saliba

Goditja e radhës, një “gjigant” francez i bashkohet Arsenalit

Sport Ekspres — Thu, 25 Jul 2019 16:14:04 +0000

Arsenali ia ka dalë të fitojë duelin e merkatos me “fqinjët” e Totenhem duke siguruar firmën e talentit francez Uilliam Saliba. Blerja e futbollistit 18-vjeçar nga Sent-Etien është zyrtarizuar nga klubi londinez nëpërmjet rrjeteve sociale.

William will spend a season back on loan at @ASSEofficiel before joining our squad next summer.

?? #SalibaSigns

— Arsenal (@Arsenal) July 25, 2019

Kartoni i Saliba ka kushtuar 27 milionë paundë. Krahas shumës marramendëse Sent-Etien përfiton shërbimet e lojtarit në formë huazimi për sezonin e ardhshëm. Saliba debutoi në moshën 17-vjeccare me ekipin francez dhe iu deshën vetëm pak muaj që të tërhiqte vëmendjen e klubeve më të mëdha të Europës.

Francezi ka një gjatësi prej 193 centimetrash dhe luan më së shumti si qendërmbrojtës, por te Sent-Etien është aktivizuar në disa raste si mbrojtës i djathtë.

Befason Arsenali, katër blerje brenda një dite

Sport Ekspres — Thu, 25 Jul 2019 07:31:52 +0000

Arsenali është një nga skuadrat më aktive kur flitet për thashetheme merkatoje, pasi “Topçinjtë” janë të lidhur me shumë futbollistë në të gjitha kampionatet europiane. Por deri më tani, vetëm Gabriel Martineli (6 milionë sterlina), ka nënshkruar.

Edhe pse mendohej se gjithçka ka qenë vetëm zëra mediatikë, tashmë gjërat duken më konkrete. Dani Sebajos dhe Uilliam Saliba janë fotografuar në Londër dhe siç raportojnë portalet britanike, kanë nënshkruar për Arsenalin dhe do të kalojnë vizitat mjekësore.

Dy blerje brenda pak orësh është diçka shumë pozitive, por Arsenali duket se nuk do të ndalet këtu. Bardhekuqtë janë shumë pranë firmës dhe me dy futbollistë të tjerë. I pari është Uilfrid Zaha, ylli i Kristal Palas, i cili ka shprehur publikisht dëshirën për t’u transferuar në Londërs, ndërsa marrëveshja me mbrojtësin e Selltikut, Kieran Tierni, duket vetëm çështje orësh.

Totenhemi çmend Arsenalin, talenti francez ndërron destinacion

Sport Ekspres — Fri, 12 Jul 2019 13:24:18 +0000

Qendërmbrojtësit francez Uilliam Saliba i ka mjaftuar vetëm një gjysmë sezoni si profesionist për të tërhequr vëmendjen e klubeve më elitare të Europës. Lojtari i Sent-Etien është vetëm 18 vjeç dhe mbylli sezonin e kaluar duke marrë vlerësime për paraqitjet në qendër të mbrojtjes.

Klubi më i interesuar për 18-vjeçarin ishte Arsenali. Përfaqësuesit e “topçinve” negociuan për javë të tëra me skuadrën franceze, por këto biseda kanë rezultuar të kota, pasi së fundmi një ofertë e Totenhemit ndryshoi gjithçka.

Skuadra londineze ka ofruar 30 milionë euro në një këst të vetëm. Sipas medies franceze “RMC”, kjo ofertë është pranuar menjëherë nga Sent-Etien dhe ditën e nesërme do të nënshkruhet kontrata e transferimit.

Saliba u aktivizua në 16 ndeshje të kampionatit francez, ku më së shumti luajti në qendër të mbrojtjes. Sezoni që lamë pas ka qenë fantastik për futbollistin shtatlartë, i cili nga një i panjohur u kthye në një lojtar stabël të skuadrës së Sent-Etien dhe të grupmoshave të Francës, ku nuk ishte ftuar asnjëherë më parë të shkuarën.

Kur Adidas nuk të lejon të blesh lojtarë…

Sport Ekspres — Tue, 25 Jun 2019 16:06:57 +0000

Sot, në botën e futbollit, kompanitë e veshjeve sportive kanë një rol kryesor. Jo vetëm që furnizojnë skuadrat me uniforma të reja çdo sezon, por sigurojnë dhe kontrata faraonike dhe përfitime të çmendura. Kompani si “Nike”, “Adidas”, “Puma”, “UnderArmour” e shumë të tjera, janë ndër më të pasurat në botë.

Këtë sezon, kompania Adidas ka nënshkruar një kontratë me Arsenalin me vlerë 60 milionë euro, në mënyrë që “Topçinjtë” të veshin fanellat e dizejnuara nga kjo kompani dhe të ndërpresin bashkëpunimin me kompaninë Puma. Kontrata është nënshkruar dhe futet në fuqi me datë 1 korrik.

Është pikërisht kompania Adidas që nuk lejon Arsenalin të prezantojë dy blerjet e reja, sipas mediave britanike. Sulmuesi i talentuar brazilian, Gabriel Martineli (6 milionë sterlina) dhe mbrojtësi i St. Etien, Uilliam Saliba (30 milionë sterlina), kanë nënshkruar me “Topçinjtë” e Londrës, por prezantimi i tyre do të bëhet vetëm pas datës 1 korrik.

Ky është kushti që i ka vendosur kompania Adidas skuadrës së Arsenalit, pasi çdo lojtar i ri duhet të prezantohet me uniformën Adidas e jo atë Puma. Në futboll, transferimet nuk janë aq të lehta sa duken…

Arsenali nuk e harron “vesin” e Venger, gati goditja e radhës

Sport Ekspres — Mon, 17 Jun 2019 15:25:44 +0000

Arsenali ka qenë ekipi i parë anglezi që fillojë të transferojë masivisht lojtarë nga kampionati francez. Gjithçka filloi me Arsenal Venger, i cili kur u vu në krye të “topçinjve” afroi në ekip Tieri Henri, Nikolas Anelka dhe Silven Uiltord.

Për më shumë se dy dekada Arsenali vazhdoi të jetë ekipi i preferuar i francezëve në Angli. Edhe pse Venger është larguar, kjo strategji vazhdon të jetë pjesë e filozofisë së klubit londinez.

Francezi më i fundit që do t’i bashkohet “topçinjve” është mbrojtësi i Sent Etien Uilliam Saliba. Futbollisti 18-vjeçar ka rënë dakord për të vazhduar karrierën në Angli ku e pret një kontratë 5-vjeçare. Sent-Etien ende nuk ka dhënë “Ok” për lëvizjen, por mediet franceze janë të sigurt se akordi është vetëm çështje ditësh.