Sami Kedira

Ulvs nuk mbahet në merkato, shumë pranë juventinit

Sport Ekspres — Thu, 01 Aug 2019 17:42:21 +0000

Ulvërhempton po bën një merkato tepër interesante, duke sjellë emra të mëdha në ekip. Sami Kedira pritet të jetë emri i radhës që do të zbarkojë në klubin e Mendesh. 32-vjeçari nuk ka hapësira në Torino dhe Sarri ja ka bërë gjërat të qarta, duke i treguar derën.

Ulvs janë në bisedime të avancuara me Juventusin për të mbyllur një marrëveshje. Nedved nuk dëshiron të dalë pa arketuar asnjë para nga shitja e mesfushorit. Anglezët janë gati të negociojnë. Për Kediran interesohet edhe Arsenali. Megjithatë, londinezët nuk kanë financa për të hyrë në garë për gjermanin.

Ulvs të papërmbajtshëm, pranë dy yjeve bardhezinj

Sport Ekspres — Fri, 26 Jul 2019 15:55:57 +0000

Premier Liga është një kampionat që gjeneron të ardhura pafund dhe i jep mundësi çdo klubi të blejë lojtarë cilësorë. Ulvërhempton janë një nga ekipet më aktivë në merkato. Siç raporton “Sky Sport”, “Ujqërit” janë në kërkim të Sami Kediras dhe Moise Ken.
Mesfushori gjerman është e sigurt se do largohet. Mesfusha tashmë është mbipopulluar me yje dhe për të nuk ka vend në formacionin e Sarrit. Juventusi e ka nxjerrë në shitje dhe Horge Mendesh do të bëjë maksimumin për të sjellë gjermanin në “Molineux Stadium”.

Moise Kan ka shpërthyer në gjysmën e dytë të sezonit me bardhezinjtë dhe këta të funsit nuk duan të ndalojnë hovin e 19-vjeçarit. “Zonja” ka në plan ta huazojë ose ta shesë me të drejtën e riblerjes me një çmim të fiksuar. Ulvs do të ishte destinacioni perfekt për yllin italian, do luante rregullisht dhe do provonte veten në Premier Ligë.

Nisin daljet te Juventusi, mesfushori pranë kthimit në Bundesligë

Sport Ekspres — Fri, 12 Jul 2019 21:49:43 +0000

Me ardhjen e blerjeve të reja, mesfusha e Juventusit është populluar jo pak. Jo të gjithë do të kenë mundësinë të luajnë, kështu që priten largime. Sami Kedira është emri parë që lakohet për të ikur. Sezoni i fundit i mesfushorit ishte jo shumë pozitiv. Dëmtimet dhe problemi kardiak ishin armiku më i madh i tij, duke mos e lënë të fitojë balotazhin me Emre Çan apo Matuidi.
Sipas medieve evropiane, ka shumë oferta drejt Kedirës. Klubet e kampionatit amerikan dhe atij turk janë më të interesuarit për shërbimet e mesfushorit. Përtej këtij interesimi, dëshira e gjermanit është diçka tjetër. Ai ka në plan të luajë akoma në nivele të larta dhe dëshiron të vijojë karrierën në Bundesligë.

32-vjeçari ka edhe dy vite kontratë me klubin bardhezi. Gjithsesi, kjo nuk pritet të krijojë probleme në rast largimi. Juventus do të ishte i lumtur edhe nëse e largonte falas, pasi do t’i hiqej një barrë jo e vogël e pagës së lojtarit. Në ditët në vijim presim qartësim më të madh të kësaj situate.

Anjeli s’ka mëshirë, Juventusi largon dy “pleqtë” e mesfushës

Sport Ekspres — Mon, 01 Jul 2019 06:30:57 +0000

Mesfusha e Juventusit pritet të pësojë një ndryshim total. Kampionët e Italisë kanë zyrtarizuar prej kohësh firmën me uellsianin Aron Ramsein dhe në ditët në vazhdim e njëjta gjë do të ndodhë me francezin Adrien Rabiot.

Dy blerjet me kosto 0 kanë krijuar një ngjeshje në repartin e mesfushës, ku i bashkohen lojtarëve si Pjaniç, Emre Xhan, Bentakur, Kedira dhe Matuidi. Në këto rrethana drejtuesit e Juventusit duhet të vendosin se cilët lojtarë do të largohen për t’u liruar vend blerjeve e reja.

Sipas së përditshmes italiane “Tuttosport”, kryesia e klubit torinez u ka komunikuar mesfushorëve Blez Matuidi dhe Sami Kedira se nuk janë më planet e skuadrës. Të dy futbollistët janë në një moshë madhore (32 vjeç) dhe nuk shihen si lojtarë të perspektivës.

Sipas gazetës italiane klubi do të ndërprerë me marrëveshje kontratën e Kedirës, që t’i mundësojë futbollistin gjerman hapjen e negociatave për një kontratë në kampionatin amerikan. Matuidi është vënë në shitje dhe për momentin klubi më i interesuar është Monako.

Kedira ia hedh paq, ja sa do të mungojë mesfushori

Sport Ekspres — Wed, 20 Feb 2019 12:31:58 +0000

Mungesa e Sami Kedirës në listën e të grumbulluarve për sfidën në Madridin ndaj Atletikos, shkakorit jo pak bujë. Klubi torinez shpjegoi se gjerman kishte shfaqur rrahje të pazakonta të zemrës dhe për këtë arsye kishte qëndruar në Torino ku do të kryente vizita të specializuar mjekësore.

