Sampdoria e pëlqen shumë 32-vjeçarin dhe ka nisur negociatat me agjentët e tij sipas “Secolo XIX”. Ben Arfa tundohet nga ideja për të provuar emocionet e kampionatit italian.

Problem mbeten kërkesat e tij të larta financiare, por klubi dorian beson fort se akordi final do të arrihet. Në fund të fundit duhet të sakrifikosh pak për të patur në ekip një lojtar me kualitetin e Ben Arfa, një talent i jashtëzakonshëm që mund dhe duhet të kishte arritur shumë më shumë në karrierën e tij.

D’Amiço shënoi 7 gola në kampionatin italian i të rinjve, para se të transferohej te Kievo në janar në formë huazimi. Ndërsa Pompeti luajti 41 ndeshje sezonin e shkuar, duke dhuruar 12 asiste. Dy përforcime shumë të rëndësishme të Sampdoria, që mendon kështu edhe të ulë moshën mesatare në ekip.

Gianluca Di Marzio raporton se për belgun interesohet Sampdoria. Trajner i klubit dorian është Eusebio Di Françesko, i cili ka punuar me “ninxhën” te Roma dhe po bën të pamundurën për ta bindur që të zgjedhë transferimin në Xhenova.

Problem i madh mbetet paga prej 4.5 milionë euro e 31-vjeçarit. Tratativa nuk do të jetë aspak e thjeshtë, por Sampdoria beson fort se mund të arrijë një marrëveshje me lojtarin dhe klubin e Interit.

#Calciomercato | #Nainggolan, pazza idea per la #Sampdoria ?https://t.co/CYOZawefKA

— Gianluca Di Marzio (@DiMarzio) July 25, 2019

Mbrojtësi është në pronësi të Valencias, por as këto të fundit nuk janë të interesuar për ta mbajtur latinin. Mediet spanjolle e lidhin atë me një kalim te Sampdoria. Ikja e Hoakim Andersen te francezët e Lion, bën që italianët të interesohen për ish-interistin.

Sampdoria është shumë pranë marrëveshjes me Valencian për të marrë mbrojtësin në huazim me detyrimin e blerjes së tij pas një viti për 15 milionë euro. Murijo është prodhim i akademisë së River Plejt. Debutimin në Evropë e bëri me Udinezen.

Murijo do të zëvendësojë të larguarin Joakim Andersen, i cili u shit një ditë më parë për 30 milionë euro te francezët e Lion. Në fjalët e tij të para për gazetarët, kolumbiani tha: “Sampdoria është një ndër ekipet më të rëndësishme në Itali. Do të jap më të mirën për skuadrën”.

Dy vite më parë Murijo u ble nga Valencia për 13 milionë euro. Eksperienca në Spanjë nuk kënaqi të dyja palët dhe “divorci” i tanishëm nuk ka surprizuar askënd. Tani nis një aventurë e re në Itali sërish.

Velkommen Joachim Andersen ! ?? #UnispourRugir pic.twitter.com/fOj4zfzwjH

— Olympique Lyonnais (@OL) July 12, 2019

Investimi madhor i Lionit vjen pasi skuadra franceze shiti pak javë më parë mesfushorin Tangi N’dombele te Totenhemi për më shumë se 60 milionë euro. Andersen spikati gjatë sezonit të kaluar, ku u aktivizua në 32 takime me skuadrën nga qyteti i Xhenoas.

Për shërbimet e danezit ishte i interesuar edhe Milani, ku tani ndodhet ish-trajneri i tij Marko Xhampaolo, por si në fund oferta e francezëve ishte ajo që bindi lojtarin dhe drejtuesit e Sampdorias.

“Andersen e kemi shitur te Lioni për shumën e 24 milionë eurove + 6 milionë në formë bonusesh, ndërsa Praet do të shkojë te Milani. Xhampaolo e adhuron belgun dhe e dëshiron me çdo kusht në ekip. Kur ishte me ne, insistonte gjithmonë dhe më kërkonte të mos e shisja“, thekson Ferrero për “Sportitalia”.

25-vjeçari, i cili ka zhvilluar 37 ndeshje dhe ka shënuar 3 gola sezonin e kaluar (numëron edhe tre ndeshje me kombëtaren belge), pritet të zbarkojë sa më shpejt në Milanelo, ndërsa Paolo Maldinit i duhet të gjejë një tjetër qendërmbrojtës dhe kandidati kryesor për të luajtur përkrah Alesio Romanjolit mbetet Dejan Lovren i Liverpulit.

Diçka e tillë po përsëritet edhe me Hoakim Andersen dhe Paolo Maldinit i duhet të nxitojë. Mbrojtësi danez është një nga objektivat e Milanit dhe dëshira e madhe e trajnerit Xhampaolo.

Garës për 23-vjeçarin i është bashkuar edhe Lioni. Francezët kanë vepruar shpejt dhe i kanë ofruar 30 milionë euro Sampdorias. Një ofertë që e tundon klubin dorian për ta lënë të lirë Andersen, ndërsa Milani duhet të veprojë shpejt, gjithmonë nëse vazhdon të jetë i interesuar për lojtarin viking.

