Sanço

VIDEO | “Pa dashje”, furi kritikash për veprimin e Kimish

Sport Ekspres — Sun, 04 Aug 2019 08:04:23 +0000

Xhejdon Sanço ishte protagonisti i fitores 2 – 0 të Dortmundit ndaj Bajernit në Superkupën e Gjermanisë. 19-vjeçari u detyrua të linte fushën duke çaluar pas një shkelje të këmbës nga Xhoshua Kimish.

Ngjarja në fjalë ka shkaktuar shumë polemika në Gjermani. Shumë ekspertë deklaruan se sistemi “VAR” nuk e bëri punën siç duhet, pasi ndëshkimi i vetëm për Kimish ishte një karton i verdhë.

“Ishte thjesht fat i keq. Unë doja të kapja topin me këmbë dhe Sanço vuri këmbën e tij përpara. Të them të drejtën u mërzita që mora karton të verdhë, s’mund ta imagjinoj pse disa njerëz thonë se duhej të merrja karton të kuq. Kjo do ishte një budallallëk. Nuk e bëra me dashje”.

Junajtid bën planet për në verë, synon “njeriun-asist”

Sport Ekspres — Sat, 02 Feb 2019 09:15:55 +0000

Skuadra e Mançester Junajtid ka rilindur nën drejtimin e trajnerit Ole Gunar Solskjaer skuadra po shkëlqen dhe tani ëndërron për vendin e katërt. Natyrshëm që prioritet për djajtë e kuq është arritja e zonës Champions, por drejtuesit po mendojnë edhe për merkaton e janarit.

Një nga dëshirat e skuadrës së Juanjtid është zbulimi i këtij edicioni Xhejdon Sanço. Njeriu-asist është konsideruar ne Gjermani, i riu i cili ka mahnitur deri më tani me klasin që ka dhuruar në fushën e blertë. Siç raportojnë mediat angleze, skuadra e Junajtid është gati që të shpenzojë deri në 90 milionë paundë.

Do të ishte një rikthim për Sançon në Mançester, por këtë herë me rivalët e qytetit, pasi në të shkuarën ka qenë pjesë e kampionëve të Sitit. Ky operacion llogaritet për në merkaton e verës, deri atëherë duhet të presim, pasi Sanço është treguar i paparashikueshëm dhe nëse vijon me performancat e e mira, vështirë se kryesuesit e Gjermanisë do ta lënë të ikë kollaj. 18-vjeçari ka dhuruar 9 pasime për gol dhe e ka gjetur rrugën e rrjetës plot 6 herë, në 19 ndeshje, por duhet të theksohet se vetëm 12 prej tyre i ka nisur që nga minuta e parë.

Mbape pa konkurrencë nga moshatarët, vetëm një anglez në “horizont”

Sport Ekspres — Wed, 19 Dec 2018 17:37:59 +0000

Kilian Mbape është vetëm 19 vjeç, por pavarësisht moshës së re, djaloshi nga rrethinat e Parisit ka arritur të jetë një ndër kandidantët për të fituar topin i artë, ku zuri vendin e katërt në renditjen e përgjithshme.

Paraqitjet e lojtarit me fanellën e PSG-së dhe Botërorin “Rusi 2018”, ku ishte një ndër protagonistët e rrugëtimit të Francës drejt titullit kampion, nuk kishin se si të shtoni vlerën e kartonit të lojtarit. Sipas sajtit të njohur “trasnfermarkt”, Mbape është lojtari më i shtrenjtë në planet me një vlerë prej 200 milionë eurosh.

Një tjetër e dhënë interesante që mund të nxjerrim nga lista e përditësuar e “transfermarkt” është se në arenën e futbollit europian nuk ka asnjë lojtar të moshës së Mbapesë, që ka një sukses të ngjashëm. Për të gjetur një lojtar me moshë dhe vlerë të përafërt duhet shkojmë “shfletojmë” disa faqe e të shkojmë deri në vendin e 36-të, që mbahet nga sulmuesi anglez Xhejdon Sanço, që ka qenë një ndër zbulimet e këtij viti në Bundesligë.

Ndërkohë pak vite më të mëdhenj se Mbape janë Markus Rashford dhe Usman Dembele. Koha do ta tregojë nëse ndonjë prej këtyre lojtarëve do të jetë i aftë t’i bëjë konkurrencë francezit, i cili për momentin duket i destinuar për të prekur majat.