Sançez, 30-vjeç, përfiton te Junajtid plot 500 mijë paundë në javë dhe është njëkohësisht dhe lojtari më i paguar në Premier Ligë. Transfermarkt e vlerëson Sançezin me 45 milionë euro, pavarësisht se forma e këtij të fundit është për t’u harruar.

Junajtid është gati ta lërë të lirë Sançezin edhe nëse nuk paguhet kjo shumë, vetëm në mënyrë që të heqë nga blloku i shpenzimeve rrogën e tij faraonike. Nëse Interi dhe Junajtid gjejnë gjuhën e përbashkët, do të jetë në dorë të Sançezit nëse do të kryhet transferimi te Interi.

Përballjet ndaj katalansve do të jenë më datë 10 dhe 16 prill. Gjithsesi lajmet e këqija kanë filluar të vijnë për Solskjaer edhe pse më shumë se tri javë larg këtyre sfidave.

Solskjaer do i duhet të bëjë planet për këto dy takime pa lojtarin më të paguar të ekipit, kiliani Aleksis Sançez. Sulmuesi ka pësuar një dëmtim në ligamentet e gjurit, që mendohej se do linte jashtë deri në fund të marsit, por analizat e mëtejshme kanë zbuluar se Sançez mund të humbasë dhe muajin prill.

Gjithsesi alternativat për norvegjezin nuk janë të paktë. Marsial dhe Rashford japin garanci për sulmin, ndërsa në stol janë dhe lojtarë si Lingard ose Huan Mata.

Pikërisht, lidhur me çështjen e fundit, mediat angleze kanë bërë një listë, të lojtarëve, të cilët paguhen më së shumti, bazuar në minutat që luajnë në fushë. Krysuesi i listës, mund të parashikohet nga të gjithë ju, pasi normalisht është Aleksis Sançez, i cili është më i paguari te Mançester Junajtid dhe minutat e tij në fushë janë me pikatore.

Anësori kile ka luajtur 1144 minuta në total, çka do të thotë, se është paguajtur 11013 paundë për minutë, duke u bazuar në pagën javore që Sançez ka, e cila është 350 mijë sterlina. Shifra padyshim stratosferike.

I dyti në listë, padyshim që do të habisë këdo. As më shumë e as më pak, por Kristian Benteke. Sulmuesi belg është paguar plot 8897 paundë për minutë, teksa ka luajtur vetëm 526 minuta me fanellën e Kristal Palas.

Podiumin e mbyll Mesut Ozil, i cili është paguar 8300 paundë për minutë tek Arsenali i tij. Më pas vjen Kevin De Bryjnë dhe pas tij Kante e më pas Shelvi i Njukasëll.

Më pas, në ndeshjen ndaj Liverpulit, u dëmtuan Lingard përsëri, Huan Mata dhe Ander Herrera. Fundjavën që lamë pas, për t’i vënë kapakun momentit të pafat që po kalojnë “djajtë e kuq”, mendoi Aleksis Sançez, i cili la lojën i dëmtuar në minutën e 52-të.

Kur kanë kaluar disa ditë nga episodi, së fundmi është raportuar edhe koha që do t’i duhet kilianit për të marrë veten. Sipas mjekut të kombëtares së Kilit, Sançez do të qëndrojë jashtë fushave për 6-8 javë. Tjetër humbje e madhe për Solskjaer, i cili në prag ka ndeshjen e kthimit ndaj PSG.

Lukaku dhe Sançez, dy yjet e skuadrës, nuk kishin raporte të mira me njëri-tjetrin, por tashmë duken shumë të afërt dhe ndeshja përballë Arsenalit, e tregoi këtë gjë. Ishte pikërisht Lukaku që asistoi golin e sulmuesit kilian, që ndëshkoi ish-skuadrën e tij.

