Fantazisti spanjoll, Isko, nuk ishte pjesë e skuadrës në transfertën e fituar me rezultatin 4 – 1 ndaj Real Vajadolit. Media spanjolle “MARCA” ka zbuluar se kjo gjë ka ardhur si pasojë e një dënimi nga kryesia  e klubit, pasi Isko nuk pranoi të udhëtonte me autobusin e skuadrës në prag të sfidës me Ajaksin të mërkurën e kaluar.

Në një mbledhje të bërë ditën e enjte, Isko shpjegoi se mori këtë vendim për shkak të raporteve të tensionuara që ekzistojnë midis tij dhe trajnerit Solari. Kapiteni i “Los Blancos”, i cili kryesoi mbledhjen theksoi se klubi vjen gjithmonë i pari.

Sipas “MARCA”, Solari nuk ishte pro dënimit për Iskon, por pezullimi ka ardhur me udhër nga lart. Ndërkohë, mësohet se lojtari ka kërkuar falje për sjelljen e tij dhe pritet që palët të pajtohen në ditët në vijim.

Eliminimi nga Champions League ka shënuar fundin e një sezoni të deshtuar për madrilenët, por trajneri argjentinas është justifikuar pas disfatës në Bernabeu.

“Jemi të trishtuar, na vjen keq për tifozët. Ishte një mbrëmje ters.

“Pse dështuam? Ka shumë arsye, gjithçka ishte kundër nesh. Nuk është justifikim, por nuk na eci asgjë”.

Natyrisht, Solari pret vendimin e klubit, sepse në rastin më të keq do paguhet deri në fund të kontratës nëse e pushojnë nga puna. Gjithsesi, trajneri e shpjegon kështu vendimin për të mos dhënë dorëheqjen: “Nuk e mora drejtimin në një moment aq të vështirë për t’u larguar menjëherë në momente të vështira. Kampionati nuk ka mbaruar, duhet të shpresojmë deri në fund, si profesionistë”.

Mungoi shumë Sergio Ramos: “Pa folur keq për askënd, është e qartë që kapiteni na mungoi jashtëzakonisht”.

Përballja e kthimit pritet të jetë e zjarrtë si gjithmonë dhe spektakolare. Barcelona luajti dje në kampionat përballë Seviljes, aty ku Mesi zhvilloi një ndeshje fenomenale, duke shënuar tri gola e duke i dhuruar fitoren ekipit të tij.

Nga ana tjetër, Reali do të luajë sonte në mbrëmje kundër Levantes në transfertë. Kjo gjë e ka acaruar Santiago Solarin, i cili nuk i ka kursyer “thumbat” për Federatën spanjolle.

“Një kalendar kurioz, madje do të thosha qesharak. Meqë nuk jemi ne që zgjedhim se kur të luajmë, ne duhet ta përballojmë këtë si një sfidë.” Fakti që ekipi i tij do të ketë një ditë më pak pushim (saktësisht 28 orë) e ka mërzitur trajnerin argjentinas të Realit.

Replika nga kampi tjetër nuk ka munguar dhe ka ardhur nëpërmjet të zakonshmit Zherard Pike. Mbrojtësi i Barçës është i njohur për raportin e tij të keq kundër “Los Blancos”.

“Sa keq që para ndeshjes së fazës së parë në kampionat, ata pushuan një ditë më shumë. Më pas ne fituam 5-1”, komenton shkurt Pike, duke iu kujtuar “armiqve” humbjen poshtëruese, që solli dhe shkarkimin e Julen Lopeteguit.

Dy ekipet e mëdha do të ndeshen dy herë brenda pak ditëve me njëri-tjetrin. Të mërkurën është ndeshja e kthimit të gjysmëfinaleve të Kupës së Mbretit, ndërsa të shtunën e 2 marsit, Reali do të presë përsëri në fushën e tij Barcelonën, kësaj radhe për llogari të kampionatit.

