San Paolo

30 vite në harresë, stadiumi i Napolit ndryshon ngjyrë

Sport Ekspres — Wed, 05 Jun 2019 16:28:35 +0000

Pas gati 30 vitesh, stadiumi i skuadrës së Napolit “San Paolo” ka pësuar një transformim total. Bëhet fjalë për rinovim të stolave. Ndenjëset e kuqe që kemi parë për vite me radhë janë hequr dhe vendin e tyre e kanë marrë stola të rinj modern me ngjyrat karakteristike të Napolit, blu dhe të bardhë.

Gjithsesi ky rinovim nuk mjafton për të plotësuar kriteret e UEFA-s dhe Napoli do të vazhdojë të luajë ndeshjet e Champions League në stadiumin e Bolonjës. Presidenti Aurelio De Laurentis u shpreh se stadiumi ka nevojë për ndërhyrje në strukturë diçka kjo që s’mund të kryhet pa bashkëpunimin me bashkinë e Napolit, institucion ky që nuk gëzon marrëdhënie të mira me numrin një të klubit napolitan.

Turpi i futbollit italian, në Champions pa stadium

Sport Ekspres — Wed, 08 May 2019 14:57:53 +0000

UEFA i ka dhënë fund praktikës së bërjes së një “syri qorr” ndaj stadiumit të Napolit “San Paolo”.

Shtëpia e klubit napolitan ndodhet prej vitesh në një gjendje të mjerueshme dhe ç’është më e keqja bashkia e qytetit dhe presidenti De Laurentis e kanë më shumë mendje te replikat e pafundme se sa te gjetja e një gjuhe të përbashkët për t’i dhënë zgjidhje këtij probleme.

Duke filluar nga sezoni i ardhshëm qyteti i Napolit nuk do të përjetojë më netë Champions-i. Çdo tifoz që dëshiron të ndjekë skuadrën e tij të zemrës teksa ndeshjet në arenën evropiane, duhet t’i hipë makinës e të udhëtojë 500 kilometra në veri.

Shtëpia e re e Napolit për ndeshjet e Champions League do të jetë stadiumi i qytetit të Bolonjës “Renato Dall’Ara”, edhe ky një impiant që mezi i plotëson kriteret e vendosura nga UEFA.

Jo vetëm lajme të këqija për Napolin, Bashkia kujtohet për stadiumin

Sport Ekspres — Fri, 14 Dec 2018 09:30:14 +0000

Këshilli komunal i Napolit ka aprovuar dje fondet për rinovimin e stolave të stadiumit “San Paolo”. Do të jenë gjithsej 50000 stola të rinj, që do të vendosen në shkallët e arenës ku luajnë nënkampionët e kampionatit italian.

Gjatë viteve të fundit stadiumi “San Paolo” ka përfunduar në një gjendje skandaloze. E gjitha kjo për shkak të konflikteve mes presidentit De Laurentis dhe kryetarit të Bashkisë së Napolit. Ky i fundit nuk ka pranuar kërkesën e De Laurentis për dhurimin e një parcele toke, ku producenti dëshiron të hedhë themelet e stadiumit të ri të Napolit.

Dizajni i stolave të rinj

Refuzimi i kërkesës bëri që De Laurentis të mos merrem më me mirëmbajtje e stadiumit, diçka që sipas kontratës i takon bashkisë si pronare e godinës. Pas vitesh “harresë”, shkallët e “San Paolo”-s do të marrin një pamje tjetër. Stolat e kuq do të jenë një pjesë e së shkuarës, pasi në vend të tyre do të vendosen stola ngjyrë të kaltërt. Ky rinovim do t’i kushtojë bashkisë 14 milionë euro.

Uria e tifozëve bëhet problem te Napoli, De Laurentis gjen një zgjidhje të çuditshme

Sport Ekspres — Wed, 28 Nov 2018 17:39:32 +0000

Stadiumi i Napolit “San Paolo”, lë shumë për të dëshiruar përsa i përket infrastrukturës. Vitet kanë bërë të vetën dhe tani “shtëpia” e skuadrës së nënkampionëve të Italisë është në një turp për të gjithë qytetin.

Një ndër problemet më të mëdha të stadiumit është fakti se në të nuk ka restorante ose kioska që shpërndajnë ushqime, si në çdo stadium elitar në Europë. Pas vitesh të tëra vuajtje presidenti Aurelio De Laurentis mendoi një zgjidhje të rastit.

Picerie e lëvizshme

Një piceri e lëvizhme, ose më saktë një furrë e lëvizshme e vendosur mbi një mjet tregomësh, po qarkullon gjatë javëve të fundit në stadiumin “San Paolo”. Tifozët e kanë mirëpritur këtë risi dhe këtë e mbështesin 300 picat e blera gjatë pushimit të pjesës në ndeshjen Napoli – PSG.