Nikaj, në një prononcim për RTSH Sport, është shprehur se i pëlqen më shumë të drejtojë ekip që nuk janë në elitë, por që kanë objektiva të rëndësishme. “Më erdhën 2-3 oferta, por zgjodha Lirinë e Prizrenit pasi është një nga klubet më të mira në Kosovë.

Në Shqipëri pak ndryshojnë gjërat. Kam preferuar ekipet e kategorisë së dytë, për vetë objektivat madhore që kanë për t’u ngjitur. Mund të vazhdoja në Superligë me Vushtrrinë, por objektivat nuk më bindën. Shqipëri-Kosovë i shoh si një, kemi shkëmbyer lojtarë e trajnerë prej kohësh”, është shprehur Nikaj mes të tjerave.

Në fund ai ka folur edhe për Vllazninë, që e sheh si ekipin më të rrezikuar për të lënë Superioren sezonin e ardhshëm. “Vllaznia e shoh edhe si tifoz. Është në gjendje të keqe, më keq se atë vit që ramë. Është shumë vonë në organizim. Nuk gjen ekip më kandidat se Vllaznia për të rënë. Nuk dihet kush është nën kontratë, sa lojtarë janë, kush është drejtor etj etj”, ka përfunduar Nikaj.

Lajmi është bërë i ditur nga klubi prizrenas me anë të një postimi në rrjetet sociale. Nikaj ka fituar statusin e një eksperti përsa i përket ngjitjes së ekipeve nga Liga e Parë në IPKO Superliga. Në dy sezonet ku ai ka punuar në Ligën e Parë, skuadra e tij (Flamurtari Prishtinë 2017, Vushtrria 2019) ka siguruar promocionin në elitën e futbollit të Kosovës

“Duke parë situatën e krijuar në klub, me tërheqjen e kryesisë, largimin e disa lojtarëve të rëndësishëm, e shoh të pamundur qëndrimin tim në klub, prandaj po tërhiqem me përshtypjet më të mira për qytetin e Vushtrrisë, për bashkëpunëtorët e mi dhe për të gjithë lojtarët pa përjashtim, pa harruar tifogrupin FORCA. Shpresoj që situata të ndryshojë për mirë dhe skuadra të vazhdojë me sukses rrugëtimin në Superligë. Respekte  Vushtrri”, shkruan Nikaj.

Shkodrani mund të mbetet në Kosovë, madje shanset janë të mëdha të bashkëpunojë me një klub të madh si Vllaznimi i Gjakovës, që kërkon të rikthehet në Ipko Superliga e Kosova. Nga Shqipëria gjithashtu ka pasur një ofertë nga Besëlidhja e Lezhës.

“Nesër, të dielën, në mbrëmje do t’u jap një përgjigje të saktë”, ishin fjalët e Ramadan Ndreut përmes një “sms”-je për SportEkspres.com, duke lënë të kuptohet se dita e dielë do ta vendosë atë përfundimisht në pankinën e Kastriotit. Kjo merr më shumë kuptim, kur alternativa tjetër për stolin e Kastriotit, njohja e vjetër Samuel Nikaj, pohoi se me të është bërë një bisedë, por do mbetet në kampionatin kosovar.

“Unë te Kastrioti jam si në shtëpinë time, por edhe këtë sezon kam menduar që të vazhdoj me Vushtrrinë. Nëse do të zgjidhen në drejtim personat që e kishin këtë skuadër në sezonin e kaluar, edhe unë do qëndroj. Në të kundërt, rikthehem në Kategorinë e Parë në Shqipëri te një ekip me traditë (Besëlidhja), që më ka bërë ofertë këto ditë”, deklaroi Samuel Nikaj.

AGRON KAJA

Klubi nga Vushtrria është ankuar për gjykimin, ndërkohë që së fundmi edhe trajneri Samuel Nikaj ka dalë me një qëndrim në llogarinë e tij në “Facebook”. Shkodrani është i qartë, teksa thekson se në futboll nuk i kanë parë sytë masakër më të madhe.

“Tash dy e vite që drejtoj në Kosovë jam munduar të ruaj një profil trajneri modest, që flet me rezultate e jo me deklarata bombastike, e me ankesa për mikpritjet që na rezervohen, për problemet në referim, për cilësinë e stadiumeve, sepse nuk kam dashur që problemet e futbollit në Kosovë t’i bëj të mëdha. Kjo sepse realisht e ndjej veten të shtëpisë, e problemet e shtëpisë nuk a mirë t’i marrin vesh të gjithë. Por mendoj që e djeshmja është fundi e nuk ka më keq.

Kam 31 vite në futboll, por masakër më të madhe nuk kam pa me sy. Nuk më vjen keq as për presionet jashtë fushe nga 30 civil rreth fushe, sepse jemi mësuar. As nga terreni i vështirë, sepse në fund njësoj për 2 ekipet është, pavarësisht se ata luajnë e stërviten aty ‘non-stop’. Më vjen keq vetëm nga treshja e referave, sepse nuk e kuptoj si se kanë frikë Zotin mbasi nuk kanë as nga njerëzit përkatës të FFK.

Me vjen keq për LOJTARËT shumë, sepse rrezikojnë jetën, lënë karrierën duke luajtur në kësi terrenesh, por më së shumti për KRYESINË, sepse pa asnjë lloj interesi shpenzojnë 200 000 euro dhe të dalin tre kamikazë dhe t’i hedhin në det është absurde. Kam besim në organet e FFK që këto raste të mos përsëriten, sepse po na largojnë sponsorët e po na lënë në rrugë të madhe 30 familje dhe po shkatërrojnë një qytet që kryefjalë ka futbollin.

Është qyteti i Isa Sadriut, Cimilit, Kollarit, Dallkut e Rashicës e shumë të tjerëve. Është gjynah sepse ne vend që të na mbështesin na fusin shkopinj ndër rrota, por ne do ia dalim sepse kemi një lidhje të fortë kimike KRYESI-STAF-LOJTAR e tifozë. Së fundi një falënderim për tifo-grupin FORCA, sepse ato janë forca jonë. S’ka m’u ndal, drejt Superligës më të fortë se kurrë”, shkruan Nikaj.

Privatizimi është premtim elektoral, pasi deri më tani nuk ka asnjë hap konkret. Vlerësimi i aksioneve nuk ka sjellë asgjë të re dhe kuqeblutë mbeten nën pronësinë dhe administrimin e Bashkisë Shkodër. Momentalisht shkodranëve u ka mbetur të krenohen me faktin se janë klubi i parë shqiptar.

Edhe për këtë madje kanë “rivalitet”, pasi në Elbasan pretendojnë ta kenë krijuar më parë klubin verdheblu. Gjithsesi, në Shkodër (dhe jo vetëm aty) janë të shumtë ata që mendojnë se janë profesorët e futbollit dhe janë ata që e kanë nisur me topkëmbën në vendin tonë.

Samuel Nikaj, dikur pjesë e stafit teknik të Vllaznisë, tanimë drejton Vushtrrinë në Kosovë dhe në rrjetet sociale “ngacmon” klubet e tjera në vendin tonë. Një foto e postuar në “Instagram” vë në rresht Tiranën, Skënderbeun, Kukësin e Partizanin, që qëndrojnë përballë profesorit “Vllazni”.