“Është për të ardhur keq. Po na ikin pikë nga duart, ndërkohë rivalët për titull po fitojnë e po na largohen. Ishim duke bërë një ecuri të mirë, ku shlyem disa humbje që bëmë në fillim. Do të na duhet të vazhdojmë të luftojmë”.

“Ky është futbolli. Lodhja nuk është vetëm fizike. Kemi lodhje në aspektin aspektin psikologjik dhe të shpërqendrimit. Ka shumë faktorë në pjesën e dytë skuadra ishte pa energji”.

FORMACION I GABUAR, E TEPRUAT ME ROTACIONIN –  “Çfarë është kjo pyetje. S’mund të flasim me hipoteza për të të shkuarën ose të ardhmen. Ne thjesht marrim vendime dhe më pas përpiqemi të fitojmë”.

GARA PËR TITULL E MBARUAR ? – “Absolutisht jo. As që bëhet fjalë. Do të luftojmë në të tre frontet. Javën tjetër na pret një ndeshje tjetër, siç  i pret dhe rivalët tanë. Çdo përballje është e vështirë, nuk ka rëndësi se cili është pozicioni i kundërshtarit në renditjen përfundimtare. Tani duhet të fitojmë për të shlyer humbjen e sotme”, përfundoi Solari.

Santiago Solari është ndalur te Sergio Ramos në konferencën për shtyp përpara ndeshjes së kampionatit. Kapiteni u ndëshkua me të verdhë në minutat e fundit të ndeshjes së Champions-it përballë Ajaksit dhe do të mungojë në sfidën e kthimit.

Ramos bëri “autogol” me deklaratën e tij, duke pranuar se e mori qëllimisht atë karton. Diçka e tillë ka sjellë kritika të shumta dhe lojtari mund të dënohet nga UEFA, por trajnere i ka dalë në mbrojtje.

“Sergio Ramosit iu bë një pyetje provokative. Aksioni i ndëshkimit me të verdhe flet vetë dhe nuk ka nevojë për spekulime. Ramos iu referua faktit që u detyrua të bënte faull në atë lloj situate, ashtu siç e ka shpjeguar vetë. Ai dha një përgjigje të përshtatshme”, përfundon Solari.

Trajneri argjentinas është ndalur te situata e mbrojtësit të majtë gjatë konferencës për shtyp përpara ndeshjes kundër Ajaksit në Champions. Solari thur elozhe për Marselon dhe i bën thirrje që të qëndrojë në ekip.

Argjentinasi komenton dhe përballjen me “Harkëtarët”, duke vlerësuar ekipin holandez. Reali i tij ndodhet në një formë të mirë dhe e ka lënë pas krizën. Pasi siguroi fitoren e gjashtë rresht në kampionat në derbin kundër Atletikos, “Los Blancos” janë gati të përballen me Ajaksin dhe të hedhin një hap të rëndësishëm drejt kualifikimit.

MARSELO – “Marselo është një lojtar i madh dhe për të Reali vjen përpara gjithçkaje, jo më kot është zëvendës-kapiteni i skuadrës. Ai është profesionist dhe stërvitet çdo ditë maksimalisht. Të gjithë duam që ai të vazhdojë të qëndrojë këtu. Nuk e di nëse do ta nisë si titullar, do të vendos para ndeshjes midis tij ose Reguilon.”

AJAKSI – “Kur humbet çdo gjë shkon keq dhe e kundërta ndodh kur fiton. Ky është futbolli. Nuk mendoj se ata po kalojnë një moment të keq. Luajnë futboll dinamik dhe kanë lojtar cilësorë, do të jetë një ndeshje e ndërlikuar, por ne jemi gati dhe të përqendruar.”

BENZEMA – “Më vjen keq për ata që e zbuluan Benzeman vetëm gjatë javës së kaluar. Ai ka qenë për vite me radhë dhe mbetet një lojtari shumë i talentuar. Ai është në një formë të shkëlqyer (5 gola në tre ndeshje te fundit) dhe jemi shumë të lumtur për këtë”

 “RINGJALLJA” E REALIT – “Meritat i takojnë lojtarëve. Ishin ata që u futën në fushë dhe u morën ndeshjen me seriozitetin maksimal nga fillimi deri në fund. Treguan vendosmëri, shpirt luftarak dhe klas”.

