San Antonio Spurs

VIDEO | “Bisha” Jokiç kualifikon Nuggets, Leonard udhëheq Raptors

Sport Ekspres — Sun, 28 Apr 2019 08:03:00 +0000

Denver Nuggets është skuadra e fundit që siguron kalimin në gjysmëfinale të Konferencës së Perëndimit dhe në këtë fazë do të përballet me Portland Trail Blazer. Nuggets mposhtën në ndeshjen e shtatë të serie play-off San Antonio Spurs me rezultatin e ngushtë 90-86. Ndeshja nisi mirë për ta, teksa në dy periodat e para realizuan 13 pikë më shumë. Spurs u munduan të reagojnë dhe e bënë diçka të tillë, por pa mundur të përmbysin rezultatin.

Nikola Jokiç ishte njeriu i ndeshjes, teksa regjistroi “triple-double”: 21 pikë, 10 asiste, 15 rebound. Serbi ia del për të dytën herë në play-off dhe i bashkohet LeBron James dhe Magic Johnson, të cilët ishin të vetmit basketbollistë që kishin regjistruar triple-double më shumë se një herë në sezonin e tyre të parë në këtë fazë. Jokiç pati një ndihmë të madhe edhe nga Jamal Murray, autor i 23 pikëve.

#MileHighBasketball @BeMore27 scores 23 PTS and comes up clutch in the @nuggets Game 7 victory! #NBAPlayoffs

POR/DEN Game 1: Monday (4/29), 10:30pm/et, TNT pic.twitter.com/GOABvCgPIO

— NBA (@NBA) April 28, 2019

Ndërkohë është zhvilluar edhe ndeshja e parë e gjysmëfinales së Lindjes dhe Toronto Raptors ka mposhtur Philadelphia 76ers me shifrat 108-95. Kanadezët ishin më lart në të gjitha periodat dhe normalisht që edhe fitorja nuk u diskutua. Mbrëmja ishte e gjitha për Kawhi Leonard: 45 pikë, 2 asiste dhe 11 rebounde. Ylli i Raptors bëhet i gjashti lojtar në NBA, i cili shënon 45 pikë, 10+ rebounde dhe realizon tre trepikësha në fazën play-off. Më parë e kanë bërë diçka të tillë vetëm Charles Barkley, LeBron James, Paul Millsap, Russell Westbrook dhe Dirk Nowitzki.

NBA | Play-off
Denver Nuggets-San Antonio Spurs 90-86 (4-3)
Toronto Raptors-Philadelphia 76ers 108-95 (1-0)

?? @kawhileonard propels the @Raptors in Game 1 with a #NBAPlayoffs career-high 45 PTS! #WeTheNorth

Game 2: Monday (4/29), 8pm/et, TNT pic.twitter.com/C2Vn2cATmJ

— NBA (@NBA) April 28, 2019

VIDEO | Rekordmeni Jokiç nuk mjafton, Spurs vendosin baraspeshën

Sport Ekspres — Fri, 26 Apr 2019 07:00:27 +0000

San Antonio Spurs-Denver Nuggets ishte një nga çiftet më interesante në serie Play-off në NBA dhe përballjet mes tyre po prodhojnë goxha emocione. Skuadra që kalon në gjysmëfinale të Konferencës së Perëndimit do të përcaktohet pas ndeshjes së shtatë, pasi teksanët kanë fituar përballjen e sotme dhe gjithçka është barazuar 3-3.

Nikola Jokic scores a @nuggets #NBAPlayoffs franchise-record 43 PTS, to go along with 12 REB, 9 AST in Game 6! #MileHighBasketball

Game 7: Saturday (4/27), 10pm/et, TNT pic.twitter.com/Y9eOhlBEvD

— NBA (@NBA) April 26, 2019

Spurs triumfuan 120-103. Nisja ishte e mirë, pasi shënuan 10 pikë më shumë (34-24). Nuggets reaguan dhe e ngushtuan diferencën në periodën e dytë. Dy periodat e tjera folën për Spurs, që shënuan më shumë pikë dhe në fund fituan. Tashmë të dyja skuadrat do japin gjithçka në ndeshjen e fundit.

LaMarcus Aldridge (26 pikë, 5 asiste, 10 rebounde) dhe DeMar DeRozan (25 pikë, 7 asiste, 7 rebounde) ishin ata që udhëhoqën skuadrën e tyre drejt triumfit. Një dorë e dhanë edhe shokët e tjerë të skuadrës, ku mes tyre spikati Rudy Gay (19 pikë, 2 asiste, 4 rebounde). Nikola Jokiç ishte ai që shkëlqeu dhe shifrat flasin vetë: 43 pikë, 9 asiste, 12 rebounde. Pavarësisht ndeshjes së mirë të serbit, Nuggets u mposhtën.

Nikola Jokic becomes the 4th player in #NBAPlayoffs history to record a stat line of 43+ PTS, 12+ REB, 9+ AST, joining Charles Barkley, Magic Johnson, and Oscar Robertson. pic.twitter.com/4uNvTgassb

— NBA.com/Stats (@nbastats) April 26, 2019

Nikola Jokiç bëhet lojtari i katërt në historinë e NBA, që regjistron në Play-off një linjë të tillë statistikash: 43+ pikë, 12+ rebounde dhe 9+ asiste. Serbi i bashkohet Charles Barkley, Magic Johnson dhe Oscar Robertson. Gjithashtu bëhet edhe lojtari me më shumë pikë në historinë e Denver Nuggets në fazën Play-off.

