Sarr

VIDEO | Lojtari më i pafat në planet, 2 autogola në 12 minuta

Sport Ekspres — Tue, 23 Jul 2019 08:07:50 +0000

Marian Sarr, mbrojtësi i klubit gjerman të Karl Zajs Jenës përjetoi një ndër ndeshjet më të pafata të karrierës së tij. Futbollisti 24-vjeçar i dha praktikisht fitoren ekipit kundërshtar duke realizuar dy autogola në 12 minuta.

Dy autogolat përmbysën rezultatin duke i dhënë avantazhin 2 – 1 vizitorëve të Ingolshtad, të cilët në fund ia dolën të mbanin rezultatin e paprekur duke u larguar me tre pikë nga kjo transfertë.

Refuzohen 35 milionë euro, çfarë interesi për talentin e Renes

Sport Ekspres — Tue, 11 Jun 2019 15:51:12 +0000

Klubi i Renes në Francë bëri një gabim të pafalshëm financiar, ku pranoi të shiste sulmuesin Usman Dembele për vetëm 15 milionë euro drejt Borusias së Dortmundit. Teksa kanë kaluar dy vite nga ai transferim drejtuesit e klubit janë bërë më të kujdesshëm me menaxhimin e talenteve.

Së fundmi në zyrat e Renes erdhën dy oferta 35 milionë euro për sulmuesin Ismaila Sarr. Klubet e interesuara për 21-vjeçarin janë Uest Hemi dhe Uatford. Ekipet londineze kërkojnë të përforcojnë sulmin me një lojtar cilësor që premton për të ardhmen, të gjitha këto kërkesa që senegalezi Sarri i përmbush.

Gjithsesi te Renes janë të bindur se mund të përfitojnë më shumë nga shitja e 21-vjeçarit, i cili ka dhe dy vite të mbetura në kontratë. Në këtë sezon që lamë pas, Sarr shënoi 12 gola dhe regjistroi 10 asiste. Me shumë gjasa senegalezi do të largohet nga skuadra franceze gjatë merkatos së verës, por kjo s’do të ndodhë pa të paktën 45 milionë euro në arkat e klubit francez.

Rene ka gjetur Dembelen e dytë, shijoni “torpedon” e talentit senegalez

Sport Ekspres — Thu, 20 Sep 2018 19:37:19 +0000

Rene është klubi ku u formua talenti Usman Dembele. Talenti që tani luan te Barcelona, u largua nga Rene tri vite më parë për 15 milionë euro, ndërsa arkave të klubit iu shtuan 20 milionë euro të tjera, kur 21-vjeçari u transferua te Barcelona për 150 milionë euro vetëm një vit më vonë.

Me paratë e përfituara nga shitja e dytë e Dembelesë, drejtuesit e Rensë i investuan të gjitha te një talent senegalez i quajtur Ismaila Sarr, të cilin ia morën Metzit verën e 2017-ës. Sarr është një yll në ngrijte. Vetëm 20-vjeç, ai po spikat gjithnjë e më shumë në kampionatin francez, ndërsa mbrëmjen e sotme senegalezi shënoi një gol që do mbajë mend gjatë me një goditje të fuqishme nga jashtë zone. Mediet po flasin për një interesim të Mançester Junajtid për të, nëse vazhdon të mbajë ritmin e javëve të para të sezonit, transferimi në një ekip elitar është vetëm çështje muajsh.