Në mediat britanike është publikuar një video para këtij takimi, ku Lukaku ka thënë në dhomat e zhveshjes së Sançez do të shënojë golin e parë. E pikërisht kështu ndodhi, edhe me ndihmën e vetë Lukakut…

Pavarësisht kësaj, Sançez nuk ka mundur t’u shpëtojë sulmeve nga mediet angleze. Tabloidi britanik “The Sun” nxori në faqe të parë një artikull ku raportohej se kiliani kishte vënë bast me vlerë 20.000 paundë për shkarkimin e Murinjos, me kolegun e tij Markos Roho.

I menjëhershëm ka qenë reagimi i lojtarit, i cili me ka shpërthyer në llogarinë e tij në “Twitter”, ku shkroi: “Kjo është e pavërtetë. Murinjo më dha shansin për të luajtur në klubin më madh në botë. Kam vetëm mirënjohje për të. Jemi një skuadër e bashkuar, jemi Mançester Junajtid. Pres me padurim të ndihmoj skuadrën. Paçi fat nesër, familje!”.

This is FALSE!!!. José gave me the chance to play for the best team in the world and I only have gratitude for him. We are a truly United team. We are MANCHESTER UNITED. Respect. I can’t wait to help the team !. Good luck tomorrow family! pic.twitter.com/9uhXqd5iEU

— Alexis Sánchez (@Alexis_Sanchez) December 21, 2018

Prova për këtë është një bisedë në aplikacionin “WhatsApp”, ku sulmuesi kilian shkruan: A të thashë! Duhet të tregohesh i duruar. Roho më detyrohesh tani 2000 paundë.

Lajmi ka çuditur shumë tifoza të Junajtid, pasi Sançez konsiderohej si një ndër lojtarët e preferuar të Murinjos. Kiliani iu bashkua “djajve të kuq” nga Arsenali gjatë merkatos së janarit në këmbim të armenit Henrik Mkitarjan.

Sançez kryeson listën e pagave të Mançester Junajtid dhe në të gjithë kampionatin anglez, me një kontratë nga e cila përfiton 520 mijë euro në javë ose 27 milionë euro në sezon. Sigurisht, për momentin nuk ka treguar se e meriton këtë gjë.

Thuajse në asnjë moment sulmuesi nuk ka arritur të bëhet protagonist në “Old Traford” dhe duket se drejtuesit e Junajtid janë lodhur tanimë. Mbrëmjen e së martës, 29-vjeçari u la jashtë ekipit nga Zhose Murinjo, duke e krisuar akoma më shumë marrëdhënien mes tij dhe Sançez.
Siç bëhet me dije nga “The Sun”, Aleksis Sançez duket se ka nisur të mendojë largimin dhe i ka treguar miqve të tij të afërt, që mund të transferohet drejt PSG-së. Momentalisht duket vetëm një spekulim, por situata e kilianit në Mançester nuk është aspak e mirë dhe një largim drejt Parisit, ndoshta do të ishte gjëja e duhur.

Në “Old Traford” pasditja nisi e errët që në dhjetë minutat e para. Vetëm kaq iu desh miqve nga Njukasëll për të tundur rrjetën e De Geas dy herë. Kenedi në minutën e shtatë dhe Muto tre minuta më pas i dhanë avantazhin e dyfishtë të besuarve të Rafa Benitez. Një Mançester që në pjesën e parë vijoi të kishte probleme dhe rrezikoi të pësonte dhe golin e tretë.

Gjithsesi “djajtë e kuq” erdhën në pjesën e dytë me një marsh tjetër. Futja e Felainit dhe Sançez në fraksionin e dytë, si dhe aktivizimi i Huan Matas më herët i dhanë një fytyrë tjetër lojës së Junajtid. Ishte pikërisht spanjolli Mata, i cili me anë të një ekzekutimi perfekt të një goditje dënimi shkurtoi diferencën e golave në 1-2. Vetëm gjashtë minuta më vonë, konkretisht në minutën e 76-të, pas një kombinimi të bukur mes Pogba dhe Marsial, ishte ky i fundit i cili shënoi golin e barazimit për Mançesterin.

