Sançes kërkon largimin: Nuk mjaftohem me pesë minuta

Sport Ekspres — Mon, 22 Apr 2019 19:58:24 +0000

Renato Sançes vazhdon të mbetet një problem që kërkon zgjidhje. Mesfushori portugez u mbështet fillimisht nga Niko Kovaç, por me kalimin e muajve aktivizimet e 21-vjeçarit filluan të rralloheshin.

Në një intervistë për “Bild”, portugezi flet hapur, teksa thotë: Në verë do të shohim nëse mund të arrijmë një marrëveshje për huazimin tim, nuk jam ndër ato lojtarë që mjaftohen me vetëm pesë minuta.

Sançez u ble nga Bajerni për 35 milionë euro në verën e 2016-ës, asokohe ishte vetëm 18 vjeç dhe kishte qenë një ndër lojtarët kyç të Benfikës dhe kombëtares portugeze që u shpall kampione e Europës. Fill pas kalimit te Bajerni, forma e mesfushorit pësoi një rënie të frikshme.

Po vjen Botërori dhe Sançes është në dilemë

Sport Ekspres — Sat, 26 Aug 2017 09:46:56 +0000

Sipas gazetës së Mynihut, “TZ”, e vetmja çështje e mbetur për t’i dhënë një përgjigje për sa i përket merkatos së Bajernit tani është huazimi (ose jo) i mesfushorit 20-vjeçar Renato Sançes.

Portugezi ka fituar sfidën e tij të parë në këtë fillim sezoni, duke bërë që Karl-Hainc Rumenige të mos pranojë asnjë ofertë për shitjen e tij, ndryshe nga sa mund të ketë menduar më parë. Shohim se cila do jetë sfida e tij e radhës, lufta për një vend në mesfushën bavareze apo grumbullimi i minutave të vazhdueshme në një ekip tjetër përgjatë këtij sezoni.

Trajneri Karlo Ançeloti ia la derën hapur për largim me ato që tha në konferencë, por ndoshta djaloshi do të rrezikojë, edhe pse po vjen Kampionati Botëror.