Ngjarja në fjalë ka shkaktuar shumë polemika në Gjermani. Shumë ekspertë deklaruan se sistemi “VAR” nuk e bëri punën siç duhet, pasi ndëshkimi i vetëm për Kimish ishte një karton i verdhë.

“Ishte thjesht fat i keq. Unë doja të kapja topin me këmbë dhe Sanço vuri këmbën e tij përpara. Të them të drejtën u mërzita që mora karton të verdhë, s’mund ta imagjinoj pse disa njerëz thonë se duhej të merrja karton të kuq. Kjo do ishte një budallallëk.  Nuk e bëra me dashje”.

Për të llogaritur vlerën e secilit lojtar është përdorur një algoritëm i komplikuar ku janë marrë parasysh golat, asistet, minutat dhe kampionati ku këto talente aktivizohen.

Menjëherë sapo të shikosh renditjen çka bie në sy është fakti që vendi i parë që mbahet nga anglezi Xhejdon Sanço është shumë larg konkurrencës. 19-vjeçari i Dortmundit vlerësohet me një shumë rekord prej 150 milionë eurosh, ndërsa i dyti në listë është mesfushori francez i Arsenalit, Mateo Genduzi, i cili ka një vlerë prej 70 milionë eurosh.

Nuk mund të mungonte Nikolo Zaniolo i Romës në vend të tretë dhe talenti  i Bajer Levekuzen Kai Haverc, ndërsa vend ka dhe për Xhanluichi Donarumën, i cili është ende 20 vjeç. Sigurisht, është e lehtë për t’u harruar se portieri i Milanit ruan kuadratin e “djallit” që prej moshës 16-vjeçare.

                            EMRI                                KLUBI                VLERA NË MILIONA EURO

Sanço me shumë gjasa do të largohet nga Borusia e Dortmundit, pasi me formën që po kalon këtë sezon, vështirë se skuadrat “big” do ta lënë të qetë dhe gati gjysma e Europës synon firmën me 18-vjeçarin e talentuar anglez.

Prandaj drejtuesit e Dortmundit kanë filluar të ndjekin me interes Oniekurun, një emër që mund të quhet i panjohur në futbollin europian. 21-vjeçari është në pronësi te Evertonit. Sezonin e shkuar, ka luajtur i huazuar te Anderlehti, ndërsa këtë sezon, po bën ndeshje të shkëlqyera me skuadrën e Gallatasaj në Turqi.

Mjafton të dalësh në një foto me këngëtarin e njohur kanadez dhe ekipi yt do të humbasë ndeshjen e radhës. Një nga shakatë më virale, që po qarkullon masivisht në rrjetet sociale janë foto të ndryshme që bëjnë futbollistët me reperin e famshëm.

Obamejang ishte i pari që doli në foto me Drake. Të nesërmen, Arsenali u mposht 1-0 nga Evertoni. Më pas ishte radhe e fotos me Sergio Agueron. Pasojat u ndjenë te Mançester Siti, që humbi ndeshjen e parë çerekfinale përballë Totenhemit.

Sanço pati guximin për të bërë foto me këngëtarin dhe Dortmundi u shkatërrua nga Bajerni me rezultatin 5-0. Radhës iu bashku edhe Vilfrid Zaha, sulmuesi i Kristal Palas. Ekipi i tij humbi në shtëpi përballë Sitit të Guardiolës një ditë më vonë.

E fundit është foto me Kurzauën e PSG. Ekipi i Tuhel nuk ka rivalë në Francë, por Drake është ters. PSG jo vetëm që u mposht, por u turpërua nga Lila me rezultatin 5-1.

Klubi i Romës ka përfituar për të bërë pak humor në rrjetet sociale. Italianët kanë dhënë një urdhër të prerë për lojtarët e tyre: askush të mos guxojë të dalë në foto me Drake! Me situatën që është krijuar, jo vetëm lojtarët e Romës, por askush nuk do të bëjë foto me këngëtarin e njohur, të paktën derisa të thyhet “magjia”.

TOPI I ARTË – “Mendoj se fitimi i “Topit të Artë” duhet të jetë objektivi për çdo futbollist. Është normale që dhe unë ëndërroj që një ditë ta fitoj këtë trofe. Të jetë dhe emri im krah Mesit, Ronaldos, Modriç, Ronaldinjos dhe shumë yjeve të tjerë, është një nder i madh”.