NBA | Serie Play-Off (Raundi i parë)
San Antonio Spurs-Denver Nuggets 120-103 (3-3)

VIDEO | Warriors dominues, 76ers dhe Spurs përmbysin

Sport Ekspres — Fri, 19 Apr 2019 07:30:35 +0000

Golden State Warriors ka rimarrë kryesimin në serinë e ndeshjeve “play-off”, pasi ka fituar 105-132 ndeshjen e tretë kundër Los Angeles Clippers. Një ndeshje e kontrolluar nga kampionët në fuqi, të cilët arritën ta mbyllnin periodën e parë 24-41. Diferencë e madhe, që u thellua edhe në periodën e dytë (+4) dhe të tretë (+12). Në fund Warriors “lëshuan” pak, por vetëm një mrekulli mund të ndryshonte fatet e ndeshjes. Stephen Curry (21 pikë) i lëshoi stafetën Kevin Durant, i cili ishte më i miri në parket për të dyja skuadrat. 38 pikët e shënuara, 7 asistet dhe 4 rikuperimet janë ato që flasin vetë për paraqitjen e basketbollistit të Warriors.

? @KDTrey5 scores 38 PTS in 29 minutes of game action, as the @warriors top LAC on the road in Game 3! #StrengthInNumbers #NBAPlayoffs

Game 4: Sunday (4/21), 3:30pm/et, ABC pic.twitter.com/VuC9ONdWV9

— NBA (@NBA) April 19, 2019

San Antonio Spurs ka mposhtur Denver Nuggets me rezultatin 118-108 dhe tashmë kryeson 2-1 serinë e ndeshje “play-off”. Një ndeshje deri diku e barabartë, por teksanët ishin disi më lart dhe arritën të triumfuan. Ishin disa basketbollistët që spikatën, duke nisur me Derrick White (36 pikë, 5 asiste, 5 rikuperime). DeMar DeRozan shënoi 25 pikë, kurse LaMarcus Aldridge 18. Ky i fundit rikuperoi edhe 11 topa e shërbeu pesë herë për shokët e skuadrës.

? @Dwhite921’s #NBAPlayoffs career-high 36 PTS guides the @spurs to the Game 3 win! #GoSpursGo

Game 4: Saturday (4/20), 5:30pm/et, TNT pic.twitter.com/HaNpim1nQF

— NBA (@NBA) April 19, 2019

D’Angelo Russell dhe Caris LeVert shënuan nga 26 pikë, por Brooklyn Nets u mposht dhe tashmë kryesimin e ka marrë Philadelphia 76ers. Një takim i mbyllur me rezultatin 115-131, me miqtë që e nisën mirë ndeshjen dhe e mbyllën mirë. JJ Redick shënoi 26 pikë, kurse Tobias Harris veç 29 pikë rikuperoi 16 topa dhe asistoi tre herë.

? @tobias31 puts up a #NBAPlayoffs career-high 29 PTS (6-6 3PM), 16 REB in the @sixers W at Barclays Center! #PhilaUnite

Game 4: Saturday (4/20), 3pm/et, TNT pic.twitter.com/gMI0X4cwnV

— NBA (@NBA) April 19, 2019

Ndeshje super për të, por ishte Ben Simmons (31 pikë, 9 asiste, 4 rikuperime) ai që mori skenën. Ai u bë i pari basketbollist i 76ers që shënon më shumë se 30 pikë dhe 9+ asiste në fazën “play-off”, që kur Iverson shënonte 37 pikë e jepte 15 asiste në ndeshjen kundër Detroit Pistons në prill të vitit 2005.

Brooklyn Nets-Philadelphia 76ers 115-131 (1-2)
San Antonio Spurs-Denver Nuggets 118-108 (2-1)
Los Angeles Clippers-Golden State Warriors 105-132 (1-2)

Ben Simmons (31 PTS, 9 AST) is the first @sixers player to tally 30+ points and 9+ assists in the #NBAPlayoffs since Allen Iverson (4/29/2005 vs. Detroit – 37 PTS, 15 AST). pic.twitter.com/HGgTRxCLjy

— NBA.com/Stats (@nbastats) April 19, 2019

VIDEO | NBA: Warriors fluturojnë me Curry, befasohen Raptors

Sport Ekspres — Sun, 14 Apr 2019 08:02:19 +0000

Golden State Warriors e nisin mbarë pjesën më të bukur të garës në NBA. Tashmë po zhvillohet faza “Play-off” dhe kampionët në fuqi e kanë kaluar me sukses përballjen e parë me Los Angeles Clippers. Takimi përfundoi 121-104, me Warriors që ishin dominues dhe në tre periodat e para realizuan 19 pikë më shumë se kundërshtari. Clippers e kishin të pamundur ta përmbysnin ndeshjen. Stephen Curry ishte ai që shkëlqeu, duke realizuar 38 pikë. Gjithashtu ai dha edhe 8 asiste dhe rikuperoi 15 topa. Sigurisht kishte në krah edhe Kevin Durant, autor i 23 pikëve. Marshimi drejt titullit kampion ka rinisur.