Drejtuesit besojnë në aftësitë e tij dhe shprehen se janë të bindur se ai do e rrisë skuadrën me eksperiencën, njohuritë dhe aftësitë që zotëron. Di Françesko ishte i papunë që nga muaji mars, kur u shkarkua nga Roma pas rezultateve të dobëta.

? #DiFrancesco è il nuovo allenatore della #Sampdoria ?? https://t.co/PtZwQpA5j3 pic.twitter.com/7A5wJ6it7E

— U.C. Sampdoria (@sampdoria) June 22, 2019

Danezi ka qenë një mur në prapavijën e skuadrës së Sampit dhe ka tërhequr vëmendjen e disa skuadrave në Premier League, me Arsenalin që shihet si ekipi favorit për të siguruar firmën e tij. Sa i takon së ardhmes, vetë Andersen tha hapur sot për mediat italiane se aventura e tij te Sampdoria ka mbaruar:

“Kam kaluar një periudhë të shkëlqyer te Sampdoria, por besoj se ka ardhur koha që të largohem dhe të provoj diçka të re. Janë disa klube që më kanë kontaktuar dhe aktualisht, agjenti im është në bisedime me 3 klube shumë të mëdha europiane. Kjo ka qenë dhe ëndrra ime”, u shpreh Andersen.

Kalimi i trajnerit Xhampaolo te kuqezinjtë, mund të shtojë mundësinë e kalimit në San Siro. I pyetur nga mediet italiane, agjenti i 25-vjeçarit ka folur rreth ofertave për klientin e tij. Ai shprehet se Milani është një klub i madh, por ka skuadra të tjera jashtë Italisë, të cilat kanë shfaqur interes konkret ndaj Praet.

“Të gjithë e dimë se çfarë mendon Xhampaoli për Denis. Tani për tani nuk mund të them asgjë më shumë. Milan është një klub i madh. Por ka disa klube të tjera jashtë vendit, që kanë shfaqur interes”, u shpreh ai, duke nënkuptuar edhe interesimin e Arsenalit.

Hoakim Andersen ka ardhur nga kampionati holandez, konkretisht nga klubi i Tuente. Për mbrojtësin Sampdoria ka shpenzuar vetëm 1.4 milionë euro për ta sjellë në Itali. Vlera aktuale e 23-vjeçarit danez në merkato është 20 milionë euro.

Kapiteni do të largohet në fund të sezonit pas një jete në kryeqytetin italian. E turpshme mungesa e rinovimit dhe mënyra e largimit të një prej simboleve të Romës. Ferrero shpjegon ndjesitë e provuara dhe ka një ftesë për 35-vjeçarin, i cili nuk ka ndërmend ta mbyllë me futbollin e luajtur.

“Kam biseduar me Danielen disa javë më parë gjatë një udhëtimi me tren. Nëse dëshiron të vijë te Sampdoria, unë jam gati për ta bërë realitet një gjë të tillë. Lamtumira e tij nga Roma është një nga momentet më të trishta të futbollit italian. Një simbol si Toti u largua në një mënyrë të paimagjinueshme, ndërsa De Rosi u largua në një mënyrë të papritur.

E kam mik Danielen, vjen shpesh në kinemanë Adriano. Si president e ofendova pak javë më parë, sepse më bëri të humbas ndeshjen prej një faulli të paqenë. Atë ndeshje e fitoi De Rosi dhe jo Roma. U bëra keq edhe kur la futbollin Toti. E ftova të vinte te Sampdoria, por m’u përgjigj se nuk mundej. Tani do e provoj me Danielen. Do gjej direkt numrin e tij. Nëse dëshiron të shkojë në kinema falas, le të vijë të Sampdoria. Bëj shaka. Seriozisht dua që të vijë këtu, ai e di shumë mirë”, përfundon Masimo Ferrero.

Ish-lojtari i Juventusit është lojtari më i vjetër në historinë e Serie A, që arrin të shënojë 25 gola brenda një sezoni futbollistik. Rekordi mbahej nga Luis Vinicio, i cili kishte kapur këtë shifër në moshën 34 vjeç, 2 muaj e 22 ditë. Ndërkohë që Kualjarela e arriti këtë 36 vjeç, 3 muaj e 5 ditë.

Italiani është golashënuesi më i mirë i kampionatit italian, duke parakaluar edhe Kristiano Ronaldon. Portugezi numëron katër rrjeta më pak se sulmuesi i Sampdorias. Të shohësh moshën e Kualjarelës, kjo nuk është aspak diçka normale, pasi shifra të tilla nuk po i arrijnë as sulmues si Suarez apo Kejn.

Goli i Daniele De Rosit i dhuroi fitoren përballë Sampdorias ekipit kryeqytetas. Kapiteni devijoi saktë një top brenda zonës së vendasve dhe dërgoi topin në rrjetë, 15 minuta përpara fundit të ndeshjes.

Takimi ishte i ekuilibruar, edhe pse Sampdoria zotëroi qarkullimin e topit. Roma nuk fitonte në kampionat prej tre ndeshjes dhe ky trepikësh e ngjit në vendin e gjashtë me 51 pikë, një më pak se Milani i vendit të katërt, ndërsa ekipi dorian qëndron në vendin e nëntë me 45 pikë.