BEJL NË STOL ? – “Natyrisht lojtarët që vijnë prej dëmtimet u duhet pak kohë për të kapur ritmin e të tjerëve, kjo është diçka që dihet nga të gjithë. Do të dëshiroja që të kisha mundësinë të fusja më shumë lojtarë, pasi kam shumë talente në skuadër dhe të gjithë duan të tregojnë veten”

Trajneri argjentinas preferoi dhe të riun Kristo përpara Iskos, me këtë të fundit që ka përfunduar si zgjedhje e fundit. 26-vjeçari ka zgjedhur të heshtë, ndërsa të kundërtën ka bërë një mik i tij. Siç raporton “Marca”, Aitor Kosta, një mik i Iskos, ka “shpërthyer” në rrjetet sociale kundrejt trajnerit të Realit.

“Solari merr vesh nga futbolli, aq sa marr unë vesh nga inxhinieria. Vrasësi i vogël i topit, askush nuk e njeh emrin tënd”, shkruan Kosta në “Instagram”. Fantazisti po përjeton një periudhë të keqe dhe largimi nga “Los Blancos” është alternativa e vetme. Për shërbimet e tij ka një garë të fortë midis Juventusit dhe Mançester Sitit.

Santiago Solari ka folur në konferencën për shtyp përpara përballjes me ekipin bask, duke prekur disa tema. Trajneri argjentinas ka mbrojtur ekipin nga kritikat e shumta. Ata po sakrifikojnë dhe kjo gjë duhet vlerësuar.

Solari tregon dhe objektivat e klubit, ndërsa e mbyll prononcimin e tij me një koment për Marselon dhe Iskon, të cilët shihen si largimet e radhës nga ekipi madrilien.

EKIPI – “Do të përballemi me shumë ndeshje në një kohë të shkurtër. Askush nuk merr pjesë në kaq kompeticione sa ne, kështu që është e vështirë. Lojtarët po japin maksimumin në çdo ndeshje dhe kjo nuk është në dyshim. Bejl luajti gjithë kohës me kavilje të fryrë, Lukas vrapon nga 14 km për ndeshje, Karvahal ka një zemër të madhe dhe sakrifikon shumë, ndërsa Modriç luajti me ethe kundër Vijarealit. Niveli i angazhimit të këtyre lojtarëve është shumë i rëndësishëm.”

OBJEKTIVI – “La Liga është një kompeticion i komplikuar, askush nuk i dhuron asgjë askujt dhe të gjithë mund të fitojnë kundër gjithkujt. Nuk duhen nënvlerësuar barazimet, si ai kundër Vijarealit. Sigurisht, duam të fitojmë gjithmonë, por mund të ndodhë gjithçka. Objektivi ynë është rritja e pozicionit në renditje. Jemi të lumtur, sepse kemi kaluar nga vendi i nëntë në të katërtin.”

MERKATO – “Marselo ka kaluar gjashtë muaj të vështirë, për shkak të dëmtimeve të ndryshme, por po arrin të kapë ritmin. Ai është një lojtar thelbësor për ne, si në fushë ashtu dhe jashtë saj. Shpresojmë që të mos dëmtohet më dhe nuk do të nxitohemi me rikuperimin e tij. Isko? Kualiteti i tij është i rëndësishëm. Ai mund të jetë deçiziv në çdo rol. Teknika dhe cilësitë e tij janë të rëndësishme për ne.”

Por, ky lajm nuk duhet të vijë si diçka  e papritur, pasi që prej emërimit të Solarit në krye të kampionëve në fuqi të Champions-it, Isko e ka nisur çdo ndeshje nga stoli i rezervave, diçka kjo që e ka mërzitur jo pak spanjollin.

