Salzburg

VIDEO | E pabesueshme, Pedro realizon golin e vitit

Sport Ekspres — Wed, 31 Jul 2019 20:43:02 +0000

Pedrito është gjithmonë i njëjti. I mbushur me klas e plot kreativitet si te Barcelona një herë e një kohë. Spanjolli ka shënuar një gol ta jashtëzakonshëm në miqësoren që Çelsi zhvilloi ndaj Salzburgut. Ros Barklej nisi një krosim të ëmbël në gjysëm lartësi me Pedron, që ben një prekje të artë me takë nga mbrapa për ta lënë portierin në vend.

Ndërkohë Çelsi arriti të triumfonte me rezultatin 3-5. Spikasin dy golat e të sapoardhurit Kristian Pulisiç, që duket se është “karikuar” mirë për të zëvendësuar Hazard këtë sezon. Ndeshje e dominuar nga skuadra e Lampard, që nuk e vuri në asnjë moment në diskutim fitoren. Dy gola të kundërshtarëve u shënuan në gjashtë minutat e fundit.

Miqësore

Salzburg-Çelsi 3-5

Pulisiç ’20, ’28, Barklej 23(p), Pedro ’57, Batshuai ‘88\ Onguene ’50, Takumi Minamino ’86(p), ‘90+2

VIDEO | Kualifikohen Çelsi dhe Napoli, dramë në Rusi!

Sport Ekspres — Thu, 14 Mar 2019 19:53:42 +0000

Çelsi, Napoli dhe Valencia janë tre ekipet e para çerekfinaliste të Ligës së Europës. Dy të parat kishin siguruar kualifikimin që në ndeshjen e parë pas fitoreve 3-0, ndërsa sot e vulosën diçka të tillë.

Më shumë probleme pati Valencia. Ekipi spanjoll siguroi një barazim në Rusi përballë Krasnodarit dhe avancoi më tej për shkak të fitores 2-1 në ndeshjen e parë.

Çelsi nuk u përmbajt në Ki90+3’përballë Dinamos vendase. Ekipi i Sarrit fitoi me rezultatin 5-0, duke u kualifikuar më tej me rezultatin e përgjithshëm 8-0. Oliver Zhiru ishte “heroi” i ndeshjes me një trigolësh të shënuar, ndërsa Markos Alonso e Hudson Odoi ishin autorët e dy golave të tjerë.

Napoli u mposht në Austri, edhe pse kaloi i pari në avantazh. Milik kaloi italianët në avantazh në minutën e 14-të, ndërsa Salcburgu barazoi me anë të Daburit në pjesën e parë.

Vendasit shënuan golin e dytë me anë norvegjezit Gulbrandsen në mesin e pjesës së dytë, ndërsa Salcburgu shënoi dhe golin e tretë në shtesa. Në fund festuan djemtë e Ançelotit që u kualifikuan, pasi kishin fituar ndesnhjen e parë me rezultatin 3-0. Elseid Hysaj zbriti në fushë si titullar dhe zhvilloi të plotë ndeshjen.

Dramë në Rusi. Krasnodari kishte humbur kundër Valencias në Spanjë me rezultatin 2-1. Rusët nuk arritën të çanin mbrojtjen e ekipit të Marselinjos, deri pesë minuta nga fundi. Sulejmanov, i ardhur nga stoli, kaloi vendasit në avantazh me anë të një eurogoli dhe në stadiumi nisi festa. Megjithatë, spanjollët nuk u dorëzuan. Portugezi Guedes shënoi në aksionin e fundit dhe i dhuroi një kualifikim emocionues Valencias.

Dinamo Kiev-Çelsi 0-5
(Zhiru 5′, 33′, 59′, Alonso 45+1′, Hudon Odoi 78′)

Krasnodar-Valencia 1-1
(Sulejmanov 85′ / Guedes 90+3′)

Salcburg-Napoli 3-1
(Dabur 25′, Gulbrandsen 65′, Leitgeb 90+2′ / Milik 14′)

Ançeloti komenton shortin: Salcburgu skuadër e madhe, kanë fituar çdo ndeshje

Sport Ekspres — Fri, 22 Feb 2019 17:16:36 +0000

Shorti i goglave në Nion të Zvicrës rezervoi një kundërshtar të vështirë në letër për Napolin e Karlo Ançelotit. Austriakët e Red Bull Salcburg, janë kundërshtarët e ardhshëm të napolitanëve. Diferencat në buxhetet e të dyja skuadrave është shumë e madhe, por në vitet e fundit Salcburg ka treguar se mund të surprizojë ekipe shumë më të mëdha, siç bërëi vitin e kaluar teksa eliminoi Borusian e Dortmundit dhe më pas Lacion.

