Juventusi dhe Bajerni i Mynihut janë klubet që kanë treguar interes për Umtiti, por akoma me një ofertë zyrtare. Anglezët me shumë mundësi do të hyjnë më seriozisht në garë, duke parë nevojën për cilësi në mbrojtje. Barça nga ana e saj nuk e ka aspak me nxitim dhe nëse nuk vjen një ofertë 50 milionëshe, mbrojtësi do qëndrojë në Katalunjë.

Umtiti zgjodhi të mos operohej dhe vendosi të kurohet në Katar. Një vendim i tillë nuk qëlloi pozitiv dhe kampioni i botës me Francën vuajti pasojat. Sipas “Mundo Deportivo”, në aksin Barcelonë-Mançester po përgatitet një shkëmbim.

Umtiti pëlqehet shumë nga “Djajtë e Kuq”, ndërsa katalanasit duan Viktor Lindelof. Suedezi 25-vjeçar pëlqehet shumë nga trajneri Valverde. Përveçse në qendër të mbrojtjes, Lindelof aktivizohet edhe si mbrojtës i djathtë dhe mesfushor defensiv.

Në një situatë të tillë, blaugranat e shohin të domosdoshme shitjen e Umiti, i cili duket se nuk është aspak dakord me diçka të tillë. Siç raportohet nga mediat pranë klubit, Barça i ka bërë me dije mbrojtësit se do të shqyrtojë ofertat e tij, ndërsa ky i fundit nuk e ka pranuar diçka të tillë.

? TSUNAMI UMTITI ?? Javi Miguel:

? “El Barça vol que Umtiti surti però el jugador dirà que no vol marxar. Si hi ha un equip interessat, hi haurà un problema en la revisió mèdica”

? “No ha fet net de la seva lesió. Després de cada partit que juga, l’infiltren”#ClubMitjanit pic.twitter.com/IZ1Gd8TEr4

— Club de la Mitjanit (@ClubMitjanit) May 21, 2019

Sidoqoftë, problemet nuk mbyllen me kaq, pasi edhe shitja e mbrojtësit duket e vështirë dhe këtë gjë e ka konfirmuar stafi mjekësor i Barcelonës. Umtiti vuan nga një dëmtim në gju, që e ka lënë për shumicën e sezonit jashtë fushave dhe duket se ende nuk është rikuperuar.

Sipas stafit katalanas, 25-vjeçari ndjen shqetësime sa herë luan. Kështu edhe në rast se gjendet një marrëveshje me ndonjë klub tjetër, në momentin që Umtiti do të kryejë testet mjekësore do të hapen probleme. Barça dhe Umtiti duken në udhëkryq…

Diçka e tillë mund të shtyjë Samuel Umtitin të largohet. Sipas raportimeve të katalanases “Sport”, francezi mund të përfundojë në Torino.

Emri i tij gjendet në listën e Fabio Paratiçit dhe drejtori sportiv i bardhezinjve mund të nisë sulmin për të. Gjithmonë nëse De Ligt zgjedh të bashkohet me shokun e tij De Jong te Barcelona.

Vetë mbrojtësi edhe pse nuk ka pasur shumë minuta në dispozicion, para disa kohësh i ka kërkuar klubit të mos shqyrtojë asnjë ofertë për të. 25-vjeçari dëshiron të konkurojë me kolegët e tjerë në skuadër dhe jo të dorëzohet për të shkuar në një vend tjetër, ku do t’i kishte minutat të garantuara. Ky vit ka qenë i errët për të, ku ka pësuar një dëmtim që e la disa muaj jashtë fushave dhe megjithatë akoma nuk është ndarë me dhimbjet.

Nga kjo situatë lajmet për largimin e Umtiti ka javë që “gëlojnë” dhe disa klube të Premier Ligës e Juventusi po qëndrojnë gati me paratë në dorë. Megjithatë atyre do i duhet të tërhiqen.

