Pavarësisht kësaj trajneri argjentinas nuk ka treguar shenja vetëpërmbajtje. Në fitoren 3 – 1 kundër Avait, 59-vjeçari u ndëshkua me kartonin e tretë të verdhë, duke plotësuar numrin e nevojshëm të kartonëve për një pezullim.

Në muajin qershor, FIFA vuri në fuqi rregulloren e re ku tani edhe trajnerët mund të ndëshkohen me kartonë, pra s’do ketë më paralajmërime si dikur. Me këtë rregull synohet që trajnerët në mbarë botën të ndërgjegjësohen mbi veprimet e tyre. Sampaoli është i pari trajner në Brazil që pezullohet për shkak se grumbulloi 3 kartonë të verdhë.

Një vit më parë Florentino Perez tha “Ok” për të shpenzuar 50 milionë euro për kartonin e adoleshentit që asokohe ishte 17 vjeç dhe kishte shënuar vetëm tre gola në 11 ndeshjet e tij të parë si profesionist. Në një intervistë për “MARCA”, talenti brazilian tregoi se ai kalimi te Real Madrid ishte një ëndërr e bërë realitet për të.

Si është Rodrigo në jetën private në krahasim me atë në fushë?

Rodrigo është një djalë i ri dhe i lumtur për atë që është. Ëndrra ime që fëmijë është të vishja fanellën e Realit të Madridit. Çdokush që më njeh mirë më thotë se jam një djalë i pjekur. Mendoj se duhet të përqendrohesh në çdo gjë që bën. Të mendosh për atë që mund dhe nuk mund ta arrish. Jam në gjendje të kujdesem për çdo veprim timin. Tani luaj për Santosin dhe jam i përqendruar vetëm tek ky ekip. Do të jetë e njëjta gjë kur të shkoj në Madrid. Kam një etikë të madhe pune. I kam kushtuar jetën futbollit.

A e di ç’do të thotë të luash për Real Madridin?

Është klubi më i madh në botë. Nuk e kam menduar dy herë kur më ofruan një kontratë (negociatat mes palëve zgjatën vetëm 20 minuta). Çdo gjë rreth atij ekipi është pozitive. Kishte edhe klube të tjera që interesoheshin, përfshirë Barcelonën. Megjithatë isha i sigurt për Realin që nga momenti i parë. E kam ëndërruar që i vogël këtë klub.

Ishit me të vërtetë tifoz i Realit në vogëli?

Po po, kjo është e vërteta. Këtu në Brazil, të gjithë bëjmë tifo për një ekip brenda vendit dhe një tjetër në Evropë. Reali ishte skuadra që doja në kontinentin e vjetër.

E prisje të ndodhte kaq shpejt kalimi në Evropë?

Jo, nuk e prisja kaq herët. Ishte një ëndërr që doja ta realizoja, por jo në kaq pak kohë. Megjithatë kjo ndodhi dhe unë jam gati.

Si ka qenë ky vit për ty, duke qenë se ke pasur në mendje idenë se do të luash për Realin?

Jam munduar të përqendrohem te Santosi. Sigurisht ka qenë e vështirë ta bëj, por mendoj se e kam arritur. Të dish se do të luash në “Santiago Bernabeu” dhe të mos mendosh për këtë është shumë e vështirë. Kam menduar të rritem sa më shumë këtu në Santos për të qenë gati për Madridin.

Ke të njëjtën moshë me Vinisjus, por jeni shumë të ndryshëm apo jo?

Jo nuk mendoj se kemi shumë ndryshime. Kemi shumë karakteristika të përbashkëta. Jemi të shpejtë dhe mendojmë gjithnjë për të dribluar e shënuar gola.

https://www.youtube.com/watch?v=MNruAtzl_fM

Klubi që ka prodhuar ylli brazillian Nejmar ka njoftuar arritjen e marrëveshjes me trajnerin argjentinas, ndërsa në deklaratë thuhet se firmosja e kontratës do të bëhet këtë fundjavë.

Oficial: Santos FC e Jorge Sampaoli têm um aceite assinado na proposta para que o argentino seja o treinador da equipe em 2019. Os últimos detalhes e a assinatura do contrato devem ser finalizados em encontros presenciais neste final de semana. pic.twitter.com/ZF3m3j3XuW

— Santos Futebol Clube (@SantosFC) December 13, 2018

Në të shkuarën Sampaoli ka trajnuar ekipe në Argjentinë, Ekuador, Peru dhe Kili. Suksesi më i madh i 58-vjeçarit ka qenë në krye të Universidad de Chile, me të cilët fitoi tre herë kampionatin kilian dhe një herë kupën Sudamerikana. Nga kontrata e re, Sampaoli do të përfitojë 3 milionë dollarë në sezon, një rekord ky për një trajner në kampionatin brazilian.