Mbetet për t’u parë se cili do të jetë shpjegimi i Solarit lënien jashtë të yllit të skuadrës.

? ¡Nuestro once inicial contra el @ASRomaEspanol! #RMUCL | #HalaMadrid pic.twitter.com/1Rsml33n5p

— Real Madrid C.F. (@realmadrid) November 27, 2018

Katër ndeshje në krye të Realit, katër fitore. Ekipet nuk kanë qenë i një niveli super të lartë, por gjithsesi skuadra duket në rrugën e duhur. Tre fitore në transfertë, 0-4 në kupë, 0-5 ndaj Plzen në Champions, 2-4 së fundmi ndaj Seltës dhe një fitore në shtëpi ndaj Vajadolit 2-0. Bilanci?! Më i miri që nga viti 1929 për një trajner të ri te Reali i Madridit.

Plot 15 gola të shënuar, me një mesatare gati katër gola për ndeshje, dhe vetëm dy të pësuar, në ndeshjen e fundit ndaj Seltës. Në katër ndeshjet e para një trajneri të ri te Reali, kjo gjë nuk i ndodhte që nga viti 1929. Fillimi duket i mbarë, ku i dihet, mbase Solari mund të jetë një bast i fituar i Perezit.

DEBUTIMI – “Vinisius është një lojtar i joni dhe të gjithë e kanë mundësinë të luajnë si titullarë. Të gjithë janë të fortë dhe çdokush mund të japë kontributin e tij. Pak të rinj me Lopeteguin? Nuk më takon të flas për këtë gjë. Jam i kënaqur pas ndeshjes me Melilën. Rezultati ishte fryt i përqendrimit të skuadrës.”

VAJADOLID – “Ata janë një skuadër shumë e rregullt, që ka punuar shumë mirë, kështu që do të jetë një ndeshje serioze. Të debutoj në ‘Santiago Bernabeu’ është një gjë speciale si tifoz, futbollist dhe trajner. Nuk besoj se do të ndjej një gjë ndryshe.”

BEJL – “Prozhektorët janë të drejtuar drejt tij dhe pres që të demonstrojë talentin e tij të madh. E ardhmja ime? Nuk shqetësohem. Mendoj për ndeshjen e radhës dhe kjo është gjëja që duhet të bëj.

Në konferencën për shtyp të prezantimit, Solari tregon mënyrën e duhur për të dalë nga kriza. Lojtarët kanë dëshirë për të reaguar, ndërsa trajneri pohon se ka kampionë dhe luftëtarë në ekip. Elozhe për Zidan dhe një koment për talentin Vinisius Zhunior. Solari do të debutojë kundër Melijas në Kupën e Spanjës ditën e nesërme dhe ai është gati.

EKIPI – “Lojtarët i kam gjetur të mërzitur, por me një dëshirë të madhe për t’u rinisur dhe për të përmirësuar situatën. Ky është një grup luftëtarësh, situata nuk është e thjeshtë, por ka dëshirë të madhe për t’u rikthyer te fitoret.”

ZIDAN – “Le ta lëmë të qetë Zizun. Ai është figura më e madhe që kemi patur këtu në Madrid dhe nuk ka fjalë për ta përshkruar atë. A kam folur me Lopetegin? Kjo i përket sferës private.”

SHANSI I TIJ – “Në jetë, si në punë, të gjithë jemi kalimtarë. Rëndësi ka puna që do të bëjmë ditë pas dite, ajo çfarë do të bëhet në stërvitje, në ndeshje dhe në çdo lojë të çdo ndeshje, si për mua dhe për lojtarët. Të punosh për Realin e Madridit është një mundësi e madhe. Kam djersitur deri në pikën e fundit të djersës për këtë bluzë, ashtu siç kanë bërë dhe shumë lojtarë të tjerë.”

