMBËTARJA ITALIANE – “Po ndërtojmë një grup të mirë, do bëjmë çmos që të kualifikohemi. Jemi Italia dhe e meritojmë që të jemi pjesë e Europianit”.

Presidenti Roman Abramoviç nuk gëzon një raport të mirë te teknikun italian. Ndërprerja e bashkëpunimit duket se është një dëshirë e ndërsjellë, megjithatë rikthimi i italianit në Serie A nuk mund të kryhet me kaq lehtësi.

Pengesa më e madhe për Sarrin është fakti që për momentin tregu nuk ofron alternativa të bindëse qe mund të zëvendësojnë. Krahas këtij problemi, Çelsi pritet të shfrytëzojë interesin e madh të Juventusit duke i kërkuar kampionëve të Italisë një komision për të lënë të lirë 60-vjeçarin.

“Nuk ishte e lehtë të vije në një kampionat kaq të vështirë dhe të ambientoheshe menjëherë. Pata disa vështirësi, por në shkurt vura re një ndryshim në raportin me lojtarët. Ndoshta unë ndryshova gjithashtu”.

HAZARD – “Më vjen keq që do largohet. Është një lojtar i jashtëzakonshëm që mund të bëjë akoma më mirë”.

“Tani është momenti për të festuar. Nesër duhet të shikojme bilancet e sezonit. Kam dhe dy vite kontratë, por mendoj se një ballafaqim është i nevojshëm. Napolitanët i dua shumë. Vitin e kaluar zgjodha të mos vazhdoja në një skuadër italiane, por të largohesha. Megjithatë, futbolli ndonjëherë të çon në trajektore të atilla, që gjithsesi nuk mund të prishin marrëdhëniet që unë kam me klubin e qytetin e Napolit”, përfundoi Sarri.

Por sot, ishte dita me fat e Sarrit, i cili i dha Çelsit të tij trofeun e Europa League. Italiani rreshtoi skuadrën më mirë se rivali i tij Emeri dhe me meritë triumfoi 4-1, duke fituar trofeun e parë në karrierë. Kur Sarri merr medaljen, nuk i beson syve që më në fund e fitoi një trofe, duke e parë disa herë me kujdes. Ky moment, nuk mund t’iu shpëtonte kamerave në stadium.

Ndërsa Çelsi, ka shumë probleme me dëmtimet. Loftus-Çik dhe Rudiger nuk do të jenë të gatshëm, ndërsa Kante është në dyshim të madh. Përveç dëmtimeve, duket se te Blutë e Londrës ka edhe probleme brenda skuadrës.

Gonzalo Higuain, i ardhur në muajin janar, nuk është se ka krijuar shumë “miq” në kampin blu dhe disa herë është parë të nervozohet në stërvitje. Në një video të filmuar në stërvitjen e ditës së sotme, sulmuesi argjentinas është bërë protagonist, pasi është filmuar duke replikuar me David Luiz. Reagimi i Sarrit? Goditje me shkelm të shisheve dhe hedhje kapeleje në tokë, si dhe largim i menjëhershëm drejt dhomave të zhveshjes.

https://twitter.com/CRSadler/status/1133437258911109120

https://twitter.com/BarnesIsDown/status/1133439091180228609

Te Blutë e Londrës, janë të shqetësuar për përqëndrimin e trajnerit të tyre në punën e tij, sidomos para një finaleje shumë të rëndësishme si ajo e Europa League. Si pasojë, drejtuesit e klubit kanë thënë para mediave se çdo ekip që kërkon të marrë Sarrin, do të paguajë 5 milionë sterlina.

Një shumë e konsiderueshme kjo, duke marrë parasysh se edhe rroga e Sarrit nuk është aspak modeste. Mbetet për t’u parë nëse Juventusi do të vazhdojë të insistojë për trajnerin e Çelsit, apo do të shikojë për alternativa të tjera.

Rikthimi i tij shihet edhe më i mundshëm pas ardhjes së Kristiano Ronaldos për 110 milionë euro nga Reali i Madridit, pasi Pogba shpeshherë ka deklaruar se është një fans i portugezit. Problem mbetet ardhja e Aron Ramsej, pasi dy futbollistët mbulojnë të njëjtin rol në fushën e lojës.