SITUATA NË GRUP – “Vëmendja jonë është e gjitha te Italia, nuk po mendojmë për ndeshjen tjetër ndaj Polonisë. Çdo gjë që kemi bërë është fokusuar në sfidën ndaj Italisë. Në këto dy muaj kanë ndryshuar shumë stilin e tyre të lojës dhe janë një skuadër tjetër nga ajo që ishte në Lisbonë”.

PËRGATITJA E NDESHJES – “Po mendojmë për atë që duhet të bëjmë, gjithsesi kemi shumë respekt për të gjithë, sidomos për Italinë, që është një nga kombëtaren më me shumë histori. Është një sfidë e nivelit të lartë, por i kemi të gjitha mundësitë të bëjmë mirë dhe të fitojmë”.

SFIDA – “Nuk kemi ardhur këtu për të luajtur në kundërsulm. Ata e mbajnë shumë topin dhe janë shumë të organizuar dhe ne do të përpiqemi që të sulmojmë më shumë. Gjithashtu duam ta mbajmë topin shumë dhe të mundohemi të ç’organizojmë kundërshtarin. Duam të eleminojmë hapësirat dhe t’i krijojmë probleme Italisë”.

OBJEKTIVI – “Ne luajmë një futboll shumë të ngjashëm. Italia ka kualitet dhe është një ekip i fortë, por ne futemi në fushë gjithmonë për të fituar, kundër çdo ekipi dhe këtë gjë do të bëjmë dhe nesër. E dimë se çfarë duhet të bëjmë”.

KRISTIANO RONALDO – “Nuk ka ekip që mund të thotë që Kristiano Ronaldo nuk duhet. Ai është lojtari më i mirë në Botë. Ajo që ka rëndësi është që ta tregojë përsëri këtë gjë dhe të fitojë “Topin e Artë”. Do të shohim në rast se do të rikthehet në mars. Për momentin ne do të fokusohemi në të tashmen dhe duam të fitojmë”.

DIS, e cila është një kompani braziliane që zotëronte 40% të kartonit të Nejmar kur ai ishte te Santos, pretendon se Barça dhe klubi i Santosit ranë dakord që të fshihnin koston e vërtetë të transferimit. Gjithashtu, në janar të vitit 2014, prokurorët në Madrid filluan hetimin e transferimit sepse dokumentet e kërkuara nga autoritetet përmbanin informata kontradiktore.

Sandro Rosell, president i Barçës në atë kohë, dha dorëheqjen nga posti i tij si president një javë më vonë dhe Barcelona më pas zbuloi se ata kishin paguar 86.2 milion euro për yllin brazilian. Një gjyqtar spanjoll që drejton një hetim për parregullsitë e dyshuara në lëvizjen e Nejmar te Barcelona në vitin 2013 thotë se braziliani mund të përballet me gjashtë vjet burg. “Termi i vendosur në parim mund të jetë katër deri në gjashtë vite”, thotë një dekret i lëshuar nga gjyqtari Hose Maria Vazkez Honrubia.

Nejmar, prindërit e tij, presidenti i Barcelonës, Bartomeu dhe paraardhësi i tij Sandro Rosell, janë të gjithë në pritje të gjyqit lidhur me korrupsionin e pretenduar për lëvizjen e Neymar te gjigandët spanjollë në vitin 2013. Për shkak se kohëzgjatja e burgimit përfshin më shumë se pesë vjet, tre gjyqtarë do të kryesojnë gjyqin e Neymar, i cili do të mbahet në gjykatën “Audienca Nacional”, një gjykatë e lartë me juridiksion mbi territorin spanjoll, si dhe mbi krimet ndërkombëtare të cilat hyjnë nën juridiksionin e gjykatave spanjolle.

Megjithatë, në qoftë se Nejmar do të përballet me një dënim me burg mbetet për t’u parë. Në maj të vitit 2017, autoritetet spanjolle thanë që Nejmar duhet të gjykohet, por ende nuk kanë dhënë një datë të saktë.

Lojtari do të takohet me të dy klubet dhe do të përcaktojë të ardhmen e tij. Ofertat për Barbosën nuk mungojnë dhe kjo gjë e bën krenar, por nëse do të ishte në dorën e tij, ai do të mbyllte karrierën tek ekipi aktual.