Sampdoria-Roma 0-1
(De Rosi 75′)

Ndeshja e radhës zhvillohet nesër në darkë. Djemtë e Ranierit do të udhëtojnë drejt Xhenovës për t’u ndeshur me Sampdorian vendase. Një sfidë e vështirë dhe Klaudio Ranieri ka respekt për kolegun Xhampaolo dhe mënyrën se si i bën të luajnë dhe luftojnë skuadrat.

Trajneri i Romës pret një konfirmim nga ekipi i tij, flet për talentin Zaniolo dhe e mbyll me sulmuesin Xheko.

MOMENTI – “E di që pika me Fioren nuk vlen shumë, por fizikisht jemi mirë dhe po përmirësohemi në aspektin psikologjik. Le të nisemi nga pjesa e dytë e ndeshjes së fundit. Kemi fituar besim dhe nesër dua ta konfirmoj këtë fakt. E vlerësoj shumë Xhampaolon. Duhet të jemi të kujdesshëm dhe të kthjellët kundër Sampdorias, pasi skuadrat e tij të mbysin me presing.”

ZANIOLO – “Ai e ka përsëritur shumë herë që dëshiron të qëndrojë këtu. Ka një kontratë deri në vitin 2023, ai nuk dëshiron të largohet dhe Roma nuk ka ndërmend ta shesë. Xheko? Mua më pëlqen mënyra se si luan Edini. Të gjithë sulmuesve u qëllon një periudhë ku nuk arrijnë të shënojnë shumë gola. Në portë do të luajë Mirante, edhe pse kam konsideratë për Olsen. De Rosi donte të luante me Fiorentinën, ndërsa nesër mund të na japë një dorë të madhe.”

Joakim Andersen nga Danimarka dhe Omar Kolej nga Gambia përfituan për të bërë pak gallatë në rrjetet sociale. Vikingu postoi një foto gjatë ndeshjes, aty ku ishte ai dhe polaku i “Djallit”.

“Le të vazhdojmë betejën”, shkruan Andersen, ndërsa dallohet duke paralajmëruar sulmuesin e Milanit. Mes komenteve të shumta ka rënë në sy ai i shokut të repartit.

“Çfarë po i thua, vëlla? Harroji pistoletat?”, komenton afrikani, duke ironizuar me mënyrën e festimit të Piatek dhe faktin që nuk arriti të çante atë dhe Andersenin. Komenti i Kolej është pëlqyer pafund nga tifozët e Sampit, të cilët nuk e harrojnë të kaluarën si lojtar i Xhenoas për Piatek.

 

View this post on Instagram

 

We continue the battle ????

A post shared by Joachim Andersen (@joachimandersen3) on Mar 31, 2019 at 8:14am PDT

Kuqezinjtë u munduan të reagonin pas golit, por nuk arritën të dilnin në lojën e tyre thuajse për asnjë çast, me pjesën e parë që u mbyll me avantazhin e vendasve. Fraksioni i dytë nisi me ndryshime për Gatuzon, i cili aktivizoi menjëherë Kontin, ndërsa më vonë në fushë zbriti dhe Kutrone.

Pavarësisht dëshirës, “djalli” nuk shfaqi asgjë më shumë dhe deri në fundin e takimit nuk ndryshoi asgjë, me Milanin që merr humbjen e dytë radhazi pas asaj në derbi dhe fillon të dridhët për sa i përket pozitave në renditje, ku lufta për një vend në Champions sa vjen e bëhet dhe më e fortë.

Serie A
Sampdoria – Milan 1-0
Shënues: Defrel 1’

Siç raporton “La Stampa”, Viali ka patur një kontakt telefonik me Masimo Ferreron, presidentin aktual. Ky i fundit pretendon se ka edhe oferta të tjera. Një lëvizje normale me qëllim rritjen e çmimit të shitjes së klubit.

Viali i ka kërkuar Ferreros përshpejtimin e tratativave të shitjes dhe njoftimin zyrtar brenda pesë ditëve të ardhshme. Në dyshim mbetet dhe e ardhmja e trajnerit. Marko Xhampaolo mund të largohet bashkë me Ferreron dhe e ardhmja e tij mund të jetë Roma.

Për “TuttoSport”, Kualjarela zbuloi sekretet e formës së tij, gjendjes fizike dhe arsyet që e mbajnë ende të motivuar të stërvitet çdo ditë dhe të jetë i gatshëm për të veshur këpucët: “Jam entuziast i madh, futbolli më ka shpëtuar jetën. Nuk mund ta lë kurrsesi, jo tani.

Kam një moshë ku i kontrolloj mirë emocionet dhe nuk ndikohem, prandaj jam shumë i fokusuar në fushën e lojës. Ky është sekreti i statistikave të mia: Kam përqendrim të lartë vetëm në fushë dhe mundohem ta shijoj çdo ndeshje sikur të ishte e fundit. Jam shumë i lumtur që vazhdoj të luaj me Sampdorian”, përfundoi Kualjarela.

Futbollisti francez iu largua postbllokut të policisë me automjetin e tij Mercedes Benz model  C63 dhe në përpjekjeve për t’iu larguar policisë  u përplas me një sërë makinash dhe tabelash rrugore.