Gjithsesi, kjo gjë nuk i pengon mediat italiane të spekulojnë për një rikthim të kampionit të botës në Torino, pasi e ardhmja e këtij të fundit te Junajtid duket shumë më e shkurtër seç mendohej në fillim. Një merkato e mbingarkuar te Juventusi…

Pas barazimit 0-0 në fushën e Lester Sitit, me të cilin Çelsi siguroi vendin e tretë në Premier Ligë, Sarri shpjegoi se lodhja e madhe e detyroi që ta ulte në stol yllin belg.

“Eden ishte i lodhur sot, ndaj ishte në stol. U munduam të fitojmë, me të në fushë, në 25 minutat e fundit“, tha Sarri.

Më pas, natyrisht,e ardhmja e belgut, që hyn në vitin e fundit të kontratës dhe duket pranë Realit: “Mendoj se Eden ka luajtur këtu për 7 sezone, duke u munduar të japë më të mirën e vet në çdo ndeshje dhe tani është koha ta respektojmë vendimin e tij. Unë nuk di gjë, klubi duhet pyetur, por shpresoj që ai të qëndrojë me ne”.

Më 29 maj Çelsi do të luajë finalen e Europa League në Baku, kundër Arsenalit, shansi perfekt për ta mbyllur sezonin me sukses, përtej gjithë luhatjeve e problemeve.

Rud Gulit është një legjendë e Milanit të madh të viteve ’90, ndërsa ka luajtur për tre sezone me “Blutë e Londrës”. Holandezi i famshëm nuk e kupton lëvizjen Zhorzhinjo. Italo-braziliani është një mesfushor shumë i mirë, por blerja e tij ishte e panevojshme.

“Sarri erdhi në një moment kur skuadra duhej rindërtuar dhe nuk ka patur shumë kohë në dispozicion. Megjithatë, mendoj se ka bërë një gabim. Fakti që mori me vete Zhorzhinjon. Jam dakord që ai është një futbollist i mirë, por kishte një francez në atë rol, një kampion bote. Pse duhet të marrësh një lojtar tjetër kur ke Ngolon në atë rol, pse?”

Gulit nuk mund të mos komentojë edhe paraqiten e Ajaksit. “Harkëtarët” i dhuruan botës një futboll të mrekullueshëm, por fati i keq i la jashtë finales së madhe të Champions Ligës. Ish-mesfushori ndalet te një lojtar i ekipit surprizë të këtij sezoni.

“Kam punuar me Van de Bek para një viti në kombëtare. Më pëlqen shumë ajo çfarë ka në kokë, është shumë i pjekur për moshën që ka. Punon fort dhe e di mirë se çfarë kërkon. Doni shënon edhe shumë gola, njësoj si Lampard te Çelsi. Është teknik dhe i ftohtë para portës, prandaj e krahasoj me ish-mesfushorin e Çelsit”, përfundon Rud Gulit.

“Ishim më mirë në pjesën e fundit të ndeshjes, por ishte e vështirë në shtesa, për shkak se ishim të lodhur. Humbëm Kristensen dhe Loftus-Çik për dëmtime dhe nuk ishte e lehtë, por tani jemi në finale.

“Zëvendësimi i Loftus-Çik zemeroi tifozët? Ai pati një dëmtim të lehtë, nuk duhet të rrezikonim. Nuk ka përgatitje për penalltitë, sepse duhet personalitet. Pa atë, është e kotë të stërvitesh për penallti.

“Asnjë fjalë me lojtarët para penalltive? Nuk futem në fushë në raste të tilla, për bestytni. Fola me Zolën, ai e dinte çfarë duhej t’u thoshte lojtarëve.

“Tani na duhet pushim. Për fat të keq, duhet të shkojmë në Amerikë, por kemi 10 ditë kohë për t’u përgatitur për finalen dhe të rikuperojmë energjitë”.

Në një dalje për shtyp, tekniku i Çelsit ka sqaruar para gazetarëve se i pëlqen shumë të qëndrojë në Angli. Ndër të tjera Sarri mendon se pavarësisht mungesës së trofe, ai ka bërë një punë të mirë duke përmirësuar skuadrën londineze.

“Dua të qëndroj këtu. Më pëlqen shumë futbolli anglez, atmosfera që kanë stadiumet këtu. Prandaj, nëse do ishte në dorën time do të pëlqeja që të qëndroja. Nuk kam ndërmend të ndryshoj mentalitet, duhet të synojmë që të jemi më të mirët gjithmonë. Ky është objektivi i  një trajneri, që të rrisë nivelin e skuadrës, jo të gjithë fitojnë trofe. Mendoj se të gjithë lojtarët e mi janë përmirësuar shumë, sidomos të rinjtë”.

