Kërkesa e bërë nga ekipi Italian, ka marrë përgjigjen pozitive të dy ekipeve milaneze, Inter dhe Milan. Kërkesa është zyrtarizuar më pas nga aprovimi i kryetarit të bashkisë.  Atalanta ishte padyshim surpriza e vitit në Seria A, duke realizuar një sezon perfekt.

Bergamaskët arritën të siguronin vendin e tretë në kampionatin italian, njëkohësisht edhe kualifikimin për herë të parë ne një kompeticion si “Champions League’’. Jashtë mbetet Milani, që ironikisht do të shohë Atalantën të luajë në shtëpinë e tyre.

E përditshmja sportive “Corriere dello Sport”, ka zbuluar se struktura e katit të tretë të stadiumit ka pësuar lëkundje që shkojnë deri në pesë centimetra. Kjo gjë ka vënë në alarm bashkinë e Milanos që ka grumbulluar një grup ekspertësh për të analizuar këtë fenomen.

Sipas raportit të hartuar nga komisioni i ekspertëve, kati i tretë i strukturës së stadiumit fillon të dridhet e të lëkundet në frekuenca të caktuara.

Kati i tretë të “San Siros” u ndërtua në fund të vitete 80-të në mënyrë që kapaciteti i stadiumit të shkonte në 85000 vende, investim ky që u krye me anë të fondeve të shtetit italian në kuadër të Botërorit të 1990-ës.

Disa fansa e pritën krahëhapur, duke shpalosur një banderolë me mbishkrimin “Mirëse u ktheve kapiten”. Megjithatë, polemikat e muajve të fundit kanë ndarë në dy kampe tifozerinë zikaltër dhe kjo u bë e qartë me kalimin  e minutave në takimin ndaj Atalantës.

Gjatë momentit të leximit të emrit të Ikardit nga folësi i stadiumit nuk munguan vërshëllimat nga mijëra tifozë, ndërsa më pas situata e përkeqësua, teksa një pjesë e ultrasve filloi të bërtiste në kor: Mercenar! Ky kor solli reagimin e disa tifozëve të tjerë në tribunën “Curva Nord”, që filluan të vërshëllenin korin ofendues.

Ky është një ndryshim i rëndësishëm, pasi më parë të dy klubet kishin rënë dakord  për të ndarë kostot e rinovimit total të San Siros, plan ky që mbështetej fuqimisht nga Interi, por mesa duket drejtuesit e zikaltërve kanë ndërruar ide.

Projekti i stadiumit të ri do të jetë i bazuar në stadiumin amerikan “MetLife Arena”, ndërsa kosto pritet t’i kalojë 600 milionë euro. Për të mbuluar një pjesë të shpenzimeve, klubet kanë rënë dakord që të shesin të drejtat e emrit të stadiumit si rasti i Arsenalit në Angli. Nga kjo marrëveshje e sponsorizimi, pritet që klubet të përfitojnë të paktën 25 milionë euro në sezon.

Projekti i përbashkët është drejt përfundimit dhe kanë mbetur për t’u përcaktuar vetëm disa detaje të vogla, për t’ia paraqitur më pas komunës së Milanos. Kreu i kuqezinjve thekson se është më e lehtë ndërtimi i një stadiumi të ri, sesa rikonstruktimi i “San Siros”.

Nga ana tjetër, drejtuesi i zikaltërve tregon se kapaciteti i stadiumit do të reduktohet në 60 mijë spektatorë dhe do të tentohet përmirësimi i kushteve dhe shërbimeve për tifozët e pranishëm.

SKARONI – “Interi dhe Milani nuk i kanë paraqitur akoma projektin komunës së Milanos, por ka një projekt për të cilin po presim. Nuk bëhet fjalë vetëm për stadiumin e ri. Po marrim në konsideratë rikonstruktimin e ‘San Siros’ dhe prishjen e tij. Të dy opsionet kanë të mirat dhe defektet e veta. Ndoshta është më i lehtë ndërtimi i një stadiumi të ri se rikonstruktimi i ‘San Siros’. Jam i bindur që do të kemi stadiumin më të mirë në botë.”