Toronto Raptors është befasuar nga Orlando Magic me rezultatin 101-104. Kanadezët e nisën mirë, pasi perioda e parë u mbyll 30-25. Miqtë reaguan dhe arritën të shënojnë 13 pikë më shumë periodën e dytë dhe e përmbysën takimin. Gjithsesi, Raptors u ringritën edhe një herë dhe para nisjes së periodës së katërt kishin një pikë më shumë se Magic, që në fund arritën të triumfonin. D. J. Augustin spikati me 25 pikë, por ishin edhe 6 basketbollistë të tjerë që shënuan mbi 10 pikë. Kawhi Leonard (25 pikë) dhe Pascal Siacam (24 pikë) nuk i mjaftuan Raptors.

San Antonio Spurs e ka nisur me këmbë të mbarë, duke mundur një kundërshtar si Denver Nuggets me shifrat 96-101. Një ndeshje e barabartë deri diku, por me teksanët që arritën të krijonin gradualisht diferencën që në fund i dha fitoren. Një paraqitje e mirë në grup dhe e thonë shifrat këtë: DeMar DeRozan 18 pikë, Derrick White 16, LaMarcus Aldridge dhe Bryn Forbes nga 15 pikë, kurse Rudy Gay 14.

D’Angelo Russell (26 pikë) dhe Caris LeVert (23 pikë) udhëhoqën Brooklyn Nets në fitoren 102-111 kundër Philadelphia 76ers. Nëntë pikë diferencë, të krijuara që në periodën e parë dhe Nets e nisin mbarë fazën “Play-off”. Jimmy Butler shënoi 36 pikë, ndërkohë që edhe Joel Embiid (22, 4, 15) bëri një paraqitje të mirë. Gjithsesi mbështetja e skuadrës nuk ishte e mjaftueshme për të fituar ndaj Brooklyn Nets.

NBA | FAZA PLAY-OFF
Philadelphia 76ers-Brooklyn Nets 102-111 (0-1)
Toronto Raptors-Orlando Magic 101-104 (0-1)
Golden State Warriors-Los Angeles Clippers 121-104 (1-0)
Denver Nuggets-San Antonio Spurs 96-101 (0-1)

Raptors e Bucks nuk ndalen, feston San Antonio Spurs

Sport Ekspres — Fri, 29 Mar 2019 08:32:08 +0000

Giannis Antetokounmpo (34 pikë, 5 asiste, 9 rikuperime) dhe Khris Middleton (39 pikë, 5 asiste, 9 rikuperime) sihin të papërmbajtshëm në fitoren që Milwaukee Bucks mori kundër Los Angeles Clippers me rezultatin 128-118. Bucks i mbyllën llogaritë në tre periodat e para, teksa shënuan 23 pikë më shumë se kundërshtari dhe në fund regjistruan fitoren e 57-sezonale.

Toronto Raptors ka bërë detyrën, duke fituar 92-117 ndaj Neë York Knicks. Pascal Siakam ishte ai që spikati me 31 pikë të realizuara. Feston San Antonio Spurs, që ka likuiduar Cleveland Cavaliers 116-110 dhe ka siguruar pjesëmarrjen në fazën “play-off”. DeMar DeRozan shënoi 25 pikë dhe udhëhoqi teksanët drejt triumfit.

Houston Rockets-Denver Nuggets ishte një nga përballjet interesante të mbrëmjes. James Harden shënoi 38 pikë dhe skuadra e tij fitoi 112-85. Detroit Pistons ishte një nga ekipet që iu gëzua fitores, pasi mundi 115-98 Orlando Magic. Blake Griffin (20 pikë, 5 asiste, 10 rikuperime), Andre Drummond (18 pikë, 4 asiste, 18 rikuperime) dhe Wayne Ellington (25 pikë) ishin ata që nxorën kryelartë skuadrën nga Michigani.

Detroit Pistons-Orlando Magic 115-98
Philadelphia 76ers-Brooklyn Nets 123-110
Miami Heat-Dallas Mavericks 105-99
New York Knicks-Toronto Raptors 92-117
Houston Rockets-Denver Nuggets 112-85
Milwaukee Bucks-Los Angeles Clippers 128-118
New Orleans Pelicans-Sacramento Kings 121-118
San Antonio Spurs-Cleveland Cavaliers 116-110

VIDEO | Devin Booker mund i vetëm Warriors, Spurs “kafshojnë” Bucks

Sport Ekspres — Mon, 11 Mar 2019 08:38:51 +0000

Devin Booker ka marrë skenën, pasi arriti të befasojë Golden State Warriors. Ai shënoi 37 pikë, dha 11 asiste dhe rikuperoi 8 topa në fitoren 111-115 që mori Phoenix Suns kundër kampionëve në fuqi. Klay Thompson (28 pikë), Kevin Durant (25 pikë) dhe Stephen Curry (18 pikë) u dorëzuan në periodën e katërt, kur edhe Suns ishin më lart dhe siguruan fitoren.