Të besuarit e Zhose Murinjos provuan deri në fund përmbysjen dhe u shpërblyen në minutën e fundit të kohës së rregullt. Pikërisht i shumëpërfoluri dhe njëkohësisht lojtari më i paguar i ekipit, Aleksis Sançez, shënoi golin e fitores. Pas një krosimi nga e djathta, ishte kiliani që kërceu mbi të gjithë dhe i dha fitoren ekipit të tij.

Bie në sy prezenca e 6 lojtarëve, të cilët janë aktivizuar sezonin e kaluar në Premier Ligë. Një statistikë aspak e mirë kjo për kampionat anglez të futbollit. Bonuçi gjithashtu është pjesë e formacionit, Uesli Shnajder bie në sy po ashtu, apo dhe braziliani Ganso.

Në portë Karius, i cili besoj nuk ka shumë nevojë për koment pas paraqitjes që dhuroi në finalen e Champions. Mbrojtja me 3, teksa janë vendosur Lindelof i Mançester Junajtid, Bonuçi dhe Hauedes, i cili nga ana tij thuajse nuk zhvilloi asnjë ndeshje me fanellën e Juventus.

Mesfusha vijon me Bakajoko dhe Shnajder në qendër. Nga krahët, braziliani Ganso dhe Ozil. Ganso u transferua me bujë nga Brazili, por ka rezultuar një dështim i madh. Madje këtë sezon është transferuar në huazim tek francezët e Amiens nga Sevilja. Ozil padyshim pjesë e këtij formacioni dhe nga paraqitja e dobët në Botëror, por edhe fakti që Arsenal nuk arriti në zonën Champions ndikon.

Në majë të sulmit janë Vieto dhe Ihenaço, të cilët mbështeten nga lojtari që paguhet më shumë tek Mançester Junajtid, pikërisht Aleksis Sançez. Sezon zhgënjyes totalisht për kilianin me fanellën e “djajve”, ku dhe ka që ne muajin mars pa gjetur rrugën e golit.

Për të qetësuar situatën, si dhe për të rritur molarin e skuadrës ka menduar kiliani Aleksis Sançez, i cili shprehet i bindur se skuadra e tij do të arrijë suksese të mëdha këtë sezon dhe se forma e tij do të vijë gjithmonë e në rritje.

“Përshtatja në ekip ishte mjaft e vështirë për mua. Tani mendoj se jam gati të jap më të mirën në fushë. Duhet të mos shpërqendrohemi, pasi kjo skuadër mund të fitojë përballë çdo kundërshtari. Ka ardhur koha që Junajtid të rikthehet të fitojë trofe të rëndësishëm”, tha 29-vjeçari.
.

Një gol i bukur shënuar nga Antoni Marsial në fillim të pjesës së dytë mjaftoi që Zhoze Murinjo të festonte fitoren e katërt rresht në të gjitha kopmpeticionet, pavarësisht se në aspektin e lojës Junajtid nuk shkëlqeu.

Për të shtuar cilësinë do të mendojë Aleksis Sançez, sepse tashmë është zyrtare: kiliani kalon në Mançester, me Arsenalin që do të marrë armenin Henrik Mkitarjan. Sançez do të kryejë vizitat mjekësore sot, para se të firmosë një kontratë 4,5-vjeçare, me 450.000 paund në javë, rreth 21.5 milionë paund në vit, një çmenduri e vërtetë.

Tani vjen lajmi i bujshëm: në garë është futur edhe Mançester Junajtid, që ka vënë në tryezë 25 milionë sterlina për Arsenalin, si dhe një pagë edhe më të lartë se ajo që i ofron Siti Sançezit. Gjithashtu, Junajtid i ofron Arsenalit edhe mundësinë që të blejë mesfushorin Mkitarjan, i cili gjithsesi ka një pagë prej 9.6 milionë sterlinash në vit dhe kjo e step Arsenalin, që preferon brazilianin 20-vjeçar Malkom, nga Bordoja, që kërkon 50 milionë euro për talentin e vet, duke qenë se e ka kartonin në bashkëpronësi me disa agjentë.