Trajneri i Napolit, Karlo Ançeloti, në një prononcim për faqen zyrtare të klubit dha një koment për shortin, ku vlerësoi forcën dhe eksperiencën e kundërshtarit.

“Salcburgu është një klub i madh që ka eksperiencë në të tilla nivele. Mjafton të kujtojmë se disa muaj më parë ishin një ndër gjysmëfinalistët e këtij kompeticioni, ndërsa këtë edicion kanë arritur gjashtë fitore në po aq ndeshje. Na presin dy takime të bukura”, u shpreh trajneri i Napolit.

Takimet e vlefshme për turin e 1/16-ve të Europa League do të zhvillohen më datë 7 mars në Napoli dhe ndeshje e kthimi një javë më vonë më datë 14.

Dabur “snobon” Liverpulin, kalon në Spanjë për 20 milionë euro

Sport Ekspres — Wed, 16 Jan 2019 13:30:43 +0000

Munas Dabur është një ndër lojtarët më të kërkuar merkato e janarit, me izraelitin që ka spikatur me paraqitjet e tij me fanellën e Salcburgut. Sulmuesi, është aktualisht golashënuesi më i mirë në Europa League, me gjashtë gola pas mbylljes së fazës së grupeve.

26-vjeçari u përfol për një kalim të mundshëm te Liverpuli, ku mediat angleze e bënë thuajse të kryer kalimin e tij në “Anfield” pak ditë më parë. Gjithsesi, ditën e sotme nga Spanja raportohet se ekipi i Sevijas ka arritur marrëveshjen me Salcburgun për 20 milionë euro dhe pritet që Dabur të kryejë vizitat mjekësore.

Kështu, andaluzianët bëjnë një goditje të madhe në sulm, teksa kanë dhe alternativa të tjera si Andre Silva apo Ben Jeder. Munas Dabur aktivizohet që nga viti 2016 në Austri me Salcburgut, të cilët e blenë nga Grasshoperi për shumën e 3.5 milionë eurove.

“Komploti” i Red Bullit prishet nga një gjigant norvegjez, festë në Skoci!

Sport Ekspres — Thu, 13 Dec 2018 22:17:45 +0000

Që kur u hodh shorti i grupeve në Europa League dhe Red Bull Salcburg u vendos në një grup me RB Lajpcig, të gjithë hapën sytë: dy klube me të njëjtin pronar, Red Bull, në një grup?

Çfarë problemi ka, tha Uefa, do jetë Fair-Play, sepse në dokumente nuk rezulton Red Bulli pronar. Humor aspak sportiv, dihet realiteti nga të gjithë.

Ashtu si parashikohej, Salcburg e Lajpcig ishin në garë deri në fund për kalimin e grupit dhe Salcburgu jo vetëm që e fitoi grupin, por shkoi sot dhe fitoi në Skoci, 2-1, duke i bërë një nder të madh Lajpcigut.

Gjermanët, nga ana e vet, prisnin Rozenborgun e eliminuar dhe ishte e qartë që ishin favoritë të mëdhenj, thjesht u duhej një nder nga vëllezërit e pijes.

Nderi erdhi, por ashtu si PSV ndaj Interit, edhe Rozenborgu dha një leksion ndershmërie, duke barazuar ndaj Lajpcigut 1-1 në minutën e 88-të, me Reginiussen, i cili u bë hero. Hero i Seltikut, natyrisht, por pse jo edhe i Rozenborgut, sepse barazimi vlen disa mijëra euro dhe dalin e teprojnë për birra, uiski e… Red Bull!

UEFA bën Red Bullin me krahë, Lajpcig e Salcburg në Champions League

Sport Ekspres — Tue, 20 Jun 2017 17:46:01 +0000

Para pak muajsh doli në dritë një problem që në fakt ishte trajtuar jo pak në mediat gjermane: po sikur RB Lajpcigu të shkonte në Champions League? Aty do shkonte edhe Red Bull Salcburg, por a lejohen dy klube me pronar të njëjtë?

UEFA nuk u shqetësua, ndoshta duke mos e pritur fluturimin e klubit gjerman, që tashmë është në Champions, ashtu si Salcburgu.

Sipas rregullores, Lajpcigu duhej të përjashtohej, duke pasur prioritet klubi kampion.

Megjithatë, kompania e njohur e pijeve enegjitke Red Bull gjithnjë ka deklaruar se është në rolin e sponsorit dhe strukturat e klubeve janë të pavarura.

Tani UEFA ka vendosur: të dy klubet pranohen në Champions League, pasi arsyetimi i Red Bullit qëndron.

Megjithatë, të gjithë e dinë që pronari mbetet i njëjti, ndaj do ishte interesante nëse këto dy klube do përballen në Champions. Nëse vendosen në një grup, a nuk do krijonte aludime nëse njëra skuadër i humbiste të dyja përballjet direkte?