Vendasit kishin më shumë motivim, fundja donin një ndarje të bukur me tifozët e shumtë që shkuan në stadium edhe për të nderuar yllin e ekipit, sulmuesin veteran Fabio Kualiarela, i cili mori ovacionet e stadiumit.

Gol Kualiarela nuk shënoi, por Samp fitoi 2-0 dhe Maks Alegri e ka mbyllur epokën bardhezi me humbje që nuk dhemb.

Defrel dhe Kaprari autorët e golave, në një sfidë që u ndez në pjesën e dytë, për meritë të një Sampdorie që e mbyll bukur sezonin, me 53 pikë.

Patrik Shik u kthye i lumtur në Itali, kreu vizitat mjekësore dhe foli si juventin, por pastaj diçka ngeci. Kontrollet mjekësore evidentuan një problem dhe Juventusi hoqi dorë, bujshëm.

Sampdoria akuzoi për mungesë ndershmërie dhe i konsideroi gënjeshtra lajmet për probleme fizike serioze.

Më pas, në skenë u fut Interi, edhe aty bisedime e kontrolle mjekësore, por përsëri gjithçka mbeti pezull, ndërsa 21-vjeçari çek mbytej nga depresioni.

Tani Shik gjen klubin e ri: është Roma, që ka vendosur ta blejë, duke mbyllur gjithçka me Sampdorian për huazim për 6 milionë euro, por edhe 25 milionë për blerjen e detyruar dhe 7 milionë bonuse. Rekord për pronarët amerikanë të Romës, nuk kishin shpenzuar kurrë kaq shumë për një futbollist.

Kontratë 5-vjeçare, me më shumë se 2 milionë euro në vit, plus bonuse. Të gjithë të lumtur, por ka ende edhe pak… kontrolle mjekësore.

Presidenti i Sampdorias, Masimo Ferrero, një tip komik, deklaroi sot në eufori e sipër: “Si Shik lind një në 100 vjet. Është më i mirë se Bekenbauer”. OK, qetësohu president!

Refuzim i prerë nga Sampdoria, që lëshoi akuza të forta ndaj Juves.

Menjëherë në treg dhe Samp ka gjetur klientin, sepse Interi është gati ta marrë talentin çek, një ndër zbulimet e mëdha të sezonit të fundit.

Klubi zikaltër është gati të paguajë shifrën që do Samp, por vetëm pas kontrolleve të reja mjekësore.

Ndërkaq, te Samp pritet të shkojë Santon nga Interi.