“Jam i përqendruar në nëntë ndeshjet e fundit. Mund të jenë të fundit me Santos dhe kjo gjë më trishton, e pranoj. Dua të shfrytëzoj në mënyrën më të mirë çdo stërvitje, çdo ndeshje. dhe më pas do të ulemi të diskutojmë. Do të jenë të pranishëm prindërit e mi, menaxherët e mi, Inter dhe Santos. Jam i lumtur me fjalët e presidentit, i cili është shprehur se dëshiron të më mbajë në ekip. Më mirë ta marrësh me qetësi dhe të mendosh të luash, gjë që nuk zgjidhet brenda një dite. Mund të qëndroj këtu të shkoj në Europë, ose në ndonjë skuadër tjetër braziliane. Jam i privilegjuar për ofertat e shumta. Të gjithë e dinë dashurinë që ndjej për Santosin, dëshira ime është të qëndroj, por nuk varet vetëm nga unë. Nëse do të varej nga zemra ime, do të qëndroja gjithmonë këtu”, përfundon Gabriel Barbosa.

Tifozët e Interit me shumë gjasa do të buzëqeshin, por duket se Gabriel Barbosa, i njohur ndryshe si Gabigol, edhe aq lojtar i dobët nuk është, përkundrazi.

Ndonëse në Itali zhgënjeu dhe nuk u mor vesh pse shkoi tek Interi ku nuk luajti fare, sulmuesi brazilian po tregon me fakte se vlen shumë dhe tek Santosi i tij është kthyer fenomen, duke mposhtur edhe kritikat, sepse para disa muajsh tifozët festonin kur ai zëvendësohej.

Sot në orët e para të mëngjesit me orën tonë Santosi mundi 1-0 Korintiansin në një derbi të madh të Sao Paulos dhe golin vendimtar e shënoi pikërisht Gabigol. Goli i 14-të në kampionat në 29 ndeshje, shënuesi më i mirë në Serinë A, me 3 gola më shumë se rivali më i afërt.

?????????????

????? pic.twitter.com/1CF1E1hSgs

— Gabriel Barbosa (@gabigol) October 14, 2018

Aktualisht në vendin e shtatë në kampionat, Santosi ka shënuar vetëm 33 gola dhe kjo e shton vlerën e golave të Gabigolit, i cili thuajse gjithnjë shënon gola me vlerë trepikëshe.

Pas golit të fundit Gabigol festoi duke imituar një tjetër brazilian të famshëm, Robinjo, i cili te Santosi ka qenë një idhull, por prej vitesh luan në Europë dhe tani luan në kampionatin turk.

Sound on, listen to the roar. ?

Gabigol celebrates his Classico winner vs Corinthians by referencing a famous @SantosFC goal from 2002 – mimicking Robinho’s eight ‘pedaladas’ before he was brought down for a penalty, which he scored.

Wow. ? pic.twitter.com/LOQtBcdsy4

— Squawka Live (@Squawka_Live) October 14, 2018

Gabigol ka luajtur me Robinjon te Santosi në vitet 2014-2015 dhe të dy janë shumë miq, por dëshira e Gabigolit që Robinjo të kthehet në Brazil nuk do të realizohet. Robinjo është dënuar për përdhunim në Itali dhe vijon gjyqet, ndaj presidenti i Santosit José Carlos Peres vjet deklaroi se nuk ka ndërmend të afrojë lojtar me probleme të tilla, për të mos njollosur imazhin e klubit.

Një arritje fantastike për lojtarin, i cili është vetëm 22 vjeç. Sulmuesi është huazuar për një vit nga ekipi i Interit dhe po bën një paraqitje të mirë me ekipin e tij. Lojtari ka komentuar në rrjetet sociale, ku shprehet i lumtur për këtë arritje, duke u bërë pjesë e historisë së Santosit.

“Është një krenari: një numër mbresëlënës edhe pse jam shumë i ri. Jam i lumtur që kam arritur shifrën e 200 ndeshjeve dhe tentoj të arrij shifrën 300. Falënderoj klubin, tifozët, shokët, stafin teknik dhe familjen time, e cila ka qenë gjithmonë në anën time.

Është një moment shumë i veçantë, nesër do të kërkojmë të fitojmë ndeshjen dhe kjo është gjëja më e rëndësishme. Nuk dua vetëm të shënoj dhe fitoj, por të jem i dobishëm. Dhe nëse fitojmë, do të isha shumë i lumtur”, përfundon komentin e tij Gabigol, i cili kryeson tabelën e golashënuesve me 12 gola të realizuar.