ADOLESHENTI MË I MIRË – “Një kënaqësi që mora këtë çmim. Futbolli sot është shumë kompetitiv dhe ka shumë rivalë, por fakti që u vlerësova unë më bën të ndihem krenar. Jam i lumtur, jo për veten, por për faktin se familja ime po e shijon këtë moment, ç’ka i jep dyfish vlera të gjitha arritjeve të mia”, përfundoi Sanço.

Sanço ka bërë një sezon të jashtëzakonshëm në Gjermani. Ai ka bërë paraqitje spektakolare, ku ka regjistruar 8 gola dhe 12 asiste. Një lojtar i kompletuar në të gjitha aspektet. Vendi i dytë shkon për Vinisjus Zhunior, i cili erdhi këtë vit te Reali i Madridit. Braziliani ka zhvilluar një sezon shumë të mirë. Ka spikatur me shpejtësinë dhe aftësitë dribluese. Mbetet për t’u rritur tek finalizimi, pasi nuk ka qartësinë e duhur para porte.

Hudson-Odoi renditet i treti. “Xhevahiri” i Çelsit ka një talent “bio”. Ndryshe nga dy lojtarët më lart, ai nuk ka minutat e tyre në këmbë. Megjithatë, sa herë është futur në fushë e ka treguar veten. Minutat më të shumta i ka gjetur në Europa Ligë, ku ka shwnuar 4 gola me një mesatare 1 gol për ndeshje.

Mesfushori i Mançester Siti, Fill Foden mbyll katërshen e parë. Anglezi ka shprehur shumë qëndrueshmëri dhe Guardiola nuk ngurron aspak t’i lërë vend titullari edhe në ndeshje delikate. Ajo çka vihet re është se tre nga katër më të mirët janë shpallur kampionë Bote me Anglinë në botërorin e U-17 në vitin 2017.

Një tjetër brazilian është në vendin e pestë. Rodrigo, i cili ka spikatur në Brazil dhe pritet t’i bashkohet Realit të Madridit në verë. Alfonso Dejvis, për të cilin Bajerni “doli” nga vetja duke paguar plot 17 milionë sterlina për ta marrë, renditet i gjashti.

Lojtari i shtatë më i mirë luan me Breshian. Sandro Tonali cilësohet si pasardhësi i Andrea Pirlos. Pritet një garë e ashpër për të nga klubet gjigante të Europës. Diego Lainez ka zënë vendin e tetë. Në Meksikë e kanë si “Mesin” e tyre. Luan në La Liga për Betis, që e mori nga Argjentina për 14 milionë euro.

Edhe Juventusi e ka një yll në dhjetëshen e parë. Moise Ken është i nënti. Talent i padiskutueshëm, kujtojmë dy golat e shënuar ndaj Udinezes në Serie A. Dhjetëshja mbyllet me mesfushorin e Çelsit, Ampadu. Luan në të gjitha rolet e mesfushës, çka do të thotë se është një lojtar i gjithanshëm.

Për të ardhmen e lojtarit ka folur së fundmi drejtori sportiv i Dortmundit, Mikael Zork, i cili bëri të qartë se Sanço do të vazhdojë të mbetet pjesë e Borusias të paktën deri vitin tjetër: “Sanço do të jetë pjesë e Dortmundit edhe sezonin tjetër. Ne presim shumë nga ai në të ardhmen. S’na ka shkuar në mendje t’i vendosim një çmim e tij, por mund të them se edhe nëse na kontaktojnë klubet më të mëdha në botë”, tha Zork.

Sanço u ble nga Dortmundi në verën e 2017-ës për 8 milionë euro nga Mançester Siti. Kontrata e 18-vjeçarit me klubin gjerman mbaron në vitin 2022.

Shifrat e anglezit gjatë këtij sezoni janë fantastike: 8 gola dhe 13 asiste në të gjitha kompeticionet me verdhezinjtë, ndërsa janë shtuar klubet pretendente për të.

Mançester Junajtid është klubi më i interesuar për lojtarin ofensiv dhe sipas raportimeve të “The Sun”, drejtuesit e “Djajve të Kuq” i kanë ofruar Dortmundit plot 80 milionë euro për kartonin e lojtarit.

Ofertë tunduese për klubin gjerman, pavarësisht se Sanço është një futbollist fantastik, një nga talentët më premtues të futbollit europian dhe me mundësi të mëdha për t’u përmirësuar akoma dhe më shumë.