San Antonio Spurs nuk e nisi mirë ndeshjen me Milwaukee Bucks, por pas periodës së parë shënoi më shumë pikë se kundërshtari dhe fitoi 121-114. LaMarcus Aldridge (29 pikë, 2 asiste, 15 rikuperime) dhe DeMar DeRozan (28 pikë, 6 asiste, 4 rikuperime) udhëhoqën skuadrën nga Teksasi dhe zhvlerësuan paraqitjen e Giannis Antetokounmpo (27 pikë, 6 asiste, 13 rikuperime).

Edhe pse James Harden u ndal në 20 pikë, Dallas Mavericks nuk ia ka dalë të mundë Houston Rockets. Këta të fundit realin një pikë më shumë dhe morën fitoren e 41-të sezonale. Sfida u mbyll 93-94, ndërkohë që spikatën Eric Gordon (26 pikë) dhe Clint Capela (17 pikë, 1 asist, 12 rikuperime). Luka Donçiç (19 pikë, 9 asiste, 15 rikuperime) i vetëm nuk kishte çfarë bënte ndaj Rockets.

Atlanta Hawks-Neë Orleans Pelicans 128-116
Memphis Grizzlies-Orlando Magic 105-97
Dallas Mavericks-Houston Rockets 93-94
San Antonio Spurs-Milwaukee Bucks 121-114
Minnesota Timberwolves-New York Knicks 103-92
Golden State Warriors-Phoenix Suns 111-115

Lakers e James nuk shohin dritë, Spurs e Celtics marshojnë

Sport Ekspres — Thu, 07 Mar 2019 07:30:23 +0000

Los Angeles Lakers dhe LeBron James nuk kanë çfarë bëjnë përballë makinerisë Denver Nuggets, që iu gëzua fitores me rezultatin 99-115. “Mbreti”, pavarësisht 31 pikëve të shënuara, nuk ia doli dot ta çonte drejt suksesit skuadrën e tij. Kështu Lakers e shohin veten edhe më larg fazës së “play off”-it.

San Antonio Spurs ka bërë detyrën kundër Atlanta Hawks, teksa ka triumfuar me rezultatin 104-111. LaMarcus Aldridge ishte lideri i skuadrës së tij me 32 pikë të realizuara. Chicago Bulls ka befasuar Philadelphia 76ers, pasi e mundi 108-107. Zach LaVine ishte i papërmbajtshëm me 39 pikët e realizuara.

Detroit Pistons ka marrë një fitore me vlera kundër Minnesota Timberwolves. Kjo sfidë u mbyll me rezultatin 131-114. Andre Drummond ishte në formë, pasi shënoi 31 pikë dhe rikuperoi 15 topa. Gjithashtu edhe asistoi 3 herë. Paraqitje e mirë edhe nga Luke Kennard, autor i 21 pikëve.

Boston Celtics nuk e ka ndalur marshimin dhe këtë herë ka likuiduar 109-111 Sacramento Kings dhe ka marrë fitoren e 40-të sezonale. Fitore edhe për Utah Jazz, që kaloi me sukses New Orleans Pelicans, në një përballje që përfundoi 104-114.

Charlotte Hornets-Miami Heat 84-91
Washington Wizards-Dallas Mavericks 132-123
Detroit Pistons-Minnesota Timberwolves 131-114
Brooklyn Nets-Cleveland Cavaliers 113-107
Atlanta Hawks-San Antonio Spurs 104-111
Chicago Bulls-Philadelphia 76ers 108-107
New Orleans Pelicans-Utah Jazz 104-114
Phoenix Suns-New York Knicks 107-96
Sacramento Kings-Boston Celtics 109-111
Los Angeles Lakers-Denver Nuggets 99-115

Lakers pikiatë, Bucks befasohen nga Suns. Spurs thyejnë Nuggets

Sport Ekspres — Tue, 05 Mar 2019 09:18:36 +0000

Phoenix Suns ka befasuar Milwaukee Bucks me rezultatin 114-105, edhe me Giannis Antetokounmpo (21 pikë, 6 asiste, 13 rikuperime) në parket. Një fitore që nuk vlen shumë, por edhe që nuk bën dëm. Kelly Oubre Jr ishte ai që spikati për Suns, teksa shënoi 27 pikë dhe rikuperoi 13 topa.

Los Angeles Lakers është mposhtur në derbi nga Los Angeles Clippers me shifrat 105-113. Një takim i nisur mirë për Lakers, që shënuan 8 pikë më shumë në periodën e parë, por më pas Clippers e kthyen gjithçka në favorin e tyre. Lebron James (27 pikë, 6 asiste, 8 rikuperime) dhe Rajon Rondo me “triple-double” (24 pikë, 12 asiste, 10 rikuperime) nuk ia dolën të nxjerrin skuadrën e tyre triumfuese.

San Antonio Spurs-Denver Nuggets ishte një ndeshje emocionuese, që u mbyll 104-103. Miqtë e panë veten në disavantazh, teksa në fund të tre periodave Spurs kishin realizuar 16 pikë më shumë. Në fund një pikë i ndau skuadrat. DeMar DeRozan (24 pikë, 7 asiste, 6 rikuperime) dhe LaMarcus Aldridge (22 pikë, 2 asiste, 9 rikuperime) triumfuan kundër dyshes Jamal Murray-Nikola Jokiç, autorë të 25 dhe 22 pikëve në këtë përballje.