VINISIUS ZHUNIOR – “Të shohim, ai është një lojtar i Castilla dhe një më shumë për kontingjentin e Realit të Madridit. Ai është i talentuar dhe i ri, por duhet të mësojë shumë gjëra. Kush është pjesë e skuadrës së parë, ndodh për shkak se ka nivelin e duhur për të luajtur me Realin e Madridit.”

MELIJA – “E pres me dëshirën për të bërë mirë. Jemi të gjithë të bindur se duam të bëjmë mirë dhe të kthehemi te fitoret. Djemtë kanë dëshirë të madhe për t’u kthyer te fitoret dhe e perceptova këtë gjë menjëherë. Sinqerisht, nuk e mendoj se lojtarët më shohin me dyshim. Këtu ka kampionë dhe luftëtarë. Momenti është i vështirë, por është rasti për të treguar karakterin tonë. Ideja është shkojmë atje dhe të luajmë me dy… topa”, thotë Solari me humor, duke bërë një batutë në spanjisht (“Të tregojmë ko..t”, në kuptimin e burrërisë).

STILI I PUNËS – “Të punojmë çdo ditë dhe të shohim se çfarë do të ndodhë. Detajet i mbaj për vete dhe për dhomat tona të zhveshjes.”

 Megjithatë, kreu i Realit nuk është akoma i bindur dhe kuotat e Kontes janë ulur siç citon një radio e vendit iberik. Palët nuk kanë gjetur akordin mes tyre dhe klubi “merengues” po sheh për alternativa të tjera. Tre janë emrat në listën e Perez: Zhoze Murinjo, Santiago Solari dhe Roberto Martinez. Ky i fundit është trajneri i Belgjikës dhe vjen nga një Botëror shumë i mirë, duke arritur të fitojë medaljen e bronztë.

 Ëndrra mbetet portugezi i Junajtid, ndërsa Solari, i cili drejton ekipin e Real Madrid B mbetet një alternativë e momentit. Si fillim pritet të vijë shkarkimi i Lopeteguit dhe më pas do të mësohet më mirë se kush do të jetë pasardhësi i tij. Solari, Martinez, Murinjo, ose… Konte.  

“Duhet të ulemi dhe të gjejmë arsyen përse po gabojmë. Krijojmë volum loje, por nuk arrijmë të shënojmë. Me pak fjalë duhet të këmbëngulim te puna që po bëjmë dhe te mos shqetësohemi. Për mendimin tim, skuadra sot dha shumë sinjale të mira. Pozicioni im? Kjo është gjëja e fundit që më vjen në mendje”, tha Lopetegui.

Trajneri beson se humbja 2-1 nuk e përligji lojën dhe mbetet i përqendruar në ndeshjen e radhës, të martën në Champions League ndaj Viktoria Plzen. Në “Bernabeu” fitorja do të jetë detyrim.

“Mendoj që duhej të kishim fituar ndaj Levantes, por në futboll nuk mjafton vetëm loja, pasi në fund triumfon ai që shënon më tepër. Lojtarët e mi nuk e meritojnë një ndëshkim të tillë, tani duhet të rikuperohen pasi na pret ndeshja në Champions League”.

TËRBIMI DHE ALTERNATIVAT – “FLOPETEGUI”, kështu po e quajnë tifozët e Realit të Madridit trajnerin e tyre pas humbjes së sotme. Shifrat janë kundër tij dhe tashmë Florentino Perez duhet të mendohet mirë se çfarë do të bëjë.

Reali shkon në “El Classiço” në një moment mjaft të keq, ndërkohë që edhe gjetja e golit është një tjetër problem më vete. Nga Spanja raportohet se Perez në orët në vijim do të vendosë për të ardhmen e Lopeteguit. Dy janë alternativat: Antonio Konte dhe Santiago Solari.

Me të parin bisedimet kanë nisur prej kohësh, por problem është kontrata që italiani ka me Çelsin. Zgjidhja tjetër është në shtëpi, pikërisht me Solarin. Ai e njeh mirë ambientin, pasi prej vitesh punon me moshat dhe momentalisht drejton ekipin e dytë.