Uma honra para poucos! ??
Uma honra de um Menino da Vila! ??@SantosFC ??#Gabigol200Jogos pic.twitter.com/n8KEZy6es3

— Gabriel Barbosa (@gabigol) September 21, 2018

Një transferim, ku Inter shpenzoi gati 30 milionë euro dhe braziliani rezultoi një zhgënjim i madh. Aktualisht është huazuar tek ekipi ku shpërtheu. Në Brazil tek Santos duket se Gabigol është rikthyer përsëri të bëjë mirë.
Lidhur me këtë fakt dhe për mundësinë e qëndrimit të sulmuesit tek Santos, ka folur presidenti i Santos, i cili është prononcuar për “Globo Esporte”.

“Gjithçka do të varet nga komunikimi që do të kemi me Interin. Pronarët e klubit italian, nuk ishin të lumtur kur na e dhanë për herë të parë sepse thanë se paguan shumë për ta marrë në “San Siro”. Ai ka ardhur këtu tani dhe është rikthyer, është duke luajtur mirë, çdo sulmues ka ngritjet dhe uljet e tij. Gabriel është një njeri i madh, një profesionist i madh. Ai nuk na solli probleme dhe gjithmonë u soll mirë. Do të ishte fantastike në rast se do të qëndronte. Santos është shtëpia e tij”, ka përfunduar presidenti i klubit brazilian.

Në fakt, ndeshja nuk u mbyll normalisht, sepse në minutën e 87-të arbitri dekretoi mbylljen e sfidës për mungesë të masave të sigurisë. Tifozët e Santosit ishin përleshur me policinë që para ndeshjes dhe në fundin e takimit nisën të hidhnin lënë plasëse në fushë.

2nd leg of Santos ?? vs Independiente ?? has been delayed due to incidents by fans from the Brazilian side.

Some important note: This morning Conmebol announced that Santos forfeited their 1st leg match 3-0 after playing an ineligible player (Carlos Sanchez). pic.twitter.com/OiMTpsR53U

— Franco Sui Yuan (@francosy) August 29, 2018

Gjithçka lidhej me vendimin e Konfederatës së Amerikës së Jugut për t’i dhënë fitoren 3-0 në tavolinë Independiente-s për sfidën e vajtjes, që ishte mbyllur 0-0. Në atë takim Santos aktivizoi mesfushorin uruguaian Karlos Sançez, i cili kishte një pezullim të pashlyer prej 2015, por Santos nuk ishte njoftuar nga Conmebol.

Vendimi për humbje në tavolinë u mor pak orë para ndeshjes së kthimit dhe tërboi drejtuesit e tifozët e Santosit, me presidentin e Santosit që ka paralajmëruar betejë ligjore në CAS në Lozanë, duke bërë thirrje që futbolli brazilian të bashkohet për t’u mbrojtur nga vendimet kontradiktore të qeverisë së futbollit amerikano-jugor.

Copa Libertadores, aka The Champions League of Mordor#Santos #Independiente pic.twitter.com/DsGjoh3SrF

— Martin Mazur (@martinmazur) August 29, 2018

Dështoi tek Interi, dështoi te Benfika dhe tashmë Gabigol shkon në Brazil. Gjithsesi, Interi nuk e heq dot qafe, sepse e çon në huazim te Santosi, duke u lutur që “Gabistoli” të kthehet aq që ka qenë.

Te Santosi i kanë dhënë numrin 10, atë të një lojtari pak a shumë të njohur, një Pele që në Brazil është perëndi.

“Gjithçka u mbyll shumë shpejt, kam mësuar shumë nga vuajtjet në Europë dhe jam i lumtur që kthehem te dashuria ime e madhe, Santosi, klub me të cilin jam tifoz, si gjithë familja ime. E dinin të gjithë që doja të kthehesha”, tha Gabigol gjatë prezantimit, duke shkuar deri aty sa të pretendojë kthimin në kombëtare.

“Kthehem në i pjekur dhe me eksperiencë. Nëse do të paraqitem mirë, do të kthehem në kombëtare, është edhe Botërori këtë vit. Po pres me padurim të luaj, sidomos në Kupën Libertadore. Të jetë për mua, nuk iki më kurrë nga Santosi”.

Një batutë edhe për Interin, që pagoi 30 milionë euro për ta blerë, dy vite më parë: “Gabova kur braktisa stolin në një ndeshje, por kërkova falje një ditë më vonë. Kam mësuar nga gabimet e mia, ky është virtyt për çdo njeri”.