Pas kryerjes së testit të alkoolit, Defrelit iu pezullua patenta, ndërsa u gjobit dhe për mosrespektim të semaforit. Klubi i Sampdorias ka reaguar në lidhje me këtë incident, ku ka paralajmëruar se do të marrë masa disiplinore për lojtarin.

Ishte Rodrigo De Paul, i cili u tregua i saktë nga pika e bardhë në minutën e 25-të, duke i dhënë avantazhin friulanëve, por Palasio në minutën e 39-të vuri baraspeshën. Në pjesën e dytë, Puseto, 11 minuta përpara fundit u kthye në hero për ekipin e tij, duke i dhënë fitoren Udinezes.

Nga ana tjetër, Sampdoria tregoi forcën e saj në transfertë ndaj Spalit, duke triumfuar me shifrat 1-2. Dy gola të Fabio Kualiarelës brenda 11 minutave, i dhanë fitoren dorianëve, të cilët ngjiten në vendin e tetë në kuotën e 39 pikëve. Me dopietën e shënuar, sulmuesi barazon Ronaldon me 19 gola. Kurtiç shënoi golin e nderit për vendasit në minutën e pestë shtesë.

Ndërkohë, Xhenoa nuk arriti të shkojë më shumë se një barazim pa gola ndaj Frosinones, me këta të fundit të cilët luajtën me një lojtar më pak që nga minuta e 34-t. Kështu, ekipi nga “Marasi” ngjitet në vendin e 12-të me 30 pikë, ndërsa Frosinone merr një pikë shprese për mbijetesën.

KAMPIONATI – “Të thuash që e fiton lehtë, është gabim. Shumë skuadra po investojnë dhe futbolli këtu është shumë kompetitiv. Mos me keqkuptoni, nuk dua të them që është në të njëjtin nivel me kampionatet europiane, por nuk është aq keq sa mendojnë disa njerëz”.

AMBIENTIMI – “Shumë i vështirë. Të jetosh në Kinë duhet të mësosh kulturën e tyre, gjuhën, zakonet. Në të kundërt, të anashkalojnë. Bashkëshortja ime po e mëson gjuhën, e ka pasion. Unë? As që bëhet fjalë. Është diçka shumë e vështirë dhe nuk e mësoj dot. Ndoshta duhet të bëhem si bashkëshortja ime (qesh)”.

PRESIDENTI – “Kemi pasur një takim me presidentin Zhang dhe është një njeri i jashtëzakonshëm. E do shumë futbollin dhe kjo gjë na motivon dhe ne futbollistëve. Pastaj, financat dihet, që nuk janë aspak problem këtu në Kinë”, përfundoi Eder.

Nga shitja e 22-vjeçarit, “Zonja e vjetër” ka arkëtuar 20 milionë euro. Audero konsiderohet si një ndër portierët më premtues në Itali, por Alegri ka në dispozicion dy “gardianë” të talentuar si Shezni dhe Perin, konkurrenca e të cilëve do të ishte shumë e dëmshme për një portier të ri, që ka ende shumë për të mësuar.

Ufficiale | #Audero ceduto a titolo definitivo alla @sampdoria https://t.co/XlO2VkhJNj pic.twitter.com/mwPc6vnpmP

— JuventusFC (@juventusfc) February 26, 2019

Te Sampdoria Auderio i ka habitur të gjithë me paraqitjet e tij, dhe prandaj vendimi për të blerë ka ardhur që në janar edhe pse ky opsion ishte i vlefshëm deri në fund të kampionatit.

Pjesa e parë ishte e barabartë dhe nuk dhuroi gola, ndërsa u desh një penallti për të zhbllokuar sfidën. Goditjen e mori përsipër 36-vjeçari, i cili nuk gaboi përballë portierit Kranjo.

Ekipi sard tentoi deri në fund për të barazuar ndeshjen, por nuk ia doli. Kjo fitore e ngjit Sampdorian në vendin e nëntë me 36 pikë, ndërsa ishullorët renditen pesë pozicione më poshtë me 24 pikë. Ky ishte goli i 17-të në kampionat për Kualjarelën, që renditet i treti me dy gola më pak se Kristiano Ronaldo dhe një më pak se Piatek i Milanit.

Sampdoria-Kaljari 1-0
(Kualjarela (pen) 66′)

Sulmuesi i klubit dorian gjeti golin në 11-të ndeshje rresht dhe barazoi rekordin e vendosur nga Gabriel Batistuta në sezonin 1994/1995. Roberto Mançini ka vendosur ta rikthejë sulmuesin në kombëtare, duke vlerësuar në maksimum paraqitjet, golat dhe formën e mrekullueshme.

Masimo Ferrero është i lumtur për një gjë të tillë, pavarësisht se tenton t’i japë merita dhe vetes. Presidenti karizmatik i Sampdorias i rikthehet episodit të ndodhur përpara 3 viteve, kur bleu sulmuesin nga Torino dhe batutat nuk mungojnë kurrë në deklaratat e tij.