Brooklyn Nets-Dallas Mavericks 127-88
Miami Heat-Atlanta Hawks 114-113
San Antonio Spurs-Denver Nuggets 104-103
Phoenix Suns-Milwaukee Bucks 114-105
Utah Jazz-New Orleans Pelicans112-115
Sacramento Kings-New York Knicks 115-108
Los Angeles Lakers-Los Angeles Clippers 105-113

VIDEO | Spurs triumfon në ndeshjen rekord, Nuggets “shtypin” Clippers

Sport Ekspres — Fri, 11 Jan 2019 08:32:53 +0000

Sytë në Teksas, aty ku për të parën herë këtë sezon u shënuan më shumë se 300 pikë në një ndeshje. San Antonios Spurs festoi pas dy shtesave kundër Oklahoma City Thunder, në një takim që u mbyll me rezultatin 154-147. LaMarcus Aldridge ishte më i miri në parket, duke shënuar 56 pikë, ndërkohë që dha edhe 4 asiste e rikuperoi 9 topa.

Oklahoma City Thunder, pavarësisht paraqitjes mjaft të mirë të titullarëve, doli e mposhtur. Paul George shënoi 30 pikë, Jerami Grant 25, Terrance Ferguson 21, kurse Steven Adams 19. Russell Westbrook ishte gjithashtu në formë të mirë, pasi regjistroi “triple-double”: 24 pikë, 24 asiste dhe 13 topa të rikuperuar. Gjithsesi në fund triumfuan Spurs.

Jamal Murray (23 pikë) dhe Nikola Joki? (18 pikë, 10 asiste, 14 topa të rikuperuar) udhëhoqën Denver Nuggets në triumfin 121-100 kundër Los Angeles Clippers. Gallinari dhe Harris, të dy realizuan nga 18 pikë, nuk i bënë dot ballë rivalëve të Nuggets dhe skuadra e tyre doli e mposhtur.

Sacramento Kings ka marrë fitoren e 21-të, po aq herë ka humbur, ndaj Detroit Pistons. Takimi u mbyll 112-102, me Kings që krijuan diferencë të konsiderueshme në dy periodat e para dhe qetësisht ruajtën epërsinë deri në fund. Fitore me mjaft vlera mori edhe Miami Heat kundër Boston Celtics. Veterani Dëyane Wade realizoi 19 pikë, në një ndeshje që u mbyll me shifrat 115-99.

Miami Heat-Boston Celtics 115-99
Denver Nuggets-Los Angeles Clippers 121-100
San Antonio Spurs-Oklahoma City Thunder 154-147
Sacramento Kings-Detroit Pistons 112-102

“Mos e kruaj me James Harden”, përulen Warriors! Spurs “çmontojnë” Raptors

Sport Ekspres — Fri, 04 Jan 2019 08:00:52 +0000

Golden State Warriors dhe Toronto Raptors janë thyer. Kampionët në fuqi e kanë pësuar përballë të magjishmit James Harden, i cili po kalon një formë të shkëlqyer dhe nuk e ka ndalur serinë e të shënuarit më shumë se 40 pikë. Këtë herë ka realizuar 44, ndërkohë që ka regjistruar triple-double me 15 asistet dhe 10 topat e rikuperuar. Në formë edhe Clint Capela, me 29 pikë e 21 topa të rikuperuar.

https://www.facebook.com/thebuzz.nba/videos/368180593915904/?sk=h_chr

Curry shënoi 35 pikë, kurse Durant e Thompson nga 26 pikë për kampionët në fuqi. Warriors në fakt e nisën mirë, pasi në dy periodat e para arritën të siguronin një epërsi prej 17 pikësh. Rockets u zgjuan dhe arritën të barazonin dhe ta çonin ndeshjen në shtesë, duke triumfuar 134-135.

Toronto Raptors nuk i ka bërë dot ballë “furisë” së San Antanio Spurs, pasi u mund 125-107. DeMar DeRozan ishte lideri i skuadrës nga Teksasi. “Triple-double” për të: 21 pikë, 11 asiste, 14 topa të rikuperuar. Por Spurs-at ishin lart në tërësi, pasi LaMarcus Aldridge (23 pikë), Bryn Forbes (20 pikë) dhe Derrick White (19 pikë) realizuan një numër të konsiderueshëm pikësh.

Vijon të fitojë edhe Denver Nuggets, që ka kaluar me sukses Sacramento Kings me rezultatin 113-117. Jamal Murray ishte lideri i skuadrës, me 36 pikë të realizuara. Paraqitje shumë e mirë edhe për Nikola Jokiç: realizoi 26 pikë, dha 6 asiste dhe rikuperoi 13 topa.

