“Santiago Bernabeu”

VIDEO | Perez prezanton mrekullinë e tetë, “Bernabeu” i ri do ju mahnisë

Sport Ekspres — Tue, 02 Apr 2019 13:40:20 +0000

Në ambjentet e klubit të Real Madrid është folur prej kohësh për një rinovim të “Santiago Bernabeut”. Pikërisht ditën e sotme, presidenti Florentino Perez, ka prezantuar me një video se si do të duket “Bernabeu” i ri.

Pamjet janë mbresëlënëse, me kohëzgjatjen e punimeve që priten të jenë të paktën 3 vite e gjysmë. Për rikonstruksionin do të shpenzohen më shumë se 500 milionë euro. Përpara se të prezantonte videon, Perez mbajti dhe një fjalim, ku u shpreh:

? Bienvenidos a la nueva casa de todos los madridistas
? El Real Madrid presentó “el gran estadio digital del futuro” pic.twitter.com/04wvqFqa6Q

— AS (@diarioas) April 2, 2019

“Ky është vendi që është admiruar për 117 vite. Akoma ëndërrojmë ta bëjmë Realin një ndër klubet më të admiruara në Botë. Ky klub i përket të gjithë madrilenëve dhe nuk menaxhohet për të përfituar. Në bazë të këtyre parimeve dhe vlerave kemi punuar deri më sot pa u lodhur. Ky stadium do të jetë një ikonë për klubin dhe qytetin”, përfundoi Perez.

Paraqitje historike e Tadiç, “L’Equipe” i jep notën e rrallë

Sport Ekspres — Wed, 06 Mar 2019 08:49:57 +0000

Sulmuesi serb Dushan Tadiç kreu ndeshjen më të mirë të karrierës së tij mbrëmjen e djeshme në “Santiago Bernabeu”, teksa ishte më i mirë në fushë. Dy asiste fantastikë dhe një gol po aq i bukur që i dhanë Ajaksit një “biletë” për në çerekfinalet e Champions-it. 29-vjeçari ka fituar tashmë statusin e një heroi në Amsterdam.

???#UCL #reaaja https://t.co/ioed3ujPcB

— AFC Ajax (@AFCAjax) March 5, 2019

Paraqitja perfekte e Tadiç mori një vlerësim historik nga revista franceze “L’Equipe“, që në listën e notave e vlerësoi mëngjarashin me notën 10-të. Kjo është diçka tepër e radhë, pasi vetëm 9 lojtarë e kanë marrë këtë notë në tre dekadat a fundit.

Tadiç i bashkohet një liste me emra të mëdhenj si Nejmar, Levandovski, Lionel Mesi (2 herë) dhe Oleg Salenko. Francezët e përshkruan shkurt paraqitjen e serbit: I magjishëm, kreu ndeshjen perfekte.

LISTA E LOJTARËVE TË VLERËSUAR ME NOTËN 10

Sauzee (1988)
Bruno Martini (1988)
Oleg Salenko (1994)
Lars Windfeld (1997)
Lionel Messi (2010)
Lionel Messi (2012)
Robert Lewandowski (2013)
Carlos Eduardo (2014)
Neymar (2018)
Dusan Tadic (2019)

CAS vendos që Superclasico të luhet, “Bernabeu” hyn në histori

Sport Ekspres — Sun, 09 Dec 2018 08:37:53 +0000

Mbrëmjen e nesërme do të luhet “Superclasico”, që pas shumë e shumë peripecish, është vendosur përfundimisht që do të luhet në “Santiago Bernabeu”. E gjithë kjo, nga trazirat e shkaktuara nga tifozët e River, të cilët sulmuan autobusin, ku ndodheshin lojtarët e Bokës dhe ndeshja u shty.

Lidhur me këtë çështje, Boka kishte kërkuar në CAS fitoren në tavolinë, si pasojë e sulmueve të ndodhura disa ditë më parë, por zyrtarisht kjo kërkesë u hodh poshtë nga vetë CAS. Ndeshja do të luhet mbrëmjen e së dielës, në orën 20:30.

Zhvillimi i ndeshjes në “Bernabeu”, bën që impianti i Realit të Madridit të futet në histori. “Tempulli” i “Los Blancos”, do të hyjë në histori si stadiumi që ka pritur gjashtë nga finalet më të mëdha dhe më të zjarrta në futboll.

Ronaldo injoron ftesën e Perez, Mesi ende në dilemë

Sport Ekspres — Thu, 06 Dec 2018 19:14:39 +0000

Plani i Florentino Perez për të bashkuar Kristiano Ronaldon dhe Lionel Mesin në tribunën “vip” të “Santiago Benabeut” ka dështuar. Presidenti i Real Madrid dëshironte të shikonte përballjen midis River Plejt dhe Boka Zhuniors në praninë e dy yjeve të futbollit Botëror, por ylli portugez e ka refuzuar këtë ofertë.

Sipas “AS”, Ronaldo e ka justifikuar këtë vendim me faktin se ai ka pak kohë që ka ikur nga Real Madrid dhe dëshira e tij për t’u larguar nga Real Madrid erdhi si një lajm i papritur për shumë vetë në klubin madrilen.

Mbetet parë t’u parë se cili do të jetë vendimi i Lionel Mesit. “Pleshti” ndonëse, argjentinas nuk është tifoz i asnjë prej skuadrave finaliste të Kupës Libertadores. Ekipi i zemrës i sulmuesit të Barcelonës është skuadra e qytetit të tij të fëmijërisë Newell Old Boys.

VIDEO | “Santiago Bernabeu” i ri është një “përrallë”

Sport Ekspres — Wed, 14 Nov 2018 16:00:50 +0000

Reali i Madridit ka postuar disa orë më parë në llogarinë e tij zyrtare në “Facebook”, një video të projektit të stadiumit të ri. Videoja e postuar është një spektakël i vërtetë, teksa impianti i ri do të jetë i gjithi i mbuluar.