“Marrëveshja me Torinon ishte e komplikuar dhe pak persona besonin te Kualjarela. Mbaj mend që ishte dita e fundit e merkatos. Po udhëtoja me tren për në Romë, tratativa me Kairon (presidenti i Torinos) përparoi dhe m’u desh të braktisja trenin. Në fund të fundit kjo ishte një dhuratë e imja për Fabion, duke parë që në moshën 36-vjeçare është kthyer në kombëtare. Ju e keni mbushur lojtarin me komplimente, por e vërteta është që Ferrero ka më shumë merita se ai. Ka ndodhur e njëjta gjë si në kinema: kush fiton çmimin ‘Oscar’, merr duartrokitjet, ndërsa producenti që shpenzon paratë, asgjë… Kualjarela është më shumë se një lojtar në fund të karrierës, ai sapo ka nisur të luajë futboll…”, përfundon Masimo Ferrero.

Shkodrani festonte sot 25-vjetorin e lindjes, megjithatë në të tilla nivele nuk ka dhurata të këtij lloji. Milik, Isinje dhe Verdi ishin autorët e golave për të zotët e shtëpisë.

Napoletani i Sampdorias, Fabio Kualjarela nuk mund të gjente rrugën e rrjetës ndaj ekipit të zemrës. Sulmuesi 36-vjeçar shënonte prej 11 takimesh radhazi dhe kishte mundësinë të thyente rekordin e vendosur nga Batistuta 23 vite më parë, por siç duket e ndajnë këtë arritje do e ndajnë së bashku dhe për shumë vite.

Pikërisht këto paraqitje kanë bërë që trajneri i Italisë, Roberto Mançini ta rikthejë në kombëtare bomberin 36-vjeçar. Kualjarela nuk luante me kombëtaren që nga viti 2010 dhe për “Axurrët”, ka shënuar 7 gola në 25 sfida. Kualjarela është padiskutim lojtari më i mirë te Sampdoria dhe ka udhëhequr skuadrën blu të Sampit me shiritin e kapitenit në krah.

Forma e treguar prej napolitanit ka bërë që në Itali të ngrihen shumë diskutime për faktin se Kualjarela e meriton rikthimin në kombëtare. Italia do të nisë kualifikueset e EURO 2020 në muajin mars dhe lista me lojtarët që do të grumbullohen po përgatitet.

Pikërisht në lidhje me këtë temë, ditën e sotme, mediat më të mëdha sportive në Itali kanë raportuar se sulmuesi i Sampdorias, do të rikthehet në kombëtare, ku ka që në vitin 2012 që nuk luan asnjë minutë me fanellën e axurrëve. Është një shans, të cilin Kualjarela, padyshim e meritonte.

36-vjeçari (i mbush të premten) shënoi gol për të 11-ën ndeshje rresht në kampionat duke barazuar rekordin e vendosur përpara 24 vitesh nga një “kanibal” goli si Gabriel Batistuta. Batigol shënonte në 11-të ndeshjet e para të sezonit 1994/1995 me Fiorentinën dhe e mbyllte sezonin me 26 gola të shënuar.

Kualjarela është shfaqur i emocionuar pas ndeshjes dhe ka thënë fjalët e para pas rekordit të barazuar. Krenari dhe modesti, por kapiteni i Sampdorias nuk e beson akoma se çfarë ka bërë. Njerëzit dëshirojnë që ai të rikthehet në kombëtaren e Mançinit dhe lojtari ka një përgjigje të bukur për këtë.

Ndeshja e radhës është përballë Napolit të tij në transfertë. Bomberi do të tentojë të mos ndalet dhe ta kthejë në të paharrueshme pasditen e dy shkurtit. Mjafton vetëm një gol dhe më pas të gjithë do të ëndërrojnë të barazojnë rekordin e Fabio Kualjarelës…

“Është një emocion i papërshkrueshëm. Vetëm ta imagjinosh diçka të tillë të jep ndjesi të bukura. Batistuta? Dridhem vetëm kur e dëgjoj një emër të tillë… Pas golit të parë mendova vetëm të shijoja mbrëmjen me tifozët e mi. Kam mbetur pa fjalë. Të barazosh këtë rekord në moshën 36-vjeçare është krenari. E kaluara ime dhe sakrificat e mia shërbyen për diçka. Kombëtarja? Trajneri duhet të përqendrohet te të rinjtë, përndryshe nuk do të rriten kurrë. Është e drejtë e Mançinit për të bërë zgjedhjet e tij. Unë luaj futboll për t’u zbavitur dhe kënaqem njësoj si kur shënoj, ashtu dhe kur nxjerr shokët e skuadrës përpara portës”, flet Kualjarela.

Urimet për sulmuesin kanë qenë të shumta, por njëri ka qenë më i veçantë se të tjerët. “Armiqtë” e Xhenoas kanë uruar sulmuesin rival, duke zgjedhur fjalë të bukura për rekordin e tij. “Krenarë që jemi xhenoanë dhe që kemi në qytet një rival kaq të fortë sa ti. Komplimente Fabio Kualjarela”, shkruan klubi i Xhenoas në rrjetet sociale.

11 ndeshjet rresht ku Kualjarela ka shënuar
Milan
Torino
Genoa
Bologna
Lazio
Parma
Empoli
Chievo
Juventus
Fiorentina
Udinese

?? Orgogliosi di essere genoani e di avere in città un rivale forte come te. ?? Complimenti, @FQuagliarella27! pic.twitter.com/JK8hm6yA4g

— Genoa CFC (@GenoaCFC) January 26, 2019

Ai ka “rilindur”, po përjeton një sezon të pabesueshëm dhe ndodhet në një formë të mrekullueshme. Kualjarela është një sulmues që njihet për eurogolat e shënuar në karrierë, por nga 26 janari i sotëm do të mbahet mend dhe për diçka tjetër. Me golin e sotëm nga pika e penalltisë, sulmuesi i Sampdorias ka barazuar një rekord, që mendohej i pathyeshëm.