ANTONELO – “Vëllezërit Barela janë sinonimi i cilësisë, traditës italiane dhe inovacionit. Jam i lumtur me partneritetin tresh, ku përfshihet dhe klubi i Milanit. Kjo tregon dëshirën për të bërë një projekt konkret dhe për të eksportuar cilësinë tonë nëpër botë. Jemi të kënaqur me këtë akord dhe fakti i prezencës së amerikanëve dhe kinezëve është një tjetër element shumë i rëndësishëm. Ka vite që përpiqemi bashkë me Milanin për të rinovuar ‘San Siron’. Milano e meriton një stadium modern. Projekti është ambicioz. Shpresojmë që projekti të aprovohet shumë shpejt dhe të nisim të shkruajmë një histori të re së bashku. Stadiumi mund të ketë një kapacitet më të vogël, duke parë që mesatarja e tifozëve tanë dhe të Milanit shkon në 60 mijë tifozë për ndeshje. Rëndësi ka dhe shërbimi ndaj tifozëve gjatë ndeshjes. Jemi shembull i vetëm në Europë ku dy klube të mëdha menaxhojnë një stadium. Klubet kanë treguar prej vitesh që dinë të bashkëpunojnë me njëri-tjetrin. Kanë mbetur vetëm disa detaje për t’i shtuar projektit dhe më pas do ia kalojmë atë komunës së Milanos.”

Pikërisht Kristiano Ronaldo, do të zbresë në “San Siro” sot për të gjashtën herë në karrierën e tij. Në pesë sfidat e kaluara, portugezi nuk ka arritur të tundë rrjetën dhe Milano duket se është kthyer në një makth për sulmuesin. Më parë 33-vjeçari e ka vizituar “San Siron”, dy herë me fanellën e Junajtid dhe tre herë me Realin.

Në kohën që luante me Mançesterin, portugezi ka pësuar dy disfata, të dyja ndaj Milanit. Në vitin 2005, humbiste 1-0 ndaj kuqezinjve, ndërsa dy vite më vonë e pa veten jashtë Championsit, pas humbjes 3-0, ku më pas Milani dhe fitoi kompeticionin. U rikthye përsëri, tashmë me fanellën e Realit, por përsëri pa sukses, teksa madrilenët barazuan 2-2 ndaj kuqezinjve në vitin 2010, por Kristiano nuk la përsëri gjurmë.

Gjithsesi, Ronaldo e ruan një kujtim të bukur nga stadiumi mitik. Finalja e Championsit e vitit 2016. Pavarësisht se në atë ndeshje 33-vjeçari nuk arriti të shënonte, arriti që të ngrinte trofeun në fund. Penalltia deçizive dhe e fundit u shënua nga ai, për t’i hapur rrugë festës së Realit. Ndoshta mbrëmjen e sotme portugezi mund të thyejë një tabu.

Tifozët e Interit kanë shpalosur një gjarpër gjigant. Nën koreografinë perfekte shkruhej “Simboli i milanezëve”. Si gjithnjë magjia e kësaj sfide nis që nga shkallët e stadiumit.

Tifozët kuqezinj duket se e kishin zbuluar që më parë koreografinë e kushërinjve të qytetit dhe kishin përgatitur dhe përgjigjen. Diçka që djeg, pasi ata që janë tifozë e dinë se çdo të thotë që të zbulojnë koreografinë.

Plot 60000 tifozë do ndjekin ndeshjen midis Interit dhe klubit “granata”. Shifër kjo rekord për këtë sezon të Seria A. Përveç 37000 abonentëve sezonalë (më e larta në Itali), në biletaritë online dhe ato fizike janë shitur 23000 bileta dhe ky numër pritet të rritet.

Kjo mbështetje kaq e madhe duhet të shoqërohet me një performancë bindëse nga ane e djemve të Spaletit. Por ndaj Torinos nuk do të jetë dhe aq e thjeshtë. Në ndeshjen ndaj Romës, ekipi i Mazarrit dha një paraqitje mjaft të mirë, dhe vetëm “perla” e Edin Xhekos në limite ia mohoi barazimin.

Në një njoftim për shtyp thuhet se restaurimi do të përfshijë rinovimin vjetor të fushës,ndërhyrje në përmirësimin e ndriçimit në hyrje, ndërtimin e zyrave qëndrore te Policisë Operative, hidroizolimin dhe restaurimin e sistemit elektrik të katit të tribunave. Gjithashtu, tribunat dhe ajo VIP do të modernizohen. Një dhomë muzeale, shtimi i hapësirave tregtare, një zonë e re për mediat dhe një e re ekzekutive do të jenë pjesë e planit rregullues të stadiumit.

Këshilltarja e Sportit të Bashkisë së Milanos, Roberta Xhuaineri, falënderoi të dy klubet, Inter e Milan, për bashkëpunimin në restaurimin e stadiumit të qytetit dhe për ndihmesën në zhvillimin e emrit të tij.Stadiumi i Milanos është një pjesë e rëndësishme historike, jo vetëm për qytetin, por për të gjithë Italinë.