Çelsi është në një moment shumë kritik, pasi duhet të kalojnë Ajntratin e Frankfurtit për të arritur në finalen e Europa League, si dhe duhet të fitojnë ndeshjet e mbetura në Premier League nëse duan që të rediten mes katër më të mirave në kampionatin anglez.

Kante ka qenë një pikë kyçe për Çelsin që nga transferimi i tij nga Leisteri 3 sezone më parë dhe mesfushori francez, është përshtatur mjaft mirë edhe me skemat e Sarrit, i cili i ka besuar në çdo takim këtë sezon si titullar. Një lojtar shumë i rëndësishëm për Blutë e Londrës.

Në një prononcim për mediat angleze, 33-vjeçari zbulon një detaj që nuk i pëlqen fare nga ish-trajneri i Napolit. Megjithatë, ai thekson se nuk ka pengje dhe do të largohet me kokën lart nga klubi ku fitoi gjithçka.

“Nëse nuk e aktivizon një futbollist, një, dy, tre apo katër herë, nuk ke se pse i shpjegon gjë atij. Por nëse bëhen tetë apo nëntë ndeshje, ty si trajner duhet që të japësh shpjegimet e duhura se çfarë po ndodh. Sarri nuk e bëri kurrë një gjë të tillë.

Kam parë disa situata aspak të drejta me lojtarë që janë shpallur kampionë me Çelsin. Nuk po flas për veten time. Bëhet e vështirë për mua të respektoj dikë, i cili nuk ka respektuar fare atë që kemi fituar ne me këtë klub. Unë do të largohem me kokën lart”, thekson mbrojtësi anglez i “Bluve të Londrës”.

“Mendoj se ndryshuam mentalitetin në pjesën e dytë të 45 minutave të para, nuk ndryshuam taktikë. Në fillim luajtëm vetëm të ruanim barazimin, por nuk është në karakteristikat tona kjo gjë. Duhet të luajmë, të luajmë, të luajmë kundër një skuadre si Frankfurti, perfekte në kundërsulm.

“Mendoj se meritonim edhe një gol të dytë, patëm 3-4 shanse. Në kthim do duhet shumë kujdes, sepse sidomos Joviç ishte shumë i rrezikshëm, një bishë para porte, na shënoi një gol shumë të bukur. Është një ekip dinamik dhe shumë agresiv”.

“Jam shumë i sigurt që në dy sezone, do të jemi afër Mançester Sitit dhe Liverpulit. Pas dy sezonesh, edhe mund t’i parakalojmë, por tani jemi në telashe. Kemi vuajtur shumë nga dëmtimet si dhe nga episodet, pasi kemi humbur shumë ndeshje nga momente që duhet të ishin anashkaluar.

Kur arrita te Napoli, e kishin mbyllur sezonin 24 pikë pas Juventusit. Në sezonin e parë, e ngushtuam diferencën në 9 pikë, vitin tjetër në 5 dhe në vitin e fundit që isha në krye, në katër. Një periudhë e tillë do të më duhet edhe te Çelsi”, tha Sarri.

Në fakt, vendi i katërt i arritur më shumë për faj të rivalëve nuk i kënaq drejtuesit e Milanit, që tashmë janë bindur se me Gatuzon nuk ndërtojnë dot një ekip pretendent për kreun.

Duhet një trajner ekspert dhe me një mentalitet dukshëm ofensiv, ndaj sot mediat në Itali duket se e kanë zbuluar pasuesin e Gatuzos.

Bëhet fjale për Mauricio Sarrin, trajnerin aktual të Çelsit, i cili duket se e ka mbyllur para kohe aventurën angleze.

Ish-trajneri i Napolit vlerësohet shumë në Itali dhe Milani ka nisur bisedimet me përfaqësuesit e tij, duke parë se te Çelsi duan të ndryshojnë, pas një sezoni ku Blutë nuk janë ngjitur në lartësinë e pritshmërive, edhe pse jo vetëm për faj të Sarrit.

“Ky është anti-futboll. Vonuan lojën gjatë të gjithë takimit dhe vetëm rrëzoheshin e ndalonin ndeshjen. Të 11 lojtarët ishin brenda zonës së rreptësisë. Është e vështirë të shënosh ndaj një skuadre të tillë. Ata kishin vetëm dy shanse dhe i shënuan. Nuk kishin ardhur për të luajtur futboll”, tha Luiz.

