Rreth situatës së tij ka folur edhe Masimo Çelino. Presidenti i Breshias, ekip ku aktivizohet Emanuele Ndoj dhe që u rikthye në Serie A pas tetë vitesh mungesë, nuk i kursen elozhet për yllin e ekipit të tij, konfirmon që lojtari nuk është në shitje dhe ka një mesazh për Fiorentinën, një ndër klubet e interesuara për Tonalin.

“Nuk i kam vendosur një çmim, sepse Tonali nuk është në shitje. Do të na japë një dorë për të qëndruar në Serie A dhe kjo është zgjedhja më e mirë për të. Po bëj maksimumin në një merkato të droguar. Sandro është unik. Mund të bëjë organizatorin përpara mbrojtjes dhe të luajë si ‘mezzala’. Kjo na lejon të luajmë me dy sulmues. Fiorentina e kërkon? Jam dakord, por kam një kusht. Pranoj vetëm nëse na japin Kiezën në vend të tij…”, përfundon padroni i Breshias.

Tonali e ka shprehur prej kohësh që si dëshirë e parë e tij është “djalli”, ndërkohë që kuqezinjtë duhet të bëjnë mirë llogaritë, pasi Breshia kërkon të paktën 20 milionë euro. Dëshirën e 18-vjeçarit, së fundmi e ka thënë edhe agjenti i tij, me Milanin që duket favorit më shumë se kurrë.

Gjithsesi, problemi i vetëm i klubi nga “San Siro” është kualifikimi në Champions. Në rast se arrihet objektivi, atëherë blerja e Tonalit do të jetë diçka e kryer, në rast se Milan nuk  e mbyll kampionatin në “top 4”, atëherë sipas gjasave do të heqë dorë nga “Pirlo i ri”.

Presidenti i Breshias, Masimo Selino pranoi disa ditë më parë se Liverpuli kishte bërë një ofertë konkrete për talentin, por që do të flitet në fund të sezonit për më tepër. Më pas, presidenti foli për Tonalin dhe për paraqitjet e tij me fanellën e Breshias, ku tregoi se kohët e fundit presioni që po ushtrohet ndaj tij po ndikon.
“Më duhet ta mbroj. Ai është i mirë, por ndaj tij po ushtrohet shumë prsion dhe kohët e fundit nuk jam duke e shijuar atë që po bën. Nuk duhet të ndihet i kënaqur me aq sa po jep, por të përpiqet gjithmonë për t’u përmirësuar akoma më shumë.”

“Po, Roma më ka pyetur për Tonalin. Me Baldisonin kemi folur shumë herë. Dua ta mbaj sa më shumë të jetë e mundur. A është gati ai? Nuk e di, është vetëm 18 vjeç… Por pak kohë më parë edhe Liverpuli më kontaktoi”, është shprehur numri një i Breshias për “Corriere dello Sport”.

PLANI – Roma ka disa mesfushorë të rinj italianë, si Kristante, Lorenzo Pelegrini, Zaniolo dhe Florenzi dhe kësaj liste do i bashkohej edhe Tonali. Drejtuesit e klubit verdhekuq mund të shfrytëzojnë kartonin e Andrea Markuçi, mesfushorit 19-vjeçar që mban shiritin e kapitenit te skuadra Primavera.

Mes palëve ka një marrëveshje për transferimin e të riut te Breshia, klub me të cilin pritet të nënshkruajë për katër vite, ndërkohë që do të ketë edhe një klauzolë për riblerjen e tij nga klubi i Serie A.

Nëse Monçi bie dakord me Çelinon, Markuçi në janar i bashkohet Breshias që tani dhe në verë Tonali merr rrugën drejt Romës. Kontrata për mesfushorin do të jetë e vlefshme deri në 2024, ndërkohë që Breshia përfiton 20 milionë euro plus bonuse.

Por Juventusi në Itali dominon dhe e ka gati planin për të bindur presidentin Çelino. Sipas asaj që shkruan Tuttosport, oferta për Breshian do të kape vlerën e 20-25 milionë eurove. Jo vetëm shuma e ofruar do të shërbejë për të bindur klubin e Serie B.