Tifozët kilianë në marshim – Teksa Aleksis përballet me jo pak probleme në klubin e tij dhe në kombëtaren e Kilit, një lajm i çuditshëm ka ardhur nga vendlindja e tij. Mediat në Kili kanë bërë me dije se rreth 9 mijë tifozë të Kilit kanë vendosur të protestojnë në Santiago më 5 tetor të këtij viti para se Kili të përballet me Bolivinë. Si për çudi ata kanë vendosur të protestojnë kundër të dashurës së lojtarit! Tifozët e Kilit mendojnë se faji për gjendjen jo të mirë të Aleksis e ka e dashura e tij Majte Rodriguez. Dhe në marshimin që pritet të mbahet më 5 tetor, ata do të kërkojnë ndarjen e çiftit që Sançez të kthehet përsëri i lumtur tek futbolli!

Presidenti i Bajernit, Uli Hënes, kurrë nuk ngurron të flasë për merkaton, edhe kur ajo është ndoshta në ditët më kulminante. Numri 1 i klubit bavarez, në një intervistë të gjerë, ka shprehur mendimet e tij mbi blerjet e reja, ndonjë afrim që mund të kryhet dhe lojtarët e rinj të ekipit. Mes të tjerash, ai ka theksuar se Bajerni kurrë nuk do të paguajë 100 mln euro për një lojtar. Më saktë, kur ky i fundit nuk është ndonjë talent i porsazbuluar.

Sançez – I pyetur për blerjen e mundshme të sulmuesit Aleksis Sançez, Hënes është përgjigjur se problemi është paga. “Rumenige nuk ka ardhur akoma tek unë për të, prandaj duket se kjo nuk është çështje shumë e nxehtë. Nëse që në fillim po flitet për kërkesë page prej mbi 20 milionë eurosh, atëherë po flasim për shifra që ne nuk kemi ndërmend t’i paguajmë dhe ju e dini mirë këtë”.

Blerjet e kryera – “Korentin Toliso më bind. Kam marrë vetëm informacione pozitive për të. Personalisht preferoj që mos blihen vetëm emra të konfirmuar, që kushtojnë 60-70-80 milionë euro dhe mbase janë 27-28-29 vjeç, por edhe të provosh. Blerja e një 22-vjeçari me një reputacion të mirë është një zgjedhje e arsyeshme. Rudi? Mos më pyesni thjesht për faktin që ai u mor me parametra zero. Kjo nuk tregon asgjë. Jemi të bindur se kemi bërë një afrim të madh”, – ka thënë Hënes.

Kosta – I pyetur për shitjen e Doglas Kostës, siç kanë paralajmëruar mediet, presidenti ka bërë një hap pas. “Për sa kohë ai nuk ka firmosur diku tjetër, padiskutim që do të kthehet në stërvitje dhe do të bëhet gati për sezonin e ri. Nëse një ekip vjen dhe ofron shumën që Rumenige do, atëherë po. Kemi paguar shumë para dhe ka ardhur koha të fitojmë më shumë”.

Të rinjtë – Në fund, Hënes ka folur edhe për të rinjtë. “Renato Sançes qëndron. Unë jam i mendimit që të provojmë edhe një vit me të. Nuk besoj se ndodh gjë e madhe nëse tentojmë edhe një sezon me të. Vitin e shkuar kishte Europianin pas shpinës, kishte probleme fizike. Kimish? Ai është shembulli i përkryer i durimit për të rinjtë. Jam shumë i lumtur që Ançeloti tha se e planifikon si mbrojtës të djathtë. Me këtë besim ai vajti dhe në Kupën e Konfederatave dhe rezultatin e pamë të gjithë. Koman? Pa merak, nuk do e lëmë vetëm në këtë situatë. Ai do të guxojë”.

Ndërkaq, ka edhe kampionate si ai gjerman, që po arrin të ruajë një baraspeshë mes shpenzimeve të çmendura dhe arkëtimeve, aq sa Bajerni i Mynihut prej vitesh krenohet me fitimet kolosale dhe faktin që nuk futet kurrë në garë me Realin, Mançester Sitin apo klube të tjerë, që vendosin rekorde blerjesh e pagash.