Kjo është ndeshja e 11-të rresht në kampionat që Kualjarela shënon, duke barazuar kështu një emër të madh si Gabriel Omar Batistuta. Argjentinasi i famshëm shënonte gjatë sezonit 1994/1995 në 11-të ndeshje rresht me Fiorentinën e tij, duke e mbyllur kampionatin në shifrën e 26 golave.

Kualjarela ia ka dalë ta barazojë pas 24 vitesh, ndërsa ka shansin të vazhdojë me gola. Ai është ngjitur në kuotën e 15 golave në kampionat, duke lënë poshtë Ronaldon dhe Zapatën me nga një gol më pak. Ndeshja e radhës është e vështirë, luhet kundër Napolit në transfertë dhe “plakushi” do tentojë të vendosë rekordin e tij. Tashmë asgjë nuk është e pamundur, por goleadori shpreson në fillim që Sampdoria të sigurojë fitoren dhe të dërgojë në shtëpi tre pikët në ndeshjen e sotme.

11 ndeshjet rresht ku Kualjarela ka shënuar
Milan
Torino
Genoa
Bologna
Lazio
Parma
Empoli
Chievo
Juventus
Fiorentina
Udinese

11 – Fabio #Quagliarella has scored in 11 consecutive Serie A games played, the joint-longest such run in the history of the competition, equalling Gabriel Omar Batistuta (11 in a row in 1994). Olympus. #SampdoriaUdinese pic.twitter.com/vUlIJrxw2N

— OptaPaolo (@OptaPaolo) January 26, 2019

Me trajnerin Xhampaolo është shumë i lidhur dhe është gati t’i dhurojë rinovimin, pavarësisht se nuk do ia falë kurrë shitjen e Duvan Zapatës tek Atalanta.  Trajneri nuk e pëlqente, ndërsa kolumbiani po “fluturon” me ekipin bergamask.

Rrëfimi i tij është interesant dhe batutat janë unike. Në fund ëndrra për të fituar një trofe dhe për t’iu dhuruar buzëqeshje e lumturi tifozëve të Sampdorias.

FERRERO – “Në fillim të gjithë më përqeshnin dhe askush nuk besonte tek unë. Unë lëkundem, por nuk dorëzohem. Sot ndodhem këtu falë fatit, këmbënguljes, punës së vështirë dhe dëshirës për t’iu dhuruar të rinjve dorianë një shtëpi. Pres shumë nga futbolli, por nga Sampdoria marr vetëm shkelma b…, që nuk i meritoj. Pjesa tjetër është e mbushur me kënaqësi, sot shkova te noteri dhe pagova zyrat e reja të klubit. Pres gjëra të bukura nga futbolli, sepse kush mbjell, korr. Unë kam mbjellë buzëqeshjen dhe lumturinë e njerëzve dhe shpresoj që ata të jenë të lumtur dhe të kenë respekt.”

TRAJNERI – “Trajnerët janë si gratë dhe ata mund t’i ndryshosh, pasi nuk janë prindërit e tu. Besoj shumë te puna e Xhampaolos, por nëse e thërret Reali dhe ai largohet, do të kem përsëri respekt për të. Ia thashë një gjë të tillë dhe Mihajloviçit, por… Ai ishte dashuria ime e parë. Kur erdha te Sampdoria nuk merrja vesh nga futbolli. Më dërguan në Londër dhe unë e hutova Etonë nëpërmjet një kameriere. Kam bërë shumë prapësi te Sampdoria. Me Sinishën kemi mbetur miq, por çdo trajner ka skemat e tij tekniko-taktike. Xhampaolo është një punonjës futbolli, një fundamentalist. Të gjithë e kritikojnë, por unë e dashuroj, sepse ai respekton stilin e vet. E cilësoj si një trajner shumë të mirë, atë duhet ta shijosh ashtu siç është. Ndoshta nuk të bën të fitosh asgjë, por mund të na dhurojë dhe titullin kampion. Unë nuk heq dorë nga ai dhe, nëse dëshiron të rinovojë, jam gati t’i ofroj një kontratë dy-vjeçare.”

MERKATO – “Merkato nuk mbaron kurrë dhe unë isha kundër shtyrjes së saj përtej 31 janarit. Merkato nuk ka nisur ende, sepse çdo gjë ndodh në javën e fundit. Bleva Gabiadinin, por do të kisha marrë dhe Murielin nëse do të kishim në ekip një vend të lirë për lojtarët ekstrakomunitarë. Të gjithë qahen për shitjen e Toreiras, por kemi marrë Ekdal dhe nuk jemi penduar. Po punoj për të gjetur zëvendësuesit e Andersen dhe Kolej për në verë, sepse ka boshllëk qendërmbrojtësish. Po provoj me të gjitha forcat e mia dhe dua të fitoj diçka.”