San Antonio Spurs-Toronto Raptors 125-107
Sacramento Kings-Denver Nuggets 113-117
Golden State Warriors-Houston Rockets 134-135

Toronto nuk përmbahet, sukses dhe për Spurs e Houston

Sport Ekspres — Wed, 12 Dec 2018 10:17:17 +0000

Toronto ka regjistruar suksesin e 22-të këtë edicion duke triumfuar ndaj Los Angeles Clippers në transfertë me shifrat 99 – 123. Që në fillim miqtë bënë më mirë, duke fituar në periodën e parë me 13 pikë epërsi. Në periodën e dytë u mendua se situata mund të ndryshonte dhe Clippers mund të tentonin përmbysjen, pasi në fund të dyja skuadrat kishin marrë të njëjtën sasi pikësh,

Gjithsesi, Toronto i vuri vulën suksesit në periodën e tretë duke triumfuar me rezultatin e thellë 17-33. Edhe pse vendasit patën sukses në 10 minuta e fundit nuk mjaftuan që të rivalizonin në këtë takim.

Një fitore të vuajtur dhe me përmbysje ka marrë skuadra e Houston Rockets, pasi dy periodat e para folën për Portland Trail Blazer , por vendasit gjetën forcat që në gjysmën e dytë të lojës të përmbysnin rezultatin. Një fitore të lehtë ka regjistruar skuadra e San Antonio Spurs, e cila ka triumfuar ndaj Phoenix Suns në shifrat 111 – 86.

Rezultatet

Houston Rockets 111 – 103 Portland Trail Blazer

San Antonio Spurs 111 – 86 Phoenix Suns

Los Angeles Clippers 99 – 123 Toronto Raptors

Bucks tregojnë “muskujt” ndaj Raptors, triumfojnë Spurs

Sport Ekspres — Mon, 10 Dec 2018 08:50:21 +0000

Toronto Raptors ka ngecur ndaj Milwaukee Bucks, duke pësuar humbjen e shtatë sezonale me rezultatin 99-104. Kaëhi Leonard (20 pikë) dhe Serge Ibaka (22 pikë) nuk u kanë mjaftuar kanadezëve, ndërkohë që për Bucks Giannis Antetokounmpo ishte lideri në triumfin e arritur. 19 pikë të realizuara, po aq topa të rikuperuar, si dhe gjashtë asiste për greko-nigerianin.

Fitore e rëndësishme për San Antonio Spurs, që mposhtën 110-97 Utah Jazz. DeMar DeRozan (26 pikë, 8 asiste, 6 topa të rikuperur) dhe Rudy Gay (23 pikë, 2 asiste, 15 topa të rikuperuar) spikatën për Spurs dhe çuan dëm paraqitjen e Donovan Mitchell (27 pikë) dhe Ricky Rubio (26 pikë).

Charlotte Hornets ka likuiduar New York Knicks me rezultatin 107-119. Kemba Walker bëri një ndeshje të mirë, duke shënuar 25 pikë, por pati edhe mbështetjen e shokëve të tjerë të skuadrës. 26 pikët dhe 15 topat e rikuperuar nga Kevin Knox nuk mjaftuan për Knicks.

Toronto Raptors-Milwaukee Bucks 99-104
San Antonio Spurs-Utah Jazz 110-97
New York Knicks-Charlotte Hornets 107-119

Warriors “të vegjël” para James Harden, Nuggets rikthehet te fitorja

Sport Ekspres — Fri, 16 Nov 2018 08:52:10 +0000

Moment jo për Golden State Warriors. Kampionët në fuqi janë mundur nga Houston Rockets 107-86, në një ndeshje ku Kevin Durant realizoi vetëm 20 pikë. Pa Stephen Curry, Warriors kanë pasur luhatje kohët e fundit dhe kjo humbje ishte e katërta sezonale për ta. James Harden ishte ai që bëri diferencën dhe i dha fitoren Rockets.

Denver Nuggets janë rikthyer te fitorja dhe në mënyrë më bindëse, pasi kanë triumfuar kundër Atlanta Hawks me rezultatin e thellë 138-93. Juan Hernangómez spikati mbi të tjerët, por duhet thënë se ishin plot gjashtë basketbollistë të tjerë që shënuan mbi dhjetë pikë në përballjen e sotme.

Paraqitje të mira të Los Angeles Clippers, që kaluan me sukses San Antonio Spurs. Një paraqitje e mirë në grup për vendasit, teksa Lou Williams shënoi 23 pikë. Më i miri në parket ishte DeMar DeRozan i Spurs. Plot 34 pikë të shënuara prej tij, por në fund Clippers ishin ata që triumfuan.

Houston Rockets – Golden State Warriors 107-86
Denver Nuggets – Atlanta Hawks 138-93
Los Angeles Clippers – San Antonio Spurs 116-111

Spektakël në NBA: Warriors marshojnë, Derrick Rose rekord dhe fitore e James

Sport Ekspres — Thu, 01 Nov 2018 09:55:41 +0000

Golden State Warriors ka regjistruar fitoren e tetë. Kampionët në fuqi thyen 131-121 New Orleans Pelicans dhe vijojnë të kryesojnë Konferencën e Perëndimit. Një ndeshje që nisi mirë për Warriors, pasi në tre periodat e para shënuan 15 pikë më shumë se kundërshtari.

Pelicans në periodën e fundit, edhe pse shënuan më shumë, nuk mund të përmbysnin dot. Stephen Curry si zakonisht dha kontributin e tij për Warriors, teksa realizoi 37 pikë. Durant realizoi 24, ndërkohë që edhe Klay Thompson vijon të bëjë mirë. Këtë herë realizoi 18 pikë.