Ndeshja e parë zhvillohet nesër në “Wembley” dhe verdhezinjtë janë gati. Ekipi gjerman ka fluturuar sot drejt Londrës, por një episod i pakëndshëm ka ndodhur në aeroport.

Atyre u është dashur të presin, pasi dy lojtarë të ekipit kishin harruar pasaportat e tyre në shtëpi. Xhejdon Sanço dhe Abdu Dialo nuk kishin me vetë sendin më të rëndësishëm, ndërsa anëtarë të stafit të klubit gjerman i kanë shoqëruar ata nëpër shtëpitë e tyre për të mos humbur shumë kohë.

Asgjë serioze, thjeshtë pak humbje kohe për djemtë e Favre, të cilët janë detyruar të presin në aeroport, ndërsa fluturimi i ekipit është shtyrë me 20 minuta. Sulmuesi anglez dhe mbrojtësi francez kanë nxituar për të marrë pasaportat dhe Dortmundi ka fluturuar drejt Anglisë, aty ku nesër do të tentojë të hedhë një hap drejt kualifikimit.

Në moshën 18-vjeçare, talenti i kombëtares angleze ka mbërritur në kuotën e 8 golave në Bundesligë, diçka që nuk e ka bërë asnjë moshatar i tij në historinë e futbollit gjerman.

Shtatë gola Sanço i ka shënuar në sezonin aktual, duke mahnitur Europën, sepse është përfshirë në 20 gola në gjithë sezonin dhe në këtë moment është ndër lojtarët më të çmuar në planet, aq sa Dortmundi zor se e shet për çmim më të ulët se Kilian Mbape apo Nejmar.

Sanço dha edhe një asist në ndeshjen e sotme, ndërsa iu anulua një gol në fillim të sfidës së barazuar 3-3 kundër Hofenhajmit.

8 – @Sanchooo10 from @BVB is the youngest player ever in Bundesliga history to score eight goals. Diamond. #BVBTSG pic.twitter.com/wLGq03T2FO

— OptaFranz (@OptaFranz) February 9, 2019

Në krahun e tij të majtë, sulmuesi ka një tatuazh, ku është e shkruar një poezi për vëllanë e tij të vogël, që është ndarë nga jeta në moshë shumë të re. “Unë e ti jemi gjithmonë bashkë, ke qenë një fëmijë shumë special. Nuk mund të prisja deri sa ti të rriteshe, që të të mësoja futbollin dhe të fitonim Kupën së bashku. Por tani ti ke ikur dhe nuk kam çfarë bëj, por do të dua gjithmonë”, ky është tatuazhi që Sanço mban në krah, që i kujton gjithmonë vëllanë e tij.

Skuadra e drejtuar nga Lysien Favre ka mundur 2-1 Borusian e Mënçengladbahut, në një sfidë me rëndësi të jashtëzakonshme, sepse përballeshin e para me të dytën.

Nëse Dortmundi është në krye, kjo nuk është rastësi, ashtu si nuk është rastësi që kjo skuadër ka sulmin më të mirë në Bundesligë, me 44 gola të shënuar në 17 ndeshje.

U dëmtua që në fillim spanjolli Alkaser dhe u duk goditje e rëndë, por u fut njeriu i ndeshjes, Mario Gëce, i cili për herë të parë që prej vitit 2013 dha dy asiste në një takim.

Fillimisht, në minutën e 42-të heroi i Gjermanisë në Botërorin 2014 dha pasim të bukur për anglezin Sanço, i cili shënoi një gol spektakolar.

?? Jadon Sancho (@Sanchooo10) has just scored his sixth #Bundesliga goal of the season ? #BVB pic.twitter.com/1w6GyfQqOI

— English Players Abroad (@EnglishAbroad1) December 21, 2018

Gladbah barazoi pa kaluar as 4 minuta, sepse në shtesën e pjesës së parë Kramer ekuilibroi gjithçka.

Presioni i Dortmundit u rrit në pjesën e dytë dhe në minutën e 54-t Gëce dha një pasim perfekt për Rojs, i cili nuk mund të gabonte (11 gola e 6 asiste këtë sezon). 2-1 dhe asnjë gol në vazhdim, me të dyja skuadrat që patën shanse, në një ndeshje fantastike.