Juventusi do ta blejë atë në verë dhe ta lërë te Breshia edhe për një sezon. Me shumë mundësi ata do të ngjiten në Serie A dhe nëse ndodh diçka e tillë për Tonalin, tashmë 19 vjeç, do të ishte shumë mirë të luante në elitë e të zhvillohej dhe më shumë. Kështu ai do të shkonte i gatshëm te Juventusi, ose do të huazohej sërish.

Siç thuhet së fundmi nga “Tuttosport”, duket se për talentin e mesfushës, Juventus është ekipi që duket shumë pranë. Bardhezinjtë me sa duket duan që ta mbyllin sa më shpejt, për të shmangur konkurrencën e rivalëve, teksa dhe Çelsi ka pasur një interesim për 18-vjeçarin.

Sandro Tonali aktivizohet për Breshian në Serinë B, por kjo gjë nuk e ka penguar që të bëhet pjesë e kombëtares italiane, me të cilën debutoi pak kohë më parë, në miqësoren e luajtur ndaj SHBA-së.

Presidenti i ekipit të Breshias, Masimo Çelino thuhet të ketë pasur një takim me drejtuesit bardhezinj dhe marrëveshja është gati e kryer. Breshia e vlerëson Tonalin, të paktën 25 milionë euro.

Tonali ka marrë për herë të parë ftesën në kombëtaren italiane, duke u bërë kështu i pari lojtar i vitit 2000 që grumbullohet me axurrët. Nga grumbullimi i kombëtares italiane, mesfushori ka folur për mediat, duke u shprehur i lumtur për ftesën e marrë, si dhe ka zbuluar trajnerin që i pëlqen.

GRUMBULLIMI NË KOMBËTARE – “Ndihem shumë krenar që jam lojtari i parë i vitit 2000 që grumbullohem me kombëtaren. Shokët e skuadrës po më bëjnë të ndihem sa më rehat. Është ëndrra e çdo fëmije që një ditë të jetë këtu”.

ZËRAT E MERKATOS – “Përpiqem mos t’i dëgjoj, është gjëja më e mirë. Nuk dua t’i fus në kokë vetes këto mendime. Vendosa të qëndroj te Breshia dhe kam bërë zgjedhjen e duhur, pasi është shumë  e vështirë që të luash në kampionatet më të mira në Evropë në moshën 17-vjeçare”.

MODELI – “Si fillim frymëzohesha nga Pirlo, por nuk është se e shoh shumë te vetja, përveç modelit të flokëve. Gatuzo është si një model, nga ai dua të marrë cinizmin. Jam rritur duke luajtur si mesfushor qendre, por tani luaj përpara mbrojtjes. Qëllimi im është të fitoj, në Itali apo jashtë vendit pak rëndësi ka”, përfundoi fjalët e tij 18-vjeçari Tonali.

I pari është danez, luan me Sampdorian dhe po bën mirë në qendrën e mbrojtjes, ndërsa i dyti është italian dhe aktivizohet me Atalantën. Të dy janë nga 22 vjeç dhe luajnë në rolin e qendërmbrojtësit, ndërsa Mançini ishte një nga autorët e golave në fitoren e Atalantës kundër Interit me rezultatin e thellë 4-1.

Tashmë nuk është më sekret dhe Xhuzepe Marota do të jetë shumë shpejt një drejtues zikaltër. “Është e mundur”, u shpreh ish-zyrtari i Juventusit para disa ditësh, kur e pyetën nëse do të ishte pjesë e Interit, ndërsa gjatë ditës së djeshme ka qartësuar shkurt dhe pastër: “e sigurt që do të qëndroj në Itali”.

E ku tjetër përveçse Interi? Aty ku do të jetë njeriu kyç i merkatos së klubit. Tashmë mbetet vetëm konfirmimi i tratativës me Moratën, i cili është gati të nisë aventurën e re me ekipin e Interit.