Trajneri i Bërnlit, Shon Dajsh, u kundërpërgjigj me një batutë:“Na lejohet që të fitojmë ose të marrim një pikë ndaj klubeve të mëdha (qesh). Nuk kemi lojtarë me teknikë të lartë, pasi ata kushtojnë shumë. Jemi një skuadër që dimë si të mbrohemi dhe kjo është pjesë e lojës”.

Zëvendës trajneri i Çelsit, Xhanfranko Zola, u tregua më i përmbajtur duke u shprehur se arbitri i katërt duhet të kishte dhënë më shumë minuta shtesë: “Pesë minuta shtesë nuk ishin të mjaftueshme për të kompensuar vonesat e lojës. E prisnim të ishte një ndeshje e vështirë, por nuk e prisnim që të kishte kaq shumë vonesa loje. Prisnim më shumë minuta nga arbitri, prandaj jemi shumë të mërzitur. Skuadra nuk arriti të futej në ritmin e lojës. Prisnim të merrnim më shumë, sidomos pas humbjeve të Arsenalit dhe Junajtid, gjithsesi e morëm një pikë. Po luajmë futboll të mirë, do përmirësohemi dhe do vazhdojmë të luftojmë deri në fund”.

“Mund të rinovoja me Çelsin e të qëndroja atje, doja të rinovoja, por pastaj erdhi një trajner i ri, i cili mori me vete një futbollist të cilin e kishte si djalin e vet. Për mua u bë e vështirë që të luaja çdo ndeshje. Unë këtë doja të bëja, jam një njeri që e dua futbollin, kjo më bën të lumtur”.

“Ishte e pamundur të luaja çdo ndeshje, edhe nëse unë ose dikush tjetër ishte lojtar më i mirë, për këtë arsye vendosa që t’i bashkohem një projekti të ri. Kemi bërë shumë mirë te Monako, ishim në vend të fundit me 13 pikë kur erdha unë, ndërsa tani kemi 31 pikë”, përfundoi Fabregas.

“Mendoj që ai duhet të përmirësohet fizikisht dhe psikologjikisht. Gjithashtu mendoj se do të jetë një lojtar shumë i rëndësishëm për ne në pjesën e mbetur të sezonit. E dini shumë mirëq që nuk është e lehtë të ambientohesh në Premier Ligë që në muajt e parë. Problem e ka pasur dhe Luis Suarez. Në sezonin e tij të parë te Liverpuli, ai shënoi vetëm katër gola, ndërsa në sezonin e dytë 17.

Kështu që nuk është aspak e lehtë për një sulmues që të luajë menjëherë në ritmet më të larta në Premier. Mendoj se Higuain ka ende kohë që të përmirësohet”, përfundoi Sarri.

TIFOZËT – “Ishin të pakënaqur nga rezultati. E kuptoj, e kuptoj fare mirë, po mësohem me këtë gjë.”

NDESHJA – “Nuk luajtëm mirë në pjesën e parë dhe më pas pësuam një gol të shëmtuar. Gjithsesi, në fund fituam dhe e meritonim atë fitore që morëm.”

KANTE DHE HAZARD JASHTË FORMACIONI – “Kante ka luajtur 50 ndeshje, ndërsa Hazard 47. Javën e fundit, ata luajtën dy ndeshje për kombëtaret e tyre, nga 90 minuta secili, kështu që mendova t’i lë pushim. Ishim me fat, pasi morën tri pikë, me Hazard që luajti 30-35 minuta, ndërsa Kante zero minuta.”

Kjo gjë ndodhi edhe në takimin mes Malit të Zi dhe Anglisë, ku Sterling u ofendua shumë herë nga tifozeria vendase. Për të mbrojtur lojtarin e Mançester Sitit, kanë folur Jurgen Klop dhe Maurisio Sarri, që pavarësisht se e kanë rival, nuk ngurrojnë ta mbrojnë: “Racizmi nuk e ka vendin në futboll”, tha fillimisht Klop. “Ajo që ndodh kundrejt Sterling është e shëmtuar dhe duhet të merren masa!”

Ndërsa Maurisio Sarri insiston se kur lojtarët ofendohen në kore raciste, trajnerët duhet të ndërpresin ndeshjen dhe të nxjerrin lojtarët e tyre nga fusha: “Vetëm kjo gjë ka ngelur pa bërë. Janë provuar të gjitha dënimet dhe nuk ka rezultate. Racizmi duhet ndaluar me çdo kusht” tha trajneri italian.