PENGU – “Mendoj se një futbollist është si puna e bursës: shet, fiton dhe… pendohesh. Zapata nuk bënte pjesë në planet e Sampdorias. Xhampaolon do e mbys një ditë, sepse atij nuk i pëlqente kolumbiani. Nëse dëshiron Xhampaolon, ndodh dhe kjo, kështu që nuk është ndonjë befasi fakti që Zapata mund të largohej…”

Sfida nisi në mënyrën më të mirë për vendasit dhe për blerjen më të re të sulmit, Luis Muriel, i cili shënoi në minutën e 34-t. Gjithsesi, gëzimi i golit nuk zgjati shumë, pasi vetëm pesë minuta më vonë Fernandes la me 10 lojtarë ekipin e tij, teksa u ndëshkua me kartonin e dytë të verdhë.

Gaston Ramirez vuri baraspeshën një minutë përpara fundit të pjesës së parë, duke mbyll 45 minutat me shifrat 1-1. Pavarësisht se luajtën me një lojtar më pak, Fiorentina e gjeti forcën dhe në minutën e 70-të shënoi përsëri me Muriel, i cili çoi peshë tifozët e tij për të dytën herë. Sidoqoftë, në fund ekipi i Sampdorias përmbysi çdo gjë brenda katër minutash.

Fillimisht, Fabio Kualiarela shënoi nga pika e bardhë në minutën e 81-të, ndërsa në të 85-tën ishte përsëri sulmuesi, i cili i dhuroi golin e përmbysjes ekipit të tij. Gjithsesi, çmenduria e kësaj ndeshje nuk ishte ndalur ende, pasi në minutën e 92-të German Pecela baraspeshon gjithçka, duke e mbyllur sfidën në 3-3.

Në një prononcim për “Rai Tre”, Sabatini flet për futbollin, rolin e tij, negociatat me agjentët e lojtarëve dhe në fund tregon pengun më të madh të karrierës së tij. Ai është Havier Pastore, të cilin e zbuloi kur ishte pjesë e Palermos. Sabatini insistoi shumë, udhëtoi katër herë drejt Argjentinës për të bindur lojtarin dhe agjentët e tij dhe në fund fitoi konkurrencën me Milanin, Çelsin dhe Porton.

“Futbolli ka qenë më romantik më parë. Në futboll shoh gjithçka që mund të njihet në jetë dhe përtej saj. Të negociosh sot me agjentë lojtarësh nuk është kaq e vështirë. Jo të gjithë janë kriminelë, pasi ka dhe të ndershëm. Për të blerë një lojtar duhet të mbetem i hipnotizuar, duhet të emocionohem. E imagjinoj më parë atë që ai mund të dhurojë në fushën e blertë, sepse kjo është veçoria ime kryesore.”

“Pengu më i madh? Havier Pastore. Ai luante një futboll ëndrrash, ka bërë një karrierë të mirë, por më pas pati një rënie dhe ia kam thënë një gjë të tillë. Mos të flasim dhe për Iturben dhe Dodo. Blerjet e dështuara? Kam dhe unë gabimet e mia. Ndonjëherë presim shumë nga lojtarët e huaj, por nuk është e thjeshtë të luash në Itali. Kam vuajtur shumë shitjen e disa lojtarëve kur isha te Roma, por në ato momente klubi kishte nevojë për para dhe ishte një problem për t’u zgjidhur”, përfundon Valter Sabatini.

22-vjeçari e mbylli sezonin e fundit me Santosin, duke u shpallur golashënuesi më i mirë i kampionatit me 18 gola të shënuar. Zyrtarizimi është bërë nga klubi i Flamengos në “Twitter”, duke i uruar mirëseardhjen Gabigolit.

GABIGOL É DO MENGÃO!

AGORA PODE COMEMORAR, NAÇÃO! É OFICIAL!#BemVindoGabigol pic.twitter.com/LVMfPk41ft

— Flamengo (@Flamengo) January 11, 2019

Një tjetër zyrtarizim, kësaj radhe në Serie A. Manolo Gabiadini është rikthyer te Sampdoria, aty ku luajti gjatë sezoneve 2013-2015, duke shënuar 15 gola në kampionat. Sulmuesi do të huazohet deri në fund të sezonit për shumën e 3 milionë eurove, ndërsa Sampdoria ka detyrimin e blerjes së 27-vjeçarit në verë për shumë e 9 milionë eurove. Me pak fjalë, 12 milionë euro në arkat e Sauthemptonit, shumë që do të paguhet brenda tre viteve.

? Bentornato #Gabbiadini: arriva dal @SouthamptonFC a titolo definitivo ? https://t.co/CXxb2kHNpH pic.twitter.com/QLtZwqNwZs

— U.C. Sampdoria (@sampdoria) January 11, 2019

Manolo votes for Europe. And you? pic.twitter.com/WdtS0f2ZGQ

— Sampdoria English (@sampdoria_en) January 11, 2019

Gjithsesi, në raportitem e fundit në Francë, thuhet se sulmuesi nuk do të kalojë në Marsejë dhe duket se destinacioni i tij do të jetë diku tjetër. Së fundmi, është hapur pista e rikthimit në Serie A, teksa “Tuttosport” dhe “Rai”, kanë raportuar se Parma, Sampdoria e Sasuolo kanë shfaqur interes të madh për Balotelin.