Emocionues takimi Chicago Bulls-Denver Nuggets. Vetëm një pikë diferencë në fund, ndërkohë që u desh shtesa për të përcaktuar fituesin. Rezultati përfundimtar? 107-108. Paul Millsep ishte ai që vendosi fituesin, pasi shënoi koshin e fitores kur kish mbetur edhe 0.1 sekondë nga përfundimi.

Nuggets realizuan katër pikë më shumë në periodën e parë, ndërkohë që gradualisht Chicago Bulls e zvogëloi epërsinë dhe katër periodat e kohës së rregullt u mbyllën me rezultatin 98-98. Në “Over time” miqtë shënuan një pikë më shumë dhe fituan.

Los Angeles Lakers janë rikthyer te fitorja. LeBron James ishte udhëheqësi i skuadrës së tij në fitoren 114-113 ndaj Dallas Mavericks. “Mbreti” ishte më i miri në parket me 29 pikë të shënuara, ndërkohë që ndeshja pati disa tablo. Lakers e nisën më mirë, teksa periodën e parë e mbyllën 38-21.

Teksanët reaguan dhe e ngushtuan rezultatin në mbyllje të gjysmës së ndeshjes. Lakers ishin në epërsinë e 7 pikë dhe e rritën në 13 pas mbylljes së periodës së tretë. Dallas Mavericks nuk u dorëzuan dhe e vunë në rrezik fitoren e Lakers, por në fund një pikë bëri diferencën.

San Antonio Spurs ka kaluar lehtësisht Phonix Suns me 30 pikë diferencë. Një ndeshje ku të gjithë basketbollistët e miqve shënuan pikë, me DeMar DeRozan që regjistroi 25 pikë të shënuara. Një më pak shënoi shoku i tij i skuadrës LaMarcus Aldridge.

Indiana Pacers ka fituar ndaj New York Knicks. Rezultati përfundimtar ishte 101-107 dhe miqtë treguan forcën e tyre në periodën e fundit, kur shënuan 10 pikë më shumë. Domantas Sabonis shënoi 30 pikë për Pacers, duke zhvlerësuar 37 pikët e realizuara nga Tim Hardaway Jr.

Skenën e ka marrë Derrick Rose në fitoren 128-125 që Minnesota Timberwolves mori ndaj Utah Jazz. Plot 50 pikë të realizuara nga basketbollisti i vendasve, që regjistroi edhe numrin më të lartë të pikëve të shënuara në një ndeshje përgjatë gjithë karrierës së tij.

Ndërkohë që paraqitje mbresëlënëse ka bërë edhe Karl-Anthony Towns (28 pikë, 4 asiste, 16 rikuperime). Një ndeshje disi e ekuilibruar, me Timberwolves që ishte më mirë në dy periodat e para, ndërkohë më pas Jazz u mundua të përmbyste rezultatin. Gjithsesi nuk ia arriti dot qëllimit.

New York Knicks-Indiana Pacers 101-107

Minnesota Timberwolves-Utah Jazz 128-125

Phoenix Suns-San Antonio Spurs 90-120

Chicago Bulls-Denver Nuggets 107-108

Los Angeles Lakers-Dallas Mavericks 114-113

Golden State Warriors-New Orleans Pelicans 131-121

Thompson rekord me Warriors, James nuk i shpëton dot “Lakers”-at

Sport Ekspres — Tue, 30 Oct 2018 08:34:58 +0000

Marshojnë kampionët në fuqi. Golden State Warriors kanë mposhtur Chicago Bulls 124-149 dhe është thyer një rekord sezonal. Skenën e ka marrë Klay Thompson, i cili ka realizuar plot 52 pikë. Jo vetëm kaq, por i ka shënuar vetëm në tre perioda. 14 të gjuajtura për tre pikë, të gjitha të saktë. Stephen Curry kishte shënuar më parë 13 herë për tre pikë.

Dy periodat e para të Warriors ishin të frikshme, pasi të parën e 28-44, kurse të dytën 22-48. Plot 42 pikë diferencë në gjysmën e lojës, praktikisht gjithçka e mbyllur. Bulls-at më pas vetëm ngushtuan rezultatin, pasi fituesi ishte përcaktuar.

Të pandalshëm edhe Milwaukee Bucks. Toronto Raptors e pësoi prej tyre me rezultatin 124-109. Gjithçka u vendos në tre perioda dhe kryesuesit e Konferencës së Lindjes kishin lënë pushim yjet e tyre, Giannis Antetokounmpo dhe Kawhi Leonard. Gjithsesi Bucks ishin shumë të fortë për Raptors, teksa ishin shtatë basketbollistë që realizuan mbi 10 pikë.

Denver Nuggets gjithashtu janë në rrugën e duhur. Ata mposhtën New Orleans Pelicans 116-111 dhe regjistruan fitoren e pestë sezonale. U luajt edhe derbi i Teksasit, që nxori fitues San Antonio Spurs. Me pesë pikë më shumë ata thyen Dallas Mavericks.