.@SamiKhedira operato in mattinata, intervento perfettamente riuscito.
?? https://t.co/yyheCYGSXY pic.twitter.com/qQeteUNMAj

— JuventusFC (@juventusfc) February 20, 2019

Në një njoftim të bërë pak orësh, është bërë e ditur se 31-vjeçari i është nënshtruar me sukses ndërhyrje terapeutike për të rregulluar problemin në sistemin kardiovaskular.

Trajneri Alegri do të duhet të tregohet i duruar, pasi Kedirës do t’i duhet të paktën një muaj që të jetë në dispozicion të tillë. Gjithsesi në klub nuk janë të shqetësuar aspak për këtë gjë, pari rëndësi ka që futbollisti ka shmangur rreziqe akoma më serioze që do të mund t’i cenon karrierën dhe jetën.

Juventusi pa mesfushë, dëmtohet edhe Kedira

Sport Ekspres — Sat, 17 Nov 2018 13:58:42 +0000

Sami Kedira nuk gjen paqe. Dëmtimet e kanë penalizuar shumë në karrierë mesfushorin tunizian të kombëtares gjermane. Së fundmi ka pësuar një dëmtim në kavilje dhe në orët e ardhshme do të vlerësohet gjendja e tij reale.

Por ajo që vlen për t’u përmendur është fakti se Kedira rrezikon shumë që të mos jetë i gatshëm për ndeshjen e radhës kundër Spal. Problemi nuk është vetëm mesfushori gjerman, pasi edhe Miralem Pjanicc është dëmtuar me kombëtaren e tij.

Bernardeski gjithahstu ka një problem muskulor dhe për qendrën e mesfushës për momentin trajner Alegri ka vetëm Matuidi dhe Bentakur. Sytë janë nga mjekët, që pas kontrolleve mjekësore do të përcaktojnë edhe kohën e rikuperimit të Kedirës.

Dëmtimi i mesfushorit, Kedira mëson kohën e rikuperimit

Sport Ekspres — Thu, 20 Sep 2018 14:31:16 +0000

Juventus arriti një fitore të rëndësishme me Valencian në Spanjë, duke e nisur mirë fazën e grupeve të Champions Ligës. Bardhezinjtë humbën shërbimet e Kristiano Ronaldo, i cili u ndëshkua me karton të kuq, por pak minuta përpara këtij episodi, Kedira u detyrua të linte lojën.

Sami Kedira pësoi një dëmtim gjatë ndeshjes së mbrëmshme me Valencian, që e detyroi t’i “hapte krahun” Emre Çanit. Mesfushori gjerman ka kryer kontrollet mjekësore dhe do të qëndrojë tre javë pushim.

Siç citon “Sky Sport”, Kedira, i cili sapo kishte rinivuar kontratën me Juventusin disa ditë më parë, ka pësuar një dëmtim në kofshën e majtë, që do e mbajë për tre javë jashtë fushave të blerta. Lojtari do të nisë fazën e rikuperimit me qëllimin për t’u rikthyer sa më shpejt nën urdhrat e Maks Alegrit.

Rinovim surprizë, Juventusi del me njoftim

Sport Ekspres — Wed, 12 Sep 2018 09:39:59 +0000

Juventusi, pasi nënshkroi një kontratë të re me Miralem Pjaniç, ka nxituar dhe ka nënshkruar me mesfushorin Sami Kedira, i cili ka rinovuar kontratën deri në vitin 2021. Për mesfushorin kishte disa oferta dhe në MLS po prisnin verën për ta mbuluar në miliona.

Gjithsesi te Juventusi Kedira shikohet një lojtar i rëndësishëm, ndaj edhe kishin nisur bisedimet për të nënshkruar kontratën e re. Tashmë ka ardhur edhe njoftimi nga kampionët e Italisë.

Juve e @SamiKhedira: la storia continua ?? Il centrocampista ?? ha rinnovato fino al 2??0??2??1?? ?https://t.co/4YqPLIITkK #ForzaJuve pic.twitter.com/SlXLL3d4nK

— JuventusFC (@juventusfc) September 12, 2018

Kedira iu bashkua Juventusit në verën e vitit 2015, pasi doli lojtar i lirë prej Realit të Madririt. Mesfushori 31-vjeçar ishte blerë nga spanjollët për 14 milionë euro nga Shtutgarti dhe në La Liga luajti për pesë sezone.

Verë e “tmerrshme” me Gjermaninë, tani Kedira i gëzohet… CR7-ës

Sport Ekspres — Thu, 16 Aug 2018 16:17:49 +0000

Sami Kedira është gati për nisjen e kampionatit, ku të shtunën, Juventus udhëton në Verona për t’u përballur me Kievon. Mesfushori ndihet gati për sezonin e ri dhe është i lumtur që do të rikthehet të luajë në një ekip me Ronaldon (u aktivizun bashkë për 5 vite tek Reali i Madridit). 31 vjeçari i rikthehet Botërorit të Rusisë dhe tregohet i sinqertë në fjalët që ka shkruar në “Insta”.

“Më në fund nisim sezonin të shtunën. Kam pritshmëri të mëdha për sezonin e ri dhe ndjesi të mira për skuadrën tonë. Është fantastike të luaj përsëri me Kristianon mbas periudhës së Realit.

Mbas një sezoni të mirë me Juven, vera ishte një nga periudhat më të vështira në karrierën time. Në Botëror zhvillova disa nga ndeshjet më të këqija në karrierë dhe kritikat kundrejt meje dhe kombëtares janë të justifikuara.

E ardhmja me kombëtaren? Nëse do të ketë lojtarë më të mirë do ta pranoj diçka të tillë, ndërsa nëse grumbullohem përsëri, do të vazhdoj të luaj me krenari dhe gëzim për të kontribuar në suksesin sportiv të Gjermanisë”, përfundon mesfushori i bardhezinjve.