sami khedira

“Do operohem, nuk duroj dot më”, juventini ndan mendjen

Sport Ekspres — Thu, 18 Apr 2019 14:54:25 +0000

Juventusi nuk arriti të menaxhonte mirë periudhën më deçizive të sezonit. Me një titull praktikisht të fituar, bardhezinjtë nuk erdhën në formën e tyre më të mirë në ndeshjet e burrave në Champions, pavarësisht se kishin mundësi për të pushuar në Serie A.

Megjithatë, ekipi i Alegrit u prek nga “mallkimi” i dëmtimeve. Në fillim Kielini dhe Manxhukiç, dy ndër lojtarët kyç dhe shpirti i ekipit. Pa to edhe grinta karakteristike e Juves u zbeh në maksimum.

Në infermieri kanë përfunduar edhe Perin, Kaseres, Dibala, Dagllas Kosta dhe i fundit… Sami Kedira. Mesfushori ka patur shumë probleme fizike këtë sezon, ndërsa tani ka vendosur të mos presë më.

Gjermani ka publikuar në rrjetet sociale vendimin e marrë, duke konfirmuar se sezoni i tij ka mbaruar. “Pas katër muajve dhimbje në gjurin tim, një ditë më e keqe se tjetra, kam vendosur të kryej operacion dhe të rikuperohem plotësisht. Operacionin do e bëj brenda dy javëve të ardhshme”, shkruan shkurt dhe qartë Kedira, duke i dhënë kështu fund sezonit.

After four months of continuous pain in my knee – some days worse than others – I have decided to undergo surgery, letting it fix and heal fully. The surgery is planned to take place in the next two weeks. #SK6 (1/2) pic.twitter.com/Y8Jghdrpks

— Sami Khedira (@SamiKhedira) April 18, 2019

“Makthi” i Kedirës merr fund, mjekët japin lajmin e mirë

Sport Ekspres — Thu, 21 Mar 2019 18:27:37 +0000

Lajmi se Sami Kedira kishte probleme me rrahjet e zemrës, ishte një lajm që tronditi jo pak Juventusin. Gjermani nuk ka qenë pjesë e ekipit që nga ndeshja e parë ndaj Atletiko Madrid në Spanjë, si pasojë e problemit në zemër, teksa duket se më në fund çdo gjë ka kaluar.

Sipas lajmeve të fundit, Kedirës i është bërë me dije nga mjekët se mund të rinisë stërvitjen i qetë, pasi problemi që pati disa javë më parë, duket se është lënë krejtësisht pas krahëve. Një lajm mjaft pozitiv për Juventusin dhe jo vetëm.

“Sami Kedira, i cili iu nënshtrua një studimi elektrofizik për sa i përket rrahjeve të tij të zemrës, ka kaluar të gjitha testet me sukses dhe mund të rinisë stërvitjen normalisht”, shkruhej në raportin e mjekëve.

Kedira ia hedh paq, ja sa do të mungojë mesfushori

Sport Ekspres — Wed, 20 Feb 2019 12:31:58 +0000

Mungesa e Sami Kedirës në listën e të grumbulluarve për sfidën në Madridin ndaj Atletikos, shkakorit jo pak bujë. Klubi torinez shpjegoi se gjerman kishte shfaqur rrahje të pazakonta të zemrës dhe për këtë arsye kishte qëndruar në Torino ku do të kryente vizita të specializuar mjekësore.

.@SamiKhedira operato in mattinata, intervento perfettamente riuscito.
?? https://t.co/yyheCYGSXY pic.twitter.com/qQeteUNMAj

— JuventusFC (@juventusfc) February 20, 2019

Në një njoftim të bërë pak orësh, është bërë e ditur se 31-vjeçari i është nënshtruar me sukses ndërhyrje terapeutike për të rregulluar problemin në sistemin kardiovaskular.

Trajneri Alegri do të duhet të tregohet i duruar, pasi Kedirës do t’i duhet të paktën një muaj që të jetë në dispozicion të tillë. Gjithsesi në klub nuk janë të shqetësuar aspak për këtë gjë, pari rëndësi ka që futbollisti ka shmangur rreziqe akoma më serioze që do të mund t’i cenon karrierën dhe jetën.