Tashmë Dortmundi shkon +9 nga Bajerni, që luan nesër në Frankfurt. 42 pikë për “Die Schwarzgelben” në pjesën e parë të sezonit, vetëm një pikë më pak se rekordi i vet, vendosur në sezonin 2010/11. Atë vit Dortmundi fitonte titullin, meqë ra fjala…

What an absolutely beautiful counter. It’s like Hot knife through butter. Marco Reus started the move, and Marco Reus ended it to make it 2-1 to Borussia Dortmund. #BVB #BVBBMG pic.twitter.com/7Qd7VqpeJr

— Snehadri Sarkar (@I_am_Snehadri) December 21, 2018

Paraqitjet e lojtarit me fanellën e PSG-së dhe Botërorin “Rusi 2018”, ku ishte një ndër protagonistët e rrugëtimit të Francës drejt titullit kampion, nuk kishin se si të shtoni vlerën e kartonit të lojtarit. Sipas sajtit të njohur “trasnfermarkt”, Mbape është lojtari më i shtrenjtë në planet me një vlerë prej 200 milionë eurosh.

Një tjetër e dhënë interesante që mund të nxjerrim nga lista e përditësuar e “transfermarkt” është se në arenën e futbollit europian nuk ka asnjë lojtar të moshës së Mbapesë, që ka një sukses të ngjashëm. Për të gjetur një lojtar me moshë dhe vlerë të përafërt duhet shkojmë “shfletojmë” disa faqe e të shkojmë deri në vendin e 36-të, që mbahet nga sulmuesi anglez Xhejdon Sanço, që ka qenë një ndër zbulimet e këtij viti në Bundesligë.

Ndërkohë pak vite më të mëdhenj se Mbape janë Markus Rashford dhe Usman Dembele. Koha do ta tregojë nëse ndonjë prej këtyre lojtarëve do të jetë i aftë t’i bëjë konkurrencë francezit, i cili për momentin duket i destinuar për të prekur majat.

Pa diskutim që meritë për këtë formë të skuadrës ka e gjithë skuadra, por mbi të gjithë nuk ka se si të mos veçohet 18-vjeçari Xheidon Sanço, i cili jo vetëm që gradualisht po fiton një vend titullari tek Dortmundi, por arriti që të debutonte dhe me Kombëtaren angleze.

Sanço ishte protagonist edhe në sfidën ndaj spanjollëve, duke realizuar golin e parë, por dhe duke u bërë pjesë e historisë së Championsit. Ish-lojtari i Mançester Sitit u bë anglezi i dytë më i ri në historinë e Ligës së Kampioneve, që arrin të gjente rrugën e rrjetës.

I vetmi që ka shënuar në një moshë më të re se ai është Aleks Okslejd-Çambërlein, i cili ka shënuar që kur ishte vetëm 18 vjeç e 44 ditë. Sanço ka spikatur më së shumti për faktin se është një nuhatës i mirë për të shërbyer për shokët e skuadrës dhe deri më tani është rekordmen sa i përket asisteve të dhëna, ku deri më tani numëron 8 asiste dhe 3 gola në të gjitha garat me Dortmundin.

Të besuarit e Lusien Favre e nisën jo në mënyrën e duhur takimin, ku e panë veten në disavantazh pas vetëm 9 minutash. Ishte Vaiser, i cili kaloi në avantazh vendasit me një goditje mjaft të bukur me të djathtën. Në minutën e 39-të ishin përsëri “aspirinat” që dyfishuan rezultatin, të cilët shkuan në pushim të qetë dhe në dukje kishin hipotekuar çdo gjë, por Dortmund erdhi më një fytyrë tjetër.

Në pjesën e dytë verdhezinjtë u transformuan tërësisht. U deshën vetëm 4 minuta, që Dortmund të barazonte gjithçka me danezin Larsen dhe Marko Rojs, në minutat 65 dhe 69. Insistimi i Borusias vijoi dhe kur duheshin vetëm 4 minuta nga mbyllja e kohës së rregullt, një këmbëngulje e Hakimit në krah, gjen Alkaser, i cili devijon krosimit e marokenit për të çuar në qiellin e shtatë tifozët verdhezi që kishin udhëtuar drejt Leverkusen. Në minutën e katërt shtesë ishte përsëri spanjolli, që duket i rilindur në Dortmund dhe i jep fitoren e çmendur ekipit të tij 2-4.

Borusia tashmë udhëheq e vetme Bundesligën, ku ngjitet në vendin e parë në kuotën e 14 pikëve, pas gjashtë javëve të luajtura. Diferenca me ndjekësin më të afërt është vetëm një pikë, por Dortmund duket se po rikthehet përsëri të konkurrojë fuqishëm Bajernin e Mynihut.