“Le Parisien” raporton sot se francezi dëshiron të vazhdojë deri në fund të kontratës me Barcelonën. Mbrojtësi edhe pse po has vështirësi për të gjetur minuta, është i gatshëm të luftojë për ta ndryshuar këtë.

Ai i ka kërkuar klubit të mos shqyrtojë asnjë ofertë për të, pasi ai dëshiron të qëndrojë. Kontrata e tij me ekipin katalanas përfundon në vitin 2023.

Megjithëse lojtari është rikthyer disa herë në stërvitje me grupin, problemi është rishfaqur në çdo rast. Sipas së përditshmes spanjolle “AS”, drejtuesit e klubit katalanas nuk kanë ndërmend të durojnë dhe për këtë arsye e kanë vendosur lojtarin në shitje.

Sikur të mos mjaftonin lajmet e merkatos, 25-vjeçari i lindur në Kamerun së fundmi ka pësuar një dëmtim tjetër në stërvitje që mbyll në mënyrë të parakohshme sezonin e tij me skuadrën “blaugrana”.

Forma e mirë e dyshes Pike-Lenglet dhe një blerje e mundshme e holandezit De Ligt janë dy ndër faktorët kryesorë që kanë shtyrë kupolën drejtuese të katalanasve për të.

Qendërmbrojtësi firmosi rinovimin para Botërorit rus, por shumë gjëra kanë ndryshuar që atëherë. Drejtuesit e Juves duan të përfitojnë nga kjo situatë. Mbrojtja e “zonjës” është e plakur dhe ka nevojë për prurje të reja.

Umtiti do të ishte zgjedhja e duhur në Torino, duke parë se objektivi De Ligt sa vjen e po largohet. Sipas “Rai Sport” Barcelonës do t’i ofrohet një shumë rreth 80 milionë euro. Një shifër që katalanasit pritet ta konsiderojnë sepse me këtë shumë do të mbulonin shpenzimet e blerjes së De Ligt, që shihet çdo ditë e më pranë tyre.

“Djajtë e Kuq” mund t’i rikthehen një piste të vjetër që quhet Samuel Umtiti. E ardhmja e francezit lidhet ngushte me atë të Matijs De Ligt. Kapiteni i Ajaksit është shumë pranë kalimit te Barcelona.

Diçka e tillë mund të vinte në dyshim hapësirat në formacion të kampionit të botës, i cili mund të zgjedhë ishullin për të vazhduar karrierën. Junajtid është gati për t’i bërë një ofertë Barcelonës për Umtitin, por në fillim duhet mësuar e ardhmja e De Ligt.

Grizman refuzoi në verën e kaluar dhe rinovoi me “colchoneros” deri në vitin 2023. Megjithatë, ai ka ndryshuar mendim dhe dëshiron të transferohet në Katalunjë në fund të sezonit.

Kjo gjë e lumturon mbrojtësin e Barçës, i cili komenton këtë transferim të mundshëm në konferencën për shtyp përpara ndeshjes së kampionëve të botës kundër Islandës.

“Nuk kam biseduar me Antuanin për këtë gjë, por do të isha i lumtur nëse do të vinte te Barcelona. Jemi miq dhe do të më pëlqente shumë. Sigurisht që te Barcelona ka vend për një lojtar si ai. Ndonjëherë, në një karrierë, ka disa zgjedhje që duhen bërë dhe për të cilat pendohesh më vonë”, përfundon Samuel Umtiti.

Ditën e sotme është rikthyer në stërvitje të plotë me grupin qendërmbrojtësi Samuel Umtiti. Francezi mungonte nuk ishte pjesë e grupit që prej muajit tetor për shkak të disa probleme në gju.

Fillimisht i përfol se 25-vjeçari do duhet t’i nënshtrohej një operacioni kirurgjikal që do të mbyllte sezonin e tij në mënyrë të parakohshme, por për fatin e mirë të futbollistit gjuri i tij u riaftësua me anë të një terapie tre mujore.