Rikonstruksioni i “Santiago Bernabeut”, pritet të nisë në fillim të vitit të ardhshëm, siç ka thënë dhe presidenti Florentino Perez. Kostoja e stadiumit të ri pritet t’i kalojë 500 milionë eurot dhe nuk do të ketë një rritje të kapacitetit, por vetëm të komoditetit që do të kenë tifozët.

FOTO | Komoditeti në “Bernabeu” në kufijtë e “çmendurisë”, tani dhe tualetet me TV!

Sport Ekspres — Mon, 05 Nov 2018 15:23:32 +0000

Nëse infrastruktura e stadiumeve tona lë shumë për të dëshiruar dhe mungojnë shumë gjëra të nevojshme për të shijuar një ndeshje futbollit, ndryshon puna në Europë dhe sidomos në stadiumet e ekipeve të mëdha.

Reali i Madridit nuk po kalon një moment pozitiv në fushën e blertë, por të shohësh një ndeshje në “Santiago Bernabeu”, përveçse një emocion i paharrueshëm, është dhe një komoditet i madh.

Së fundmi drejtuesit e klubit “merengues” kanë aplikuar një teknologji të nivelit të lartë në… tualetet e stadiumit. Nevojat personale mund të të bëjnë të humbasësh ndonjë gol të ekipit, ose ndonjë rast, apo episod të ndodhur, por kjo nuk ka më shanse të ndodhë në ndeshjet shtëpiake të Realit.

Klubi ka instaluar ekrane televizive në tualet dhe tashmë tifozët kanë mundësinë të mos humbasin asnjë moment të ndeshjes. Një risi e veçantë dhe unike, me disa tifozë që mund të “harrojnë” të rikthehen në stadium…

Real Madrid have urinals installed with TV screens at the Bernabeuhttps://t.co/HnLg965eSm pic.twitter.com/ihsRkZ936k

— The Sun Football ? (@TheSunFootball) November 5, 2018

FOTO | Reali dorëzon dokumentacionin për rinovimin e Bernabeut, 400 milionë € investim

Sport Ekspres — Mon, 17 Sep 2018 20:54:31 +0000

Santiago Bernabeu do të ndryshojë krejtësisht pamje. Stadiumi që ndodhet shumë pranë qendrës së kryeqytetit spanjoll, prej vitesh është lënë i paprekur, por shumë shpejt kjo gjë do të ndryshojë. Bordi drejtues i Real Madrid pret që brenda kësaj jave të marrë leje nga këshilli bashkiak për miratimin e projektit të rikonstruktimit.

Kosto e ndërtimit do të kapë 400 milionë euro. Bernabeu i ri do të jetë tërësisht i mbuluar dhe stadiumit do t’i shtohen disa mijëra metra katrorë ambiente biznesi. Një risi tjetër e impatit të rinovuar do të jetë dhe stadium 360 gradë. Financimi i stadiumit do kryhet nga një kompani sponsorizuese, që si këmbim do të marrë të drejtat e emrit të stadiumit për të paktën 20 vite.

“Santiago Bernabeu” me pamje tjetër, priten vetëm milionat

Sport Ekspres — Sat, 08 Sep 2018 12:53:46 +0000

Reali i Madridit po planifikon të rikonstruktojë stadiumin “Santiago Bernabeu”, që do të ketë një pamje krejtësisht tjetër dhe do të bëhet spaktakolar. Shumë shpejt mund të fillojnë ndërtimet, madje që në fund të këtij viti.

Në fakt kishte disa vite që pritej një projekt i denjë dhe për këtë ishin kontaktuar studiot më prestigjioze arkitektonike në botë. Tashmë hapi tjetër është sigurimi i të ardhurave.

Presentación en el ayuntamiento de Madrid de la modificación y obras del estadio Santiago Bernabeu.

Në Asamblenë e Jashtëzakonshme të 23 shtatorit, presidenti Florentino Perez do t’u kërkojë lejen partnerëve të tij për të marrë një kredi që mbulon shpenzimet për ndërtimin e stadiumit të ri.

Parashikohet që punimet të zgjatin 3-4 vjet. Nëse nuk do të ketë vonesa, mendohet që punimet të nisin në muajt e ardhshëm. Fasada e stadiumit do të jetë krejtësisht tjetër, ndërkohë që pritet të ketë edhe ndryshime në brendësi.

CR7 dhe merkato, tifozët e Realit “harrojnë” rrugën drejt stadiumit!

Sport Ekspres — Mon, 20 Aug 2018 17:16:28 +0000

Reali u rikthye te fitorja mbas humbjes së Superkupës së Europës me Atletikon e Madridit. Djemtë e Lopeteguit fituan me rezultatin 2-0 përballë Getafes, por ra në sy prania e vogël e tifozëve në stadium.

Vetëm 48.446 tifozë ishin të pranishëm mbrëmë në “Santiago Bernabeu” dhe për të gjetur një shifër më të ulët, duhet të kthehemi nëntë vite pas.

Ishte maji i vitit 2009, luhej Real Madrid-Majorka dhe në stadium kishte vetëm 44.270 tifozë. Largimi i Kristiano Ronaldos, por dhe merkato e varfër e Florentino Perez janë shkaqet kryesore të ftohjes së tifozërisë së Realit.

Në Madrid janë pak “aristokratë” dhe nëse diçka nuk iu pëlqen, nuk mjafton më as fakti që ekipi ka fituar tri Champions rresht. Megjithatë është vetëm fillimi dhe rezultatet e mira dhe loja në ngritje e Realit do arrijë të mbushë stadiumin.