Pritet për t’u parë vendimi që italiani do të marrë, por gjasat janë të shumta që një rikthim i tij në Serie A të ndodhë. Kujtojmë, 28-vjeçari ka luajtur më parë me fanllën e Interit dhe Milanit në futbollin italian.

Ausieker është një ndër lojtarët më të mirë të videolojës së famshme “FIFA 19”, një lojë elektronike që u lejon lojtarëve të simulojnë ndeshje futbolli në platforma si “Playstation” ose “Xbox”.

Tani e tutje, gjermani do të mbajë veshur fanellën e Sampdorias në të gjitha turnetë ku ai do të garojë.  Sampdoria nuk është klubi i parë që investon në industrinë e lojërave elektronike. Mund të duket e pabesueshme, por gjatë viteve të fundit me qindra njerëz kanë arkëtuar miliona duke luajtur lojëra elektronike.

? #Sampdoria #eSports: #Blackarrow89 è il nuovo #Xbox gamer blucerchiato ?? https://t.co/VjtzssFB3J pic.twitter.com/LGzRvASoQe

— U.C. Sampdoria (@sampdoria) January 6, 2019

Masimo Ferrero është një nga presidentët më të veçantë të botës së futbollit. Kreu i Sampdorias i është rikthyer dhe njëherë akuzave për teknologjinë VAR. Teknologjia ka “krijuar” dy ndeshje: një në fushë dhe një në televizor, ndërkohë që duhet të ishte një ndihmesë për arbitrat.

“Pas ndeshjes u ngjita në autobusin e ekipit dhe përgëzova të gjithë lojtarët. U thashë që isha krenar për mënyrën sesi u përballën me Juventusin. VAR-i? Nuk mund të jetë më protagonisti i vetëm. Tani e dimë se kur shkojmë në stadium, ekziston mundësia për të parë dy ndeshje, një në fushë dhe një në televizor. Nuk vazhdohet kështu, duhet të kthehemi t’u japim besim arbitrave, të cilët janë të aftë dhe të përgatitur. Të gjithë e kemi kërkuar VAR-in dhe nuk kthehem mbrapa, por teknologjia duhet të ishte korrigjuese, një ndihmë shtesë për arbitrin. Tani na është kthyer në problem, nuk mund të ndërpritet ndeshja 6-7 herë, edhe për episode minimale”, përfundon Masimo Ferrero.

Kristiano Ronaldo ishte heroi i Juves me dygolëshin e shënuar, ndërsa Fabio Kualjarela barazoi shifrat përkohësisht. Sfida u zhbllokua shumë shpejt dhe Ronaldo kaloi tifozët në festë që në minutën e dytë. Portugezi mori një pasim të bukur nga Dibala, stopoi topin dhe lëshoi një diagonale të fortë, duke shënuar një gol klasik të tij.

Sampdoria nuk u dorëzua dhe barazoi ndeshjen në minutën e 33-të. Arbitri Valeri kërkoi ndihmën e VAR-it për të akorduar një penallti për miqtë, pas një prekje me dorë në zonën e bardhezinjve. 35-vjeçari nuk gaboi nga pika e penalltisë, duke shënuar golin e 12-të në kampionat.

Kualjarela po shijon një rini të dytë dhe, pasi barazoi David Trezege me nëntë ndeshje rresht që shënon, tashmë synon rekordin e një tjetër emri të madh si Gabriel Batistuta, i cili mban rekordin absolut me gola të shënuar në 11-të ndeshje rresht me Fiorentinën në sezonin 1994-1995.

Pjesa e parë nuk pati më gola, ndërsa Kristiano Ronaldo riktheu ekipin e tij në avantazh në minutën e 65-të. Kësaj radhe topi preku dorën e një mbrojtësi të Sampdorias dhe penallti për Juven. Portugezi u tregua i saktë, duke shënuar golin e fitores për vendasit dhe të 14-tin personal në kampionat.

Drithërima në fund për tifozët e Juves, pasi Sampdoria arriti të gjente barazimin me një gol shumë të bukur të Saponarës, por VAR-i vendosi përsëri dhe goli u anulua për pozicion jashtë loje. Me dygolëshin e sotëm, Ronaldo parakalon Piatekun e Xhenoas, duke dalë në krye të renditjes së golashënuesve të Serie A.

Juventus-Sampdoria 2-1
(Ronaldo 2′, 65′ (pen) / Kualjarela 33′ (pen))

Ishte goli i 13-të për Ronaldon deri më tani në 19 ndeshje, duke u bërë kështu portugezi, i cili ka shënuar më shumë gola se askush tjetër në një sezon të vetëm. Më parë ky rekord u mbante nga Rui Barros. Natyrshëm që deri në fund të sezonit 33-vjeçari ka mundësinë që ta thellojë këtë rekord.

Golit të Ronaldos iu përgjigj Kualiarela, i cili vendosi ekuilibrin që në fraksionin e parë me një 11-metërsh, por kishte një peshë të veçantë edhe për të. Është ndeshja e nëntë radhazi që sulmuesi i Sampdorias arrin që ta gjejë rrugën e rrjetës. Diçka të tillë nuk e kishim parë që në vitin 2005, kur në 9 takime radhazi shënonte Trezege i Juventusit.