DeMar DeRozan udhëhoqi vendasit me 34 pikë të shënuara dhe gjithçka u mbyll 113-108. Luka Donçiç (31 pikë, 4 asite, 8 rikuperime) u mundua të bënte diçka për Mavericks, por nuk ia doli dot të ndihmonte skuadrën e tij të fitonte derbin.

Los Angeles Lakers nuk ka derman as me LeBron James në ekip. 124-120 janë mundur nga Minnesota Timberwolves. Jimmy Butler (37 pikë, 4 asiste, 6 rikuperime) dhe Karl-Anthony Towns (25 pikë, 6 asiste, 16 rikuperime) zhvlerësuan përpjekjet e James. “Mbreti” shënoi 29 pikë, ndërkohë që asistoi 8 herë dhe rikuperoi 10 topa.

Fitore për Sacramento Kings, që kaluan me sukses Miami Heat. Josh Richardson me 31 pikëte tij nuk mund të bënte asgjë përballë miqve, Willie Cauley-Stein, Buddy Hield dhe De’Aaron Fox shënuan 26, 23 dhe 20 pikë. Kings fituan me dhjetë pikë diferencë: 113-123.

Chicago Bulls-Golden State Warriors 124-149
Milwaukee Bucks-Toronto Raptors 124-109
Denver Nuggets-New Orleans Pelicans 116-111
San Antonio Spurs-Dallas Mavericks 113-108
Minnesota Timberwolves-Los Angeles Lakers 124-120
Miami Heat-Sacramento Kings 113-123

Milwaukee Bucks si tank, LeBron James ndalet nga “Spurs”-at

Sport Ekspres — Sun, 28 Oct 2018 09:20:34 +0000

Milwaukee Bucks nuk ndalen: gjashtë ndeshje, gjashtë fitore. “Viktima” e radhës ishte Orlando Magic, që e ka pësuar me rezultatin 113-91. Gjithçka praktikisht u mbyll në tre periodat e para (30-25; 35-26; 28-17), pasi Bucks ishin në avantazhin e 25 pikëve. Në periodën e katërt një lëshim i lehtë, por Magic realizoi vetëm tre pikë më shumë (20-23).

Giannis Antetokounmpo ishte si zakonisht shënuesi më i mirë, teksa realizoi 21 pikë. Jo vetëm kaq, por ai u kursye për ndeshjen e radhës, pasi luajti vetëm 19 minuta. Nikola Vuçeviç i miqve ishte i pafuqishëm të udhëhiqte miqtë për të bërë surprizën ndaj Milwaukee.

Los Angeles Lakers, pas dy fitoreve radhazi është “ritakuar” me humbjen. LeBron James ishte më i miri në fushë me 35 pikë, 11 rikuperime e 4 asiste. Gjithsesi në fund San Antonio Spurs fitoi 110-106. Lakers e nisën mirë, teksa e mbyllën periodën e parë me avantazhin e shtatë pikëve (29-36).

Në të dytën (25-24) Spurs-at shënuan vetëm një pikë më shumë, por gjithçka u përmbys në gjysmën e dytë (33-28; 23-18) të ndeshjes. DeMar DeRozan për Spurs-at bëri një paraqitje të mirë, teksa shënoi 30 pikë, si dhe regjistroi 8 asiste dhe 12 topa të rikuperuar.

Triumfon Philadelphia 76ers, që mundi 105-103 Charlotte Hornets. Festoi Joel Embiid, i cili realizoi 27 pikë dhe rikuperoi 14 topa. Kemba Walker për Hornets shënoi më shumë pikë, 37, por nuk pati mbështetjen e duhur nga shokët e tij për të fituar.

Miami Heat ka likuiduar Portland Trail Blazers 120-111. Nisje e mirë e ndeshjes për vendasit, që realizuan 11 pikë më shumë. Në dy periodat e radhës e thelluan avantazhin, kurse në periodën e katërt ishte e vështirë që të përmbysej. Goran Dragiç ishte shënuesi më i mirë për Miami Heats, me 28 pikë. Dwyane Wade dhe Kelly Olunyk realizuan nga 19. Për Blazers 42 pikët e Damian Lillard shërbyen vetëm për shifrat personale të basketbollistit.

Chicago Bulls kanë fituar në transfertë ndaj Atlanta Hawks 85-97. “Demat” e treguan forcën e tyre në gjysmën e dytë të ndeshjes, kur shënuan 15 pikë më shumë se skuadra vendase. Zach LaVine bëri një paraqitje të mirë, me 27 pikë të shënuara dhe 11 topa të rikuperuar.

Memphis Grizzlies thyen Phoenix Suns 117-96 dhe e nisën vrullshëm ndeshjen. Tetë pikë më shumë në periodën e parë (26-18) dhe 17 pikë më shumë në periodën e dytë (42-25) bënë që ndeshja praktikisht të ishte e mbyllur. Reagimi i Suns në periodën e tretë (19-28) ishte i pamjaftueshëm për të ndryshuar fatet e ndeshjes.

Philadelphia 76ers-Charlotte Hornets 105-103
Miami Heat-Portland Trail Blazers 120-111
Milwaukee Bucks-Orlando Magic 113-91
Atlanta Hawks-Chicago Bulls 85-97
Memphis Grizzlies-Phoenix Suns 117-96
San Antonio Spurs-Los Angeles Lakers 110-106