Megjithatë, ndoshta këtë verë bavarezët mund të prishin rregullin e trumbetuar prej tyre, sepse “kicker” shkruan sot se Aleksis Sançez kërkohet me çdo kusht dhe Bajerni është gati të bëjë nj çmenduri.

Plot 25 milionë euro (bruto) në vit i ofrohen kilianit të Arsenalit, që do të thotë më shumë se 12 milionë euro në sezon, shifër e jashtëzakonshme për futbollin gjerman. Sa për krahasim, yjet Levandovski, Riberi e Roben marrin diku te 7-8 milionë euro neto në vit, 15-16 milionë bruto.

Sançez është një futbollist që Karlo Ançeloti e kërkon me çdo kusht te Bajerni, sepse di të luajë në shumë role, si sulmues i parë, si sulmues i dytë, si anësor dhe në rast nevoje si mesfushor, përveçse vrapon pa fund dhe ndihmon edhe në fazën mbrojtëse.

Arsenali ka deklaruar ditët e fundit se kiliani nuk është në shitje, por ka një problem: Sançez del me parametër zero në verën e vitit 2018 dhe nëse nuk rinovon deri në gusht, nuk ka shans që Arsenali ka mbajë me “dhunë” një vit dhe pastaj ta lëshojë falas.

Pikërisht këtu futet në skenë Bajerni: kontratë “përbindëshe” për Sançezin, me kushtin që ai të mos rinovojë dhe t’ia bëjë të qartë Arsenalit që dëshiron vetëm Bajernin. Nëse kjo ndodh, Arsenali vihet mes dy zjarreve dhe detyrimisht do ta shesë sulmuesin për çmimin që dëshiron Bajerni, pra jo më shumë se 40-50 milionë euro, edhe pse klubi londinez deklaron se nuk e shet as për 80 milionë.

Sido që të jetë, Sançez është i destinuar të shkojë te Bajerni, që do të vendosë një rekord të ri, sepse deri tani dy blerjet më të shtrenjta në historinë e futbollit gjerman janë Havi Martinez (40 milionë euro) dhe Arturo Vidal (37). Ndërkaq, 7 operacionet më të shtrenjtë në historinë e futbollit gjerman janë të gjitha shitje: De Brujne për 74 milionë te Mançester Siti dhe më i fundit, Draksler te PSG për 40 milionë.

Në Gjermani e kanë kuptuar: nëse nuk shpenzojnë sa klubet e elitës, do të mbeten pas në garë për trofetë madhorë. Jo më kot, dje Dortmundi i pagoi 20 milionë euro Frajburgut për mesfushorin Maksimilian Filip, aq sa edhe ky vetë deklaroi: “Më paguan më tepër nga sa e meritoj”.

Ecuria

Duhet pranuar se Kosta pati luajtur mirë në gjashtë muajt e parë të sezonit 2015-2016, i pari për të si bavarez, por më pas gjithçka ndryshoi. Gjendja e tij u përkeqësua sivjet, me trajnerin Karlo Ançeloti i cili i dha më pak hapësira. Sançes, ndërkohë, i blerë vjet me shumë bujë nga Benfika, nuk e ka justifikuar investimin e drejtuesve të Bajernit. Ai ka luajtur pak dhe ka shfaqur mangësi në aspektin fizik dhe atë taktik. Kështu, mund të thuhet se të dy tashmë do të largohen nga Mynihu, por duhet pritur se në çfarë skuadrash do të përfundojnë.

Opsionet

Shitja e Sançesit nuk pritet të jetë problem te Bajerni. Bavarezët kanë katër emra për ta zëvendësuar atë, Leon Gorecka, Rabiot, Marko Verrati dhe Luka Modriç. Ndërkohë, shitja e Kostës me siguri do të jetë “sakrifikimi” për blerjen e Aleksis Sançezit, i cili pritet t’i kushtojë jashtëzakonisht shumë Bajernit, edhe pse ka vetëm një vit kontratë me Arsenalin.