“Nuk jam në pozitën e duhur për të thënë nëse do të rinovojë apo jo, por jam i bindur se do të qëndrojë dhe sezonin e ardshshëm, sido që të jetë. Ai po rritet me hapat e duhur dhe probabiliteti që të jetë titullar në vitet në vazhdim është shumë i madh. Jo vetëm kaq, por mund të jetë një lojtar shumë i rëndësishëm për skuadrën.

Sezonin e ardhshëm, i premtoj 30-35 ndeshje, pasi nuk mund të marrë më shumë ngarkesë se kaq. Këtë sezon, do të luajmë edhe 8 ndeshje ne 28 ditë, prandaj i them të jetë i duruar, pasi do të ketë hapësira për të gjithë. Do të luajë 2-3 ndeshje si titullar”, përfundoi strategu italian.

Me debutimin e tij, Hodson-Odoi u fut në histori, pasi u bë lojtari më i ri që luan me Anglinë në një ndeshje zyrtare (18 vjeç e 153 ditë). Pas ndeshjes së tij shumë të mirë, për mikrofonat e “ITV” foli sulmuesi legjendar anglez, Ian Rajt, i cili pati dhe një replikë të ashpër për trajnerin e Çelsit, Maurisio Sarri:

“Kur Hodson-Odoi bën paraqitje të tilla në nivel ndërkombëtar dhe në një moshë kaq të re, mendon logjikisht se ai është një lider te klubi i tij. Por Sarri nuk e aktivizon dhe unë kam një pyetje: ‘Pse nuk po luan ai me Çelsin?’ Një lojtar si ai e meriton të luajë nga minuta e parë, në mënyrë që të rritet, pasi është një lojtar i dalë nga akademia e skuadrës dhe e di rëndësinë e klubit. Mendoj që duhet të huazohet diku, ose të largohet, pasi nuk duhet ta humbasë kurrsesi këtë formë të mirë që po kalon duke qëndruar në stolin e rezervave”, përfundoi Rajt.

Italiani është trajner i Çelsit momentalisht, por Roman Abramoviç nuk është i kënaqur nga rezultatet e tij dhe largimi në fund të sezonit duket diçka formale. Për këtë arsye, sipas raportimeve të fundit nga mediat italiane, klubi i Romës ka menduar që të rikthejë Sarrin dhe një herë në atdhe.

Gjithsesi, duhet pritur fundi i sezonit, pasi në rast se Çelsi arrin të triumfojë në Europa League, Abramoviç mund ta rimendojë pozitën e Mauricio Sarri në krye të klubit londinez.

Në daljen për shtyp pas ndeshjes ndaj Evertonit, ku skuadra e tij u mund me rezultatin 2 – 0,  trajneri i Çelsit Mauricio Sarri theksoi se skuadra e tij po kalon një problem psikologjik.

“Pjesën e parë luajtëm futbollin më të mirë që kemi bërë ndonjëherë, po të vazhdojmë të luajmë ashtu dhe në pjesën tjetër të sezonit nuk kemi pse të shqetësohemi. Pjesa e dytë ishte për t’u harruar. Mendoj se kemi një problem mentaliteti. Krijuam gjashtë  ose shtatë raste për shënim, në futboll është e pafalshme po të mos shënosh me kaq shumë raste”.

“Mund ta kapim vendin e katërt. Nuk e kuptoj pse flitet sikur është diçka e pamundur. Na mbeten edhe tëtë ndeshje deri në fund. Por e përsëris duhet që në këto tetë të ndeshje të luajmë si në pjesën e parë”.

HIGUAIN – “Higuan po vuan në këto momente, kjo është  e dukshme. Ka pasur probleme këtë javë në stërvitje dhe ende s’mund të luajë 90 minuta. Sigurisht që mund të bëjë më mirë, duhet të përmirësohet nga ana fizike dhe mendore”, tha Sarri.

“Me të vërtetë jam shumë i mërzitur. Më vjen keq që gjërat nuk shkuan mirë për Klaudion. Është një trajner i madh dhe në të ardhmen, do të rilindë sërish dhe do të rikthehet në majat e futbollit. Ky shkarkim do e dëmtojë disi psikologjinë e tij, por është një njeri i fortë dhe do të reagojë”,- u shpreh Sarri.

