Santi Kazorla është një nga futbollistët më të talentuar të gjenratës së tij dhe mesfushori spanjoll, ka treguar në shumë raste klasin e tij të lartë, vizionin dhe dëshirën që ka karshi futbollit. Në vitin 2012, u transferua nga Malaga te skuadra e Arsenalit dhe në sezonet e tij të para, ishte një nga lojtarët më të mirë në Premier League, duke qenë një lider i “Topçinjve”.

Fiziku i tij shtatshkurtër nuk e pengoi aspak që të luftonte për çdo top, duke qenë një pikë referimi në formacionin e Arsen Venger. Por në fundin e vitit 2016, Kazorla pësoi një dëmtim të rëndë dhe sipas mjekëve, ai nuk duhej të shkelte në më fushat e blerta.

Pas 2 vitesh mungesë, Kazorla u larguar nga Arsenali për t’u rikthyer në Spanjë, me skuadrën e Vijarealit. E kur të gjithë mendonin se ai është “i mbaruar”, 35-vjeçari i vërtetoi të gjithë gabim, pasi bëri ndeshje të shkëlqyera për “Nëndetësen e Verdhë”.

Pas një viti thuajse perfekt, Drejtuesit e Vijarealit kanë vendosur t’i rinovojnë kontratën. Tifozët e Vijarealit, por dhe të gjithë futbolldashësit, do të kenë mundësinë e artë të shijojnë dhe për një vit tjetër magjitë që mesfushori spanjoll dhuron në fushën e lojës.

Dëmimet e pafundme e kanë kushtëzuar shumë Santin, i cili gati për dy vite nuk kishte luajtur asnjë ndeshje, duke iu nënshtruar operacioneve të shumta. Gjithsesi, sezoni i fundit ka qenë pozitiv për mesfushorin, i cili u kthye në shtëpinë e tij në Vijareal.
Sezon mjaft i mirë, sidomos gjysma e dytë me Kazorlan që merr shpërblimin e madh, grumbullimin në kombëtaren spanjolle pas plot katër vitesh mungesë. Në një intervistë për mediat spanjolle 34-vjeçari rrëfen momentin që mori ftesën dhe tregon se edhe në ëndrrën më të çmendur nuk e priste diçka të tillë.

“Nëse dikush do të më thoshte që kjo gjë do të ndodhte në fund të sezonit, do ta quaja të çmendur dhe nuk do ta besoja. Kanë qenë dy vite shumë të vështira dhe e di që në moshën aktuale timen (34) është shumë e vështirë të rikthehesh në kombëtare. Gjithmonë jam munduar të kontriboj për klubin tim dhe të jem i rëndësishëm. I falënderoj që të gjithë, pasi kam arritur të kap formën timë më të mirë përsëri.”

“Më treguan kur po hyja në dhomat e zhveshjes, shokët e ekipit më treguan të parët. Përfunduam stërvitjen dhe u futa në dhomat e zhveshjes dhe të gjithë nisën të këndonin emrin tim. U surprizova shumë dhe ende jam i emocionuar. Edhe në ëndrrën timë më të çmendur nuk do ta imagjinoja diçka të tillë.”

Ndryshe është situata në kampionat. Ekipi po vuan dhe renditet në vendin e tretë nga fundi (bashkë me Vajadolidin) me 30 pikë. Lufta për mbijetesën do të jetë e ashpër deri në fund.

Vijareali u mposht mbrëmjen e djeshme jashtë fushe kundër Betisit 2-1. Megjithatë, miqtë mund të kishin dalë me një pikë nga transferta andaluziane. Santi Kazorla pati shansin e artë të barazonte ndeshjen një minutë përpara fundit.

34-vjeçari goditi dobët dhe lehtë në mes, portieri i Betisit nuk lëvizi nga vendi dhe priti topin. Diçka e tillë është përjetuar keq nga lojtari ofensiv.

Ky i fundit është përlotur pas ndeshjes. Skenë emocionuese, një shok i skuadrës shkon për t’i dhënë kurajë dhe moral, por Kazorla ndjen peshën e përgjegjësisë dhe fajit. Kampionati ka dhe 7 javë dhe Kazorla me shokë do të bëjnë maksimumin për të mbajtur ekipin në elitën e futbollit iberik.

Santi Cazorla crying because he missed a penalty in the final minutes of the match vs Betis, hence putting Villarreal in the relegation zone.
Last thing I wanted to see today ??pic.twitter.com/6CsADT0MDR

— P (@Cechque) April 8, 2019

Spanjolli kreu 8 operacione gjatë kësaj periudhe, madje mjekët pretenduan se Kazorla rrezikonte dhe prerjen e këmbës dhe ishte me fat që po arrinte të ecte.

“Ata (doktorët) më thanë mua që, nëse do të arrija të bëja një shëtitje në kopsht me djalin, duhet të isha i kënaqur”, u shpreh lojtari ofensiv në tetor të vitit 2017. Kazorla qëndroi 636 ditë pa zhvilluar një ndeshje, ndërsa viti 2019 ka nisur në mënyrën më të mirë për të.

Ai ishte pjesë e formacionit të Vijarealit dhe arriti t’i shënonte dy gola Kampionëve në fuqi të Europës dhe Botës. Kazorla shënoi në minutën e katërt dhe të 82-të, ndërsa pika është me rëndësi për “nëndetësen”, që për momentin po lufton për qëndrimin në kategori.

Megjithatë, dje ishte mbrëmja e Santi Kazorlës, i cili i befasoi të gjithë, duke i kaluar të gjitha vështirësitë dhe u rikthye përsëri te emocionet e golit.

?? The return of Santi Cazorla:

? Oct 2017 – “They [the doctors] told me, if you get to walk again with your son in the garden, be satisfied.”

? Jan 2019 – Scores a brace against Real Madrid pic.twitter.com/kxIsgRc5H7

— ODDSbible (@ODDSbible) January 4, 2019