Pas ndeshjes me “gjelat”, trajneri italian ka folur për mediat, ku është pyetur mbi çështjen e nxehtë të portierit Kepa, i cili në sfidën e luajtur mbrëmë u ul në stol. Lidhur me këtë temë, Sarri ka pranuar se portieri spanjoll bëri një gabim të madh dhe sqaroi se Çelsi është një ekip i bashkuar dhe jo i mbushur me individualistë.

“Ishte diçka e thjeshtë. Kepa bëri një gabim të madh dhe duhet ta shlyente për klubin dhe skuadrën. Gjithashtu, ishte një mesazh për të gjithë. Ne jemi një ekip dhe nuk jemi 25 individualistë. Nga tani e tutje, Kepa do të jetë me ne si gjithmonë.”

Pasi u shpartalluan 4-0 nga Bornemuthi dhe 6-0 nga Mançester Siti, Çelsi humbi dhe finalen e “Carabao Cup”, me portierin Kepa Arrizabalaga që refuzoi të zëvendësohej te penalltitë.

Për këtë situatë jo shumë të mirë, ka folur ylli i Çelsit, Eden Hazard. Për faqen zyrtare të klubit, belgu tha: “Ka qenë një muaj shumë i vështirë. Rezultatet nuk kanë qenë ato të duhurat, por duhet të rikthehemi dhe të mbajmë kokën lart. Sarri? Ka mbështetjen e të gjithëve”,– u shpreh shkurtimisht numri 10 i Çelsit.

Në daljen për shtyp për takimin e nesërm, trajneri i Çelsit tha se Kepa mund të lihet në stol, por për këtë do të vendosë në orët në vazhdim.

“Ai bëri një gabim të madh. Natyrisht që do të ketë pasoja për këtë. Nëse pasoja do të jetë që ai duhet të luajë, ai do të jetë në formacion, nëse pasoja e veprimit do të jetë stoli, atëherë ai duhet ta pranojë stolin”.

“Ishte një situatë shumë e sikletshme. Gjithsesi tani është bërë e ditur se kishim të bënim me një keqkuptim shumë të madh. Është normale që të gjithë lojtarët e tjerë janë habitur. Mund të them se do të marr vendimin në të mirë në grupit. Më duhet t’i çoj një mesazh grupit dhe nga kjo do të varet nëse Kepa do të jetë në fushë ose jo”, tha Sarri.

“Së pari më duhet të themi se kemi të bëjmë me një keqkuptim. Në asnjë moment nuk ishte dëshira ime që të mos i bindem urdhrave të trajnerit. Ishte thjeshtë një keqkuptim, pasi isha vizituar dy herë nga mjekët dhe trajneri kujtoi se nuk isha në gjendje të vazhdoja”.

“E kuptoj se kur e shikon nga jashtë situatën nuk duket diçka e hijshme. E përsëris nuk ishte qëllimi im për të dalë kundër vendimit të trajnerit. Kemi folur së bashku dhe situata është kuptuar. Bëmë një ndeshje të mirë, krijuam raste për shënim, natyrisht që ndjejmë shumë keqardhje, por mund të marrim dhe gjëra pozitive. Sot treguam se mund të konkurrojmë me një prej skuadrave më forta në botë”, tha Kepa.

Sipas teknikut italian, ishte i gjithi një keqkuptim dhe ndaj Kepas nuk do të ketë asnjë masë disiplinore. Gjithashtu, Sarri shtoi se portieri spanjoll pati të drejtë dhe se zëvendësimi u mendua të bëhej për arsye se pretendohej që Kepa ishte i dëmtuar.

GJESTI I KEPAS – “Ishte një keqkuptim. Nuk e kuptova problemin fillimisht, më pas kur arrita në pankinë u sqarova nga mjekët. Ishte një keqkuptim i madh, sepse unë mendova se portieri kishte probleme dhe nuk mund të vazhdonte. Nuk do të ketë asnjë masë disiplinore.”

TENTATIVA PËR T’U LARGUAR – “Nuk u largova. Thjesht doja të qetësohesha. Kepa e kuptoi që kërkova zëvendësim për arsye fizike dhe tha që nuk kishte asnjë problem dhe kishte të drejtë. E kuptova këtë gjë kur erdhi mjeku. Më pas fola me Kepën vetëm për ta sqaruar, që tani e kisha kuptuar si qëndronte situata.”